Acts 16:1 in Ixil 1 As oon veꞌt chajnaj tu u Derbe tukꞌ tu u Listra. As atik umaꞌl u niman tetz u Jesús tzitziꞌ uvaꞌ Timoteo, tal umaꞌl u ixoj uvaꞌ tiaal Israel uvaꞌ kꞌujleꞌl ikꞌuꞌl tiꞌ u Jesús. As ech koj vibꞌaal u Timoteo, tan jit tiaal Israel naj.
Other Translations King James Version (KJV) Then came he to Derbe and Lystra: and, behold, a certain disciple was there, named Timotheus, the son of a certain woman, which was a Jewess, and believed; but his father was a Greek:
American Standard Version (ASV) And he came also to Derbe and to Lystra: and behold, a certain disciple was there, named Timothy, the son of a Jewess that believed; but his father was a Greek.
Bible in Basic English (BBE) And he came to Derbe and Lystra: and there was a certain disciple there named Timothy, whose mother was one of the Jews of the faith, but his father was a Greek;
Darby English Bible (DBY) And he came to Derbe and Lystra: and behold, a certain disciple was there, by name Timotheus, son of a Jewish believing woman, but [the] father a Greek,
World English Bible (WEB) He came to Derbe and Lystra: and behold, a certain disciple was there, named Timothy, the son of a Jewess who believed; but his father was a Greek.
Young's Literal Translation (YLT) And he came to Derbe and Lystra, and lo, a certain disciple was there, by name Timotheus son of a certain woman, a believing Jewess, but of a father, a Greek,
Cross Reference Acts 14:1 in Ixil 1 As tul atik u Pablo tukꞌ u Bernabé tu u Iconio, as ok veꞌt tu u atinbꞌaleꞌ tetz nachbꞌal Tiixh taꞌn unqꞌa tiaal Israel. As tul tal veꞌt chajnaj isuuchil viyol u Tiixheꞌ, as nimal unqꞌa uxhchileꞌ niman veꞌt viyol u Tiixheꞌ uvaꞌ tiaal Israel as tukꞌ unqꞌa jit tiaal Israel.
Acts 14:6 in Ixil 6 As tabꞌi veꞌt u Pablo tukꞌ u Bernabé. As ooj veꞌt chajnaj tiꞌ ibꞌen tu u Listra, tukꞌ tu u Derbe uvaꞌ echen tu u Licaonia, as tukꞌ tu kaꞌt unqꞌa tenameꞌ uvaꞌ echen najli.
Acts 14:21 in Ixil 21 As tul tal veꞌt chajnaj isuuchil u bꞌaꞌnla yoleꞌ xoꞌl unqꞌa tenameꞌ tu u Derbe, as nimal unqꞌa uxhchileꞌ kat niman u yoleꞌ tiꞌ u Jesús. As qꞌaav veꞌt u Pablo tukꞌ u Bernabé tu u Listra tukꞌ tu u Iconio tukꞌ tu u Antioquía unpajte.
Acts 17:14 in Ixil 14 As oora chit tal veꞌt unqꞌa qitzꞌin qatzikeꞌ te u Pablo uvaꞌ la bꞌen tu u tzꞌaꞌla vitzeꞌ uvaꞌ tziꞌ u mar. Pet ech koj u Silas tukꞌ u Timoteo, tan kaa veꞌt chajnaj tu u Berea.
Acts 18:5 in Ixil 5 As tzaa veꞌt u Silas tukꞌ u Timoteo tu u Macedonia tiꞌ ibꞌen kꞌatz u Pablo tu u Corinto. As tul oon chajnaj, as til chajnaj uvaꞌ ayaꞌl chit ikꞌuꞌl u Pablo nik tal isuuchil u yoleꞌ tiꞌ u Jesucristo te unqꞌa imooleꞌ uvaꞌ tiaal Israel.
Acts 19:22 in Ixil 22 As ichaj veꞌt bꞌen u Pablo kaꞌvaꞌl unqꞌa lochol tetz tu u Macedonia, u Timoteo tukꞌ u Erasto. As nimatel qꞌii ibꞌan kan u Pablo tu u Asia.
Acts 20:4 in Ixil 4 As bꞌen veꞌt u Sópater stiꞌ uvaꞌ echen tu u Berea, tukꞌ u Aristarco tukꞌ u Segundo uvaꞌ tzaanaj tu u Tesalónica, tukꞌ u Gayo uvaꞌ tzaanaj tu u Derbe, tukꞌ u Timoteo, tukꞌ u Tíquico tukꞌ u Trófimo uvaꞌ tzaanaj tu u Asia.
Romans 16:21 in Ixil 21 Ni taqꞌ bꞌen u Timoteo itzii sete, uvaꞌ unmool vibꞌ stukꞌ tiꞌ ipaxsal viyol u Tiixheꞌ. As ni taqꞌ bꞌen unqꞌa unmooleꞌ uvaꞌ tiaal Israel itzii sete, u Lucio tukꞌ u Jasón as tukꞌ u Sosípater.
1 Corinthians 4:17 in Ixil 17 Estiꞌeꞌ kat unchaj bꞌen u Timoteo sexoꞌl, tan ech najeꞌ echeꞌ unkꞌaol uvaꞌ xoꞌn chit sve, tan kꞌujleꞌl chit ikꞌuꞌl tiꞌ u Kubꞌaal Jesúseꞌ. As kꞌujleꞌl unkꞌuꞌl tiꞌ naj. As la tulsa naj sekꞌuꞌl uvaꞌ abꞌiste u txumbꞌaleꞌ uveꞌ eqꞌomal svaꞌn kꞌatz u Kubꞌaal Jesucristoeꞌ. As aꞌ u txumbꞌaleꞌ uveꞌ nunchus veꞌt xoꞌl unqꞌa qitzꞌin qatzikeꞌ tu unqꞌa tenameꞌ skajayil.
1 Corinthians 7:14 in Ixil 14 Tan u najeꞌ uveꞌ yeꞌ nikꞌujbꞌaꞌ ikꞌuꞌl tiꞌ u Jesús as antu naj ni teesal kꞌatz u vaꞌlexheꞌ taꞌn u tixqeleꞌ. As u ixojeꞌ uveꞌ yeꞌ nikꞌujbꞌaꞌ ikꞌuꞌl tiꞌ u Jesús, as antu u ixojeꞌ ni teesal kꞌatz u vaꞌlexheꞌ taꞌn vitzumeleꞌ. As ech chit tuk ibꞌaneꞌ uveꞌ ni val sete, asoj jitꞌeꞌch la ibꞌaneꞌ, as vaꞌlexh itxumbꞌaleꞌ unqꞌa etalaj intxaꞌeꞌ la ibꞌaneꞌ. Pet antu veꞌt chiintxaꞌ kat el vatz u vaꞌlexheꞌ taꞌn u kꞌujlebꞌal ikꞌuꞌl u txutx ibꞌaaleꞌ.
2 Corinthians 1:1 in Ixil 1 Ineꞌ in Pablo. As in apóstol tetz u Jesucristo, tan echeꞌ uvaꞌ nisaꞌ u Tiixheꞌ. As in tukꞌ u qitzꞌin qatzikeꞌ u Timoteo ni aqꞌon bꞌen u uꞌujeꞌ sete, jankꞌal ex uvaꞌ ex itenam Tiixh uveꞌ echen tu u tenam uvaꞌ Corinto tukꞌ ex uvaꞌ echen ex tu u Acaya skajayil.
2 Corinthians 1:19 in Ixil 19 As u Jesucristo, viKꞌaol u Tiixheꞌ, uvaꞌ ni qal isuuchil sete, in tukꞌ u Silvano tukꞌ u Timoteo, as jik chiteꞌ viyol Aakeꞌ. As jitꞌeꞌch iyolon Aakeꞌ uvaꞌ kano, chaj Aak bꞌaxa, as yeꞌle la ibꞌaneꞌ, chaj veꞌt Aak unpajte. Pet ni chit ibꞌan Aak kam uvaꞌ ni tal Aak.
Philippians 1:1 in Ixil 1 Ineꞌ in Pablo tukꞌ u Timoteo uvaꞌ ikꞌam u Jesucristoeꞌ, as oꞌeꞌ uvaꞌ ni qꞌiilan bꞌen ex, jankꞌal ex uvaꞌ atoꞌk ex kꞌatz u Jesucristo tu u tenameꞌ Filipos, as ex unqꞌa iqꞌesal unqꞌa qitzꞌin qatzikeꞌ uvaꞌ niman tetz u Jesúseꞌ tukꞌ ex uvaꞌ ex lochonaal kꞌatz veqꞌesaleꞌ unpajte.
Philippians 2:19 in Ixil 19 Asoj la ibꞌan u Kubꞌaal Jesucristo bꞌaꞌnil, as tuk unchaj bꞌen u qitzꞌin qatzikeꞌ u Timoteo tiꞌ bꞌen iyakꞌinsat ex, as tiꞌ tul iyakꞌinsat veꞌt in unpajte tul la vabꞌi yol setiꞌ.
Colossians 1:1 in Ixil 1 Ineꞌ in Pablo uvaꞌ in apóstol tetz u Jesucristo, as at u Timoteo sunkꞌatz unpajte, tan aꞌeꞌ uvaꞌ nisaꞌ u Tiixheꞌ sqiꞌ.
1 Thessalonians 1:1 in Ixil 1 Ineꞌ in Pablo uvaꞌ ni qꞌiilan bꞌen ex, tukꞌ u Silvano tukꞌ u Timoteo. As nuntzꞌibꞌa bꞌen u yoleꞌ sete, ex aa Tesalónica. Tan ibꞌaꞌnil kuxh u Kubꞌaal Tiixheꞌ tukꞌ u Kubꞌaal Jesucristo tiꞌ uvaꞌ bꞌaꞌn etatin sevatzaj.
1 Thessalonians 3:2 in Ixil 2 As kat kuchaj veꞌt bꞌen u qitzꞌin qatzikeꞌ u Timoteo sexoꞌl, tan ikꞌam u Tiixheꞌ naj, tan niloch oꞌ naj tiꞌ talpu u bꞌaꞌnla yoleꞌ tetz u Cristo. As kat kuchaj bꞌen tiꞌ uvaꞌ la bꞌen iyakꞌinsa veꞌt etaanxelal as tiꞌ ibꞌeyal veꞌt sete tiꞌ u kꞌujlebꞌal ekꞌuꞌleꞌ,
1 Thessalonians 3:6 in Ixil 6 As tul ul veꞌt u Timoteo sukukꞌatz tul maꞌtik bꞌex tilat ex, as achaꞌv chit u yoleꞌ uveꞌ kat ul tal veꞌt sqe setiꞌ tiꞌ uvaꞌ kꞌujleꞌl chit ekꞌuꞌl tiꞌ u Jesús. As xoꞌn chit etibꞌ sevatzaj. As bꞌenameen netulsa oꞌ sekꞌuꞌl, tan atoꞌk etaama sqiꞌ. As kat tal u Timoteo uvaꞌ nesaꞌ etilat oꞌ echeꞌ uvaꞌ nu kubꞌan setiꞌ.
2 Thessalonians 1:1 in Ixil 1 Ineꞌ in Pablo uvaꞌ ni qꞌiilan bꞌen ex, tukꞌ u Silvano tukꞌ u Timoteo. As nuntzꞌibꞌa bꞌen u yoleꞌ sete, ex aa Tesalónica, jankꞌal ex uvaꞌ atoꞌk ex kꞌatz u Kubꞌaal Tiixheꞌ tukꞌ kꞌatz u Kubꞌaal Jesucristo.
1 Timothy 1:2 in Ixil 2 As tuk untzꞌibꞌa bꞌen umaꞌl u uꞌuj see, Timoteo, tan ech chit axheꞌ echeꞌ umaj unkꞌaol, tan umaꞌl kuxh u kꞌujlebꞌal kukꞌuꞌleꞌ. As aꞌ u Kubꞌaal Tiixheꞌ tukꞌ u Kubꞌaal Jesucristo la aqꞌon vibꞌaꞌnileꞌ see. As la itxum Aak avatz. As Aak ni bꞌanon uvaꞌ bꞌaꞌn etatin sevatzaj.
1 Timothy 1:18 in Ixil 18 As ech axheꞌ, Timoteo, echeꞌ umaj unkꞌaol. As ni vulsa u yoleꞌ sakꞌuꞌl uvaꞌ kat val see, aqꞌal uvaꞌ ech la abꞌaneꞌ tiꞌ achusuneꞌ echeꞌ nibꞌan umaj sol tiꞌ tok vatz umaj chꞌaꞌo, tan ech vaaqꞌoneꞌ uvaꞌ alel see taꞌn unqꞌa qꞌajsan tetz viyol u Tiixheꞌ bꞌaxa.
2 Timothy 1:2 in Ixil 2 As xoꞌn veꞌt axh sve, Timoteo, tan ech axheꞌ echeꞌ umaj unkꞌaol vatz u Tiixheꞌ. As u Kubꞌaal Tiixheꞌ tukꞌ u Kubꞌaal Jesucristo la aqꞌon vibꞌaꞌnileꞌ see. As Aakeꞌ la bꞌanon uvaꞌ bꞌaꞌn etatin sevatzaj. As nitxum Aak avatz.
2 Timothy 1:5 in Ixil 5 As ni vulsa axh sunkꞌuꞌl uvaꞌ jik chit nakꞌujbꞌaꞌ akꞌuꞌl tiꞌ u Tiixheꞌ, echeꞌ uvaꞌ nik ibꞌan u qꞌesla atxutxeꞌ uvaꞌ Loida bꞌaxa. As echat nibꞌan ak atxutxeꞌ uvaꞌ Eunice. As ootzimal svaꞌn uvaꞌ echat chit nabꞌaneꞌ unpajte.
2 Timothy 3:11 in Ixil 11 tul kat tilul in tu unqꞌa tenameꞌ, echeꞌ kat ulbꞌel in tu u Antioquía tukꞌ tu u Iconio as tu u Listra unpajte. As aꞌ u kꞌaxkꞌoeꞌ uvaꞌ kat ul sviꞌ. Pet kat iloch in u Kubꞌaal Jesucristo vatz unqꞌa kꞌaxkꞌoeꞌ skajayil.
2 Timothy 3:15 in Ixil 15 tan tu atalintxaꞌil kat ootzikat u jikla chusbꞌaleꞌ tiꞌ viyol u Tiixheꞌ. As aꞌeꞌ kat aqꞌon atxumbꞌal tiꞌ u sotzbꞌal paaveꞌ tan tiꞌ uvaꞌ kꞌujleꞌl akꞌuꞌl tiꞌ u Cristo uvaꞌ Jesús.
Hebrews 13:23 in Ixil 23 As la val sete uvaꞌ kat chajpul veꞌt u qitzꞌin qatzikeꞌ u Timoteo. Asoj yeꞌ tuk bꞌalaxtoj aak tiꞌ tul sunkꞌatz, as la bꞌen qil ex tukꞌ aak.