Hebrews 11:33 in Ixil

33 As tiꞌ uvaꞌ kꞌujlik chit ikꞌuꞌl vitenam u Tiixheꞌ uvaꞌ naꞌytzan, as ati kat txꞌakoni tiꞌ kaꞌt unqꞌa tenameꞌ tu u chꞌaꞌoeꞌ; as ati uvaꞌ jik chit itxumbꞌal kat ibꞌana tul atik jaqꞌ u tijleꞌm u Tiixheꞌ. As kat tetzi veꞌt uvaꞌ alel kan taꞌn u Tiixheꞌ. As at uxhchil uvaꞌ tul kat oksal xoꞌl unqꞌa bꞌalameꞌ, as kat juplu veꞌt itziꞌ txoo taꞌn u Tiixheꞌ, aqꞌal uvaꞌ yeꞌl txoo la chiꞌon veꞌteꞌ.

Other Translations

King James Version (KJV)

Who through faith subdued kingdoms, wrought righteousness, obtained promises, stopped the mouths of lions.

American Standard Version (ASV)

who through faith subdued kingdoms, wrought righteousness, obtained promises, stopped the mouths of lions,

Bible in Basic English (BBE)

Who through faith overcame kingdoms, did righteousness, got their reward, kept the mouths of lions shut,

Darby English Bible (DBY)

who by faith overcame kingdoms, wrought righteousness, obtained promises, stopped lions' mouths,

World English Bible (WEB)

who, through faith subdued kingdoms, worked out righteousness, obtained promises, stopped the mouths of lions,

Young's Literal Translation (YLT)

who through faith did subdue kingdoms, wrought righteousness, obtained promises, stopped mouths of lions,

Cross Reference

Galatians 3:16 in Ixil

16 As echat kat ibꞌan u Tiixheꞌ tukꞌ u Abraham, tan kat tal kan Aak umaꞌl u yol te u Abraham tiꞌ umaꞌl u tiaaleꞌ. As yeꞌxhkam ni taleꞌ uvaꞌ: «Tiꞌ kajayil unqꞌa tiaal u Abraham,» chu koj u yoleꞌ. Pet tiꞌ kuxh umaꞌl u tiaal u Abraham talkat kan u Tiixheꞌ u yoleꞌ, echeꞌ uvaꞌ ni tal umaꞌt u yol uvaꞌ tzꞌibꞌamal kan: As tiꞌ umaꞌl vaviaaleꞌ, tiꞌk u yoleꞌ. As aꞌeꞌ u Cristo uvaꞌ nik taleꞌ.

2 Timothy 4:17 in Ixil

17 tan atik Aak sunkꞌatz tiꞌ iyakꞌinsal u vaanxelaleꞌ. Estiꞌeꞌ kat olebꞌ in tiꞌ ipaxsal viyol Aakeꞌ xoꞌl unqꞌa tenameꞌ. As kat tabꞌi veꞌt unqꞌa tenameꞌ u yoleꞌ uvaꞌ jit tiaal Israel, tan Aakeꞌ kat eesan in tiqꞌabꞌ unqꞌa uxhchileꞌ uvaꞌ ech nik isaꞌ ibꞌanateꞌ sve echeꞌ nibꞌan umaj bꞌalam.

Hebrews 6:12 in Ixil

12 As jit qꞌeꞌay ex la ibꞌaneꞌ tiꞌ u kꞌujlebꞌal ekꞌuꞌleꞌ. Pet aꞌ ni valeꞌ uvaꞌ ech la ebꞌaneꞌ echeꞌ nibꞌan unqꞌa kumooleꞌ uvaꞌ la etzin veꞌt unqꞌa bꞌaꞌnileꞌ uveꞌ alel kan sqe taꞌn u Tiixheꞌ, tan yeꞌ nipal ikꞌuꞌl tiꞌ itxꞌebꞌat unqꞌa bꞌaꞌnileꞌ. As yeꞌ ni taqꞌ kan u kꞌujlebꞌal ikꞌuꞌleꞌ.

Hebrews 10:36 in Ixil

36 As techal chiteꞌ uvaꞌ yeꞌ la pal ekꞌuꞌl tiꞌ ekuyat unqꞌa kꞌaxkꞌoeꞌ, tan tul maꞌt ekuyat unqꞌa kꞌaxkꞌoeꞌ echeꞌ uvaꞌ nisaꞌ u Tiixheꞌ setiꞌ, as la aqꞌpu veꞌt u txꞌajaꞌmeꞌ sete uvaꞌ alel kan taꞌn Aak.

Hebrews 11:4 in Ixil

4 As echeꞌ uvaꞌ kat ibꞌan u Abel tan kꞌujlik chit ikꞌuꞌl tiꞌ u Tiixheꞌ, as kat toksa u oyeꞌ uvaꞌ nim talcheꞌ tiꞌ u tetz u Caíneꞌ vatz u Tiixheꞌ. As bꞌaꞌn veꞌt iyolbꞌel u Abeleꞌ taꞌn Aak, tan kat ikꞌul Aak u oyeꞌ uvaꞌ kat toksa u Abeleꞌ vatz Aak. As kꞌuxh kamnal veꞌt u Abel, as nitel ichus oꞌ cheel tiꞌ kukꞌujbꞌaꞌt kukꞌuꞌl tiꞌ u Tiixheꞌ.

Hebrews 11:17 in Ixil

17 As tiꞌ uvaꞌ kꞌujlik ikꞌuꞌl u Abraham tiꞌ u Tiixheꞌ, as kat inima tul uvaꞌ kat tal u Tiixheꞌ ste uvaꞌ la toksa ok vikꞌaoleꞌ vatz Aak, kꞌuxh taꞌn chiteꞌ unchꞌiꞌtil. As aalik chit iyatzꞌat veꞌt u Abraham vikꞌaoleꞌ, kꞌuxh maꞌtik ichiibꞌ u Abraham tiꞌ unchꞌiꞌtil vikꞌaoleꞌ uvaꞌ Isaac ibꞌii.

1 Peter 5:8 in Ixil

8 As atoj enachbꞌal. As la chit etil etibꞌ, tan nichuk u txꞌiꞌlanajeꞌ txumbꞌal setiꞌ tiꞌ teesat etiichajil kꞌatz u Tiixheꞌ echeꞌ nibꞌan umaj bꞌalam tul nivulun txoo tiꞌ iyatzꞌat umaꞌtoj txoo tiꞌ ichiꞌataꞌ.