Cross Reference Luke 21:19 in Ixil 19 As tioj chit etaama la ebꞌaneꞌ vatz unqꞌa kꞌaxkꞌoeꞌ, tan asoj ech la ebꞌaneꞌ, as at veꞌt etiichajil kꞌatz Aak la ibꞌaneꞌ.
Acts 2:22 in Ixil 22 Vitzꞌin vatzik, ex kumool uvaꞌ tiaal Israel, etabꞌitaj u yoleꞌ uvaꞌ tuk val sete, tan ootzimal setaꞌn uvaꞌ aꞌ u Jesús, u aa Nazaret, uvaꞌ kat ikꞌuch u Tiixheꞌ u tijleꞌmeꞌ sukuxoꞌl, tan tukꞌ vibꞌaꞌnil u Jesús kat ibꞌankat u Tiixheꞌ unqꞌa nimla bꞌaꞌnileꞌ tukꞌ unqꞌa kꞌuchbꞌal tetz u tijleꞌm Aakeꞌ uvaꞌ kat teqꞌo taama unqꞌa uxhchileꞌ stiꞌ.
Acts 9:16 in Ixil 16 As tuk unkꞌuch te u Saulo tiꞌ unqꞌa kꞌaxkꞌoeꞌ uvaꞌ techal la ipalebꞌe, tan nimal unqꞌa kꞌaxkꞌoeꞌ la ipalebꞌe tiꞌ vunbꞌiieꞌ,— tiꞌk u Jesús.
Acts 20:23 in Ixil 23 Pet taꞌn kuxh ootzimal svaꞌn uvaꞌ tul nunpal tulaj unqꞌa tenameꞌ, as kat tal u Tiixhla Espíritu sve uvaꞌ nitxꞌebꞌon u kaarsaeꞌ sviꞌ tukꞌ unqꞌa mamaꞌla kꞌaxkꞌoeꞌ.
Acts 20:34 in Ixil 34 Pet ateꞌ sekꞌuꞌl uvaꞌ kat aqꞌonvu veꞌt in tukꞌ vunqꞌabꞌeꞌ tiꞌ unchukat unpuaj uvaꞌ la txakon sviꞌ tukꞌ unqꞌa qitzꞌin qatzikeꞌ uveꞌ xekel sviꞌ.
Romans 5:3 in Ixil 3 As jit kuxh stiꞌ nu kuchiibꞌkat veꞌteꞌ. Pet nu kuchiibꞌ veꞌteꞌ tul nu kutaalbꞌe unqꞌa kꞌaxkꞌoeꞌ, tan ootzimal sqaꞌn uvaꞌ tul la kupalebꞌe unqꞌa kꞌaxkꞌoeꞌ, as aal nichus oꞌ tiꞌ kuyakꞌin tiꞌ u kꞌujlebꞌal kukꞌuꞌleꞌ tiꞌ Aak.
Romans 5:8 in Ixil 8 Pet ech koj u Tiixheꞌ, tan kꞌuxh antelik kupaavineꞌ vatz Aak, as kat ikꞌuch Aak sqe uvaꞌ xoꞌn chit oꞌ te Aak. As kat kam u Cristo sqiꞌ taꞌn Aak.
Romans 8:35 in Ixil 35 As yeꞌxhkam la eesan kan oꞌ kꞌatz u Cristo uvaꞌ xoꞌn oꞌ ste. As kꞌuxh la kupalebꞌe kꞌaxkꞌo, as kꞌuxh la txumun qaama, as kꞌuxh la laqꞌbꞌal oꞌ, as kꞌuxh la kupalebꞌe vaꞌy, as kꞌuxh yeꞌl veꞌt qoksaꞌm, as kꞌuxh kam kuxh la kupalebꞌe, as kꞌuxh la yatzꞌpu veꞌt oꞌ tukꞌ chꞌichꞌ; as yeꞌxhebꞌil la olebꞌ tiꞌ qeesal kan kꞌatz u Cristo uvaꞌ xoꞌn chit oꞌ ste,
Romans 14:18 in Ixil 18 As jankꞌal oꞌ uvaꞌ ech kunimat u Cristo echeꞌ uveꞌ, as oꞌeꞌ uvaꞌ nichiibꞌ u Tiixheꞌ sqiꞌ. As bꞌaꞌn veꞌt oꞌ vatz unqꞌa uxhchileꞌ.
Romans 16:10 in Ixil 10 As la etal untzii te u Apeles, tan aꞌeꞌ kat palebꞌen unqꞌa kꞌaxkꞌoeꞌ tiꞌ inimal u Cristo texhlal tetz uvaꞌ kꞌujleꞌl chit ikꞌuꞌl tiꞌ u Cristo. As la etal untziieꞌ te unqꞌa tatin u Aristóbulo.
1 Corinthians 3:5 in Ixil 5 ¿Kam tijleꞌm u Apolo qꞌi? ¿As kam vijleꞌmeꞌ qꞌi? Tan oꞌ kuxh ikꞌam u Tiixheꞌ. As kat kuxh ul kubꞌaneꞌ kam uvaꞌ kat tal Aak sqe. As exeꞌ taꞌ kat ekꞌujbꞌaꞌ veꞌt ekꞌuꞌl tiꞌ Aak taꞌn u kuyoleꞌ,
1 Corinthians 4:1 in Ixil 1 As la pal ex stuul uvaꞌ oꞌ kuxh kꞌameꞌ kꞌatz u Cristo. As aꞌ qijleꞌmeꞌ tiꞌ qalat isuuchil unqꞌa bꞌaꞌnla yoleꞌ uvaꞌ alik kan taꞌn Aak tiꞌ ibꞌanat Aak u nimla bꞌaꞌnileꞌ sqiꞌ uveꞌ Aak kuxh ootzin tetz bꞌaxa.
1 Corinthians 4:11 in Ixil 11 As antel kuxh kupalebꞌet vaꞌy tukꞌ tzajitziꞌl cheel. Yeꞌl qoksaꞌm ati. As nu kuxh kuqꞌospeꞌ. As yeꞌl kukabꞌal ati.
1 Corinthians 9:11 in Ixil 11 As oꞌeꞌ kat lochon ex tiꞌ iyakꞌinsal u bꞌaꞌnla yoleꞌ tu vetaanxelaleꞌ. As echeꞌ vaꞌlexh koj uvaꞌ la kujaj bꞌaꞌnil sete tiꞌ u qechbꞌubꞌaleꞌ tukꞌ uvaꞌ nisaꞌvit sqiꞌ.
2 Corinthians 2:17 in Ixil 17 tan jitꞌeꞌch kupaxsat u bꞌaꞌnla yoleꞌ echeꞌ uveꞌ nibꞌan unjoltu unqꞌa uxhchileꞌ uvaꞌ aꞌ kuxh ni titzꞌa itxꞌakat ipuaj tiꞌ ipaxsal viyol u Tiixheꞌ. Pet jik chit ni qal isuuchil u yoleꞌ vatz u Tiixheꞌ, tan Aakeꞌ kat chajon oꞌ tiꞌ kupaxsataꞌ. As tiꞌ uvaꞌ at veꞌt ok oꞌ kꞌatz u Cristo, as estiꞌeꞌ nu kupaxsa u bꞌaꞌnla yoleꞌ tiꞌ Aak.
2 Corinthians 3:6 in Ixil 6 As Aakeꞌ kat aqꞌon kutxumbꞌal tiꞌ qalat isuuchil u akꞌ tzaqꞌiteꞌ tiꞌ u Cristo. As jit u tzaqꞌiteꞌ ni qal isuuchil uvaꞌ tzꞌibꞌamal kan vatz u lepkin kꞌubꞌeꞌ. Pet tiꞌ u akꞌ txumbꞌaleꞌ as tiꞌ u Tiixhla Espíritu ni qalkat, tan yeꞌ la ibꞌaneꞌ uvaꞌ at kutiichajil kꞌatz u Tiixheꞌ taꞌn u tzaqꞌiteꞌ uvaꞌ tzꞌibꞌamal kan vatz u kꞌubꞌeꞌ. Pet ech koj u Tiixhla Espíritu, tan at kutiichajil kꞌatz u Tiixheꞌ staꞌn.
2 Corinthians 4:2 in Ixil 2 As kat qitzꞌa uvaꞌ yeꞌ la kubꞌan unqꞌa vaꞌlexhla txumbꞌaleꞌ uveꞌ nu kuxh ijutxil ibꞌancheꞌ uveꞌ chꞌixubꞌal chit talpeꞌ, tan yeꞌxhebꞌil nu kumaxtibꞌe. As yeꞌl isuuchil u bꞌaꞌnla yoleꞌ nu kujalpu vatz u Tiixheꞌ. Pet jik chit ni qal isuuchil. As nu kukꞌuch veꞌt vatz unqꞌa tenameꞌ uveꞌ jik chit u kutxumbꞌaleꞌ nu kubꞌaneꞌ.
2 Corinthians 4:8 in Ixil 8 As mamaꞌla kꞌaxkꞌo nu kupalebꞌe. As yeꞌl oꞌ nipal kukꞌuꞌl. As kꞌuxh nixaan qaama taꞌn unqꞌa kꞌaxkꞌoeꞌ, as yeꞌl u kꞌujlebꞌal kukꞌuꞌleꞌ nu kutzꞌejeꞌ.
2 Corinthians 4:17 in Ixil 17 As nu kunacheꞌ uvaꞌ palchimal kuxheꞌ unqꞌa kꞌaxkꞌoeꞌ uveꞌ nu kupalebꞌe cheel vatz u txꞌavaꞌeꞌ. As jit tii nu kunacheꞌ, tan an chit unqꞌa kꞌaxkꞌoeꞌ la lochon oꞌ, tan aꞌeꞌ la eqꞌon oꞌ tu u nimla bꞌaꞌnileꞌ tiꞌ qoksat iqꞌii u Tiixheꞌ.
2 Corinthians 7:11 in Ixil 11 As kat pal ex stuul uvaꞌ kam ibꞌaꞌnil u txumuneꞌ uvaꞌ kat ibꞌan veꞌt sete taꞌn u Tiixheꞌ, tan aal kat ok veꞌt ex ilil tiꞌ elochat in, tan kat txumun veꞌt ex as kat chꞌixvu veꞌt ex taꞌn u vaꞌlexheꞌ uveꞌ nik ebꞌaneꞌ. As kat ejaj veꞌt sotzbꞌal epaav, as ayaꞌl chit veꞌt ekꞌuꞌl nesaꞌ uvaꞌ vatzul veꞌt oꞌ setukꞌ la ibꞌaneꞌ. Tan kat xoꞌv veꞌt ex taꞌn u yoleꞌ uvaꞌ kat untzꞌibꞌa bꞌen sete. As kat ekꞌucha uvaꞌ yeꞌl etaama netoksa tiꞌ u vaꞌlexheꞌ.
2 Corinthians 11:9 in Ixil 9 As kam uvaꞌ nikat isaꞌvit sviꞌ tul uvaꞌ atik in sexoꞌl, as yeꞌxhkam kat unjaj sete, tan tul kat ul iqꞌelu in unqꞌa qitzꞌin qatzikeꞌ uvaꞌ kat tzaa tu u Macedonia, as chajaakeꞌ kat ul aqꞌon sve kam uvaꞌ nik isaꞌvit sviꞌ. Estiꞌeꞌ yeꞌl umaj lochbꞌal kat unjaj sete. As echattel kuxh tuk unbꞌaneꞌ.
2 Corinthians 11:23 in Ixil 23 Asoj ikꞌam u Cristo chajnaj, as echat in, tan in ikꞌam u Cristo. As at pal u vijleꞌmeꞌ tiꞌ chajnaj. (¡As vaꞌlen kuxh nunbꞌaneꞌ nunnacheꞌ, tiꞌ unjeꞌsat vibꞌ!) As yeꞌ nilejon uveꞌ nibꞌan chajnaj tiꞌ uveꞌ nunbꞌaneꞌ, tan jatpajul kuxh kat oksal in tu u kaarsa tiꞌ unpaxsat u bꞌaꞌnla yoleꞌ tiꞌ u Cristo. As jatpajul kuxh kat qꞌospu veꞌt in taꞌn tzꞌuꞌm; jatpajul kuxhtuꞌ uvaꞌ bꞌiit kuxh yeꞌ kat kam in tiꞌ uvaꞌ nimamal u Cristo svaꞌn,
2 Corinthians 11:27 in Ixil 27 As nikat unpalebꞌe kꞌaxkꞌo taꞌn unqꞌa aqꞌoneꞌ, tan kat kool in staꞌn. As jatpajul kuxh yeꞌ kat vat in. Nikat unkuy vaꞌy tukꞌ tzajitziꞌl tiꞌ uvaꞌ yeꞌlik vechbꞌubꞌal atike. Jatpajul kuxh nikat unkuy cheꞌv, tan nikat isaꞌvit oksaꞌm sviꞌ.
2 Corinthians 12:10 in Ixil 10 Estiꞌeꞌ vaꞌl untxuqꞌtxuneꞌ, tul uvaꞌ nunnacheꞌ uvaꞌ yeꞌ la untxꞌoleꞌ, as tul uvaꞌ nunyoqꞌpeꞌ, as nunpalebꞌe kꞌaxkꞌo, as moj nixaansal vaama. As kam kuxh itzaꞌlalil nunpalebꞌe tiꞌ u Cristo, as tul uvaꞌ nunnacheꞌ uvaꞌ yeꞌ la untxꞌoleꞌ, as Aak ni aqꞌon iyakꞌil u vaanxelaleꞌ.
2 Corinthians 12:12 in Ixil 12 As tul atik in sexoꞌl, as kat unkꞌuch u vijleꞌmeꞌ sete uvaꞌ in apóstol, tan kat etil unbꞌanat unqꞌa kꞌuchbꞌal tetz u tijleꞌm u Tiixheꞌ tukꞌ unqꞌa veeꞌ uvaꞌ kat unbꞌana uvaꞌ kat teqꞌo etaama staꞌn. As nim vaama kat unbꞌana tul atik in sexoꞌl.
Philippians 4:11 in Ixil 11 As jit tiꞌ uvaꞌ nisaꞌvit lochbꞌal sviꞌ ni valkat u yoleꞌ sete. Pet kꞌuxh kam kuxh nunpalebꞌe, as chiannallu chit veꞌteꞌ sve tiꞌ u vatineꞌ.
Colossians 1:11 in Ixil 11 As la iyakꞌinsa veꞌt Aak vetaanxelaleꞌ tukꞌ viyakꞌileꞌ, aqꞌal uvaꞌ la ekuy unqꞌa kꞌaxkꞌoeꞌ uvaꞌ la ul setiꞌ. As yeꞌ la pal ekꞌul tiꞌ ekuyat u vaꞌlexheꞌ uvaꞌ la bꞌanchu sete taꞌn unqꞌa uxhchileꞌ uvaꞌ nichꞌoꞌn taama setiꞌ.
Colossians 1:24 in Ixil 24 As nunchiibꞌeꞌ, kꞌuxh nunpalebꞌe kꞌaxkꞌo tiꞌ unlochat ex, ex uvaꞌ txaael veꞌt ex tiꞌ etok sitenam u Cristoeꞌ, tan aꞌ unqꞌa kꞌaxkꞌoeꞌ nunpalebꞌe uvaꞌ kat tal kan Aak sviꞌ uvaꞌ la unpalebꞌe tiꞌ unlochat ex as tiꞌ unlochat vitenam Aakeꞌ skajayil.
1 Thessalonians 2:3 in Ixil 3 Tan yeꞌl umaj vaꞌlexhla yol kat qal sete. As jit eesamal ex tu bꞌey kat kubꞌana, tan jik chit kutxumbꞌal kat kubꞌan sevatz tiꞌ qoksat xeꞌ etaama tiꞌ enimat u yoleꞌ.
1 Thessalonians 3:2 in Ixil 2 As kat kuchaj veꞌt bꞌen u qitzꞌin qatzikeꞌ u Timoteo sexoꞌl, tan ikꞌam u Tiixheꞌ naj, tan niloch oꞌ naj tiꞌ talpu u bꞌaꞌnla yoleꞌ tetz u Cristo. As kat kuchaj bꞌen tiꞌ uvaꞌ la bꞌen iyakꞌinsa veꞌt etaanxelal as tiꞌ ibꞌeyal veꞌt sete tiꞌ u kꞌujlebꞌal ekꞌuꞌleꞌ,
1 Thessalonians 3:7 in Ixil 7 Estiꞌeꞌ, qitzꞌin qatzik, tan kꞌuxh nikat kupalebꞌe unqꞌa kꞌaxkꞌoeꞌ tukꞌ txumuꞌm, as kat chit chiibꞌ veꞌt qaama setiꞌ tul kat qabꞌi uvaꞌ kꞌujleꞌl chit ekꞌul tiꞌ u Jesús.
1 Thessalonians 5:14 in Ixil 14 As nu kujaj bꞌaꞌnil sete, qitzꞌin qatzik, tiꞌ uvaꞌ la ebꞌeya te unqꞌa uxhchileꞌ uveꞌ yeꞌ nisaꞌ taqꞌonveꞌ. As elochtaj unqꞌa uxhchileꞌ uveꞌ ni kaꞌkabꞌin taama. As eyakꞌinsataj taama unqꞌa uxhchileꞌ uveꞌ alux kuxh taama. As nimoj etaama tiꞌ unqꞌa uxhchileꞌ skajayil.
1 Timothy 2:15 in Ixil 15 Pet ech koj unqꞌa ixojeꞌ cheel, tan asoj jik itxumbꞌal chaꞌma la ibꞌaneꞌ tiꞌ tilat unqꞌa taleꞌ, as yeꞌl unqꞌa kꞌaxkꞌoeꞌ la ipalebꞌe chaꞌma echeꞌ uvaꞌ kat ipalebꞌe u Eva. As la ichabꞌa chaꞌma ikꞌujbꞌaꞌt ikꞌuꞌl tiꞌ u Tiixheꞌ. As la ixoꞌni chaꞌma Aak. As yeꞌ la ijeꞌsa tibꞌ chaꞌma. Pet jikla aama chit chaꞌma la ibꞌaneꞌ.
1 Timothy 4:6 in Ixil 6 Tan asoj lachus unqꞌa yoleꞌ uvaꞌ ni val see te unqꞌa qitzꞌin qatzikeꞌ, as axh umaꞌl u bꞌaꞌnla lochonaal kꞌatz u Jesucristo la ibꞌaneꞌ. As la iyakꞌinsa axh u chusbꞌaleꞌ taꞌn unqꞌa jikla yoleꞌ tukꞌ unqꞌa jikla chusbꞌaleꞌ uveꞌ nimamal aꞌn.
1 Timothy 6:11 in Ixil 11 Pet ech koj axh, Timoteo, tan atoꞌk axh tiꞌ abꞌanat u aqꞌoneꞌ uvaꞌ kat ikꞌujbꞌaꞌ kan axh u Tiixheꞌ stiꞌ. As yeꞌ la bꞌen aviꞌ tiꞌ unqꞌa veeꞌ uvaꞌ kat val see. Pet la ooksa aama tiꞌ unqꞌa jikla txumbꞌaleꞌ as tiꞌ anachat Tiixh tijikil as tiꞌ iyakꞌinsal u kꞌujlebꞌal akꞌuꞌleꞌ as tiꞌ axoꞌnit u Tiixheꞌ tukꞌ unqꞌa qitzꞌin qatzikeꞌ. As yeꞌ la pal akꞌuꞌl tiꞌ akꞌuchat u bꞌaꞌneꞌ, kꞌuxh la apalebꞌe unqꞌa kꞌaxkꞌoeꞌ. As yeꞌ la ajeꞌsa eebꞌ vatz unqꞌa uxhchileꞌ.
2 Timothy 1:8 in Ixil 8 As yeꞌ la xoꞌv veꞌt axh tiꞌ aalat u yoleꞌ tiꞌ u Kubꞌaal Jesús. As yeꞌ la chꞌixvu veꞌt axh sviꞌ tiꞌ uvaꞌ atoꞌk tzan in tu tzeꞌ. Pet aqꞌ yakꞌil tiꞌ akuyat unqꞌa kꞌaxkꞌoeꞌ uvaꞌ la apalebꞌe tiꞌ aalat u bꞌaꞌnla yoleꞌ echeꞌ uvaꞌ nunpalebꞌe. As u Tiixheꞌ la aqꞌon ayakꞌil
2 Timothy 2:24 in Ixil 24 As yeꞌ la ibꞌaneꞌ uvaꞌ aꞌ kuxh u yaaibꞌeꞌ la kubꞌaneꞌ, jankꞌal oꞌ uvaꞌ oꞌ ikꞌam u Tiixheꞌ. Pet bꞌaꞌnla aama oꞌ xoꞌl unqꞌa uxhchileꞌ skajayil la ibꞌaneꞌ. As at kutxumbꞌal tiꞌ kuchusuneꞌ xoꞌl unqꞌa uxhchileꞌ uvaꞌ jit eela kutxumbꞌal stukꞌ. As yeꞌ la pal kukꞌuꞌl tiꞌ qalat isuuchil te unqꞌa uxhchileꞌ,
2 Timothy 3:10 in Ixil 10 Pet ech koj axh, Timoteo, tan ootzimal u chusbꞌaleꞌ aꞌn uvaꞌ kat val see as tukꞌ vuntxumbꞌalineꞌ tukꞌ uvaꞌ kam ni valeꞌ as nunbꞌaneꞌ. As ootzimal aꞌn tiꞌ u kꞌujlebꞌal unkꞌuꞌleꞌ tiꞌ u Tiixheꞌ as tiꞌ uvaꞌ nim vaama tiꞌ unkuyat unqꞌa uxhchileꞌ, tan xoꞌn sve. As ootzimal aꞌn uvaꞌ kat unkuy unqꞌa kꞌaxkꞌoeꞌ uveꞌ kat unpalebꞌe
2 Timothy 4:5 in Ixil 5 Pet ech koj axh, Timoteo, tan la pal axh stuul kam uveꞌ la abꞌaneꞌ skajayil. As la akuy unqꞌa kꞌaxkꞌoeꞌ uveꞌ la ul seeꞌ. As la chit apaxsa u bꞌaꞌnla yoleꞌ. As lachuseꞌ. As la chit abꞌaneꞌ jankꞌal unqꞌa veeꞌ alel see taꞌn u Tiixheꞌ.
Hebrews 12:1 in Ixil 1 Estiꞌeꞌ ni val sete, vitzꞌin vatzik: Oꞌ uvaꞌ nimal unqꞌa kꞌuchbꞌal tetz u kꞌujlebꞌal ikꞌuꞌl unqꞌa qꞌesla kubꞌaaleꞌ kat ikꞌuch kan sukuvatz, as kubꞌantaj echeꞌ uvaꞌ kat ibꞌan chajaak. As qaqꞌtaj kan unqꞌa paaveꞌ uvaꞌ ni majon kuvatz tiꞌ kukꞌujbꞌaꞌt kukꞌuꞌl tiꞌ u Jesús, echeꞌ umaj uxhchil uvaꞌ yeꞌxhkam ni majon ivatz tiꞌ toojeꞌleꞌ tiꞌ itxꞌakat umaj txꞌajaꞌm. As kukuytaj kupalebꞌet unqꞌa kꞌaxkꞌoeꞌ, jankꞌal uveꞌ aqꞌel sqe taꞌn Aak tiꞌ uvaꞌ la kupalebꞌe.
James 5:7 in Ixil 7 As la val sete, vitzꞌin vatzik: Yeꞌ la pal ekꞌuꞌl tiꞌ etxꞌebꞌat u tulebꞌal u Kubꞌaal Jesús. As ech la ebꞌaneꞌ echeꞌ nibꞌan umaj uxhchil uvaꞌ ni taveꞌ, tan tul kat avi, as yeꞌ nipal ikꞌuꞌl tul nitxꞌebꞌ tul u jabꞌaleꞌ as tukꞌ tiꞌ ivatzin unqꞌa ichikoeꞌ.
Revelation 1:9 in Ixil 9 Ineꞌ in Xhun, uvaꞌ qitzꞌin qatzik qibꞌ kꞌatz u Jesús. As eela taqꞌat Aak qokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ; as eela kupalebꞌet unqꞌa kꞌaxkꞌoeꞌ setukꞌ; as eela kukuyataꞌ, tan tiꞌ uvaꞌ at veꞌt ok oꞌ kꞌatz u Jesucristo setukꞌ. As tul atik in tu umaꞌl u tal txꞌavaꞌ viꞌ u mar uvaꞌ Patmos, tiꞌ kuxh uvaꞌ nimamal veꞌt viyol u Kubꞌaal Tiixheꞌ svaꞌn as tiꞌ valat isuuchil u yoleꞌ tiꞌ u Kubꞌaal Jesucristoeꞌ.
Revelation 3:10 in Ixil 10 As tiꞌ uvaꞌ yeꞌ nikaꞌkabꞌin akꞌuꞌl tiꞌ animat vunyoleꞌ echeꞌ uvaꞌ kat val see, as estiꞌeꞌ la unkol veꞌt axh vatz u kꞌaxkꞌoeꞌ uvaꞌ la ul tiꞌ unqꞌa tenameꞌ skajayil, tiꞌ ikꞌaxbꞌisal unqꞌa uxhchileꞌ uveꞌ ni ixvan in vatz u txꞌavaꞌeꞌ.