2 Timothy 3:12 in Ixil 12 As ech chit la ibꞌaneꞌ, tan jankꞌal oꞌ uvaꞌ nu kusaꞌ uvaꞌ jik chit u kutxumbꞌaleꞌ la kubꞌaneꞌ, tan tiꞌ uvaꞌ atoꞌk oꞌ kꞌatz u Cristo uvaꞌ Jesús, as la chit kupalebꞌe unqꞌa kꞌaxkꞌoeꞌ.
Other Translations King James Version (KJV) Yea, and all that will live godly in Christ Jesus shall suffer persecution.
American Standard Version (ASV) Yea, and all that would live godly in Christ Jesus shall suffer persecution.
Bible in Basic English (BBE) Yes, and all whose purpose is to be living in the knowledge of God in Christ Jesus, will be cruelly attacked.
Darby English Bible (DBY) And all indeed who desire to live piously in Christ Jesus will be persecuted.
World English Bible (WEB) Yes, and all who desire to live godly in Christ Jesus will suffer persecution.
Young's Literal Translation (YLT) and all also who will to live piously in Christ Jesus shall be persecuted,
Cross Reference Matthew 5:10 in Ixil 10 As achvebꞌal chit unqꞌa uxhchileꞌ uveꞌ ni palebꞌen unqꞌa kꞌaxkꞌoeꞌ tiꞌ ibꞌanat u jikeꞌ vatz u Tiixheꞌ, tan aꞌ uxhchileꞌ uvaꞌ at tokebꞌal xoꞌl unqꞌa tenameꞌ uvaꞌ at jaqꞌ u tijleꞌm u Tiixheꞌ.
Matthew 10:22 in Ixil 22 As la ixval veꞌt ex taꞌn unqꞌa tenameꞌ tiꞌ kuxh uvaꞌ kꞌujleꞌl ekꞌuꞌl sviꞌ. As abꞌil uvaꞌ yeꞌ la iyaꞌsa inimat in, kꞌuxh kam kuxh kꞌaxkꞌo la ipalebꞌe, as at itiichajil sunkꞌatz la ibꞌaneꞌ.
Matthew 16:24 in Ixil 24 As ech tal veꞌt Aak ileꞌ te unqꞌa ichusulibꞌeꞌ: —Abꞌiste ex uvaꞌ la esaꞌ etoksat etibꞌ sunkꞌatz, as jit vetxumbꞌaleꞌ la etoksa. Pet aꞌ uvaꞌ la ebꞌaneꞌ kam uvaꞌ nunbꞌaneꞌ, kꞌuxh la epalebꞌe kꞌaxkꞌo as moj la kam ex sviꞌ,
Matthew 23:34 in Ixil 34 Tan tuk unchaj bꞌen kaꞌt unqꞌa qꞌajsan tetz vunyoleꞌ sexoꞌl, tukꞌ kaꞌt unqꞌa uxhchileꞌ uvaꞌ at itxumbꞌal, tukꞌ kaꞌt unqꞌa uxhchileꞌ uvaꞌ la chusun ex. As ati uvaꞌ tuk eyatzꞌeꞌ; as ati uvaꞌ tuk etaqꞌ jeꞌ vatz ikurus; as ati uvaꞌ tuk eqꞌoseꞌ tulaj unqꞌa atinbꞌaleꞌ tetz nachbꞌal Tiixh; as ati uvaꞌ tuk etilu el tulaj unqꞌa tenameꞌ.
Mark 10:30 in Ixil 30 as nimal ichꞌexel u tetzeꞌ la ikꞌuleꞌ tetz vitiichajileꞌ vatz u txꞌavaꞌeꞌ. As la ikꞌul ichꞌexel vikabꞌaleꞌ, tukꞌ unqꞌa titzꞌin tatzikeꞌ, tukꞌ itxutx, tukꞌ meꞌal ikꞌaol, tukꞌ itxꞌavaꞌ, as kꞌuxh kam kuxh kꞌaxkꞌo la ipalebꞌe. As tu unqꞌa qꞌiieꞌ uvaꞌ aꞌn tuleꞌ, as at veꞌt itiichajil u uxhchileꞌ uveꞌ yeꞌl iyaꞌtebꞌal.
Luke 14:26 in Ixil 26 —Asoj at umaj uxhchil la xekebꞌ sviꞌ tul yeꞌ nixoꞌni veꞌt in tiꞌ vibꞌaaleꞌ, tukꞌ vitxutxeꞌ, tukꞌ u tixqeleꞌ, tukꞌ unqꞌa meꞌal ikꞌaoleꞌ, tukꞌ unqꞌa titzꞌin tatzikeꞌ, as tukꞌ vitiichajileꞌ unpajte, as yeꞌ la uch veꞌt tok chusulibꞌil sunkꞌatz.
John 15:19 in Ixil 19 As unvatzul kuxh koj ex tukꞌ unqꞌa uxhchileꞌ, as xoꞌn exeꞌ taꞌ ste, echeꞌ uveꞌ nibꞌan svatzaj. Pet nichiꞌan veꞌt taama setiꞌ, tan tiꞌ uvaꞌ kat untxaa ex xoꞌl unqꞌa uxhchileꞌ.
John 16:2 in Ixil 2 tan la laqꞌbꞌal ex tu unqꞌa atinbꞌaleꞌ tetz nachbꞌal Tiixh. As la ilej umaꞌl u qꞌii uvaꞌ la iyatzꞌ ex unqꞌa uxhchileꞌ. As tul aꞌ u bꞌaꞌneꞌ nibꞌan unqꞌa uxhchileꞌ uveꞌ la tal jeꞌ ste vatz u Tiixheꞌ.
John 16:33 in Ixil 33 Pet kat vallu kan unqꞌa yoleꞌ sete, aqꞌal uvaꞌ la yakꞌin veꞌt etaama sunkꞌatz. As kꞌuxh tuk epalebꞌe unqꞌa kꞌaxkꞌoeꞌ vatz u txꞌavaꞌeꞌ, as ekꞌujbꞌaꞌtaj ekꞌuꞌl sviꞌ, tan kat olebꞌyu veꞌt in tiꞌ unqꞌa kꞌaxkꞌoeꞌ skajayil,— tiꞌk u Jesús.
John 17:14 in Ixil 14 As kat vallu veꞌt vayoleꞌ te unqꞌa uxhchileꞌ. As ni tixval veꞌt unqꞌa niman vetzeꞌ taꞌn unqꞌa uxhchileꞌ uveꞌ yeꞌ ni niman vayoleꞌ, tan tiꞌ uvaꞌ jit eela vitxumbꞌaleꞌ tukꞌ unqꞌa uxhchileꞌ. As echat kuxh in, tan jit eela vuntxumbꞌaleꞌ tukꞌ unqꞌa uxhchileꞌ uveꞌ yeꞌ ni niman vayoleꞌ.
Acts 14:22 in Ixil 22 As ibꞌeya veꞌt kan chajnaj te unqꞌa niman tetz u Jesús tiꞌ uvaꞌ yeꞌ la kaꞌkabꞌin taama tiꞌ u kꞌujlebꞌal ikꞌuꞌleꞌ. As ech tal kan u Pablo ileꞌ tukꞌ u Bernabé: —Techal la kupalebꞌe mamaꞌla kꞌaxkꞌo vatz u txꞌavaꞌeꞌ oꞌ uvaꞌ niman tetz u Tiixheꞌ tul yeꞌxna ok oꞌ jaqꞌ u tijleꞌm u Aakeꞌ,— tiꞌk chajnaj.
1 Corinthians 15:19 in Ixil 19 Pet asoj at kꞌujlebꞌal kukꞌuꞌl tiꞌ u Cristo tiꞌ kuxh ibꞌanat Aak bꞌaꞌnil sqe tul uvaꞌ atil kutiichajil vatz u txꞌavaꞌeꞌ, as ¡oyebꞌ kuxh kuvatzeꞌ bꞌa tiꞌ unqꞌa uxhchileꞌ skajayil!
2 Corinthians 1:12 in Ixil 12 As nu kutxuqꞌtxuneꞌ, tan ootzimal sqaꞌn uvaꞌ yeꞌl umaj vaꞌlexh kat kubꞌan tiꞌ unqꞌa tenameꞌ, katil uvaꞌ kat palkat oꞌ. As echat kat kubꞌana tul kat pal oꞌ sexoꞌl, tan jik chit kutxumbꞌal kat kubꞌana, tan Tiixh kat aqꞌon u kutxumbꞌaleꞌ. As jit tukꞌ unqꞌa vatz txꞌavaꞌilla txumbꞌaleꞌ kat kubꞌankat unqꞌa jikla txumbꞌaleꞌ sexoꞌl. Pet tukꞌ vibꞌaꞌnil u Tiixheꞌ kat kubꞌankat.
1 Thessalonians 3:3 in Ixil 3 aqꞌal uvaꞌ yeꞌxhebꞌil la sotzsan ekꞌuꞌl taꞌn unqꞌa kꞌaxkꞌoeꞌ uveꞌ nepalebꞌe. As ootzimaleꞌ setaꞌn uvaꞌ la chit kupalebꞌe unqꞌa kꞌaxkꞌoeꞌ.
1 Timothy 2:2 in Ixil 2 As la inach Tiixh tiꞌ unqꞌa ijlenaaleꞌ tukꞌ unjoltu unqꞌa uxhchileꞌ uvaꞌ at tijleꞌm, aqꞌal uvaꞌ bꞌaꞌn qatin tukꞌ chajnaj la ibꞌan vatz u txꞌavaꞌeꞌ, tan jik chit nu kuxoꞌva u Tiixheꞌ,
1 Timothy 3:16 in Ixil 16 As ootzimaleꞌ sqaꞌn uvaꞌ nimla yol u yoleꞌ uvaꞌ kat ikꞌuch Aak sqe tiꞌ kunachat Aak, tan ech ni tal u yol ileꞌ: As kat ok Aak echeꞌ naj tiꞌ ul ikꞌuchat tibꞌ sukuvatz. As an chit u Tiixhla Espíritu kat kꞌuchun uvaꞌ Tiixh u Jesús. As kat til kuꞌ tzan unqꞌa ángel u nimla bꞌaꞌnileꞌ uvaꞌ kat ibꞌan Aak sqiꞌ. As kat paxsal veꞌt u yoleꞌ tiꞌ Aak xoꞌl unqꞌa tenameꞌ uvaꞌ jit tiaal Israel. As kat kꞌujebꞌ veꞌt ikꞌuꞌl unqꞌa tenameꞌ tiꞌ Aak. As kat jeꞌ veꞌt Aak tu almikaꞌ tiꞌ toksal iqꞌii Aak, tiꞌk u yoleꞌ.
1 Timothy 6:3 in Ixil 3 As jankꞌal unqꞌa uxhchileꞌ uvaꞌ vaꞌlen kuxh chusbꞌal ni tal veꞌteꞌ, as yeꞌ nikꞌul tibꞌ tukꞌ u jikla chusbꞌaleꞌ uvaꞌ alel kan taꞌn u Kubꞌaal Jesucristo as tukꞌ unqꞌa chusbꞌaleꞌ uvaꞌ nichuspu sqe tiꞌ kunimat u Tiixheꞌ.
Titus 1:1 in Ixil 1 Keche, vitzꞌin vatzik Tito. Ineꞌ in Pablo apóstol tetz u Jesucristo. As ineꞌ in ikꞌam Aak. As kat ichaj tzan in Aak setiꞌ, ex uvaꞌ txaael veꞌt ex taꞌn Aak, tiꞌ uvaꞌ la etootzi veꞌt isuuchil u jikla yoleꞌ uvaꞌ alel kan taꞌn Aak,
Titus 2:12 in Ixil 12 As kat ichus oꞌ u Tiixheꞌ tukꞌ vibꞌaꞌnileꞌ tiꞌ uvaꞌ la qeesa qibꞌ vatz u vaꞌlexheꞌ. As yeꞌ la qachva unqꞌa vatz txꞌavaꞌilla txumbꞌaleꞌ. Pet bꞌaꞌn kutxumbꞌal la ibꞌaneꞌ vatz unqꞌa tenameꞌ. As jik chit la kuxoꞌva u Tiixheꞌ.
Hebrews 11:32 in Ixil 32 As bꞌiit kuxh u yoleꞌ la val sete tiꞌ kaꞌt unqꞌa uxhchileꞌ, tan nimatel kuxh la teqꞌo tiꞌ valat isuuchil u yoleꞌ tiꞌ uvaꞌ kam kat ibꞌan u Gedeón, tukꞌ u Barac, tukꞌ u Sansón, tukꞌ u Jefté, tukꞌ u David, tukꞌ u Samuel, as tukꞌ unjoltu unqꞌa qꞌajsan tetz viyol u Tiixheꞌ.
1 Peter 2:20 in Ixil 20 Pet asoj la qꞌospu veꞌt ex tiꞌ u vaꞌlexheꞌ uveꞌ kat ebꞌana, as yeꞌl eqꞌii la oksali, tan aꞌ u vaꞌlexheꞌ nebꞌaneꞌ. Pet asoj nekuy unqꞌa kꞌaxkꞌoeꞌ uvaꞌ nepalebꞌe as tul aꞌ u bꞌaꞌneꞌ nebꞌaneꞌ, as ateꞌ vibꞌaꞌnil u Tiixheꞌ setiꞌ,
1 Peter 3:14 in Ixil 14 Pet asoj la epalebꞌe u kꞌaxkꞌoeꞌ, kꞌuxh aꞌ u jikla txumbꞌaleꞌ nebꞌaneꞌ, as aꞌ u Tiixheꞌ la aqꞌon vibꞌaꞌnileꞌ setiꞌ. As yeꞌ la xoꞌv ex taꞌn unqꞌa uxhchileꞌ uvaꞌ la xeꞌt setiꞌ. As yeꞌ la exaansa etaama staꞌn.
1 Peter 4:12 in Ixil 12 Ex vitzꞌin vatzik uvaꞌ xoꞌn ex sve, as yeꞌ la sotz ekꞌuꞌl tiꞌ epalebꞌet unqꞌa kꞌaxkꞌoeꞌ, tan ech chit la ibꞌaneꞌ tiꞌ eyakꞌinsaleꞌ echeꞌ tok umaj chꞌichꞌ tu xamal tiꞌ teesal u vaꞌlexheꞌ stiꞌ.
1 Peter 5:9 in Ixil 9 As emajtaj ivatz u txꞌiꞌlanajeꞌ tul nichuk txumbꞌal tiꞌ imaxtibꞌet ex. As yeꞌ la kaꞌkabꞌin etaama tiꞌ u kꞌujlebꞌal ekꞌuꞌleꞌ tiꞌ u Tiixheꞌ. As atoj sekꞌuꞌl uvaꞌ nipalebꞌe unjoltu unqꞌa qitzꞌin qatzikeꞌ unqꞌa kꞌaxkꞌoeꞌ vatz u txꞌavaꞌeꞌ echeꞌ uvaꞌ nepalebꞌe.
2 Peter 3:11 in Ixil 11 Estiꞌeꞌ uvaꞌ jik chit kutxumbꞌal la kubꞌaneꞌ. As ayaꞌl chit kukꞌuꞌl tiꞌ kunachat Tiixh, tan ootzimal sqaꞌn uvaꞌ la sotz veꞌt unqꞌa veeꞌ skajayil.
Revelation 1:9 in Ixil 9 Ineꞌ in Xhun, uvaꞌ qitzꞌin qatzik qibꞌ kꞌatz u Jesús. As eela taqꞌat Aak qokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ; as eela kupalebꞌet unqꞌa kꞌaxkꞌoeꞌ setukꞌ; as eela kukuyataꞌ, tan tiꞌ uvaꞌ at veꞌt ok oꞌ kꞌatz u Jesucristo setukꞌ. As tul atik in tu umaꞌl u tal txꞌavaꞌ viꞌ u mar uvaꞌ Patmos, tiꞌ kuxh uvaꞌ nimamal veꞌt viyol u Kubꞌaal Tiixheꞌ svaꞌn as tiꞌ valat isuuchil u yoleꞌ tiꞌ u Kubꞌaal Jesucristoeꞌ.
Revelation 7:14 in Ixil 14 As ech val veꞌt ileꞌ: —Axheꞌ Pap, ootzin tetz,— chꞌin veꞌt ste. As ech tal veꞌt ileꞌ sve: —Aꞌ unqꞌa tenameꞌ uvaꞌ kat el chꞌuꞌl tu mamaꞌla kꞌaxkꞌoeꞌ. As kat itxꞌaa veꞌt unqꞌa tenameꞌ u toksaꞌmeꞌ. As kat ipolbꞌisa veꞌt u toksaꞌmeꞌ taꞌn vikajal u Kaneeroꞌeꞌ.
Revelation 12:4 in Ixil 4 As pal teesa veꞌt vijee txooeꞌ chꞌoola pokꞌoꞌchil unqꞌa txꞌumileꞌ vatz u almikaꞌeꞌ. As chajpik veꞌt tzan unqꞌa txꞌumileꞌ vatz u txꞌavaꞌeꞌ taꞌn txoo. As txakebꞌ veꞌt txoo vatz u ixojeꞌ uvaꞌ tuk alanoj veꞌteꞌ, tan aꞌ nik tal txoo uvaꞌ la ichiꞌ veꞌt txoo u tal ixojeꞌ uvaꞌ la itzꞌebꞌi.
Revelation 12:7 in Ixil 7 As xeꞌt veꞌt umaꞌl u mam chꞌaꞌo tu almikaꞌ. As iqꞌos veꞌt tibꞌ unqꞌa ángel uvaꞌ echen kꞌatz u ángel uvaꞌ Meꞌk ibꞌii tukꞌ u nimla txꞌiꞌlatxooeꞌ as tukꞌ unqꞌa ángel uvaꞌ xekel tiꞌ u txooeꞌ.