2 Corinthians 5:18 in Ixil 18 As u akꞌ txumbꞌaleꞌ uvaꞌ eqꞌomal sqaꞌn cheel, as aꞌ u Tiixheꞌ kat aqꞌon sqe, tan tiꞌ vikamebꞌal u Cristoeꞌ kat ikꞌujbꞌaꞌkat kan u Tiixheꞌ uvaꞌ yeꞌl veꞌt kuxoꞌl tukꞌ Aak. As Aakeꞌ kat aqꞌon veꞌt qijleꞌm tiꞌ kupaxsat u yoleꞌ uvaꞌ kꞌujbꞌaꞌmal kan taꞌn Aak.
Other Translations King James Version (KJV) And all things are of God, who hath reconciled us to himself by Jesus Christ, and hath given to us the ministry of reconciliation;
American Standard Version (ASV) But all things are of God, who reconciled us to himself through Christ, and gave unto us the ministry of reconciliation;
Bible in Basic English (BBE) But all things are of God, who has made us at peace with himself through Christ, and has given to us the work of making peace;
Darby English Bible (DBY) and all things [are] of the God who has reconciled us to himself by [Jesus] Christ, and given to us the ministry of that reconciliation:
World English Bible (WEB) But all things are of God, who reconciled us to himself through Jesus Christ, and gave to us the ministry of reconciliation;
Young's Literal Translation (YLT) And the all things `are' of God, who reconciled us to Himself through Jesus Christ, and did give to us the ministration of the reconciliation,
Cross Reference Mark 16:15 in Ixil 15 As ech tal veꞌt Aak ileꞌ: —Bꞌenoj ex. Bꞌen etaltaj u bꞌaꞌnla yoleꞌ te unqꞌa tenameꞌ skajayil uvaꞌ at vatz u txꞌavaꞌeꞌ.
Luke 10:5 in Ixil 5 As abꞌiste kabꞌal la kꞌulpukat ex, as ech la etal ileꞌ te unqꞌa uxhchileꞌ tul la ok ex tu u kabꞌaleꞌ: «As bꞌaꞌnoj etatin sevatzaj,» chaj ex la etaleꞌ,
Luke 24:47 in Ixil 47 As tukꞌ vibꞌii Aakeꞌ la alpukat isuuchil u yoleꞌ xoꞌl unqꞌa tenameꞌ skajayil tiꞌ uvaꞌ la ikꞌaxa tibꞌ unqꞌa tenameꞌ tiꞌ vipaaveꞌ as la sotzsal veꞌt ipaav. As aꞌ la xeꞌtkat tu u Jerusalén tiꞌ talax isuuchil u yoleꞌ,» tiꞌk u yoleꞌ uvaꞌ tzꞌibꞌamal kan sviꞌ.
John 3:16 in Ixil 16 Tan kat itxum u Tiixheꞌ ivatz unqꞌa tenameꞌ skajayil vatz u txꞌavaꞌeꞌ. Estiꞌeꞌ kat taqꞌ tzan Aak unchꞌiꞌtil viKꞌaoleꞌ tiꞌ ikameꞌ, aqꞌal uvaꞌ jankꞌal unqꞌa uxhchileꞌ uvaꞌ la ikꞌujbꞌaꞌ ikꞌuꞌl tiꞌ viKꞌaol Aakeꞌ as yeꞌ la tzꞌejxi. Pet at itiichajil uvaꞌ yeꞌl iyaꞌtebꞌal.
John 3:27 in Ixil 27 Ech tal veꞌt u Xhun ileꞌ te chajnaj tiꞌ u Jesús: —Aꞌeꞌ nibꞌaneꞌ uvaꞌ alel tzan ste taꞌn u Tiixheꞌ, tan yeꞌxhkam la uch ibꞌanat umaj uxhchil, asoj jit u Tiixheꞌ tu almikaꞌ kat aqꞌon ste.
Acts 10:36 in Ixil 36 Tan kat ikꞌujbꞌaꞌ kan u Tiixheꞌ viyoleꞌ sukuxoꞌl uvaꞌ oꞌ tiaal Israel. As kat tal kan Aak u bꞌaꞌnla yoleꞌ tiꞌ uvaꞌ bꞌaꞌn qatin sukuvatzaj taꞌn u Jesucristo, tan Aakeꞌ u Kubꞌaaleꞌ uvaꞌ at sqiꞌ skukajayil.
Acts 13:38 in Ixil 38 Estiꞌeꞌ ni val sete, vitzꞌin vatzik: Palojtaj ex tu u bꞌaꞌnla yoleꞌ uvaꞌ ni val sete, tan aꞌeꞌ uvaꞌ ni taleꞌ uvaꞌ tiꞌ vibꞌaꞌnil u Jesús la sotzsalkat epaav.
Romans 5:1 in Ixil 1 Estiꞌeꞌ yeꞌl kuxoꞌl ati tukꞌ u Tiixheꞌ, jankꞌal oꞌ uvaꞌ jikla aama veꞌt oꞌ vatz u Tiixheꞌ taꞌn u Kubꞌaal Jesucristo, tan tiꞌ uvaꞌ kꞌujleꞌl veꞌt kukꞌuꞌl tiꞌ Aak.
Romans 5:10 in Ixil 10 tan tul uvaꞌ atik kuxoꞌl tukꞌ u Tiixheꞌ, as taꞌn vibꞌaꞌnil viKꞌaol Aakeꞌ uvaꞌ kat kam vatz u kuruseꞌ sqiꞌ, as kat ikꞌul oꞌ u Tiixheꞌ. Estiꞌeꞌ uvaꞌ ootzimal sqaꞌn uvaꞌ la ikol oꞌ u Jesucristo vatz vitxꞌiꞌtziꞌl u Tiixheꞌ, tan kat ul taama u Jesucristo unpajte. As isleꞌl veꞌt Aak cheel tiꞌ kulochpeꞌ.
Romans 11:36 in Ixil 36 tan Aakeꞌ cheesan tetz unqꞌa veeꞌ skajayil. As ibꞌaꞌnil kuxh Aakeꞌ uvaꞌ at unqꞌa veeꞌ skajayil. As tetz Aakeꞌ skajayil. Estiꞌeꞌ yeꞌ la yaꞌ oꞌ tiꞌ qoksat iqꞌii Aak. An chiteꞌ.
1 Corinthians 1:30 in Ixil 30 Tan tukꞌ vibꞌaꞌnil u Tiixheꞌ kat toksakat veꞌt ok oꞌ Aak kꞌatz u Jesucristo. As aꞌ u Jesucristo aqꞌol tetz kutxumbꞌal taꞌn u Tiixheꞌ. As Aak oksan qetz jikla aamail. As yeꞌl veꞌt kupaav at vatz u Kubꞌaal Tiixheꞌ, tan chooel veꞌt u kupaaveꞌ taꞌn u Jesucristo,
1 Corinthians 8:6 in Ixil 6 Pet ech koj oꞌ, tan umaꞌl kuxh kuTiixh ati. As aꞌeꞌ u Kubꞌaaleꞌ uveꞌ cheesan tetz unqꞌa veeꞌ skajayil. As estiꞌeꞌ at veꞌt oꞌ vatz u txꞌavaꞌeꞌ tiꞌ kunimat Aak. As umaꞌl kuxh u kuBꞌooqꞌol ati. As aꞌeꞌ u Kubꞌaal Jesucristo uvaꞌ taꞌn vibꞌaꞌnileꞌ as at veꞌt unqꞌa veeꞌ skajayil. As at veꞌt kutiichajil taꞌn Aak unpajte.
1 Corinthians 12:6 in Ixil 6 As jit eela unqꞌa bꞌaꞌnileꞌ uveꞌ at kan sukuxoꞌl. As umaꞌl kuxheꞌ u Tiixheꞌ uveꞌ ni bꞌanon unqꞌa bꞌaꞌnileꞌ skajayil sukuxoꞌl.
2 Corinthians 5:19 in Ixil 19 As aꞌ u yoleꞌ uvaꞌ tiꞌ vikamebꞌal u Cristo, as an kuxh u Tiixheꞌ kat bꞌanon uvaꞌ la uch tok unqꞌa tenameꞌ kꞌatz Aak. As yeꞌl ixoꞌl unqꞌa tenameꞌ tukꞌ Aak la ibꞌaneꞌ. As la uchi uvaꞌ yeꞌl veꞌt ipaav unqꞌa tenameꞌ la toksa veꞌt Aak stuul. As Aakeꞌ kat aqꞌon kan sqe tiꞌ uvaꞌ la bꞌen kupaxsa u yoleꞌ, aqꞌal uvaꞌ la uch tok unqꞌa tenameꞌ kꞌatz Aak.
Ephesians 2:16 in Ixil 16 As tiꞌ vikamebꞌal u Jesucristo vatz u kuruseꞌ, as kat ikꞌul veꞌt tibꞌ kuyol tukꞌ u Tiixheꞌ. As kat ikꞌul veꞌt tibꞌ kuyol sukuvatzaj unpajte. As kat iyaꞌsa veꞌt u Jesucristo u chꞌoꞌnchil aama sukuxoꞌl.
Colossians 1:16 in Ixil 16 As jankꞌal unqꞌa cheesaꞌmeꞌ uvaꞌ at tu almikaꞌ tukꞌ unqꞌa veeꞌ at vatz u txꞌavaꞌeꞌ, kꞌuxh naꞌl as moj yeꞌ naꞌl, as aꞌ u Tiixheꞌ kat cheesan tukꞌ u Jesúseꞌ. As an kuxh tukꞌ u Jesúseꞌ kat icheesa Aak unqꞌa ibꞌooqꞌol unqꞌa ángeleꞌ, tukꞌ unjoltu viqꞌesal unqꞌa ángeleꞌ, as tukꞌ kaꞌt unqꞌa veeꞌ skajayil uvaꞌ at tijleꞌm. Tan tukꞌ u Jesúseꞌ kat icheesa Aak unqꞌa cheesaꞌmeꞌ skajayil, aqꞌal uvaꞌ la til u Jesúseꞌ isuuchil unqꞌa veeꞌ skajayil.
Colossians 1:20 in Ixil 20 As bꞌaꞌn te u Tiixheꞌ uvaꞌ ni toksa Aak unqꞌa veeꞌ sbꞌaꞌn skajayil vatz u Jesúseꞌ. As unqꞌa veeꞌ skajayil vatz u txꞌavaꞌeꞌ tukꞌ unqꞌa veeꞌ at tu almikaꞌ, as kat ok sbꞌaꞌnil vatz u Tiixheꞌ taꞌn vikajal u Jesúseꞌ uvaꞌ kat el vatz u kuruseꞌ.
Hebrews 2:17 in Ixil 17 Estiꞌeꞌ uvaꞌ techal chit kat ibꞌensa tibꞌ u Jesús echeꞌ oꞌ, tiꞌ uvaꞌ Aak veꞌt u Nimla oksan tetz kuyol vatz u Tiixheꞌ. As jik chit toksat Aak kuyol, tan nitxum Aak kuvatz. As estiꞌeꞌ kat ichoo Aak u kupaaveꞌ.
James 1:17 in Ixil 17 tan jankꞌal unqꞌa bꞌaꞌnileꞌ uvaꞌ yeꞌl unbꞌooj vaꞌlexh la chee stiꞌ, as aꞌ nitzaakat kꞌatz u Tiixheꞌ tu almikaꞌ, vibꞌaal unqꞌa veeꞌ skajayil uvaꞌ nitxijun tu almikaꞌeꞌ. As Aakeꞌ ni aqꞌon kuꞌ tzan unqꞌa bꞌaꞌnileꞌ skajayil, tan yeꞌl itxumbꞌal Aak nijalpeꞌ. Pet ech chit itxumbꞌal Aakeꞌ tiꞌ chit ibꞌeneꞌ.
1 John 2:2 in Ixil 2 As Aakeꞌ kat toksa tibꞌ tiꞌ ichooat u kupaaveꞌ. As jit kuxh u kupaaveꞌ. Pet antu veꞌt vipaav unqꞌa tenameꞌ skajayil uveꞌ at vatz u txꞌavaꞌeꞌ.
1 John 4:10 in Ixil 10 As aꞌ tzaanajkat u xoꞌniibꞌeꞌ xeꞌ u Tiixheꞌ, tan jit oꞌeꞌ kat xoꞌnin Aak bꞌaxa. Pet Aakeꞌ kat xoꞌnin oꞌ bꞌaxa. Estiꞌeꞌ kat ichaj veꞌt tzan Aak viKꞌaoleꞌ tiꞌ ichooat u kupaaveꞌ.