Ephesians 4:31 in Ixil 31 As eteesataj unqꞌa vaꞌlexhla txumbꞌaleꞌ tu vetaanxelaleꞌ echeꞌ u chiꞌchol aamaileꞌ, u txꞌiꞌtziꞌleꞌ, u ulchil viꞌeꞌ, u yaaibꞌeꞌ, u yoqꞌoꞌmeꞌ, as tukꞌ unjoltu unqꞌa vaꞌlexheꞌ. As eyaꞌsataj.
Other Translations King James Version (KJV) Let all bitterness, and wrath, and anger, and clamour, and evil speaking, be put away from you, with all malice:
American Standard Version (ASV) Let all bitterness, and wrath, and anger, and clamor, and railing, be put away from you, with all malice:
Bible in Basic English (BBE) Let all bitter, sharp and angry feeling, and noise, and evil words, be put away from you, with all unkind acts;
Darby English Bible (DBY) Let all bitterness, and heat of passion, and wrath, and clamour, and injurious language, be removed from you, with all malice;
World English Bible (WEB) Let all bitterness, wrath, anger, outcry, and slander, be put away from you, with all malice.
Young's Literal Translation (YLT) Let all bitterness, and wrath, and anger, and clamour, and evil-speaking, be put away from you, with all malice,
Cross Reference Acts 19:28 in Ixil 28 As tul tabꞌi veꞌt unqꞌa najeꞌ, as aal chit ul veꞌt iviꞌ. As sikꞌin veꞌt chajnaj. As ech tal veꞌt ileꞌ: —¡Nim iyolbꞌeleꞌ u kutiixheꞌ uveꞌ Diana tzitzaꞌ tu u Éfeso!— tiꞌk chajnaj.
Acts 21:30 in Ixil 30 Estiꞌeꞌ veqꞌelkabꞌan veꞌt unqꞌa tenameꞌ skajayil tu u Jerusalén. As qꞌax toon veꞌt unqꞌa tenameꞌ tiꞌ itxeypu u Pablo. As ijitil veꞌt el tiꞌeꞌl viqꞌanal u tostiixheꞌ. As oora chit ijup veꞌt chajnaj unqꞌa bꞌeyeꞌ uvaꞌ ni tokkat unqꞌa tenameꞌ.
Acts 22:22 in Ixil 22 As tul tabꞌi unqꞌa tenameꞌ u yoleꞌ uvaꞌ tal u Pablo tiꞌ uvaꞌ kat ichaj bꞌen u Jesús u Pablo xoꞌl unqꞌa tenameꞌ uvaꞌ jit tiaal Israel, as xeꞌt veꞌt unqꞌa tenameꞌ sikꞌin unpajte. As ech tal ileꞌ: —¡U najeꞌ as yeꞌ la uchi uvaꞌ la isebꞌ naj! ¡Pet sotzoj ivatz naj vatz u txꞌavaꞌeꞌ!— tiꞌk unqꞌa tenameꞌ.
Romans 1:29 in Ixil 29 As pal chit veꞌt iviꞌ ibꞌan unqꞌa tenameꞌ tiꞌ ibꞌanat u vaꞌlexheꞌ taꞌn u tachaꞌveꞌ, tan aꞌ kuxh u vaꞌlexheꞌ ni titzꞌa. As nichiꞌan veꞌt taama tiꞌ vimooleꞌ. As atoꞌk chit taama tiꞌ iyatzꞌat imool. As chukul chꞌaꞌo chittuꞌ. As nimaxtibꞌe vimooleꞌ. As kam unbꞌooj la alpu ste, as aꞌ kuxh u vaꞌlexheꞌ ni titzꞌa stiꞌ.
Romans 3:14 in Ixil 14 tan aꞌ kuxh unqꞌa onkonla yoleꞌ ni tel chꞌuꞌl titziꞌ tukꞌ u chiꞌchola aamaileꞌ.
1 Corinthians 5:8 in Ixil 8 Estiꞌeꞌ uvaꞌ la kubꞌan u bꞌaꞌneꞌ echeꞌ inimal u nimla qꞌiieꞌ. As yeꞌ la kubꞌan u vaꞌlexheꞌ. Pet jik koj chit la kubꞌan u bꞌaꞌneꞌ. As ayaꞌl chit kukꞌuꞌl tiꞌ kubꞌanataꞌ, tan ech oꞌeꞌ echeꞌ u qꞌotaeꞌ uvaꞌ yeꞌl txꞌam at sxoꞌl.
1 Corinthians 14:20 in Ixil 20 Vitzꞌin vatzik, echoj vetxumbꞌaleꞌ talaj intxaꞌ, poro yeꞌ la etitzꞌa uvaꞌ kam chit nibꞌan unqꞌa talaj intxaꞌeꞌ. Pet echoj chit etxumbꞌaleꞌ echeꞌ qꞌesla aama.
2 Corinthians 12:20 in Ixil 20 Pet nitxumun vaama setiꞌ, tan ni vitzꞌa uvaꞌ tul la oon in sexoꞌl, as jitꞌeꞌch vetxumbꞌaleꞌ la ibꞌaneꞌ echeꞌ uvaꞌ ni vitzꞌa. As mitaꞌn vuntxumbꞌaleꞌ la ibꞌan sevatz echeꞌ uvaꞌ nesaꞌ sviꞌ, tan ni vitzꞌa uvaꞌ kamal at exoꞌl sevatzaj. As moj nichꞌoꞌnsa tibꞌ etaama; as moj ni tul eviꞌ; as moj netixva etibꞌ sevatzaj; as moj ni teesa tibꞌ eqꞌii sevatzaj; as moj nechij yolineꞌ; as moj nejeꞌsa etibꞌ; as moj aꞌ kuxh nebꞌaneꞌ uvaꞌ yeꞌ nibꞌancheꞌ.
Galatians 5:20 in Ixil 20 ni qaaebꞌ vatz unqꞌa tiixheꞌ uveꞌ bꞌanel kuxh taꞌn unqꞌa najeꞌ bꞌanol txꞌiꞌlamail, chiꞌchola aama, aachꞌaꞌo, achvan txꞌiibꞌal qꞌii, txꞌiꞌtziꞌl chukul chꞌaꞌo, jatxool ivatz imool,
Ephesians 4:26 in Ixil 26 Asoj la ul eviꞌ, as la til jeꞌ etibꞌ, aqꞌal uvaꞌ yeꞌ la paavin ex. As yeꞌ la pal u qꞌiieꞌ setiꞌ. Pet oora kuxh la eyaꞌsa u ulchil viꞌeꞌ.
Colossians 3:8 in Ixil 8 Pet ech koj cheel, tan jit veꞌt etetzeꞌ uvaꞌ la ebꞌan unqꞌa vaꞌlexhla txumbꞌaleꞌ, echeꞌ u txꞌiꞌtziꞌleꞌ, u ulchil viꞌeꞌ, u chꞌoꞌnchil aamaeꞌ, u yoqꞌiibꞌeꞌ, as tukꞌ unqꞌa vaꞌlexhla yoleꞌ uvaꞌ ni talpeꞌ.
Colossians 3:19 in Ixil 19 As ex tzumela, exoꞌnitaj vetixqeleꞌ. As yeꞌ la ekꞌixhbꞌaꞌ evatz te vetixqeleꞌ.
1 Timothy 3:3 in Ixil 3 As jit qꞌabꞌaꞌm. As jit chukul chꞌaꞌo. As yeꞌ la isubꞌ imool tiꞌ itxꞌakat ipuaj. As jit u puajeꞌ la bꞌen iviꞌ stiꞌ. Pet bꞌaꞌnla aama chittuꞌ. As mutxkin aama la ibꞌan vatz unqꞌa imooleꞌ.
1 Timothy 3:11 in Ixil 11 As echat la ibꞌan unqꞌa ixojeꞌ uvaꞌ la ok lochonaalil xoꞌl unqꞌa qitzꞌin qatzikeꞌ. As jik chit la yoloni. As jit aayol la ibꞌaneꞌ. Pet kꞌujlebꞌal chit kꞌuꞌl. As jik chit itxumbꞌal chaꞌma la ibꞌaneꞌ.
1 Timothy 5:13 in Ixil 13 As at chaꞌma yeꞌ isaꞌ aqꞌon. Pet xaavil kuxh chaꞌma, tan la kuxh ok chaꞌma tulaj ikabꞌal unqꞌa imooleꞌ, tiꞌ bꞌen icheesat ok yol. As aꞌ kuxh unqꞌa yoleꞌ la iyol chaꞌma uvaꞌ yeꞌ nitxakoneꞌ.
1 Timothy 6:4 in Ixil 4 As unqꞌa uxhchileꞌ uvaꞌ nu kuxh ijeꞌsa tibꞌ, tan ni taleꞌ uvaꞌ at itxumbꞌal as yeꞌl itxumbꞌal ati. As jit kuxh ivatz uveꞌ niyaa tibꞌ stiꞌ tukꞌ vimooleꞌ. As ech ixeꞌt u chꞌoꞌnchil aamaeꞌ tukꞌ unqꞌa yoqꞌoꞌmeꞌ echeꞌ umaj chꞌoꞌm. As ni teesa iqꞌii u Tiixheꞌ. As yeꞌ nikꞌujbꞌaꞌ unqꞌa uxhchileꞌ ikꞌuꞌl svatzaj.
2 Timothy 2:23 in Ixil 23 As yeꞌ la aaqꞌ tokebꞌal unqꞌa vaꞌlexhla txumbꞌaleꞌ uveꞌ yeꞌl isuuchil ati, tan ateꞌ sakꞌuꞌl uvaꞌ abꞌil ni taqꞌ tokebꞌal unqꞌa vaꞌlexhla txumbꞌaleꞌ as yaaibꞌ itzojpeꞌ nibꞌaneꞌ.
2 Timothy 3:3 in Ixil 3 As yeꞌ la ixoꞌva veꞌt unqꞌa uxhchileꞌ unqꞌa imooleꞌ. As yeꞌ la ibꞌaneꞌ kam uvaꞌ ni taleꞌ. As la ichuk ipaav unqꞌa imooleꞌ. As yeꞌ la olebꞌ tiꞌ iyaꞌsat u vaꞌlexheꞌ uveꞌ nibꞌaneꞌ, tan oora chit ni tul iviꞌ. As ixaꞌv chit u bꞌaꞌneꞌ ste.
Titus 1:7 in Ixil 7 Tan aꞌ u taqꞌon u Tiixheꞌ la til unqꞌa najeꞌ uvaꞌ la akꞌujbꞌaꞌ kan. Estiꞌeꞌ uvaꞌ techal chit uvaꞌ bꞌaꞌn itxumbꞌal la ibꞌaneꞌ, as yeꞌ la toksa tibꞌ naj snimil, as yeꞌ la txꞌiꞌtziꞌl tu naj, as yeꞌ la ul iviꞌ naj, as jit qꞌabꞌaꞌmil naj, as jit chukul chꞌaꞌo naj la ibꞌaneꞌ, as jit kuxh u puajeꞌ la titzꞌa naj, as yeꞌ la isubꞌ naj vimooleꞌ tiꞌ itxꞌakat ipuaj.
Titus 2:3 in Ixil 3 As echat la aal te unqꞌa ixojeꞌ uvaꞌ qꞌestu veꞌteꞌ tiꞌ uvaꞌ la ikꞌuch veꞌt chaꞌma uvaꞌ nixoꞌva chaꞌma u Tiixheꞌ tiꞌ ibꞌanat u bꞌaꞌneꞌ. As yeꞌ la icheesa chaꞌma ipaav imool. As yeꞌ la qꞌabꞌan chaꞌma. Pet la ichus chaꞌma unqꞌa uxhchileꞌ tiꞌ uvaꞌ la ibꞌan u bꞌaꞌneꞌ.
Titus 3:2 in Ixil 2 As teesak kuxh unqꞌa qitzꞌin qatzikeꞌ iqꞌii umaj uxhchil. As jit aachꞌaꞌo la ibꞌaneꞌ, pet bꞌaꞌn itxumbꞌal la ibꞌaneꞌ te unqꞌa uxhchileꞌ skajayil. As yeꞌ la ijeꞌsa tibꞌ vatz unqꞌa uxhchileꞌ,
James 1:19 in Ixil 19 Vitzꞌin vatzik uvaꞌ xoꞌn ex sve, as sotziꞌk u yoleꞌ sekꞌuꞌl. Tan la ebꞌan tabꞌit unqꞌa yoleꞌ uvaꞌ la alpi. As jit kuxh oora la yolon ex. As jit kuxh oora la ul eviꞌ.
James 3:14 in Ixil 14 Pet yeꞌ la ibꞌaneꞌ uvaꞌ la etoksa jeꞌ eqꞌii, asoj nichiꞌan etaama tiꞌ vemooleꞌ as nekꞌaybꞌisa jeꞌ etaama, tan yeꞌ nenima unqꞌa jikla yoleꞌ. As aꞌ kuxh vetxumbꞌaleꞌ netoksa.
James 4:11 in Ixil 11 Vitzꞌin vatzik, yeꞌ la eyol etibꞌ sevatzaj, tan abꞌil uvaꞌ niyol vimooleꞌ uvaꞌ ni niman u Jesús as ni toksa tibꞌ tiꞌ ibꞌanat isuuchil vimooleꞌ, as nipaasa tibꞌ vatz u tzaqꞌiteꞌ. As nim talcheꞌ tiꞌ u tzaqꞌiteꞌ uveꞌ ni tal jeꞌ ste, tan tul nipaasa tibꞌ vatz u tzaqꞌiteꞌ, as nikꞌucheꞌ uvaꞌ yeꞌ ninima u tzaqꞌiteꞌ, tan nim ni toksakat tibꞌ vatz u tzaqꞌiteꞌ.
1 Peter 2:1 in Ixil 1 Estiꞌeꞌ ni val sete, eteesataj etibꞌ kꞌatz unqꞌa vaꞌlexheꞌ uveꞌ nibꞌan unqꞌa uxhchileꞌ svatzaj. As yeꞌ la emaxtibꞌe umaj uxhchil. As jit ex kaꞌvatz la ebꞌaneꞌ. As yeꞌ la ichꞌoꞌnsa tibꞌ etaama. As mitaꞌn la icheesa tibꞌ yol setiꞌaj.
2 Peter 2:10 in Ixil 10 As aꞌ unqꞌa uxhchileꞌ uvaꞌ techal la ul unqꞌa kꞌaxkꞌoeꞌ stiꞌ uvaꞌ nipaavineꞌ tiꞌ ibꞌanat u tachaꞌv vichiꞌoleꞌ as yeꞌ ninima unqꞌa iqꞌesaleꞌ. As ech itxumbꞌal unqꞌa chulin yoleꞌ, tan aꞌ kuxh vitxumbꞌaleꞌ ni toksa. As tii chit taama tiꞌ ibꞌanat umaj kam, tan yeꞌ nixoꞌveꞌ tiꞌ talat umaj yol tiꞌ unqꞌa ibꞌooqꞌoleꞌ uvaꞌ at vatz u txꞌavaꞌeꞌ tukꞌ uveꞌ at tu almikaꞌ.
1 John 3:12 in Ixil 12 As echenik kubꞌaneꞌ echeꞌ uvaꞌ kat ibꞌan u Caín tan tetzik u txꞌiꞌlanajeꞌ naj. As iyatzꞌ veꞌt naj u titzꞌineꞌ. ¿As kam stiꞌ qꞌi iyatzꞌ kuxh u Caín u titzꞌineꞌ? Tan tiꞌ uvaꞌ aꞌ unqꞌa vaꞌlexheꞌ nik ibꞌan u Caíneꞌ. Pet ech koj u titzꞌin najeꞌ, tan aꞌ u bꞌaꞌneꞌ nik ibꞌan naj.
1 John 3:15 in Ixil 15 As jankꞌal unqꞌa uxhchileꞌ uveꞌ ni chiꞌan taama tiꞌ unqꞌa titzꞌin tatzikeꞌ, as eela vitxumbꞌaleꞌ tukꞌ umaj yatzꞌol aama. As ootzimaleꞌ sqaꞌn uvaꞌ yeꞌl umaj yatzꞌol aama at itiichajil kꞌatz u Tiixheꞌ.
Jude 1:8 in Ixil 8 As echat nibꞌan unqꞌa uxhchileꞌ uvaꞌ ni yaansa vichiꞌoleꞌ taꞌn unqꞌa vaꞌlexheꞌ uveꞌ nibꞌaneꞌ. As ni tixva veꞌt chajnaj unqꞌa uxhchileꞌ uvaꞌ at tijleꞌm vatz u txꞌavaꞌeꞌ, as ni yoqꞌon chajnaj tiꞌ unqꞌa uveꞌ at tijleꞌm tu almikaꞌ.
Revelation 12:10 in Ixil 10 As vabꞌi veꞌt umaꞌl u tuul viꞌ uvaꞌ saqꞌchibꞌal chittuꞌ tu almikaꞌ. As ech tal ileꞌ: As kat sutilyak veꞌt bꞌeneꞌ el u txꞌiꞌlanajeꞌ uvaꞌ ni cheesan ipaav unqꞌa qitzꞌin qatzikeꞌ vatz u Tiixheꞌ sqꞌiil aqꞌbꞌal. As kat eesaliy veꞌt u paaveꞌ tiꞌ vitenam u Tiixheꞌ tiꞌ chit ibꞌeneꞌ As ni xeꞌt veꞌt u Tiixheꞌ tukꞌ u tijleꞌmeꞌ, as tukꞌ viyakꞌileꞌ, as tukꞌ u tijleꞌm u Cristo.