Cross Reference Matthew 6:13 in Ixil 13 Bꞌan bꞌaꞌnil. Achajpuk kan oꞌ tiꞌ kubꞌen tu u vaꞌlexheꞌ. Pet la akol oꞌ vatz u txꞌiꞌlanajeꞌ, tan taꞌn axheꞌ at eejleꞌm tiꞌ unqꞌa tenameꞌ skajayil. As taꞌn axheꞌ la qoksa aqꞌii sbꞌenameen tiꞌ chit ibꞌeneꞌ. An chiteꞌ.
Matthew 7:21 in Ixil 21 As jit kajayil unqꞌa uxhchileꞌ uvaꞌ ni alon sve: «¡Kubꞌaal Jesús! ¡Kubꞌaal Jesús!» taqꞌeꞌ ni tal sve, as yeꞌl tokebꞌal xoꞌl unqꞌa tenameꞌ uvaꞌ at jaqꞌ u tijleꞌm u Tiixheꞌ. Pet taꞌn kuxh unqꞌa uxhchileꞌ uveꞌ ni niman kam uveꞌ nisaꞌ Aak uvaꞌ la ibꞌaneꞌ.
Matthew 12:50 in Ixil 50 tan jankꞌal unqꞌa uxhchileꞌ uveꞌ ni bꞌanon kam uveꞌ ni tal u Tiixheꞌ uvaꞌ at tu almikaꞌ, as ech tatineꞌ echeꞌ vitzꞌin, as ech tatineꞌ echeꞌ vanabꞌ, as ech tatineꞌ echeꞌ untxutx,— tiꞌk u Jesús.
Matthew 21:31 in Ixil 31 As etaltaj sve: ¿Abꞌiste kaꞌvaꞌl u kꞌaolaeꞌ kat bꞌanon uvaꞌ kat tal vibꞌaaleꞌ ste?— tiꞌk u Jesús. As ech tal chajnaj ileꞌ: —Aꞌ u najeꞌ uvaꞌ alpu ste bꞌaxa,— tiꞌk chajnaj. As ech tal veꞌt u Jesús ileꞌ te chajnaj: —An chiteꞌ uveꞌ netaleꞌ. As jik chit tuk val sete, tan unqꞌa molol puajeꞌ tetz u Roma tukꞌ unqꞌa ixoj uvaꞌ yanaꞌs, as aꞌ uxhchileꞌ bꞌaxel la ok sevatz xoꞌl u tenameꞌ uveꞌ at jaqꞌ u tijleꞌm u Tiixheꞌ.
Matthew 28:20 in Ixil 20 As la echus unqꞌa tenameꞌ tiꞌ uvaꞌ la chit inima unqꞌa yoleꞌ skajayil uveꞌ kat val sete. As at chit veꞌt in sekꞌatz la ibꞌaneꞌ tiꞌ chit ibꞌeneꞌ, techal la sotz ivatz u txꞌavaꞌeꞌ,— tiꞌk u Jesús. An chiteꞌ.
John 7:17 in Ixil 17 As abꞌil uvaꞌ la saꞌon ibꞌanat uveꞌ ni tal u Tiixheꞌ as la tootzi uvaꞌ ma xeꞌ Aak tzaanajkat unqꞌa yoleꞌ uvaꞌ nunchuseꞌ, pet moj nu kuxh uncheesa tunviꞌ.
John 16:23 in Ixil 23 As tu u qꞌiieꞌ, as echeꞌ kam koj la echꞌoti veꞌt sve. Pet ileꞌ jik chit tuk val sete uvaꞌ kam chit uveꞌ la ejaj te vunBꞌaaleꞌ tukꞌ vunbꞌiieꞌ, as la taqꞌ Aakeꞌ sete.
John 17:23 in Ixil 23 As at in kꞌatz unqꞌa niman qetzeꞌ. As at axh sunkꞌatz unpajte, aqꞌal uvaꞌ yeꞌxhebꞌil kuxh umaꞌtoj la saꞌvit tiꞌ unqꞌa niman qetzeꞌ tiꞌ uvaꞌ vatzul kuxh svatzaj la ibꞌaneꞌ. As ech la tootzikat unqꞌa tenameꞌ skajayil uvaꞌ axh kat chajon tzan in, as xoꞌn unqꞌa niman qetzeꞌ see echeꞌ uveꞌ nabꞌan sve.
Romans 11:36 in Ixil 36 tan Aakeꞌ cheesan tetz unqꞌa veeꞌ skajayil. As ibꞌaꞌnil kuxh Aakeꞌ uvaꞌ at unqꞌa veeꞌ skajayil. As tetz Aakeꞌ skajayil. Estiꞌeꞌ yeꞌ la yaꞌ oꞌ tiꞌ qoksat iqꞌii Aak. An chiteꞌ.
Romans 14:17 in Ixil 17 tan nim talcheꞌ u tijleꞌm u Tiixheꞌ tiꞌ u echbꞌubꞌaleꞌ tukꞌ u ukꞌaꞌeꞌ. As abꞌil uvaꞌ at jaqꞌ u tijleꞌm u Tiixheꞌ as jik veꞌt vitxumbꞌaleꞌ la ibꞌaneꞌ, as bꞌaꞌn veꞌt tatin svatzaj, as nichiibꞌ u taanxelaleꞌ, as aꞌ u Tiixhla Espíritu ni aqꞌon ste kajayil.
Romans 16:27 in Ixil 27 As qoksataj iqꞌii u Tiixheꞌ taꞌn u Jesucristo tiꞌ chit ibꞌeneꞌ, tan taꞌneꞌ u Tiixheꞌ. As taꞌneꞌ at pal itxumbꞌal tiꞌ unqꞌa veeꞌ skajayil. An chiteꞌ.
2 Corinthians 9:8 in Ixil 8 As nim talcheꞌ u Tiixheꞌ. As yeꞌ la yaꞌ Aak tiꞌ taqꞌat vibꞌaꞌnileꞌ setiꞌ, kꞌuxh kam kuxh la epalebꞌe. As yeꞌ la yaꞌ ekꞌulat vibꞌaꞌnil Aakeꞌ, tan la chee veꞌt etetz, jankꞌal uvaꞌ la saꞌvit setiꞌ. As yeꞌ la yaꞌ veꞌt ex tiꞌ elochoneꞌ,
Galatians 1:5 in Ixil 5 As yeꞌl oꞌ la yaꞌ oꞌ tiꞌ qoksat iqꞌii u Tiixheꞌ tiꞌ chit ibꞌeneꞌ. An chiteꞌ.
Ephesians 2:10 in Ixil 10 As oꞌ icheesaꞌm u Tiixheꞌ, tan Aakeꞌ kat aqꞌon kutiichajil tiꞌ toksat oꞌ Aak kꞌatz u Jesucristo, aqꞌal uvaꞌ la kubꞌan u bꞌaꞌneꞌ. As tul yeꞌxnik taqꞌ u Tiixheꞌ kutiichajil skꞌatz, as maꞌtik ikꞌujbꞌaꞌt kan Aak sqiꞌ uvaꞌ aꞌ u bꞌaꞌneꞌ la kubꞌan vatz Aak.
Ephesians 2:18 in Ixil 18 As ibꞌaꞌnil kuxh u Jesucristo as at veꞌt qokebꞌal kꞌatz u Tiixheꞌ taꞌn u Tiixhla Espíritu, kꞌuxh oꞌ tiaal Israel as moj ex uvaꞌ jit ex tiaal Israel.
Ephesians 3:16 in Ixil 16 As mamaꞌla yakꞌil at xeꞌ u Tiixheꞌ. Estiꞌeꞌ nunjaj te Aak uvaꞌ la iyakꞌinsa Aak vetaanxelaleꞌ taꞌn u Tiixhla Espíritu,
Philippians 1:11 in Ixil 11 As la toksa veꞌt unqꞌa tenameꞌ iqꞌii u Tiixheꞌ setaꞌn, tan tiꞌ uvaꞌ jik chit vetxumbꞌaleꞌ nebꞌan sevatzaj taꞌn vibꞌaꞌnil u Jesucristo.
Philippians 2:11 in Ixil 11 As la tal unqꞌa tenameꞌ uvaꞌ aꞌ u Jesucristo u Bꞌooqꞌoleꞌ. As ech toksat unqꞌa tenameꞌ iqꞌii u Tiixheꞌ.
Philippians 2:13 in Ixil 13 tan Aakeꞌ ni oksan xeꞌ etaama uvaꞌ la esaꞌ ebꞌanat u bꞌaꞌneꞌ. As Aakeꞌ la lochon ex tiꞌ ebꞌanataꞌ unpajte, aqꞌal uvaꞌ la ebꞌaneꞌ kam uvaꞌ nisaꞌ Aak setiꞌ.
Philippians 4:13 in Ixil 13 As kajayil kuxh la untxꞌoleꞌ tukꞌ vibꞌaꞌnil u Cristo uvaꞌ ni yakꞌinsan u vaanxelaleꞌ.
Philippians 4:18 in Ixil 18 As nim u lochbꞌaleꞌ uvaꞌ kat etaqꞌ tzan sve tiꞌ u Epafrodito. As yeꞌxhkam nisaꞌvit veꞌt sviꞌ cheel. Pet atiltele. As ech velochbꞌaleꞌ echeꞌ umaj txꞌumtxꞌulla tzꞌakabꞌal uvaꞌ la oksal vatz u Tiixheꞌ, tan nichiibꞌ Aak tiꞌ uveꞌ nebꞌaneꞌ.
Colossians 1:9 in Ixil 9 Ayaꞌx tzan kuxeꞌteꞌ tiꞌ kunachat Tiixh setiꞌ tul kat qabꞌi etzibꞌlal. As yeꞌl oꞌ nu kuyaꞌeꞌ tiꞌ kujajat te u Tiixheꞌ uvaꞌ la taqꞌ Aak etxumbꞌal tiꞌ uvaꞌ la pal ex stuul jankꞌal uvaꞌ nisaꞌ Aak uvaꞌ la ebꞌaneꞌ as tzitumal ex taꞌn viyol u Tiixheꞌ.
Colossians 3:17 in Ixil 17 As jankꞌal uvaꞌ la ebꞌaneꞌ as tukꞌ uvaꞌ la etaleꞌ, as ebꞌantaj tukꞌ vibꞌii u Kubꞌaal Jesúseꞌ. As tukꞌ vibꞌaꞌnil Aakeꞌ, as la etaqꞌ taꞌntiixh te u Kubꞌaal Tiixheꞌ.
Colossians 3:20 in Ixil 20 As ex meꞌal kꞌaol, enimataj ebꞌaal tukꞌ etxutx, tan aꞌeꞌ uvaꞌ bꞌaꞌn te u Kubꞌaal Jesús.
Colossians 4:12 in Ixil 12 As ni taqꞌ bꞌen u Epafras itzii sete uvaꞌ umaꞌl kuxh etenam stukꞌ. As an chit ikꞌam u Cristoeꞌ unpajte. As ayaꞌl chit ikꞌuꞌl ninach Tiixh setiꞌ sbꞌenameen tiꞌ uvaꞌ yeꞌ la kaꞌkabꞌin etaama tiꞌ u kꞌujlebꞌal ekꞌuꞌleꞌ. Pet la yakꞌin veꞌt etaanxelal. As la enima veꞌt unqꞌa veeꞌ skajayil uvaꞌ nisaꞌ u Kubꞌaal Tiixheꞌ setiꞌ.
1 Thessalonians 3:13 in Ixil 13 aqꞌal uvaꞌ la yakꞌin veꞌt vetaanxelaleꞌ. As yeꞌl epaav la cheei, tan jik veꞌt ex vatz u Kubꞌaal Jesús tul uvaꞌ la ul veꞌt Aak unpajte tukꞌ unqꞌa niman tetz Aakeꞌ skajayil.
1 Thessalonians 4:3 in Ixil 3 As aꞌ nisaꞌ u Tiixheꞌ uvaꞌ la eteesa veꞌt el etibꞌ vatz u paaveꞌ. As yeꞌ la paavin ex tiꞌ eyansat etibꞌ tukꞌ umaꞌtoj uxhchil.
1 Thessalonians 5:23 in Ixil 23 As aꞌ u Tiixheꞌ ni bꞌanon uvaꞌ bꞌaꞌn etatin sevatzaj, as Aakeꞌ la bꞌensan ex jikla aamail, tukꞌ vechiꞌoleꞌ as tukꞌ vetaanxelaleꞌ. Estiꞌeꞌ yeꞌ la chee umaj vaꞌlexh setiꞌ tul la ul veꞌt u Kubꞌaal Jesucristo,
2 Thessalonians 2:17 in Ixil 17 As Aakeꞌ la yakꞌinsan etaama. As Aakeꞌ la lochon ex tiꞌ ebꞌanat u bꞌaꞌneꞌ as tiꞌ etalataꞌ.
1 Timothy 1:17 in Ixil 17 As qoksataj iqꞌii u Kubꞌaal Tiixheꞌ uvaꞌ yeꞌl iyaꞌtebꞌal. As kunachtaj Aak, tan taꞌn Aakeꞌ u qijlenaaleꞌ tiꞌ chit ibꞌeneꞌ, kꞌuxh yeꞌ naꞌl Aak sukuvatz. An chiteꞌ.
1 Timothy 5:10 in Ixil 10 As ootzimal taꞌn unqꞌa uxhchileꞌ uvaꞌ bꞌaꞌn nibꞌan chaꞌma, tan jik kat ichꞌiisa chaꞌma unqꞌa taleꞌ. As kat iloch chaꞌma vimooleꞌ, tan kat taqꞌ ivatbꞌal unqꞌa qitzꞌin qatzikeꞌ uvaꞌ tzaanajlik tziꞌaꞌn. As kat taqꞌ chaꞌma txꞌaabꞌal tiꞌ toj unqꞌa qitzꞌin qatzikeꞌ. As kat iloch chaꞌma unqꞌa uxhchileꞌ uvaꞌ txumlebꞌal chit tatineꞌ, tan kat ibꞌan u bꞌaꞌneꞌ te unqꞌa imooleꞌ skajayil.
1 Timothy 6:16 in Ixil 16 As yeꞌxhebꞌil kat ilon ikaꞌy Aak. As yeꞌ la uch tilpu Aak, tan echen Aakeꞌ tu u sajeꞌ uvaꞌ yeꞌxhebꞌil la uch tok tzitziꞌ. As yeꞌ la kuyaꞌsa qoksat iqꞌii Aak, tan echen unqꞌa veeꞌ tiqꞌabꞌ Aak skajayil tiꞌ chit ibꞌeneꞌ, tan Aakeꞌ uvaꞌ yeꞌxh jatu la kami. As ech chit la ibꞌaneꞌ. An chiteꞌ.
2 Timothy 4:18 in Ixil 18 As aꞌ u Tiixheꞌ la kolon in vatz unqꞌa vaꞌlexheꞌ skajayil. As la teqꞌo veꞌt in Aak tu almikaꞌ uvaꞌ jejleꞌlkat Aak. Estiꞌeꞌ la oksal iqꞌii Aak tiꞌ chit ibꞌeneꞌ taꞌn u tenameꞌ uvaꞌ at jaqꞌ u tijleꞌm u Tiixheꞌ. An chiteꞌ.
Hebrews 10:36 in Ixil 36 As techal chiteꞌ uvaꞌ yeꞌ la pal ekꞌuꞌl tiꞌ ekuyat unqꞌa kꞌaxkꞌoeꞌ, tan tul maꞌt ekuyat unqꞌa kꞌaxkꞌoeꞌ echeꞌ uvaꞌ nisaꞌ u Tiixheꞌ setiꞌ, as la aqꞌpu veꞌt u txꞌajaꞌmeꞌ sete uvaꞌ alel kan taꞌn Aak.
Hebrews 12:23 in Ixil 23 As kat ok ex xoꞌl vitenam u Tiixheꞌ uvaꞌ bꞌaxel kat niman u Jesús. As aꞌeꞌ uvaꞌ tzꞌibꞌamal veꞌt vibꞌiieꞌ tu almikaꞌ. As kat ok ex kꞌatz u Tiixheꞌ uvaꞌ la bꞌanon isuuchil unqꞌa tenameꞌ skajayil vatz u txꞌavaꞌeꞌ, as kꞌatz unqꞌa qꞌesla chaj bꞌaalaeꞌ uvaꞌ kat kꞌulun u nimla bꞌaꞌnileꞌ taꞌn u Jesúseꞌ.
Hebrews 13:16 in Ixil 16 As yeꞌ la eyaꞌsa ebꞌanat u bꞌaꞌneꞌ sevatzaj. As la etaqꞌ unbꞌooj vetetzeꞌ tiꞌ elochat unqꞌa uxhchileꞌ uvaꞌ yeꞌl tetz ati. As aꞌ u bꞌaꞌneꞌ uvaꞌ nisaꞌ u Tiixheꞌ uvaꞌ la ebꞌaneꞌ, tan aꞌ veꞌt ivaatzileꞌ tiꞌ iyatzꞌax ok unqꞌa avaneꞌ tu u nachbꞌal Tiixheꞌ.
1 Peter 2:5 in Ixil 5 as at etiichajil kꞌatz u Tiixheꞌ. As ex veꞌt tetz Aak taꞌn u Tiixhla Espíritu uvaꞌ at veꞌt ok tetaanxelal, tan kat toksa veꞌt ex Aak sitenam, ex uvaꞌ ech etatineꞌ echeꞌ umaj kabꞌal vatz Aak, aqꞌal uvaꞌ la chiibꞌ veꞌt u Tiixheꞌ tiꞌ unqꞌa veeꞌ nebꞌaneꞌ, tan jik chit nenach veꞌt Tiixh tiꞌ unqꞌa tenameꞌ tukꞌ vibꞌaꞌnil u Jesucristo.
1 Peter 4:2 in Ixil 2 As tul at vatz u txꞌavaꞌeꞌ, as yeꞌ la ibꞌan unqꞌa vaꞌlexheꞌ uvaꞌ ni tachva vichiꞌoleꞌ. Pet aꞌ u bꞌaꞌneꞌ la ibꞌaneꞌ uvaꞌ nisaꞌ u Tiixheꞌ.
1 Peter 5:10 in Ixil 10 As tul maꞌt epalebꞌet unqꞌa kꞌaxkꞌoeꞌ tu unqꞌa qꞌiieꞌ, as la iloch veꞌt ex u Tiixheꞌ. As Aakeꞌ la bꞌanon uvaꞌ yeꞌ la kaꞌkabꞌin veꞌt etaama. As la iyakꞌinsa veꞌt Aak vetaanxelaleꞌ. As tii veꞌt etatin kꞌatz Aak la ibꞌaneꞌ. As estiꞌeꞌ kat imolokat ex Aak, tiꞌ uvaꞌ at veꞌt etokebꞌal kꞌatz Aak tul la ok veꞌt Aak tu u tijleꞌmeꞌ tiꞌ tilat isuuchil unqꞌa tenameꞌ tiꞌ chit ibꞌeneꞌ.
2 Peter 3:18 in Ixil 18 Pet la eyakꞌinsa etibꞌ tiꞌ vibꞌaꞌnil u Kubꞌaal Jesucristoeꞌ uvaꞌ kat qꞌalpun oꞌ as tiꞌ etootzit vitxumbꞌal Aakeꞌ sbꞌaꞌn. ¡As qoksataj iqꞌii Aak cheel as tiꞌ chit ibꞌeneꞌ! An chiteꞌ.
1 John 2:17 in Ixil 17 As la pal veꞌt unqꞌa vaꞌlexheꞌ tukꞌ unqꞌa tachaꞌv vichiꞌol unqꞌa uxhchileꞌ uvaꞌ nibꞌan vatz u txꞌavaꞌeꞌ. Pet ech koj unqꞌa uxhchileꞌ uveꞌ la niman kam uveꞌ nisaꞌ u Tiixheꞌ, tan aꞌeꞌ at itiichajil kꞌatz Aak tiꞌ chit ibꞌeneꞌ.
1 John 3:22 in Ixil 22 As kꞌuxh kam kuxh bꞌaꞌnil la kujaj te Aak as la kukꞌuleꞌ, tan nimamal unqꞌa itzaqꞌit Aakeꞌ sqaꞌn. As kubꞌaneꞌ kam uvaꞌ bꞌaꞌn te Aak.
Jude 1:25 in Ixil 25 As tukꞌ vibꞌaꞌnil u Jesucristo la qoksakat iqꞌii u Tiixheꞌ, tan taꞌn Aakeꞌ Tiixh uvaꞌ nim talcheꞌ tiꞌ unqꞌa veeꞌ skajayil, tan at tijleꞌm Aak stiꞌ. As Aakeꞌ u qꞌalpun qetzeꞌ. Estiꞌeꞌ uvaꞌ la qoksa veꞌt iqꞌii Aak cheel as tiꞌ chit ibꞌeneꞌ. An chiteꞌ.
Revelation 4:6 in Ixil 6 As vatz u nimla xonlebꞌaleꞌ atik umaꞌl u vaaꞌ ech tiloneꞌ echeꞌ mar uvaꞌ ech ivatzeꞌ echeꞌ umaj ilonbꞌal uvaꞌ yaklu pal kuvatz stuul. As xoꞌlamal u nimla xonlebꞌaleꞌ taꞌn kajvaꞌl unqꞌa islich aama uvaꞌ nimal unqꞌa bꞌaqꞌ ivatzeꞌ at svatz as tukꞌ tiꞌ iqul.
Revelation 5:9 in Ixil 9 As nik ibꞌitza veꞌt umaꞌl u akꞌ bꞌitz te u Kaneeroꞌeꞌ. As ech nik tal ileꞌ: Tan eetz chiteꞌ tiꞌ akꞌulat u uꞌujeꞌ as tiꞌ eesat unqꞌa sello stiꞌ, tan axheꞌ uvaꞌ kat yatzꞌpu veꞌt axh vatz u Tiixheꞌ, tan kat achoo vipaav unqꞌa tenameꞌ tul kat el vakajaleꞌ, aqꞌal uvaꞌ tetz u Kubꞌaal Tiixheꞌ unqꞌa tenameꞌ la ibꞌaneꞌ, kꞌuxh kam kuxh tenamil as kꞌuxh kam kuxh yolbꞌal niyolbꞌe.
Revelation 5:13 in Ixil 13 As jankꞌal unqꞌa veeꞌ at tu almikaꞌeꞌ, tukꞌ unqꞌa veeꞌ at vatz u txꞌavaꞌeꞌ, as jaqꞌ u txꞌavaꞌeꞌ, as xeꞌ u mar, as kat vabꞌi u tuul iviꞌeꞌ. As ech nik tal ileꞌ: ¡Qoksataj iqꞌii u Tiixheꞌ uvaꞌ xonleꞌl tu u nimla xonlebꞌaleꞌ! ¡As qoksataj iqꞌii u Jesucristo uvaꞌ kat yatzꞌpi tiꞌ isotzsal kupaav ech ikameꞌ echeꞌ nik tulbꞌel unqꞌa Kaneeroꞌeꞌ! ¡As atoj chit u yakꞌileꞌ skajayil tiqꞌabꞌ tiꞌ chit ibꞌeneꞌ! tiꞌk unqꞌa cheesaꞌmeꞌ skajayil.