2 Timothy 3:2 in Ixil 2 tan at unqꞌa uxhchileꞌ uvaꞌ aꞌ kuxh veꞌt vitxumbꞌaleꞌ la toksa. As aꞌ kuxh veꞌt u puajeꞌ la tachva. As la kuxh toksa veꞌt iqꞌii tiꞌ ijeꞌsat tibꞌ. As la teesa veꞌt iqꞌii u Tiixheꞌ. As yeꞌ la inima veꞌt ibꞌaal tukꞌ itxutx. As la koj taqꞌ taꞌntiixh tiꞌ umaj bꞌaꞌnil uvaꞌ la bꞌanax ste. As yeꞌ la ixoꞌva Tiixh.
Other Translations King James Version (KJV) For men shall be lovers of their own selves, covetous, boasters, proud, blasphemers, disobedient to parents, unthankful, unholy,
American Standard Version (ASV) For men shall be lovers of self, lovers of money, boastful, haughty, railers, disobedient to parents, unthankful, unholy,
Bible in Basic English (BBE) For men will be lovers of self, lovers of money, uplifted in pride, given to bitter words, going against the authority of their fathers, never giving praise, having no religion,
Darby English Bible (DBY) for men shall be lovers of self, lovers of money, boastful, arrogant, evil speakers, disobedient to parents, ungrateful, profane,
World English Bible (WEB) For men will be lovers of self, lovers of money, boastful, arrogant, blasphemers, disobedient to parents, unthankful, unholy,
Young's Literal Translation (YLT) for men shall be lovers of themselves, lovers of money, boasters, proud, evil-speakers, to parents disobedient, unthankful, unkind,
Cross Reference Matthew 15:6 in Ixil 6 As aꞌ netaleꞌ uvaꞌ yeꞌ la uch ilochat veꞌt unqꞌa uxhchileꞌ vitxutxeꞌ tukꞌ vibꞌaaleꞌ. Estiꞌeꞌ ni val sete uvaꞌ nepaasa veꞌt tzii tiꞌ u tzaqꞌiteꞌ uvaꞌ tzꞌibꞌamal kan, tan aꞌ veꞌt ichusbꞌal unqꞌa qꞌesla ebꞌaaleꞌ nenima.
Mark 7:11 in Ixil 11 Pet ech koj ex, tan ech netal ileꞌ tul nechus unqꞌa uxhchileꞌ: «Kam koj umaꞌtoj la uch ibꞌanat umaj uxhchil. Pet aꞌ la tal u uxhchileꞌ te vitxutxeꞌ tukꞌ te vibꞌaaleꞌ: –Yeꞌxhkam la vulbꞌe veꞌt unlochat ex, tan corbán unqꞌa vetzeꞌ skajayil,– » chaj la taleꞌ uveꞌ netaleꞌ. (As aꞌ isuuchil u yoleꞌ corbán: As aꞌ unqꞌa oyeꞌ uveꞌ la aqꞌax te u Tiixheꞌ.)
Luke 12:15 in Ixil 15 As ech tal veꞌt u Jesús ileꞌ te unqꞌa tenameꞌ: —Etiltaj jeꞌ etibꞌ. Aꞌiniꞌk kuxh u txꞌiibꞌal qꞌiieꞌ la etoksa etaama stiꞌ, tan jit tiꞌ imolat imaas txꞌiibꞌal qꞌii atkat umaj uxhchil vatz u txꞌavaꞌeꞌ,— tiꞌk u Jesús.
Luke 16:14 in Ixil 14 Tul atik kaꞌl unqꞌa fariseo uvaꞌ aal chit nikattel taama tiꞌ u puajeꞌ. As tul tabꞌi chajnaj viyol u Jesús, as tzeꞌlebꞌal kuxh Aak te chajnaj.
Acts 5:36 in Ixil 36 tan ateꞌ sekꞌuꞌl uvaꞌ kat ibꞌan umaꞌl u naj uvaꞌ naꞌytzan uvaꞌ Teudas. Tan kat tal naj uvaꞌ nim talchu naj uveꞌ nik tal jeꞌ ste. As kaꞌviinqil kꞌalal (400) unqꞌa najeꞌ uveꞌ kat toksa tibꞌ kꞌatz naj. As tul kat yatzꞌpu naj, as kat kuxh ipaxi veꞌt tibꞌ unqꞌa najeꞌ uvaꞌ imool naj. As kat kuxh yaꞌ veꞌt iyolbꞌel naj.
Romans 1:29 in Ixil 29 As pal chit veꞌt iviꞌ ibꞌan unqꞌa tenameꞌ tiꞌ ibꞌanat u vaꞌlexheꞌ taꞌn u tachaꞌveꞌ, tan aꞌ kuxh u vaꞌlexheꞌ ni titzꞌa. As nichiꞌan veꞌt taama tiꞌ vimooleꞌ. As atoꞌk chit taama tiꞌ iyatzꞌat imool. As chukul chꞌaꞌo chittuꞌ. As nimaxtibꞌe vimooleꞌ. As kam unbꞌooj la alpu ste, as aꞌ kuxh u vaꞌlexheꞌ ni titzꞌa stiꞌ.
Romans 11:18 in Ixil 18 Pet ejeꞌsak etibꞌ vatz unqꞌa tiaal Israel uvaꞌ echeꞌ unqꞌa iqꞌabꞌ tzeꞌeꞌ uvaꞌ kat jechꞌpik el, tan asoj la ejeꞌsa etibꞌ as atoj sekꞌuꞌl uvaꞌ jit u qꞌabꞌ tzeꞌeꞌ uvaꞌ aꞌn kat oksali ni aqꞌon iyakꞌil u taqꞌil tzeꞌeꞌ. Pet aꞌ u taqꞌil tzeꞌeꞌ aqꞌol tetz iyakꞌil u qꞌabꞌ tzeꞌeꞌ.
Romans 15:1 in Ixil 1 As jankꞌal oꞌ uvaꞌ kꞌujleꞌl chit kukꞌuꞌl tiꞌ u Tiixheꞌ tiꞌ uvaꞌ kam nu kubꞌaneꞌ tiꞌ toksal iqꞌii Aak, as nimoj chit qaama la kubꞌaneꞌ tiꞌ kukuyat unqꞌa qitzꞌin qatzikeꞌ tiꞌ ilochpeꞌ as tiꞌ iyakꞌinsal u kꞌujlebꞌal ikꞌuꞌleꞌ. As jit uveꞌ la kubꞌaneꞌ kam uveꞌ ni tal qaama. As jit u kutxumbꞌaleꞌ la qoksa.
2 Corinthians 5:15 in Ixil 15 As kat kam veꞌt Aak tiꞌ unqꞌa tenameꞌ skajayil, aqꞌal uvaꞌ jit u kutxumbꞌaleꞌ la qeqꞌola tetz, jankꞌal oꞌ uvaꞌ at kutiichajil kꞌatz u Tiixheꞌ. Pet aꞌ veꞌt vitxumbꞌal u Jesúseꞌ la qeqꞌola tetz uvaꞌ kat kam sqiꞌ. As kat ul taama Aak unpajte.
Philippians 2:21 in Ixil 21 Pet ech koj unjoltu unqꞌa uxhchileꞌ, tan aꞌ kuxh u tetzeꞌ ni titzꞌa. As nu koj titzꞌa setiꞌ echeꞌ uvaꞌ ni titzꞌa u Jesucristoeꞌ setiꞌ.
Colossians 3:5 in Ixil 5 Estiꞌeꞌ ni val sete, eyaꞌsataj ebꞌanat unqꞌa vaꞌlexhla txumbꞌaleꞌ uvaꞌ vatz txꞌavaꞌilla txumbꞌal kuxhtuꞌ, echeꞌ u yansaibꞌeꞌ tukꞌ umaꞌtoj uxhchil, tukꞌ unjoltu unqꞌa vaꞌlexheꞌ uvaꞌ ni tachva vechiꞌoleꞌ. As jit kuxh u txꞌiibꞌal eqꞌiieꞌ la etitzꞌa, tan eela kuxh stukꞌ uvaꞌ aꞌ veꞌt u txꞌiibꞌal eqꞌiieꞌ etiixh sete vatz u Tiixheꞌ.
2 Thessalonians 2:4 in Ixil 4 tan la ul teesa naj iqꞌii unqꞌa veeꞌ skajayil uvaꞌ tiixh vatz unqꞌa tenameꞌ as tukꞌ unqꞌa veeꞌ ninach unqꞌa tenameꞌ sivaatzil u Tiixheꞌ. As naj la ul toksa veꞌt tibꞌ tiixhil vatz unqꞌa tenameꞌ.
1 Timothy 1:20 in Ixil 20 as echeꞌ uvaꞌ kat ibꞌan u Himeneo tukꞌ u Alejandro. Estiꞌeꞌ kat vaqꞌkat kan chajnaj tiqꞌabꞌ u Satanás tiꞌ uvaꞌ la ibꞌan u Satanás te chajnaj kam uvaꞌ ni tal taama tiꞌ chajnaj, aqꞌal uvaꞌ la pal veꞌt chajnaj stuul uvaꞌ yeꞌ la uch teesat chajnaj iqꞌii u Kubꞌaal Tiixheꞌ.
1 Timothy 3:3 in Ixil 3 As jit qꞌabꞌaꞌm. As jit chukul chꞌaꞌo. As yeꞌ la isubꞌ imool tiꞌ itxꞌakat ipuaj. As jit u puajeꞌ la bꞌen iviꞌ stiꞌ. Pet bꞌaꞌnla aama chittuꞌ. As mutxkin aama la ibꞌan vatz unqꞌa imooleꞌ.
1 Timothy 6:4 in Ixil 4 As unqꞌa uxhchileꞌ uvaꞌ nu kuxh ijeꞌsa tibꞌ, tan ni taleꞌ uvaꞌ at itxumbꞌal as yeꞌl itxumbꞌal ati. As jit kuxh ivatz uveꞌ niyaa tibꞌ stiꞌ tukꞌ vimooleꞌ. As ech ixeꞌt u chꞌoꞌnchil aamaeꞌ tukꞌ unqꞌa yoqꞌoꞌmeꞌ echeꞌ umaj chꞌoꞌm. As ni teesa iqꞌii u Tiixheꞌ. As yeꞌ nikꞌujbꞌaꞌ unqꞌa uxhchileꞌ ikꞌuꞌl svatzaj.
1 Timothy 6:10 in Ixil 10 tan jankꞌal unqꞌa vaꞌlexheꞌ uvaꞌ nibꞌan unqꞌa uxhchileꞌ as aꞌ nitzaakat tiꞌ uvaꞌ atoꞌk taama tiꞌ unqꞌa txꞌiibꞌal iqꞌiieꞌ. As at uxhchil uvaꞌ tiꞌ kuxh tachval u txꞌiibꞌal qꞌiieꞌ as kat el veꞌt itxumbꞌal tu bꞌey, tan yeꞌ kat inima veꞌt unqꞌa jikla yoleꞌ. As mamaꞌla kꞌaxkꞌo kat ipalebꞌe veꞌteꞌ.
2 Timothy 3:4 in Ixil 4 As la ibꞌan unqꞌa uxhchileꞌ u vaꞌlexheꞌ te vimooleꞌ, kꞌuxh kꞌujleꞌl chit ikꞌuꞌl vimooleꞌ stiꞌ, tan abꞌiste veꞌt la titzꞌa as aꞌeꞌ la ibꞌaneꞌ. As la ijeꞌsa tibꞌ vatz vimooleꞌ. As aꞌ kuxh u tachaꞌveꞌ la ichukeꞌ. As yeꞌ la toksa taama tiꞌ u Tiixheꞌ.
James 2:8 in Ixil 8 Pet asoj nimamal u tzaqꞌiteꞌ setaꞌn uvaꞌ nim talcheꞌ, as bꞌaꞌneꞌ uvaꞌ nebꞌaneꞌ, tan ech ni tal u tzaqꞌit ileꞌ uvaꞌ tzꞌibꞌamal kan: Xoꞌnoj vamooleꞌ see echeꞌ uveꞌ nabꞌan jeꞌ see, tiꞌk u yoleꞌ.
James 4:6 in Ixil 6 As nimla bꞌaꞌnil ni taqꞌ veꞌt u Tiixheꞌ sqe. Estiꞌeꞌ uvaꞌ ech ni tal umaꞌt u yol ileꞌ uvaꞌ tzꞌibꞌamal kan: Yeꞌ nisaꞌ u Tiixheꞌ uveꞌ nibꞌan unqꞌa uxhchileꞌ uveꞌ nijeꞌsa tibꞌ vatz Aak. Pet ni taqꞌ tzan Aak vibꞌaꞌnileꞌ tiꞌ unqꞌa uxhchileꞌ uvaꞌ yeꞌ nijeꞌsa tibꞌ vatz Aak, tiꞌk u yoleꞌ.
James 4:16 in Ixil 16 Pet ech koj uveꞌ nebꞌaneꞌ, tan aꞌ kuxh netitzꞌa ejeꞌsat etibꞌ tiꞌ etoksat eqꞌii. As yeꞌl u jeꞌsaibꞌeꞌ bꞌaꞌn koj echeꞌ uveꞌ nebꞌaneꞌ.
1 Peter 5:5 in Ixil 5 As echat ex uvaꞌ ex txul aama, as la val sete, enimataj unqꞌa eqꞌesaleꞌ uvaꞌ at tijleꞌm sexoꞌl. As la val sete, ex qitzꞌin qatzik sekajayil, enimataj chit etibꞌ sevatzaj. As yeꞌ la ejeꞌsa etibꞌ, tan yeꞌ nisaꞌ u Kubꞌaal Tiixheꞌ uveꞌ nibꞌan unqꞌa uxhchileꞌ uveꞌ nijeꞌsa tibꞌ. Pet at vibꞌaꞌnil Aakeꞌ tiꞌ unqꞌa uxhchileꞌ uvaꞌ yeꞌ nijeꞌsa tibꞌ.
2 Peter 2:3 in Ixil 3 As la imaxtibꞌe ex unqꞌa chulin yoleꞌ tukꞌ unqꞌa yoleꞌ uvaꞌ nu kuxh ichee tiviꞌ, tan aꞌ kuxh u puajeꞌ la tiloꞌk setiꞌ. Pet aꞌ unqꞌa uxhchileꞌ uvaꞌ kat tal kan u Tiixheꞌ stiꞌ naꞌytzan, as cheel yeꞌ la bꞌalax veꞌt tul u kꞌaxkꞌoeꞌ stiꞌ.
2 Peter 2:12 in Ixil 12 Pet ech koj unqꞌa chulin yoleꞌ, tan yeꞌ ni pal tu unqꞌa veeꞌ nibꞌaneꞌ. As nu kuxh iyoqꞌoneꞌ, tan ech kuxh vitxumbꞌaleꞌ echeꞌ unqꞌa txokopeꞌ, tan yeꞌ ni titzꞌa txoo kam uvaꞌ nibꞌan txoo. Pet la ilej umaꞌl u qꞌii uvaꞌ la sotzsal ivatz unqꞌa chulin yoleꞌ tiꞌ u vaꞌlexheꞌ uvaꞌ nibꞌaneꞌ, echeꞌ isotzsal ivatz unqꞌa txokopeꞌ uvaꞌ kat txeypi tiꞌ iyatzꞌpeꞌ.
2 Peter 2:14 in Ixil 14 As aꞌ kuxh ni titzꞌa ipaavin tukꞌ umaꞌt ixoj, tan yeꞌ nipal ikꞌuꞌl tiꞌ ipaavineꞌ. As nu kuxh ichuk txumbꞌal tiꞌ imaxtibꞌet unqꞌa uxhchileꞌ tiꞌ uvaꞌ la paavini uvaꞌ nu kuxh ikaꞌkabꞌin taama tiꞌ u Jesúseꞌ. As atoꞌk chit taama unqꞌa chulin yoleꞌ tiꞌ tetzit unqꞌa veeꞌ uvaꞌ yeꞌl tetz stiꞌ. ¡As at veꞌt tzan u kꞌaxkꞌoeꞌ stiꞌ taꞌn u Tiixheꞌ!
2 Peter 2:18 in Ixil 18 As tul nijeꞌsa tibꞌ unqꞌa chulin yoleꞌ tukꞌ viyoleꞌ uvaꞌ yeꞌl itxaꞌk, as nichuk txumbꞌal tiꞌ imaxtibꞌet unqꞌa uxhchileꞌ uvaꞌ aꞌn oknajle tiꞌ inimat u Tiixheꞌ, tan aꞌ ni tal unqꞌa chulin yoleꞌ uvaꞌ la qꞌaav unqꞌa uxhchileꞌ tiꞌ ibꞌanat u vaꞌlexheꞌ uvaꞌ nisaꞌ vichiꞌoleꞌ, echeꞌ uveꞌ nik ibꞌan bꞌaxa xoꞌl unqꞌa imooleꞌ uvaꞌ aꞌ kuxh u vaꞌlexheꞌ nibꞌaneꞌ.
Jude 1:10 in Ixil 10 Pet ech koj unqꞌa uxhchileꞌ uveꞌ ni chusun unqꞌa vaꞌlexhla chusbꞌaleꞌ sexoꞌl scheel, tan ni teesa chajnaj iqꞌii unqꞌa veeꞌ uvaꞌ yeꞌ ootzimal staꞌn, tan yeꞌ nipal chajnaj stuul. As niyansa tibꞌ chajnaj taꞌn unqꞌa veeꞌ uvaꞌ yeꞌ ootzimal staꞌn, tan ech nibꞌan chajnajeꞌ tukꞌ vitxumbꞌaleꞌ echeꞌ nibꞌan unqꞌa txokopeꞌ.
Jude 1:16 in Ixil 16 As aꞌ chajnajeꞌ uveꞌ yeꞌ bꞌaꞌn ste kam uvaꞌ ni tucheꞌ. As aꞌ kuxh nibꞌan chajnaj kam uvaꞌ nisaꞌ chajnaj ibꞌanataꞌ. As nijeꞌsa tibꞌ tukꞌ unqꞌa yoleꞌ uvaꞌ ni tal sexoꞌl. As ni toksa chajnaj eqꞌii, tiꞌ uvaꞌ la ebꞌaneꞌ kam uvaꞌ nisaꞌ chajnaj setiꞌ.
Revelation 13:1 in Ixil 1 Txaklik in viꞌ u sanabꞌeꞌ tziꞌ u mareꞌ, as vil ijeꞌ veꞌt chꞌuꞌl umaꞌt u txoo xeꞌ u mar uvaꞌ laval tukꞌ atike tukꞌ vujvaꞌt iviꞌ. As atik jeꞌ umaꞌl u koroona tiꞌ junun unqꞌa tukꞌ txooeꞌ. As tzꞌibꞌamal veꞌt ok umaꞌl u bꞌii tiꞌ junun unqꞌa iviꞌ txooeꞌ, uvaꞌ nikat iyoqꞌon tiꞌ u Tiixheꞌ.
Revelation 13:5 in Ixil 5 As u txooeꞌ uvaꞌ kat jeꞌ chꞌuꞌl xeꞌ u mar as kat aqꞌax veꞌt te txoo tiꞌ uvaꞌ la ijeꞌsa veꞌt tibꞌ txoo. As tul nik iyolon veꞌt txoo, as kat yoqꞌon veꞌt txoo tiꞌ u Tiixheꞌ. As kaꞌvaꞌl toxkꞌal (42) ichꞌ kat aqꞌax veꞌt tijleꞌm txoo.
Revelation 16:9 in Ixil 9 As kat chit tzꞌeꞌ veꞌt unqꞌa tenameꞌ sbꞌaꞌn taꞌn u qꞌiieꞌ. As kꞌuxh kat ipalebꞌe unqꞌa tenameꞌ u kꞌaxkꞌoeꞌ, as yeꞌ kat ikꞌaxa tibꞌ. As yeꞌ kat toksa iqꞌii u Tiixheꞌ. Pet aal kat mox yoqꞌon veꞌteꞌ tiꞌ vibꞌii u Tiixheꞌ uvaꞌ at tiqꞌabꞌ tiꞌ taqꞌat unqꞌa kꞌaxkꞌoeꞌ.
Revelation 16:11 in Ixil 11 As vaꞌlik chit iyoqꞌon unqꞌa tenameꞌ tiꞌ u Tiixheꞌ tu almikaꞌ taꞌn unqꞌa chꞌoꞌmeꞌ uveꞌ nik ipalebꞌe as tukꞌ unqꞌa chꞌaꞌk chineꞌ. As yeꞌ nikat ikꞌaxa tibꞌ tiꞌ unqꞌa vaꞌlexheꞌ uvaꞌ nik ibꞌaneꞌ.
Revelation 16:21 in Ixil 21 As kat chajpik tzan sajbꞌatz tu almikaꞌ uvaꞌ xoꞌvebꞌal chittuꞌ, tan kamal umaꞌl ijatz talal junun u sajbꞌatzeꞌ. As tul kat ul tiꞌ unqꞌa tenameꞌ, as vaꞌlik chit iyoqꞌon veꞌt unqꞌa tenameꞌ tiꞌ u Tiixheꞌ taꞌn u nimla kꞌaxkꞌoeꞌ uvaꞌ nik ipalebꞌe unqꞌa tenameꞌ taꞌn u sajbꞌatzeꞌ.
Revelation 18:12 in Ixil 12 echeꞌ unqꞌa bꞌaꞌnla qꞌan chꞌichꞌeꞌ, tukꞌ unqꞌa bꞌaꞌnla saj chꞌichꞌeꞌ, tukꞌ unqꞌa bꞌaꞌnla chaj kꞌubꞌeꞌ, tukꞌ unqꞌa bꞌaꞌnla chaj kueentaxheꞌ, tukꞌ unqꞌa bꞌaꞌnla chaj oksaꞌmeꞌ, tan atik unqꞌa bꞌaꞌnla nuꞌkin ixbꞌuꞌjeꞌ uvaꞌ kaj tukꞌ muraꞌt tiloneꞌ. As atik unqꞌa kꞌaꞌyeꞌ uvaꞌ txꞌumtxꞌulla chaj tzeꞌ, tukꞌ unqꞌa bꞌaꞌnla chaj aqꞌonbꞌaleꞌ uvaꞌ marfil ibꞌii, tukꞌ kaꞌt unqꞌa bꞌaꞌnla chaj tzeꞌ uvaꞌ jeꞌnal ijaꞌmil, tukꞌ unqꞌa sula qꞌan chꞌichꞌeꞌ. As atik u aqꞌonbꞌaleꞌ uvaꞌ chꞌichꞌ, tukꞌ unqꞌa bꞌaꞌnla kꞌubꞌeꞌ uvaꞌ marmol ibꞌii.