John 3:21 in Ixil 21 Pet ech koj unqꞌa uxhchileꞌ uveꞌ ni bꞌanon u jikeꞌ, tan nijetzꞌen ok kꞌatz u txijun tetz u taanxelaleꞌ, aqꞌal uvaꞌ la tootzi unqꞌa tenameꞌ uvaꞌ aꞌ u Tiixheꞌ aqꞌol tetz vitxumbꞌaleꞌ tiꞌ ibꞌanat u bꞌaꞌneꞌ.
Other Translations King James Version (KJV) But he that doeth truth cometh to the light, that his deeds may be made manifest, that they are wrought in God.
American Standard Version (ASV) But he that doeth the truth cometh to the light, that his works may be made manifest, that they have been wrought in God.
Bible in Basic English (BBE) But he whose life is true comes to the light, so that it may be clearly seen that his acts have been done by the help of God.
Darby English Bible (DBY) but he that practises the truth comes to the light, that his works may be manifested that they have been wrought in God.
World English Bible (WEB) But he who does the truth comes to the light, that his works may be revealed, that they have been done in God."
Young's Literal Translation (YLT) but he who is doing the truth doth come to the light, that his works may be manifested, that in God they are having been wrought.'
Cross Reference John 1:47 in Ixil 47 As tul til veꞌt u Jesús toon u Natanael skꞌatz, as ech tal veꞌt Aak ileꞌ tiꞌ naj: —Il umaꞌl u tiaal Israel ileꞌ uvaꞌ jik chit itxumbꞌal, tan yeꞌl yol nichuli naj,— tiꞌk u Jesús.
John 5:39 in Ixil 39 As tul bꞌenameen chit nechus etibꞌ tiꞌ viyol Aakeꞌ uvaꞌ tzꞌibꞌamal kan, tan aꞌ netaleꞌ uvaꞌ at itiichajil uvaꞌ yeꞌl iyaꞌtebꞌal, tan tiꞌ uvaꞌ chusel etibꞌ. As tul aꞌeꞌ ni alon isuuchil u vijleꞌmeꞌ.
John 15:4 in Ixil 4 As tuk chit voksa vaama setiꞌ tiꞌ chit ibꞌeneꞌ. Echabꞌataj etoksat etaama sviꞌ tiꞌ chit ibꞌeneꞌ tiꞌ uvaꞌ yeꞌ la ebꞌaneꞌ echeꞌ umaj iqꞌabꞌ u uuvaeꞌ uvaꞌ yeꞌ atoꞌk tiꞌ u tojeꞌ, tan yeꞌ la uch taqꞌat ivatz sijunal. As echat ex, tan asoj yeꞌ la etoksa etaama sviꞌ, as yeꞌxhkam la etxꞌol ebꞌanat sejunal.
Acts 17:11 in Ixil 11 As chꞌiꞌumalik chit itxumbꞌal unqꞌa tiaal Israel nik ibꞌan tzitziꞌ tiꞌ unqꞌa uxhchileꞌ uveꞌ tu u Tesalónica, tan ayaꞌlik chit ikꞌuꞌl kat ikꞌul viyol u Tiixheꞌ. As jun qꞌii nikat ichus viyol u Tiixheꞌ tiꞌ uvaꞌ ma an chit u yoleꞌ uvaꞌ nik tal u Pablo ste, tukꞌ u Silas.
1 Corinthians 15:10 in Ixil 10 Pet ibꞌaꞌnil kuxh u Tiixheꞌ uvaꞌ in veꞌt apóstol cheel. As yeꞌle uvaꞌ yeꞌ koj kat txakon vibꞌaꞌnil Aakeꞌ sviꞌ, tan nunyaꞌlu vibꞌ tiꞌ talax viyol Aakeꞌ. As nimal veꞌt kat unbꞌana tiꞌ kaꞌt unqꞌa apóstol. Pet jit tukꞌ vuntxumbꞌaleꞌ kat unbꞌankat. Pet tukꞌ vibꞌaꞌnil u Tiixheꞌ uveꞌ ni taqꞌ sve.
2 Corinthians 1:12 in Ixil 12 As nu kutxuqꞌtxuneꞌ, tan ootzimal sqaꞌn uvaꞌ yeꞌl umaj vaꞌlexh kat kubꞌan tiꞌ unqꞌa tenameꞌ, katil uvaꞌ kat palkat oꞌ. As echat kat kubꞌana tul kat pal oꞌ sexoꞌl, tan jik chit kutxumbꞌal kat kubꞌana, tan Tiixh kat aqꞌon u kutxumbꞌaleꞌ. As jit tukꞌ unqꞌa vatz txꞌavaꞌilla txumbꞌaleꞌ kat kubꞌankat unqꞌa jikla txumbꞌaleꞌ sexoꞌl. Pet tukꞌ vibꞌaꞌnil u Tiixheꞌ kat kubꞌankat.
Galatians 5:22 in Ixil 22 Pet ech koj uveꞌ nisaꞌ u Tiixhla Espíritueꞌ tan aꞌ nisaꞌ u xoꞌniibꞌeꞌ, u chiibꞌichileꞌ, as nisaꞌ uvaꞌ bꞌan tatin uxhchileꞌ svatzaj, as jit oora la ul iviꞌ bꞌaꞌnla aama, bꞌanol bꞌanil, kꞌujlebꞌal kꞌuꞌl,
Galatians 6:8 in Ixil 8 As abꞌil uvaꞌ aꞌ kuxh u tachaꞌv vichiꞌoleꞌ nibꞌaneꞌ, as aꞌ u tachaꞌv vichiꞌoleꞌ la eqꞌon tu u vaꞌlexheꞌ. Pet ech koj u uxhchileꞌ uvaꞌ ni bꞌanon kam uvaꞌ ni tal u Tiixhla Espíritu, as at veꞌt itiichajil kꞌatz u Tiixheꞌ taꞌn u Tiixhla Espíritu.
Ephesians 5:9 in Ixil 9 As jankꞌal oꞌ uvaꞌ ech u kutxumbꞌaleꞌ echeꞌ u uxhchileꞌ uvaꞌ nixaan vatz u sajeꞌ, as oꞌ sula aama la ibꞌaneꞌ, tan aꞌ u jikla txumbꞌaleꞌ la kubꞌaneꞌ.
Philippians 1:11 in Ixil 11 As la toksa veꞌt unqꞌa tenameꞌ iqꞌii u Tiixheꞌ setaꞌn, tan tiꞌ uvaꞌ jik chit vetxumbꞌaleꞌ nebꞌan sevatzaj taꞌn vibꞌaꞌnil u Jesucristo.
Philippians 2:13 in Ixil 13 tan Aakeꞌ ni oksan xeꞌ etaama uvaꞌ la esaꞌ ebꞌanat u bꞌaꞌneꞌ. As Aakeꞌ la lochon ex tiꞌ ebꞌanataꞌ unpajte, aqꞌal uvaꞌ la ebꞌaneꞌ kam uvaꞌ nisaꞌ Aak setiꞌ.
Colossians 1:29 in Ixil 29 As estiꞌeꞌ ni vaqꞌonveꞌ. As u Jesucristo ni yakꞌinsan in tiꞌ vaqꞌat yakꞌil tiꞌ unpaxsat u bꞌaꞌnla yoleꞌ.
Hebrews 13:21 in Ixil 21 As tiꞌ vikajal u Jesúseꞌ la taqꞌ kat u Tiixheꞌ etxumbꞌal tiꞌ ebꞌanat u bꞌaꞌneꞌ uvaꞌ nisaꞌ Aak. As ibꞌaꞌnil kuxh Aak as nebꞌaneꞌ kam uvaꞌ nisaꞌ Aak. Estiꞌeꞌ la qoksa veꞌt iqꞌii u Jesucristoeꞌ. An chiteꞌ.
1 Peter 1:22 in Ixil 22 As josqꞌimal veꞌt vetaanxelaleꞌ tiꞌ enimat u jikla yoleꞌ tiꞌ u Tiixheꞌ. As nexoꞌni veꞌt etibꞌ sevatzaj. As la val sete uvaꞌ ayaꞌloj chit ekꞌuꞌl tiꞌ exoꞌnit etibꞌ sevatzaj,
2 Peter 1:5 in Ixil 5 As nimla bꞌaꞌnil kat ibꞌan u Tiixheꞌ sqe. Estiꞌeꞌ ni val sete, kat ekꞌujbꞌaꞌ ekꞌuꞌl tiꞌ Aak. As jit kuxh taꞌneꞌ la ebꞌaneꞌ. Pet la etaqꞌ yakꞌil tiꞌ ebꞌanat u bꞌaꞌneꞌ bꞌenameen. As jit kuxh taꞌneꞌ la ebꞌaneꞌ. Pet atoj chit etxumbꞌal tukꞌ unqꞌa emooleꞌ.
1 John 1:6 in Ixil 6 Estiꞌeꞌ uvaꞌ oꞌ kuxh chulin yol, asoj ni qaleꞌ uvaꞌ unvatzul veꞌt oꞌ tukꞌ Aak as tul nitel kuxh kubꞌan u vaꞌlexheꞌ echeꞌ umaj uxhchil uvaꞌ ni xaan tu qꞌej tokto. As yeꞌl u jikla yoleꞌ nu kunima.
1 John 2:27 in Ixil 27 As yeꞌxhebꞌil la eesan ex tu bꞌey, tan at veꞌt ok u Tiixhla Espíritu tu vetaanxelaleꞌ taꞌn u Jesúseꞌ. As estiꞌeꞌ uvaꞌ jit tzꞌajinal la chuspu veꞌt ex taꞌn umaꞌtoj uxhchil uvaꞌ vaꞌlen nichuseꞌ, tan aꞌ u Tiixhla Espíritueꞌ ni chusun oꞌ tiꞌ unqꞌa veeꞌ skajayil. As aꞌ u jikla yoleꞌ nichus u Tiixhla Espíritueꞌ sqe. As yeꞌl oꞌ ni teesa oꞌ tu bꞌey. Estiꞌeꞌ uvaꞌ la qoksa qaama tiꞌ u Jesúseꞌ, echeꞌ uvaꞌ nichus u Tiixhla Espíritueꞌ sqe.
1 John 4:12 in Ixil 12 As yeꞌxhebꞌil kat ilon u Tiixheꞌ. Pet tul nu kuxoꞌni qibꞌ sukuvatzaj, as aꞌ texhlal tetzeꞌ uvaꞌ at veꞌt ok u Tiixheꞌ tu u qaanxelaleꞌ. As tiꞌ u bꞌaꞌneꞌ uvaꞌ nu kubꞌaneꞌ tukꞌ vibꞌaꞌnil Aakeꞌ, as nikꞌucheꞌ uvaꞌ xoꞌn chit unqꞌa tenameꞌ te Aak.
1 John 4:15 in Ixil 15 As abꞌil uvaꞌ la niman uvaꞌ iKꞌaol u Tiixheꞌ u Jesús, as aꞌeꞌ uvaꞌ at veꞌt ok u Tiixheꞌ tu u taanxelaleꞌ; as at veꞌt ok kꞌatz Aak unpajte.
3 John 1:11 in Ixil 11 Axh vitzꞌin vatzik uvaꞌ Gayo, as xoꞌn chit axh sve. Estiꞌeꞌ ni val see, abꞌanak u vaꞌlexheꞌ echeꞌ uveꞌ nibꞌan unqꞌa uxhchileꞌ. Pet aꞌ u bꞌaꞌneꞌ la abꞌaneꞌ, tan abꞌil uvaꞌ ni bꞌanon u bꞌaꞌneꞌ, as aꞌ uxhchileꞌ ni niman u Tiixheꞌ. Pet u uxhchileꞌ uvaꞌ ni bꞌanon u vaꞌlexheꞌ, as aꞌeꞌ yeꞌ ni nima uvaꞌ ni tal u Tiixheꞌ.
Revelation 3:1 in Ixil 1 As aꞌ unqꞌa yol ilaꞌ uvaꞌ latzꞌibꞌa bꞌen te u alol tetz vunyoleꞌ xoꞌl unqꞌa niman vetzeꞌ tu u Sardis. As ech la aal ileꞌ: «U Jesús uvaꞌ at vujvaꞌl u Tiixhla Espíritu u Kubꞌaal Tiixheꞌ skꞌatz as uvaꞌ at vujvaꞌt unqꞌa txꞌumileꞌ tisebꞌal iqꞌabꞌ, as ech ni tal Aak ileꞌ see: –Ootzimal svaꞌn kam uvaꞌ nabꞌaneꞌ. As kꞌuxh ni talpu seeꞌ uvaꞌ isleꞌl axh, as ni vileꞌ uvaꞌ kamnajlu veꞌt axh.
Revelation 3:15 in Ixil 15 –Ootzimal svaꞌn kam uvaꞌ nabꞌaneꞌ, tan yeꞌl axh uvaꞌ cheꞌv koj axh. As mitaꞌn tzꞌaꞌ koj axh. ¡Pet aal bꞌaꞌneꞌ uvaꞌ cheꞌv axh, as moj tzꞌaꞌ axh tiꞌ aatin sunkꞌatz!