John 3:34 in Ixil 34 Kat ichaj tzan u Tiixheꞌ u Jesúseꞌ. As tul uvaꞌ niyolon u Jesús, as an chit u Tiixheꞌ niyoloneꞌ. Tan ayaꞌl chit ikꞌuꞌl u Tiixheꞌ kat taqꞌ Aak viTiixhla Espíritu te u Jesús.
Other Translations King James Version (KJV) For he whom God hath sent speaketh the words of God: for God giveth not the Spirit by measure unto him.
American Standard Version (ASV) For he whom God hath sent speaketh the words of God: for he giveth not the Spirit by measure.
Bible in Basic English (BBE) For he whom God has sent says God's words; and God does not give him the Spirit by measure.
Darby English Bible (DBY) for he whom God has sent speaks the words of God, for God gives not the Spirit by measure.
World English Bible (WEB) For he whom God has sent speaks the words of God; for God gives the Spirit without measure.
Young's Literal Translation (YLT) for he whom God sent, the sayings of God he speaketh; for not by measure doth God give the Spirit;
Cross Reference Matthew 12:18 in Ixil 18 Il umaꞌl vunkꞌam ilaꞌ at sexoꞌl uvaꞌ txaael bꞌen svaꞌn, uvaꞌ xoꞌn chit sve. As tuk voksa vunTiixhla Espíritu stiꞌ, tan nitxuqꞌtxun veꞌt vaama stiꞌ. As aꞌeꞌ la alon unqꞌa jikla yoleꞌ xoꞌl unqꞌa tenameꞌ uvaꞌ jit tiaal Israel.
Luke 4:18 in Ixil 18 Aꞌ viTiixhla Espíritu u Kubꞌaaleꞌ ni lochon in tiꞌ unbꞌanataꞌ kam uvaꞌ ni tal Aak sviꞌ. As txaael veꞌt in taꞌn Aak tiꞌ valat unqꞌa bꞌaꞌnla yoleꞌ xoꞌl unqꞌa meebꞌaꞌeꞌ. As kat ichaj veꞌt tzan in Aak tiꞌ ilochax unqꞌa uxhchileꞌ uvaꞌ kꞌaxbꞌinal u taanxelaleꞌ taꞌn u paaveꞌ, as tiꞌ valat unqꞌa yoleꞌ tiꞌ ichajpul veꞌt unqꞌa uxhchileꞌ uveꞌ kꞌalel taꞌn u paaveꞌ, as la ilon veꞌt unqꞌa tzoteꞌ, as tiꞌ unqꞌalput unqꞌa tenameꞌ uveꞌ bꞌuchel kuxhtuꞌ taꞌn vipaaveꞌ,
John 1:16 in Ixil 16 As yeꞌ niyaꞌ u Tiixheꞌ tiꞌ taqꞌat vibꞌaꞌnileꞌ sqe, tan nim chit vibꞌaꞌnil Aakeꞌ sqiꞌ,
John 3:17 in Ixil 17 As yeꞌ kat ichaj tzan u Tiixheꞌ viKꞌaoleꞌ vatz u txꞌavaꞌeꞌ tiꞌ uvaꞌ la taqꞌ bꞌen Aak unqꞌa tenameꞌ tu u kꞌaxkꞌoeꞌ. Pet kat ichaj tzan Aak viKꞌaoleꞌ tiꞌ iqꞌalpul unqꞌa tenameꞌ vatz vipaaveꞌ.
John 5:26 in Ixil 26 tan echeꞌ taꞌ vunBꞌaaleꞌ tan at itiichajil Aak sijunal. As echat chit in, tan kat taqꞌ Aak sve uvaꞌ at untiichajil sunjunal, tan in viKꞌaol Aakeꞌ.
John 7:16 in Ixil 16 As ech tal veꞌt u Jesús ileꞌ: —Unqꞌa yoleꞌ uveꞌ nunchus sexoꞌl as jit ineꞌ ni alon. Pet aꞌ u chajol vetzeꞌ ni alon.
John 7:37 in Ixil 37 As timoxtebꞌal u nimla qꞌiieꞌ as aꞌ u qꞌiieꞌ uveꞌ nim talcheꞌ tu u nimla qꞌiieꞌ. As txakpu veꞌt u Jesús vatz unqꞌa tenameꞌ. As taqꞌ veꞌt jeꞌ Aak tuul iviꞌ. Ech tal Aak ileꞌ: —Abꞌiste ex nitzaj etziꞌ as etoksataj etibꞌ sunkꞌatz. As ukꞌaꞌoj ex sunkꞌatz,
John 8:26 in Ixil 26 As nimatel unqꞌa yoleꞌ la val sete tul la unbꞌan esuuchil. As atoj sekꞌuꞌl uvaꞌ jik chit itxumbꞌal u chajol vetzeꞌ. As kam chit unqꞌa yoleꞌ uveꞌ kat tal Aak sve as aꞌeꞌ ni val sete. As ni val te unqꞌa tenameꞌ vatz u txꞌavaꞌeꞌ unpajte,— tiꞌk Aak.
John 8:40 in Ixil 40 Pet ech koj ex tan netal veꞌt unyatzꞌpeꞌ tiꞌ uvaꞌ kat val isuuchil u jikla yoleꞌ sete uvaꞌ kat tal u Tiixheꞌ sve. As ech koj kat ibꞌan u Abraham echeꞌ uveꞌ nebꞌaneꞌ,
John 8:47 in Ixil 47 Tan abꞌil uvaꞌ aꞌ u Tiixheꞌ vibꞌaaleꞌ, as ayaꞌl chit ikꞌuꞌl nisaꞌ inimat viyol u Tiixheꞌ. Pet ech koj ex, tan jit u Tiixheꞌ vebꞌaaleꞌ. Estiꞌeꞌ yeꞌ nesaꞌ enimat viyol u Tiixheꞌ,— tiꞌk u Jesús.
John 15:26 in Ixil 26 Pet la unchaj tzan u lochol etetzeꞌ. As aꞌeꞌ u Tiixhla Espíritu uvaꞌ atoꞌk kꞌatz vunBꞌaaleꞌ. As tul la uli, as la tal isuuchil u yoleꞌ sete sviꞌ.
John 16:7 in Ixil 7 Pet jik chit tuk val sete, tan aal bꞌaꞌneꞌ la ibꞌan sete uvaꞌ la bꞌen in, tan asoj yeꞌ la bꞌen in, as echeꞌ la koj ul u lochol etetzeꞌ. Pet la bꞌen in. As la unchaj tzan u lochol etetzeꞌ sekꞌatz.
Acts 10:38 in Ixil 38 As aꞌeꞌ u yoleꞌ tiꞌ u Jesús uvaꞌ aa Nazaret uvaꞌ kat taqꞌ veꞌt u Tiixheꞌ tijleꞌm taꞌn u Tiixhla Espíritu. As ootzimaleꞌ setaꞌn uvaꞌ katil nikat ipalkat u Jesús, as nikat ibꞌan u bꞌaꞌneꞌ. As nik ibꞌaꞌnxisa Aak unqꞌa uxhchileꞌ uveꞌ nik palebꞌen unqꞌa kꞌaxkꞌoeꞌ taꞌn unqꞌa subꞌuleꞌ, tan atik u Tiixheꞌ kꞌatz Aak.
Romans 8:2 in Ixil 2 tan aꞌ vitzaqꞌit u Tiixhla Espíritu uveꞌ ni aqꞌon u kutiichajileꞌ kꞌatz u Tiixheꞌ tiꞌ toksat ok oꞌ Aak kꞌatz u Jesucristo, as aꞌeꞌ kat qꞌalpun oꞌ vatz unqꞌa vaꞌlexhla txumbꞌaleꞌ uvaꞌ laik eqꞌon oꞌ tu u kamchileꞌ.
Ephesians 3:8 in Ixil 8 As ni vitzꞌa uvaꞌ nim talchu unqꞌa qitzꞌin qatzikeꞌ sviꞌ uvaꞌ niman tetz u Jesucristoeꞌ. As ibꞌaꞌnil kuxh u Tiixheꞌ, as kat taqꞌ Aak vijleꞌm tiꞌ unpaxsat u bꞌaꞌnla yoleꞌ sexoꞌl, kꞌuxh yeꞌ ni qolebꞌeꞌ tiꞌ qootzit unqꞌa nimla bꞌaꞌnileꞌ skajayil uvaꞌ at tzan sqiꞌ taꞌn Aak.
Ephesians 4:7 in Ixil 7 As ibꞌaꞌnil kuxh u Jesucristo as kat taqꞌ Aak qijleꞌm skujununil kam uvaꞌ kat isaꞌ Aak taqꞌat sqe.
Colossians 1:19 in Ixil 19 Estiꞌeꞌ uvaꞌ bꞌaꞌn te u Tiixheꞌ uvaꞌ eqꞌomal vitxumbꞌal Aakeꞌ skajayil taꞌn u Jesúseꞌ.
Colossians 2:9 in Ixil 9 As an chit u Tiixheꞌ u Jesúseꞌ, as an chit u Jesúseꞌ u Tiixheꞌ. Vichiꞌol u Jesúseꞌ as ichiꞌol umaj naj, as jankꞌal chit u tijleꞌm u Tiixheꞌ as eqꞌomal chiteꞌ taꞌn u Jesúseꞌ.
Revelation 21:6 in Ixil 6 As ech tal veꞌt umaꞌt u yol ileꞌ sve: —Kat bꞌaꞌnxiy veꞌt unqꞌa veeꞌ skajayil. Tan ineꞌ vixeꞌtebꞌaleꞌ; as ineꞌ vimoxtebꞌaleꞌ. As abꞌil uvaꞌ nitzaj itziꞌ, as uloj ukꞌaꞌoj siinxeꞌ, tan oy kuxh vaqꞌat u aꞌeꞌ ste uvaꞌ ni aqꞌon itiichajil.
Revelation 22:1 in Ixil 1 As kat ikꞌuch u ángel umaꞌl u nimla aꞌ sve uvaꞌ nik tel chꞌuꞌl tu u nimla xonlebꞌaleꞌ uvaꞌ xonleꞌlkat u Tiixheꞌ tukꞌ u Kaneeroꞌeꞌ. As ech tilon veꞌt u aꞌeꞌ echeꞌ ilonbꞌal, tan vaꞌl chit ichaꞌxal. As aꞌeꞌ ni aqꞌon u tiichajileꞌ.
Revelation 22:16 in Ixil 16 As ech ni tal u Jesús ileꞌ: —Ineꞌ u Jesús uvaꞌ kat chajon u ángel uvaꞌ vetz tiꞌ talat isuuchil unqꞌa yoleꞌ sete, ex uvaꞌ niman vetz tulaj unqꞌa tenameꞌ. As ineꞌ in iBꞌaal u David; as ineꞌ in tiaal unpajte. As ech ineꞌ echeꞌ u nimla txꞌumileꞌ uvaꞌ aaQꞌanaꞌl,— tiꞌk u Jesús.