Cross Reference John 20:21 in Ixil 21 As ech tal veꞌt Aak ileꞌ te chajnaj unpajte: —Aꞌ vibꞌaꞌnil u Tiixheꞌ la atin sexoꞌl. As tuk unchaj bꞌen ex tiꞌ talax vunyoleꞌ echeꞌ kat ibꞌan u Kubꞌaal Tiixheꞌ sve, tan kat ichaj tzan in Aak tiꞌ talax viyoleꞌ sexoꞌl,— tiꞌk u Jesús.
John 20:27 in Ixil 27 As ech tal veꞌt Aak ileꞌ te u Maxheꞌ: —Oksa u viꞌ aqꞌabꞌeꞌ tu uveꞌ kꞌaxbꞌinale. As oksa viꞌ aqꞌabꞌeꞌ tu u txala vuuleꞌ unpajte. As yeꞌ kuxh kaꞌkabꞌin aama. Pet kꞌujbꞌaꞌ akꞌuꞌl sviꞌ,— tiꞌk Aak.
Romans 1:6 in Ixil 6 As kat imolo ex u Tiixheꞌ unpajte, tiꞌ uvaꞌ ex veꞌt tetz u Jesucristo la ibꞌaneꞌ,
Romans 8:28 in Ixil 28 As ootzimaleꞌ sqaꞌn uvaꞌ kam uvaꞌ nu kupalebꞌe, as kajayil nitxakonsa Aak tiꞌ qeqꞌol tu u bꞌaꞌnileꞌ, jankꞌal oꞌ uvaꞌ xoꞌn Aak sqe, as oꞌ uvaꞌ kat imolo oꞌ Aak echeꞌ uvaꞌ itzꞌamal taꞌn Aak sqiꞌ,
Romans 9:24 in Ixil 24 Oꞌ uvaꞌ kat imolo veꞌt oꞌ Aak, kꞌuxh oꞌ tiaal Israel as moj jit oꞌ tiaal Israel,
Romans 11:17 in Ixil 17 As at unqꞌa tiaal Israel uvaꞌ kat teesa el tibꞌ kꞌatz u Tiixheꞌ echeꞌ ijechꞌpik el viqꞌabꞌ u tzeꞌeꞌ. As kat oksal veꞌt ex kꞌatz Aak sichꞌexel unqꞌa tiaal Israel echeꞌ la ibꞌan umaj u qꞌabꞌ tzeꞌeꞌ uvaꞌ la bꞌen eqꞌoloj tzan tu koobꞌal tiꞌ toksal sichꞌexel uvaꞌ kat jechꞌpik el. As unvatzul kuxh veꞌt u qꞌabꞌ tzeꞌeꞌ tukꞌ u taqꞌil tzeꞌeꞌ la ibꞌaneꞌ. As la pal veꞌt vitaꞌl tzeꞌeꞌ tu u qꞌabꞌ tzeꞌeꞌ. As ech nebꞌaneꞌ echeꞌ u qꞌabꞌ tzeꞌeꞌ uvaꞌ bꞌex eqꞌoloj tzan, tan antu veꞌt ex nechiibꞌ veꞌteꞌ tiꞌ u nimla bꞌaꞌnileꞌ.
Romans 15:8 in Ixil 8 Tan ileꞌ ni val sete uvaꞌ kat ul veꞌt u Jesucristo tiꞌ ilochat veꞌt unqꞌa tiaal Israel, as tiꞌ talat isuuchil ste uvaꞌ jik chiteꞌ u Tiixheꞌ, as tiꞌ itzojpisat u Cristo unqꞌa yoleꞌ uveꞌ alel kan taꞌn u Tiixheꞌ te unqꞌa qꞌesla kubꞌaaleꞌ.
Romans 15:27 in Ixil 27 As techal chiteꞌ uvaꞌ la lochon unqꞌa qitzꞌin qatzikeꞌ uvaꞌ jit tiaal Israel, tan ibꞌaꞌnil kuxh unqꞌa tiaal Israel uvaꞌ kat tootzi veꞌt vibꞌaꞌnil u Tiixheꞌ. Estiꞌeꞌ uvaꞌ techal la taqꞌ bꞌen unbꞌooj lochbꞌal te unqꞌa qitzꞌin qatzikeꞌ uvaꞌ tiaal Israel uvaꞌ yeꞌl tetz ati.
1 Corinthians 1:2 in Ixil 2 As tuk untzꞌibꞌa bꞌen u uꞌujeꞌ sete, jankꞌal ex uveꞌ nemol etibꞌ tiꞌ enachat Tiixh tu u tenameꞌ uvaꞌ Corinto, as ex uvaꞌ txaael veꞌt ex taꞌn Aak, as ekꞌuchtaj veꞌteꞌ uvaꞌ txaael veꞌt ex taꞌn Aak. As jit kuxh sete ni vaqꞌkat bꞌen u uꞌujeꞌ. Pet antu unjoltu unqꞌa qitzꞌin qatzikeꞌ uveꞌ ni niman u Jesucristo, kꞌuxh katil kuxh atkat unqꞌa uxhchileꞌ, tan Aakeꞌ u Kubꞌaaleꞌ. As Aakeꞌ viBꞌaal unqꞌa qitzꞌin qatzikeꞌ skajayil.
1 Corinthians 9:23 in Ixil 23 As aꞌ nunbꞌankat tiꞌ ipaxsal itzibꞌlal u bꞌaꞌnla yoleꞌ tiꞌ u Cristo, aqꞌal uvaꞌ la ikꞌul unqꞌa tenameꞌ skajayil vibꞌaꞌnil u Tiixheꞌ uvaꞌ alel kan taꞌn Aak echeꞌ uvaꞌ alel veꞌt sve taꞌn Aak.
1 Corinthians 10:17 in Ixil 17 As umaꞌl kuxh u paaneꞌ nu kujatx sukuxoꞌl. As umaꞌl kuxh veꞌt qatin kꞌatz u Cristo, kꞌuxh nimaleen kuxaaneꞌ, tan umaꞌl kuxh veꞌt u paaneꞌ nu kutxꞌaꞌeꞌ.
2 Corinthians 1:7 in Ixil 7 As yeꞌ la kaꞌkabꞌin qaama setiꞌ, tan ootzimal sqaꞌn uvaꞌ nekuy unqꞌa kꞌaxkꞌoeꞌ uvaꞌ nepalebꞌe echeꞌ nu kubꞌaneꞌ tul nu kupalebꞌe unqꞌa kꞌaxkꞌoeꞌ. As niyakꞌin vetaanxelaleꞌ echeꞌ iyakꞌin u qaanxelaleꞌ.
Ephesians 3:6 in Ixil 6 As aꞌ isuuchil u yoleꞌ uvaꞌ at veꞌt vibꞌaꞌnil Aakeꞌ setiꞌ cheel, ex uvaꞌ jit ex tiaal Israel, as sqiꞌ unpajte, uvaꞌ oꞌ tiaal Israel, tan unvatzul veꞌt oꞌ setukꞌ vatz Aak. As ibꞌaꞌnil kuxh u Jesucristoeꞌ as la aqꞌax veꞌt unqꞌa nimla bꞌaꞌnileꞌ sqe as setukꞌ uvaꞌ alel kan taꞌn u Tiixheꞌ sqiꞌ, echeꞌ uvaꞌ ni tal u bꞌaꞌnla yoleꞌ.
Ephesians 4:1 in Ixil 1 As atoꞌk tzan in tu tzeꞌ tiꞌ kuxh uvaꞌ nik val isuuchil u yoleꞌ tiꞌ u Jesucristo. As nunjaj bꞌaꞌnil sete tiꞌ uvaꞌ jik koj chit etxumbꞌal la ebꞌaneꞌ, tan echeꞌ uveꞌ nisaꞌ u Kubꞌaal Tiixheꞌ setiꞌ tul kat imolo ex Aak.
Ephesians 4:4 in Ixil 4 As unvatzul veꞌt oꞌ vatz u Tiixheꞌ, jankꞌal oꞌ uvaꞌ nimamal veꞌt u Jesucristo sqaꞌn, tan ech veꞌt qatineꞌ sukuvatzaj echeꞌ bꞌan taꞌn u kuchiꞌoleꞌ uvaꞌ txeyel tibꞌ skajayil. As umaꞌl kuxh u Tiixhla Espíritu at sqiꞌ. As umaꞌl kuxh u txꞌajaꞌmeꞌ nu kutxꞌebꞌeꞌ, oꞌ unqꞌa tiaal Israel tukꞌ ex uvaꞌ jit ex tiaal Israel, tan estiꞌeꞌ kat imolokat oꞌ u Tiixheꞌ.
Philippians 3:14 in Ixil 14 tan nunkꞌaj vibꞌ tiꞌ vooneꞌ tu uvaꞌ ni valkat vooneꞌ, tan kat imolo in u Tiixheꞌ tiꞌ uvaꞌ la unlej vitxumbꞌal u Jesucristo, tan at veꞌt ok in kꞌatz Aak. As aꞌ la atinkat in kꞌatz Aak.
Colossians 1:12 in Ixil 12 Pet aal la chiibꞌ ex tul la etaqꞌ taꞌntiixh te u Tiixheꞌ, tan Aakeꞌ kat lochon oꞌ setukꞌ tiꞌ uvaꞌ la kukꞌul veꞌt u kuvaatzileꞌ kꞌatz unqꞌa uxhchileꞌ uvaꞌ txaael veꞌt taꞌn u Tiixheꞌ, tan Aakeꞌ txijun qetzeꞌ setukꞌ.
Colossians 1:22 in Ixil 22 Pet ech koj cheel, tan ibꞌaꞌnil kuxh u Tiixheꞌ as at veꞌt etokebꞌal kꞌatz Aak taꞌn VIKꞌAOL U NAJEꞌ. As kat kam setiꞌ. Estiꞌeꞌ uvaꞌ la ok ex vatz u Tiixheꞌ, tan ex veꞌt tetz Aak. As yeꞌl veꞌt u vaꞌlexheꞌ at setiꞌ.
Colossians 3:12 in Ixil 12 As ekꞌuchtaj veꞌteꞌ uvaꞌ txaael veꞌt ex taꞌn u Tiixheꞌ, ex uvaꞌ ex itenam Aak uvaꞌ xoꞌn veꞌt ex te Aak. As la ebꞌan u bꞌaꞌneꞌ sevatzaj. As la etxum tibꞌ evatz. As yeꞌ la ejeꞌsa etibꞌ. As nim etaama la ebꞌaneꞌ sevatzaj, as la ekuy etibꞌ sevatzaj.
1 Thessalonians 2:12 in Ixil 12 As kat kubꞌeya sete tiꞌ uvaꞌ jik chit la ebꞌaneꞌ tan qetz chiteꞌ vatz unqꞌa tenameꞌ uvaꞌ nimamal u Tiixheꞌ sqaꞌn. Tan estiꞌeꞌ uvaꞌ kat imolo kat ex u Kubꞌaaleꞌ tiꞌ uvaꞌ la etoksa iqꞌii Aak xoꞌl unqꞌa tenameꞌ uvaꞌ at jaqꞌ u tijleꞌm u Tiixheꞌ.
1 Thessalonians 5:27 in Ixil 27 As tukꞌ vibꞌii Aakeꞌ la val bꞌen sete uvaꞌ la chit sikꞌlel u uꞌujeꞌ xoꞌl unqꞌa qitzꞌin qatzikeꞌ skajayil.
2 Thessalonians 1:11 in Ixil 11 Estiꞌeꞌ uvaꞌ nu kunach Tiixh setiꞌ sbꞌenemeen, aqꞌal uvaꞌ la til Aak u bꞌaꞌneꞌ uvaꞌ nebꞌaneꞌ. As la txuqꞌtxun veꞌt Aak tiꞌ uvaꞌ kat imolo ex Aak. As Aakeꞌ la lochon ex tiꞌ etzojpisat unqꞌa bꞌaꞌnileꞌ uvaꞌ netitzꞌa, tan tiꞌ uvaꞌ kꞌujleꞌl ekꞌuꞌl tiꞌ Aak.
2 Thessalonians 2:14 in Ixil 14 tiꞌ isotzsal epaav tul kat qal u bꞌaꞌnla yoleꞌ sete tiꞌ uvaꞌ la oksal eqꞌii echeꞌ toksal iqꞌii u Kubꞌaal Jesucristo.
1 Timothy 6:2 in Ixil 2 Asoj nimamal u Jesús taꞌn u bꞌaal aqꞌoneꞌ uvaꞌ ni taqꞌonvukat umaj qitzꞌin qatzik, as yeꞌ la uchi uvaꞌ la tixva u bꞌaal aqꞌoneꞌ. Pet aal la iyaꞌlu tibꞌ tiꞌ uvaꞌ bꞌaꞌn u aqꞌoneꞌ la ibꞌaneꞌ, tan xoꞌn veꞌt u bꞌaal aqꞌoneꞌ ste uvaꞌ la ilon isuuchil u aqꞌoneꞌ. As aꞌ unqꞌa yoleꞌ lachuseꞌ uvaꞌ ni val see. As la abꞌeya te unqꞌa qitzꞌin qatzikeꞌ.
1 Timothy 6:12 in Ixil 12 As aqꞌ yakꞌil tiꞌ achusat unqꞌa jikla chusbꞌaleꞌ uvaꞌ kat val see, tan tul kat aal isuuchil u kꞌujlebꞌal akꞌuꞌleꞌ tiꞌ u Jesús vatz unqꞌa qitzꞌin qatzikeꞌ, as at atxꞌajaꞌm tiꞌ vatiichajileꞌ uveꞌ yeꞌl iyaꞌtebꞌal, tan estiꞌeꞌ kat imolokat axh Aak.
2 Timothy 1:9 in Ixil 9 uvaꞌ kat sotzsan u kupaaveꞌ. As kat itxaa veꞌt oꞌ Aak tiꞌ toksat ok oꞌ Aak sitenamil. As jit tiꞌ umaj bꞌaꞌnil uvaꞌ kat kubꞌana uvaꞌ kat itxaakat oꞌ Aak. Pet tiꞌ uvaꞌ kam kat tal taama Aak sqiꞌ as tiꞌ vibꞌaꞌnil u Jesucristo uvaꞌ kat aqꞌax sqe tul yeꞌxnik chee u vatz txꞌavaꞌeꞌ.
2 Timothy 2:7 in Ixil 7 As la eetzꞌa unqꞌa yoleꞌ uveꞌ ni val see, tan Tiixheꞌ la lochon axh tiꞌ uvaꞌ la pal axh stuul.
Hebrews 2:11 in Ixil 11 As jankꞌal oꞌ uvaꞌ txaael veꞌt oꞌ tiꞌ qok sitenam u Tiixheꞌ, as umaꞌl kuxh veꞌt Kubꞌaal tukꞌ u Jesús uvaꞌ ni oksan oꞌ sitenam u Tiixheꞌ. Estiꞌeꞌ yeꞌl u Jesús nichꞌixveꞌ tiꞌ talataꞌ uvaꞌ qitzꞌin qatzik veꞌt qibꞌ tukꞌ Aak,
Hebrews 2:17 in Ixil 17 Estiꞌeꞌ uvaꞌ techal chit kat ibꞌensa tibꞌ u Jesús echeꞌ oꞌ, tiꞌ uvaꞌ Aak veꞌt u Nimla oksan tetz kuyol vatz u Tiixheꞌ. As jik chit toksat Aak kuyol, tan nitxum Aak kuvatz. As estiꞌeꞌ kat ichoo Aak u kupaaveꞌ.
Hebrews 3:14 in Ixil 14 Tan asoj chabꞌamal qatin tiꞌ u kꞌujlebꞌal kukꞌuꞌleꞌ tiꞌ u Cristo techal tul Aak unpajte echeꞌ uvaꞌ nik kubꞌan sbꞌaxa, as at veꞌt qokebꞌal tiꞌ unqꞌa nimla bꞌaꞌnileꞌ uvaꞌ la aqꞌax sqe taꞌn Aak.
Hebrews 4:14 in Ixil 14 As yeꞌ la kuyaꞌsa kunimat unqꞌa yoleꞌ tiꞌ u Jesús, viKꞌaol u Tiixheꞌ, tan Aakeꞌ uvaꞌ nimla qꞌesal oksan tetz iyol tenam vatz Tiixh. As echen veꞌt Aak tu almikaꞌ.
Hebrews 5:1 in Ixil 1 As qitzꞌataj kam itxaap unqꞌa iqꞌesal oksan iyol tenam vatz Tiixh, tan txaaeleꞌ nibꞌancheꞌ xoꞌl unqꞌa imooleꞌ. As kꞌujlu veꞌt kan tiꞌ toksal viyol u tenameꞌ vatz u Tiixheꞌ, as tiꞌ toksal unqꞌa txooeꞌ vatz Aak tiꞌ ijajat sotzbꞌal ipaav unqꞌa tenameꞌ.
Hebrews 6:20 in Ixil 20 As aꞌeꞌ uvaꞌ kat ibꞌan u Jesús tul kat ok veꞌt Aak nimla bꞌooqꞌolil tiꞌ unqꞌa oksan iyol tenam vatz Tiixh, as Aak uvaꞌ kat ok sbꞌaxa sukuvatz tu u tabernáculoeꞌ echeꞌ uvaꞌ alel kan taꞌn u Melquisedec.
Hebrews 7:26 in Ixil 26 As aꞌ u Jesúseꞌ oksan iyol tenam vatz Tiixh. As Aakeꞌ uvaꞌ nisaꞌvit sqiꞌ. As jik chit itxumbꞌal Aak. As yeꞌl umaj vaꞌlexhla yol la alchu tiꞌ Aak. As jikla aama chit Aak. As jit eela Aak tukꞌ oꞌ tan oꞌ aapaav. As kat ok veꞌt iqꞌii Aak, tul kat oon Aak tu almikaꞌ.
Hebrews 8:1 in Ixil 1 As aꞌ isuuchil u yoleꞌ uvaꞌ ni val sete tiꞌ itzaeleꞌ uvaꞌ at veꞌt ok chiteꞌ u Jesús qꞌesalil oksan iyol tenam vatz Tiixh. As xonleꞌl veꞌt Aak tisebꞌal u Tiixheꞌ uvaꞌ nim talcheꞌ tu almikaꞌ.
Hebrews 9:11 in Ixil 11 Pet ech koj cheel, tan kat ulyu veꞌt u Cristo. As Aakeꞌ ni aqꞌon u nimla bꞌaꞌnileꞌ sqe uvaꞌ alel kan sqiꞌ taꞌn u Tiixheꞌ, tan aꞌ u Cristo bꞌooqꞌol tiꞌ vibꞌooqꞌol unqꞌa oksan iyol tenam vatz Tiixh. As tetz Aak u tabernáculo uvaꞌ nim talcheꞌ tiꞌ u vatz txꞌavaꞌilla tabernáculo, tan jit umaj naj bꞌanol tetz.
Hebrews 10:21 in Ixil 21 As aꞌ u Jesucristo u nimla qꞌesal oksan tetz kuyol vatz Tiixh, jankꞌal oꞌ uvaꞌ oꞌ imeꞌal ikꞌaol u Tiixheꞌ.
1 Peter 2:9 in Ixil 9 Pet ech koj ex, tan txaael veꞌt ex taꞌn u Tiixheꞌ tiꞌ etok sitenam Aak as tiꞌ etok nachol Tiixhil tiꞌ unqꞌa tenameꞌ, tan ex veꞌt tetz Aak. As kat itxaa ex Aak tiꞌ uvaꞌ la bꞌen etal isuuchil viyol Aakeꞌ tulaj unqꞌa tenameꞌ tiꞌ vinimla bꞌaꞌnil Aakeꞌ, tan kat teqꞌo el tzan Aak vetaanxelaleꞌ tu u qꞌej toktoeꞌ. As kat toksa veꞌt ex Aak sitenamil uvaꞌ atkat u txijun tetz vetaanxelaleꞌ uvaꞌ achaꞌv chittuꞌ.
1 Peter 3:5 in Ixil 5 As ech itxumbꞌal unqꞌa ixojeꞌ uvaꞌ nik ibꞌan naꞌytzan uvaꞌ itenam Tiixh, tan nik ikꞌujbꞌaꞌ chaꞌma ikꞌuꞌl tiꞌ u Tiixheꞌ tul uvaꞌ nik inima chaꞌma vitzumeleꞌ.
1 Peter 5:1 in Ixil 1 As la val umaꞌl u yol sete, vitzꞌin vatzik, ex uvaꞌ ex iqꞌesal xoꞌl unqꞌa qitzꞌin qatzikeꞌ. As echat in unpajte, tan in iqꞌesal xoꞌl unqꞌa qitzꞌin qatzikeꞌ. As antu veꞌt ineꞌ kat ilon unqꞌa kꞌaxkꞌoeꞌ uvaꞌ kat ipalebꞌe u Cristo. As in umaꞌl u uxhchil uvaꞌ kat ilon vilitzꞌkabꞌan u Jesús. As aꞌeꞌ uveꞌ tuk til unqꞌa tenameꞌ skajayil.
1 Peter 5:10 in Ixil 10 As tul maꞌt epalebꞌet unqꞌa kꞌaxkꞌoeꞌ tu unqꞌa qꞌiieꞌ, as la iloch veꞌt ex u Tiixheꞌ. As Aakeꞌ la bꞌanon uvaꞌ yeꞌ la kaꞌkabꞌin veꞌt etaama. As la iyakꞌinsa veꞌt Aak vetaanxelaleꞌ. As tii veꞌt etatin kꞌatz Aak la ibꞌaneꞌ. As estiꞌeꞌ kat imolokat ex Aak, tiꞌ uvaꞌ at veꞌt etokebꞌal kꞌatz Aak tul la ok veꞌt Aak tu u tijleꞌmeꞌ tiꞌ tilat isuuchil unqꞌa tenameꞌ tiꞌ chit ibꞌeneꞌ.
2 Peter 1:3 in Ixil 3 As tul kat qootzi veꞌt u Tiixheꞌ tukꞌ viyakꞌileꞌ, as kat taqꞌ Aak sqe jankꞌal uvaꞌ ni lochon oꞌ tiꞌ u kutiichajileꞌ kꞌatz Aak, as tiꞌ uvaꞌ ayaꞌl chit kukꞌuꞌl nu kunima Aak aqꞌal uvaꞌ la chiibꞌ Aak sqiꞌ. As Aakeꞌ uvaꞌ kat molon oꞌ tukꞌ vibꞌaꞌnileꞌ uvaꞌ nim talcheꞌ.
1 John 1:3 in Ixil 3 As u Jesucristo uvaꞌ kat qila as kat qabꞌi viyoleꞌ, as Aakeꞌ uveꞌ ni qal veꞌt isuuchil sete cheel, aqꞌal uvaꞌ unvatzul kuxh oꞌ la ibꞌan setukꞌ tiꞌ kunimataꞌ, tan aꞌ isuuchil u yoleꞌ uvaꞌ unvatzul kuxh veꞌt oꞌ tukꞌ u Tiixheꞌ as tukꞌ viKꞌaol Aakeꞌ uvaꞌ Jesucristo, tan aꞌeꞌ uvaꞌ nimamal veꞌt sqaꞌn.
Jude 1:1 in Ixil 1 Ineꞌ in Judas, u titzꞌin u Jacobo, as in ikꞌam u Jesucristoeꞌ. As ni vaqꞌ bꞌen u uꞌujeꞌ sete, ex uvaꞌ molomal veꞌt ex taꞌn u Tiixheꞌ tiꞌ etok jikla aamail kꞌatz Aak. As kolel veꞌt ex taꞌn u Jesucristoeꞌ.
Revelation 17:14 in Ixil 14 As la ixeꞌtisa veꞌt chajnaj chꞌaꞌo tiꞌ u Kaneeroꞌeꞌ. As aꞌ u Kaneeroꞌeꞌ tuk bꞌanon kanal chajnaj, tan aꞌ u Kubꞌaal Jesúseꞌ Bꞌooqꞌol tiꞌ unqꞌa bꞌooqꞌoleꞌ skajayil; as Aakeꞌ Ijlenaal tiꞌ unqꞌa ijlenaaleꞌ skajayil. As xekel veꞌt unqꞌa tenameꞌ tiꞌ Aak uvaꞌ molomal taꞌn Aak as tukꞌ unqꞌa veeꞌ txaael veꞌt taꞌn Aak,— tiꞌk u ángel sve.
Revelation 18:20 in Ixil 20 ¡As jankꞌal ex uvaꞌ echen ex tu almikaꞌ, as chiibꞌojtaj ex tiꞌ uveꞌ kat ibꞌanlu u nimla tenameꞌ! ¡As txuqꞌtxunojtaj ex, ex apóstol tukꞌ ex qꞌajsan tetz viyol u Tiixheꞌ as tukꞌ ex uvaꞌ ex itenam u Tiixheꞌ sekajayil, tan tul kat taqꞌ tzan Aak u kꞌaxkꞌoeꞌ tiꞌ u Babilonia, as ichꞌexel kat ibꞌan Aak ste tiꞌ u vaꞌlexh uvaꞌ kat ibꞌan u tenameꞌ sete! tiꞌk u tuul viꞌeꞌ uvaꞌ vabꞌi.