2 Corinthians 6:10 in Ixil 10 As kꞌuxh nu kutxumuneꞌ, as at veꞌt chiibꞌichil tu u qaanxelaleꞌ sbꞌenameen. As kꞌuxh oꞌ meebꞌaꞌ, as nimal unqꞌa uxhchil ni qal u bꞌaꞌnla yoleꞌ ste. As ech veꞌt tatin unqꞌa uxhchileꞌ echeꞌ txꞌioliqꞌii nibꞌan taꞌn unqꞌa yoleꞌ. As kꞌuxh yeꞌl qetz ati, as qetzeꞌ vibꞌaꞌnil u Tiixheꞌ skajayil.
Other Translations King James Version (KJV) As sorrowful, yet alway rejoicing; as poor, yet making many rich; as having nothing, and yet possessing all things.
American Standard Version (ASV) as sorrowful, yet always rejoicing; as poor, yet making many rich; as having nothing, and `yet' possessing all things.
Bible in Basic English (BBE) As full of sorrow, but ever glad; as poor, but giving wealth to others; as having nothing, but still having all things.
Darby English Bible (DBY) as grieved, but always rejoicing; as poor, but enriching many; as having nothing, and possessing all things.
World English Bible (WEB) as sorrowful, yet always rejoicing; as poor, yet making many rich; as having nothing, and yet possessing all things.
Young's Literal Translation (YLT) as sorrowful, and always rejoicing; as poor, and making many rich; as having nothing, and possessing all things.
Cross Reference Matthew 5:4 in Ixil 4 As achvebꞌal chit unqꞌa uxhchileꞌ uveꞌ nitxumuneꞌ, tan la mutxbꞌel veꞌteꞌ taꞌn u Tiixheꞌ.
Matthew 5:12 in Ixil 12 Chiibꞌojtaj ex. As txuqꞌtxunoj ex, tan nimeꞌ vetxꞌajaꞌmeꞌ tuk aqꞌaxoj sete tu almikaꞌ. As chiibꞌojtaj ex kꞌuxh la epalebꞌe kꞌaxkꞌo, tan ech chit kat ulbꞌel unqꞌa qꞌajsan tetz viyol u Tiixheꞌ tul uvaꞌ yeꞌxnik ul ex.
Matthew 6:19 in Ixil 19 As tuk val sete, yeꞌ kuxh etoksa etaama tiꞌ u txꞌiibꞌal qꞌiieꞌ tzitzaꞌ vatz u txꞌavaꞌeꞌ, tan jankꞌal uvaꞌ la emoleꞌ, as la pokꞌteꞌ. As moj la yani. As la kuxh esuti veꞌt el. As moj u elqꞌomeꞌ la elqꞌan.
Luke 6:21 in Ixil 21 As achvebꞌal chit ex, jankꞌal ex uveꞌ nivaꞌy vetaanxelaleꞌ tiꞌ viyol u Tiixheꞌ, tan aꞌ exeꞌ la iloch ex u Tiixheꞌ. As achvebꞌal chit ex, jankꞌal ex uveꞌ netoqꞌ scheel taꞌn txumuꞌm, tan aꞌ exeꞌ uvaꞌ la chiibꞌ veꞌt ex xamtel.
Luke 16:11 in Ixil 11 Estiꞌeꞌ tuk val sete, tan asoj yeꞌ kat etil isuuchil unqꞌa txꞌiibꞌal qꞌiieꞌ tibꞌaꞌnil uvaꞌ kat aqꞌax sete, as yeꞌxhebꞌileꞌ la aqꞌon veꞌt u txꞌiibꞌal qꞌiieꞌ sete uvaꞌ yeꞌl iyaꞌtebꞌal.
John 16:22 in Ixil 22 As echat kuxh tuk ebꞌaneꞌ unpajte, tan tuk txumunoj ex. As tuk vil vibꞌeꞌ setukꞌ unpajte, as la chiibꞌ veꞌt ex sviꞌ. As yeꞌxhebꞌil la eesan el u chiibꞌichileꞌ tu vetaanxelaleꞌ.
Acts 3:6 in Ixil 6 As ech tal veꞌt u Luꞌ ileꞌ: —Yeꞌl puaj eqꞌomal svaꞌn. Pet kam uvaꞌ eqꞌomal taꞌn u vaanxelaleꞌ, as la vaqꞌ see. Tan tuk val see, tukꞌ vibꞌii u Jesucristo uvaꞌ aa Nazaret, txakpen. As xaanen,— tiꞌk u Luꞌeꞌ.
Acts 5:41 in Ixil 41 As tul el veꞌt chꞌuꞌl unqꞌa apóstol tu u abꞌibꞌaleꞌ, as vaꞌlik chit ichiibꞌ veꞌt chajnaj, tan Tiixh kat aqꞌon te chajnaj tiꞌ ipalebꞌet unqꞌa kꞌaxkꞌoeꞌ, tan tiꞌ uvaꞌ nik ipaxsa chajnaj u yoleꞌ tiꞌ u Jesús.
Acts 16:25 in Ixil 25 As pokꞌoꞌch chit aqꞌbꞌal as nik inach u Pablo Tiixh, tukꞌ u Silas. As nik ibꞌitza chajnaj unqꞌa bꞌitzeꞌ tetz Tiixh. As nik tabꞌi unqꞌa preexhueꞌ.
Romans 5:2 in Ixil 2 As ibꞌaꞌnil kuxh u Jesús uvaꞌ oy kuxh veꞌt qokeꞌ kꞌatz u Tiixheꞌ, tiꞌ uvaꞌ kat kukꞌujbꞌaꞌ kukꞌuꞌl tiꞌ u Jesús. As nu kuchiibꞌ veꞌteꞌ, tiꞌ uvaꞌ tuk oonoj oꞌ kꞌatz u Tiixheꞌ uvaꞌ nitoksal iqꞌii.
Romans 8:32 in Ixil 32 tan ayaꞌl chit ikꞌuꞌl Aak kat taqꞌ Aak viKꞌaoleꞌ kamoj sqiꞌ. ¿As aꞌ kol chit yeꞌl umaꞌtoj bꞌaꞌnil qꞌa yeꞌ la ibꞌan Aak sqe taꞌn viKꞌaoleꞌ?
Romans 9:2 in Ixil 2 As at umaꞌl u mam txumuꞌm tu u vaanxelal uvaꞌ nichꞌoꞌnsan vaama sbꞌenameen,
Romans 11:12 in Ixil 12 As aal kat naꞌ veꞌt vibꞌaꞌnil Aakeꞌ xoꞌl unqꞌa tenameꞌ uveꞌ jit tiaal Israel, tul kat elik kan unqꞌa tiaal Israel taꞌn vipaasan tziileꞌ. As aꞌ kol chit yeꞌ la naꞌ veꞌt vibꞌaꞌnil Aakeꞌ qꞌa, tul uvaꞌ la qꞌaavik tzan unqꞌa tiaal Israel taꞌn Aak.
Romans 12:15 in Ixil 15 As chiibꞌojtaj oꞌ kꞌatz unqꞌa qitzꞌin qatzikeꞌ uveꞌ nichiibꞌeꞌ. As oqꞌojtaj oꞌ kꞌatz unqꞌa qitzꞌin qatzikeꞌ uveꞌ ni toqꞌeꞌ.
Romans 15:13 in Ixil 13 As aꞌ u Tiixheꞌ, u aqꞌol tetz u nimla bꞌaꞌnileꞌ uvaꞌ nu kutxꞌebꞌon stiꞌ, as Aakeꞌ la oksan u chiibꞌichileꞌ tu vetaanxelaleꞌ as tukꞌ uvaꞌ bꞌaꞌn veꞌt etatin sevatzaj, as kꞌujleꞌl veꞌt ekꞌuꞌl tiꞌ Aak taꞌn u Tiixhla Espíritu, tul uvaꞌ netxꞌebꞌon tiꞌ u nimla bꞌaꞌnileꞌ.
1 Corinthians 1:5 in Ixil 5 As ibꞌaꞌnil kuxh Aak as nimal bꞌaꞌnil kat etillu veꞌteꞌ, tan tiꞌ uvaꞌ kat alax veꞌt viyol Aakeꞌ sexoꞌl. As at veꞌt etxumbꞌal staꞌn,
1 Corinthians 3:21 in Ixil 21 Estiꞌeꞌ ni val sete uvaꞌ yeꞌ la etoksa jeꞌ eqꞌii tiꞌ uvaꞌ echen ex kꞌatz umaj uxhchil uvaꞌ netaleꞌ. As jankꞌal unqꞌa ibꞌaꞌnil u Tiixheꞌ uvaꞌ cheesamal staꞌn, as etetzeꞌ skajayil.
2 Corinthians 2:4 in Ixil 4 As tul uvaꞌ kat untzꞌibꞌa bꞌen u bꞌaxa uꞌujeꞌ sete, as tukꞌ chit txumuꞌm tukꞌ chit oqꞌel kat untzꞌibꞌa bꞌen tan yeꞌ vootzalike moj bꞌaꞌn la bꞌen sete moj yeꞌle. As tiꞌ koj etxumunsaleꞌ kat untzꞌibꞌakat bꞌen u yoleꞌ sete, pet tiꞌ uvaꞌ la etootzi uvaꞌ xoꞌn chit veꞌt ex sve.
2 Corinthians 4:7 in Ixil 7 As ech qatineꞌ echeꞌ umaj tzꞌaj xhiꞌl uvaꞌ yeꞌ tii ipaxeꞌ, as aqꞌel veꞌt sqe taꞌn u Tiixheꞌ tiꞌ ipaxsal u bꞌaꞌnla yoleꞌ tiꞌ u Cristo uvaꞌ ech veꞌt tatineꞌ echeꞌ umaj kam uvaꞌ nim ijaꞌmil. Estiꞌeꞌ la til veꞌt unqꞌa tenameꞌ uvaꞌ jit oꞌ ni aqꞌon iyakꞌil u yoleꞌ. Pet aꞌ u Tiixheꞌ ni aqꞌon iyakꞌil.
2 Corinthians 4:15 in Ixil 15 Estiꞌeꞌ ni qal sete, kam kuxh unqꞌa kꞌaxkꞌoeꞌ nu kupalebꞌe, as tiꞌ elochpeꞌ nu kubꞌankat. As nimal chit ex la oksan iqꞌii u Tiixheꞌ tiꞌ u bꞌaꞌnileꞌ uvaꞌ kat ibꞌan Aak sete. As la etoksa veꞌt iqꞌii Aak tukꞌ unqꞌa qitzꞌin qatzikeꞌ xoꞌl joltu unqꞌa tenameꞌ uvaꞌ nipaxsalkat viyol Aakeꞌ.
2 Corinthians 7:3 in Ixil 3 As echeꞌ in uvaꞌ in Pablo, as yeꞌle uvaꞌ epaav koj nunchukeꞌ tul ni val u yoleꞌ sete, tan alel chiteꞌ svaꞌn uvaꞌ xoꞌn chit ex sve, tan unvatzul kuxh veꞌt in setukꞌ tiꞌ u Cristo, kꞌuxh eela kukameꞌ as moj tul isleꞌl oꞌ.
2 Corinthians 8:9 in Ixil 9 As ootzimal vibꞌaꞌnil u Kubꞌaal Jesucristo setaꞌn, tan Aak ibꞌaal unqꞌa veeꞌ skajayil. As ech veꞌt Aakeꞌ meebꞌaꞌ kat ibꞌana tiꞌ kulochpeꞌ, aqꞌal uvaꞌ nim veꞌt vibꞌaꞌnil Aakeꞌ la taqꞌ sqiꞌ. As ech veꞌt qatineꞌ echeꞌ txꞌioliqꞌii kat ibꞌana.
Ephesians 3:8 in Ixil 8 As ni vitzꞌa uvaꞌ nim talchu unqꞌa qitzꞌin qatzikeꞌ sviꞌ uvaꞌ niman tetz u Jesucristoeꞌ. As ibꞌaꞌnil kuxh u Tiixheꞌ, as kat taqꞌ Aak vijleꞌm tiꞌ unpaxsat u bꞌaꞌnla yoleꞌ sexoꞌl, kꞌuxh yeꞌ ni qolebꞌeꞌ tiꞌ qootzit unqꞌa nimla bꞌaꞌnileꞌ skajayil uvaꞌ at tzan sqiꞌ taꞌn Aak.
Ephesians 3:16 in Ixil 16 As mamaꞌla yakꞌil at xeꞌ u Tiixheꞌ. Estiꞌeꞌ nunjaj te Aak uvaꞌ la iyakꞌinsa Aak vetaanxelaleꞌ taꞌn u Tiixhla Espíritu,
Philippians 2:17 in Ixil 17 As ootzimal svaꞌn uvaꞌ kꞌujleꞌl ekꞌuꞌl tiꞌ u Tiixheꞌ, as u aqꞌoneꞌ uveꞌ nebꞌan tiꞌ Aak, as eela tukꞌ umaj oy uveꞌ nebꞌan vatz Aak. Asoj la kam in tiꞌ valat viyol u Tiixheꞌ sete, as la txuqꞌtxun in setukꞌ sekajayil. As ech la ibꞌan vunkamebꞌaleꞌ echeꞌ nibꞌanchu tukꞌ u vino uvaꞌ ni peqꞌlikbꞌen tiꞌ u oyeꞌ uveꞌ ni toksal vatz u Tiixheꞌ taꞌn u nachol Tiixheꞌ.
Philippians 4:4 in Ixil 4 Txuqꞌtxunoj ex sevatzaj bꞌenameen, tan at veꞌt ok ex kꞌatz u Kubꞌaal Jesucristo. As la val unpajte: Txuqꞌtxunoj ex sevatzaj.
Colossians 1:24 in Ixil 24 As nunchiibꞌeꞌ, kꞌuxh nunpalebꞌe kꞌaxkꞌo tiꞌ unlochat ex, ex uvaꞌ txaael veꞌt ex tiꞌ etok sitenam u Cristoeꞌ, tan aꞌ unqꞌa kꞌaxkꞌoeꞌ nunpalebꞌe uvaꞌ kat tal kan Aak sviꞌ uvaꞌ la unpalebꞌe tiꞌ unlochat ex as tiꞌ unlochat vitenam Aakeꞌ skajayil.
Colossians 3:16 in Ixil 16 As atoj chit viyol u Cristoeꞌ sekꞌuꞌl. As eyakꞌinsataj tu vetaanxelaleꞌ. As la echus etibꞌ sevatzaj. As la ibꞌeya tibꞌ sete tukꞌ u bꞌaꞌnla txumbꞌaleꞌ uvaꞌ ni taqꞌ u Cristoeꞌ sete. As tukꞌ etaanxelal la ebꞌitza unqꞌa bꞌitzeꞌ uvaꞌ at tu unqꞌa Salmoeꞌ, tukꞌ kaꞌt unqꞌa bꞌitzeꞌ uvaꞌ la oksan iqꞌii u Kubꞌaal Tiixheꞌ, as tukꞌ unqꞌa veeꞌ la taqꞌ u Tiixhla Espíritueꞌ sete tiꞌ etaqꞌat taꞌntiixh te Aak tiꞌ unqꞌa bꞌaꞌnileꞌ uvaꞌ nibꞌan Aak sete.
1 Thessalonians 1:6 in Ixil 6 As ech nu kubꞌaneꞌ tiꞌ kunimat u Tiixheꞌ echeꞌ uvaꞌ kat ibꞌan u Kubꞌaal Jesús. As echat nebꞌaneꞌ unpajte, tan kat enima viyol u Tiixheꞌ, kꞌuxh nepalebꞌe unqꞌa kꞌaxkꞌoeꞌ. As kat chiibꞌ ex taꞌn u Tiixhla Espíritu.
1 Thessalonians 3:7 in Ixil 7 Estiꞌeꞌ, qitzꞌin qatzik, tan kꞌuxh nikat kupalebꞌe unqꞌa kꞌaxkꞌoeꞌ tukꞌ txumuꞌm, as kat chit chiibꞌ veꞌt qaama setiꞌ tul kat qabꞌi uvaꞌ kꞌujleꞌl chit ekꞌul tiꞌ u Jesús.
1 Thessalonians 5:16 in Ixil 16 As chiibꞌojtaj ex tiꞌ chit ibꞌeneꞌ.
1 Timothy 4:8 in Ixil 8 tan echeꞌ nibꞌan umaj uxhchil tiꞌ iyakꞌinsal vichiꞌoleꞌ tul ni toojeꞌleꞌ, as bꞌaꞌn ni tex ibꞌan te vichiꞌoleꞌ. As ech achusat eebꞌ tiꞌ ibꞌanax u bꞌaꞌneꞌ vatz u Tiixheꞌ, tan nimal u bꞌaꞌnileꞌ alel kan see tetz vatiichajileꞌ tzitzaꞌ vatz u txꞌavaꞌeꞌ. As echat la ibꞌan vatiichajileꞌ kꞌatz u Tiixheꞌ tiꞌ ibꞌeneꞌ.
1 Timothy 6:18 in Ixil 18 As la aal te unqꞌa txꞌiol iqꞌiieꞌ uvaꞌ aꞌ u bꞌaꞌneꞌ la ibꞌaneꞌ. As yeꞌ la ipiꞌu tibꞌ tiꞌ ibꞌanat u bꞌaꞌneꞌ as tiꞌ taqꞌat tetz unqꞌa imooleꞌ, tan jit kꞌekꞌ tiꞌ unqꞌa tetzeꞌ la ibꞌaneꞌ.
Hebrews 10:34 in Ixil 34 As kat etxum veꞌt ivatz unqꞌa emooleꞌ tul kat ok tu u kaarsa. As tul kat maap veꞌt unqꞌa etetzeꞌ, as yeꞌ kat txumun veꞌt ex. Pet aal kat chiibꞌ veꞌt ex, tan at sekꞌuꞌl uvaꞌ at etetz tu almikaꞌ uvaꞌ aal bꞌaꞌn tiꞌ uveꞌ at vatz u txꞌavaꞌeꞌ. As aꞌeꞌ yeꞌ la pal iyakꞌil.
James 1:2 in Ixil 2 Vitzꞌin vatzik, kꞌuxh kam kuxh kꞌaxkꞌoil la epalebꞌe, as la txuqꞌtxun ex stiꞌ,
James 2:5 in Ixil 5 As la val sete, vitzꞌin vatzik uvaꞌ xoꞌn veꞌt ex sve, tan aꞌ unqꞌa meebꞌaꞌeꞌ kat itxaa u Kubꞌaal Tiixheꞌ tiꞌ uvaꞌ nim veꞌt u kꞌujlebꞌal ikꞌuꞌleꞌ la ibꞌan tiꞌ u Jesucristo. As la ikꞌul veꞌt unqꞌa nimla bꞌaꞌnileꞌ uvaꞌ altziꞌmal kan taꞌn Aak te unqꞌa uxhchileꞌ uvaꞌ xoꞌn veꞌt Aak ste, tan at veꞌt tokebꞌal xoꞌl u tenameꞌ uvaꞌ at jaqꞌ u tijleꞌm u Tiixheꞌ.
1 Peter 1:6 in Ixil 6 As netxuqꞌtxuneꞌ tiꞌ u nimla bꞌaꞌnileꞌ uvaꞌ netxꞌebꞌeꞌ, kꞌuxh antel kuxh epalebꞌet unqꞌa kꞌaxkꞌoeꞌ cheel vatz u txꞌavaꞌeꞌ.
1 Peter 4:13 in Ixil 13 Pet aal la chiibꞌ ex tul la epalebꞌe unqꞌa kꞌaxkꞌoeꞌ kꞌuxh aꞌ u bꞌaꞌneꞌ nebꞌaneꞌ, as eela kuxh stukꞌ uvaꞌ ech epalebꞌet u kꞌaxkꞌoeꞌ echeꞌ uveꞌ kat ipalebꞌe u Cristoeꞌ. As la chiibꞌ ex tu u nimla chiibꞌichileꞌ tul uvaꞌ la oksal veꞌt iqꞌii Aak.
Revelation 2:9 in Ixil 9 –Ootzimal svaꞌn kam uvaꞌ nabꞌaneꞌ, tan napalebꞌe unqꞌa kꞌaxkꞌoeꞌ. As kꞌuxh yeꞌl txꞌiibꞌal aqꞌii at vatz u txꞌavaꞌeꞌ. Pet nimal vatxꞌajaꞌmeꞌ at taꞌn u Tiixheꞌ. As ootzimal svaꞌn uvaꞌ niyol axh unqꞌa chulin yoleꞌ uvaꞌ ni toksa tibꞌ stiaal Israel, tan oꞌ itenam u Tiixheꞌ, taqꞌ unqꞌa chulin yoleꞌ ni taleꞌ. Pet aꞌ isuuchil uvaꞌ nichus chajnaj unqꞌa ichusbꞌal u Satanás tul nimol tibꞌ tu u atinbꞌaleꞌ tetz nachbꞌal Tiixh.
Revelation 21:7 in Ixil 7 As abꞌil uvaꞌ yeꞌ la iyaꞌsa inimat in, as aꞌeꞌ la etzin unqꞌa nimla bꞌaꞌnileꞌ skajayil, tan ineꞌ viTiixheꞌ. As aꞌeꞌ meꞌal unkꞌaol.