2 Corinthians 5:15 in Ixil 15 As kat kam veꞌt Aak tiꞌ unqꞌa tenameꞌ skajayil, aqꞌal uvaꞌ jit u kutxumbꞌaleꞌ la qeqꞌola tetz, jankꞌal oꞌ uvaꞌ at kutiichajil kꞌatz u Tiixheꞌ. Pet aꞌ veꞌt vitxumbꞌal u Jesúseꞌ la qeqꞌola tetz uvaꞌ kat kam sqiꞌ. As kat ul taama Aak unpajte.
Other Translations King James Version (KJV) And that he died for all, that they which live should not henceforth live unto themselves, but unto him which died for them, and rose again.
American Standard Version (ASV) and he died for all, that they that live should no longer live unto themselves, but unto him who for their sakes died and rose again.
Bible in Basic English (BBE) And that he underwent death for all, so that the living might no longer be living to themselves, but to him who underwent death for them and came back from the dead.
Darby English Bible (DBY) and he died for all, that they who live should no longer live to themselves, but to him who died for them and has been raised.
World English Bible (WEB) He died for all, that those who live should no longer live to themselves, but to him who for their sakes died and rose again.
Young's Literal Translation (YLT) and for all he died, that those living, no more to themselves may live, but to him who died for them, and was raised again.
Cross Reference Luke 1:74 in Ixil 74 tiꞌ ul teesat oꞌ Aak vatz unqꞌa chꞌoꞌnchil aamaeꞌ tiꞌ uvaꞌ yeꞌ la xoꞌv veꞌt oꞌ tiꞌ qoksat veꞌt iqꞌii u Tiixheꞌ.
John 3:15 in Ixil 15 aqꞌal uvaꞌ at itiichajil u taanxelal unqꞌa uxhchileꞌ kꞌatz u Tiixheꞌ, jankꞌal unqꞌa uxhchileꞌ uveꞌ la ikꞌujbꞌaꞌ ikꞌuꞌl sviꞌ. As yeꞌ la itzꞌej vitiichajileꞌ uveꞌ yeꞌl iyaꞌtebꞌal,— tiꞌk u Jesús.
John 5:24 in Ixil 24 As ileꞌ jik chit tuk val sete, u uxhchileꞌ uveꞌ la niman unqꞌa yoleꞌ uvaꞌ ni valeꞌ as la ikꞌujbꞌaꞌ ikꞌuꞌl tiꞌ u Tiixheꞌ uvaꞌ chajol tzan vetz, tan at chit itiichajil u taanxelaleꞌ uveꞌ yeꞌl iyaꞌtebꞌal. As yeꞌl u kꞌaxkꞌo at veꞌt tzan tiꞌ unqꞌa uxhchileꞌ, tan elnallu veꞌt vatz u kamchileꞌ. As at veꞌt itiichajil uvaꞌ yeꞌl iyaꞌtebꞌal.
John 6:57 in Ixil 57 As aꞌ vunBꞌaaleꞌ, u aqꞌol tetz tiichajil, as Aakeꞌ uvaꞌ kat chajon tzan in. As at itiichajil Aak, estiꞌeꞌ at untiichajil. As echat chit la ibꞌan u uxhchileꞌ uvaꞌ ech vatineꞌ svatz echeꞌ u techbꞌubꞌaleꞌ, tan tukꞌ vuntiichajileꞌ at veꞌt itiichajil sunkꞌatz.
Romans 6:2 in Ixil 2 ¡Aꞌ chiteꞌ yeꞌ la ibꞌaneꞌ uvaꞌ latel kuxh qoksa qaama tiꞌ kupaavineꞌ! Tan jankꞌal oꞌ uvaꞌ ech veꞌt oꞌeꞌ echeꞌ kamnaj vatz u paaveꞌ kat ibꞌana, as yeꞌ la uchi uvaꞌ latel kuxh paavin veꞌt oꞌ.
Romans 6:6 in Ixil 6 As u qꞌesla txumbꞌaleꞌ uvaꞌ eqꞌomik sqaꞌn bꞌaxa as kat kam kꞌatz u Jesús tul kat kam Aak vatz u kuruseꞌ, aqꞌal uvaꞌ la el veꞌt iqꞌii unqꞌa tachaꞌv u kuchiꞌoleꞌ uvaꞌ nik eqꞌon oꞌ tu u paaveꞌ. As jit veꞌt oꞌ ikꞌam u paaveꞌ la ibꞌaneꞌ,
Romans 6:11 in Ixil 11 As echat la kubꞌaneꞌ, vitzꞌin vatzik. Atoj sukukꞌuꞌl uvaꞌ ech veꞌt oꞌeꞌ echeꞌ kamnaj vatz u paaveꞌ. As atoj sukukꞌuꞌl uvaꞌ isleꞌl oꞌ vatz u Tiixheꞌ, aqꞌal uvaꞌ la qoksa iqꞌii Aak tukꞌ u kutiichajileꞌ, jankꞌal oꞌ uvaꞌ at veꞌt ok oꞌ kꞌatz u Kubꞌaal Jesucristo.
Romans 8:2 in Ixil 2 tan aꞌ vitzaqꞌit u Tiixhla Espíritu uveꞌ ni aqꞌon u kutiichajileꞌ kꞌatz u Tiixheꞌ tiꞌ toksat ok oꞌ Aak kꞌatz u Jesucristo, as aꞌeꞌ kat qꞌalpun oꞌ vatz unqꞌa vaꞌlexhla txumbꞌaleꞌ uvaꞌ laik eqꞌon oꞌ tu u kamchileꞌ.
Romans 8:6 in Ixil 6 Pet asoj aꞌ kuxh la qoksakat qaama tiꞌ inimal u tachaꞌv u kuchiꞌoleꞌ, as aꞌ la teqꞌokat oꞌ tu u kamchileꞌ. Pet asoj aꞌ la qoksakat qaama tiꞌ inimal vitxumbꞌal u Tiixhla Espíritu, as at veꞌt kutiichajil kꞌatz Aak as bꞌaꞌn veꞌt qatineꞌ tukꞌ u Tiixheꞌ.
Romans 8:10 in Ixil 10 Pet ech koj oꞌ, tan tiꞌ uvaꞌ at veꞌt ok u Cristo tu u qaanxelaleꞌ, as kꞌuxh la kam veꞌt u kuchiꞌoleꞌ taꞌn u paaveꞌ, as ech koj u qaanxelaleꞌ, tan isleꞌl veꞌteꞌ kꞌatz Aak, tan tiꞌ uvaꞌ kat toksa oꞌ Cristo jikla aamail vatz u Tiixheꞌ.
Romans 12:1 in Ixil 1 Vitzꞌin vatzik, ootzimaleꞌ sqaꞌn uvaꞌ nitxum u Tiixheꞌ kuvatz skukajayil. Estiꞌeꞌ nunjaj bꞌaꞌnil sete tiꞌ uvaꞌ ech etoksat etibꞌeꞌ vatz Aak echeꞌ ni tulbꞌel unqꞌa txooeꞌ uvaꞌ txaael veꞌt tiꞌ toksal ok vatz Aak. As aꞌeꞌ uvaꞌ bꞌaꞌn vatz Aak, tan estiꞌeꞌ uvaꞌ kat taqꞌ Aak etiichajil skꞌatz tiꞌ etoksat iqꞌii Aak.
Romans 14:7 in Ixil 7 As kꞌuxh isleꞌl oꞌ as kꞌuxh la kam oꞌ, as ni qaleꞌ uvaꞌ la chiibꞌ taama u Tiixheꞌ sqiꞌ,
1 Corinthians 6:19 in Ixil 19 ¿As ma yeꞌ ootzimal setaꞌn uvaꞌ ikabꞌal u Tiixhla Espíritu vechiꞌoleꞌ? Tan aꞌ u Tiixheꞌ kat aqꞌon u Tiixhla Espíritu sete uvaꞌ jejleꞌl tu vetaanxelaleꞌ. Estiꞌeꞌ jit ex ibꞌaal vechiꞌoleꞌ,
1 Corinthians 10:33 in Ixil 33 As echeꞌ uveꞌ nunbꞌaneꞌ, tan nunyaꞌlu vibꞌ tiꞌ uvaꞌ la chiibꞌ veꞌt unqꞌa tenameꞌ skajayil tiꞌ unqꞌa txumbꞌaleꞌ uvaꞌ nunbꞌaneꞌ. As jit kuxh vuntxumbꞌaleꞌ ni voksa. Pet nunchuk txumbꞌal tiꞌ unbꞌanat u bꞌaꞌneꞌ te unqꞌa tenameꞌ skajayil, tiꞌ uvaꞌ la eesal unqꞌa uxhchil vatz vipaaveꞌ.
2 Corinthians 3:6 in Ixil 6 As Aakeꞌ kat aqꞌon kutxumbꞌal tiꞌ qalat isuuchil u akꞌ tzaqꞌiteꞌ tiꞌ u Cristo. As jit u tzaqꞌiteꞌ ni qal isuuchil uvaꞌ tzꞌibꞌamal kan vatz u lepkin kꞌubꞌeꞌ. Pet tiꞌ u akꞌ txumbꞌaleꞌ as tiꞌ u Tiixhla Espíritu ni qalkat, tan yeꞌ la ibꞌaneꞌ uvaꞌ at kutiichajil kꞌatz u Tiixheꞌ taꞌn u tzaqꞌiteꞌ uvaꞌ tzꞌibꞌamal kan vatz u kꞌubꞌeꞌ. Pet ech koj u Tiixhla Espíritu, tan at kutiichajil kꞌatz u Tiixheꞌ staꞌn.
2 Corinthians 5:16 in Ixil 16 Estiꞌeꞌ uvaꞌ jitꞌeꞌch ni qitzꞌa cheel tiꞌ umaj uxhchil echeꞌ uvaꞌ nik qitzꞌa bꞌaxa, tul uvaꞌ yeꞌxnik ok oꞌ kꞌatz u Cristo, tan aꞌ kuxh unqꞌa vatz txꞌavaꞌilla txumbꞌaleꞌ eqꞌomalik sqaꞌn. As kꞌuxh ech nik qitzꞌa tiꞌ u Cristo bꞌaxa, pet ech koj cheel, tan jitꞌeꞌch ni qitzꞌa veꞌteꞌ tiꞌ Aak,
Galatians 2:19 in Ixil 19 As echeꞌ in, tan kat pal in stuul uvaꞌ jit tiꞌ unnimat u tzaqꞌiteꞌ la okkat in jikla aamail vatz u Tiixheꞌ. As eela kuxh stukꞌ uvaꞌ kat kam veꞌt in vatz u tzaqꞌiteꞌ kat ibꞌana, aqꞌal uvaꞌ at veꞌt untiichajil kꞌatz u Tiixheꞌ. As la unbꞌaneꞌ kam uvaꞌ nisaꞌ Aak sviꞌ.
Galatians 5:25 in Ixil 25 As tiꞌ uvaꞌ at kutiichajil kꞌatz u Tiixheꞌ taꞌn u Tiixhla Espíritu, as kubꞌantaj unqꞌa bꞌaꞌnileꞌ uveꞌ ni tal u Tiixhla Espíritu sqe.
Ephesians 4:17 in Ixil 17 Estiꞌeꞌ nunbꞌeya bꞌen sete tukꞌ vibꞌii u Kubꞌaal Jesucristoeꞌ, uvaꞌ yeꞌ la ebꞌan etetz echeꞌ uveꞌ nibꞌan unqꞌa uxhchileꞌ uveꞌ yeꞌ ni niman u Tiixheꞌ, tan aꞌ kuxh u vaꞌlexhla txumbꞌaleꞌ eqꞌomal staꞌn uvaꞌ yeꞌl itxaꞌk.
Ephesians 5:14 in Ixil 14 echeꞌ uvaꞌ ni tal umaꞌl u yol: Oolsa aama, axh uvaꞌ vatik kuxh aama taꞌn u vaꞌlexheꞌ. As elen chꞌuꞌl xoꞌl unqꞌa uxhchileꞌ uvaꞌ echeꞌ kamnaj vatz u Tiixheꞌ. As la itxiju veꞌt u Cristo u aanxelaleꞌ, taqꞌ u yoleꞌ ni taleꞌ.
Philippians 1:20 in Ixil 20 As aꞌ ni tal vaama uvaꞌ kꞌuxh kam kuxh la unpalebꞌe, as yeꞌ la chꞌixvu veꞌt in vatz u Tiixheꞌ tiꞌ voksat iqꞌii Aak, tan kꞌujleꞌl unkꞌuꞌl kꞌuxh kam kuxh la unpalebꞌe, tan kꞌuxh la alpu unyatzꞌpeꞌ as moj la chajpul in, as yeꞌl in la xoꞌv in tiꞌ valat u bꞌaꞌnla yoleꞌ.
Colossians 2:12 in Ixil 12 As tul kat kuꞌ ex xeꞌ u aꞌeꞌ, as eela kuxh stukꞌ uvaꞌ kat mujlu veꞌt ex tukꞌ u Cristoeꞌ. As tul kat jeꞌ chꞌuꞌl ex xeꞌ u aꞌeꞌ, as eela kuxh stukꞌ uvaꞌ antu veꞌt ex kat ul etaama kꞌatz u Cristo taꞌn viyakꞌil u Tiixheꞌ uvaꞌ kꞌujleꞌl ekꞌuꞌl stiꞌ uvaꞌ kat ulsan taama u Cristoeꞌ.
Colossians 3:1 in Ixil 1 As tul kat ul taama u Cristoeꞌ, as eela kuxh stukꞌ uvaꞌ antu veꞌt ex kat ul etaama kꞌatz Aak unpajte. Estiꞌeꞌ ni val sete, etoksataj etaama tiꞌ unqꞌa veeꞌ uveꞌ echen tu almikaꞌ uvaꞌ xonleꞌlkat u Cristo tisebꞌal u Tiixheꞌ.
Colossians 3:17 in Ixil 17 As jankꞌal uvaꞌ la ebꞌaneꞌ as tukꞌ uvaꞌ la etaleꞌ, as ebꞌantaj tukꞌ vibꞌii u Kubꞌaal Jesúseꞌ. As tukꞌ vibꞌaꞌnil Aakeꞌ, as la etaqꞌ taꞌntiixh te u Kubꞌaal Tiixheꞌ.
Colossians 3:23 in Ixil 23 As jankꞌal uvaꞌ la ebꞌaneꞌ as tukꞌ chit etaanxelal la ebꞌaneꞌ, tan jit kuxh vatz umaj uxhchil la ebꞌankat. Pet vatz u Kubꞌaal Jesúseꞌ la ebꞌankat.
1 Thessalonians 5:10 in Ixil 10 tan Aakeꞌ kat kam sqiꞌ tiꞌ uvaꞌ la atin oꞌ kꞌatz Aak, kꞌuxh isleꞌl oꞌ moj kamnajlu veꞌt oꞌ.
Titus 2:14 in Ixil 14 As Aakeꞌ uveꞌ kat taqꞌ tibꞌ kamoj sqiꞌ tiꞌ teqꞌot el tzan oꞌ Aak tu u vaꞌlexheꞌ. As kat ijosqꞌi veꞌt Aak u qaanxelaleꞌ tiꞌ toksat veꞌt oꞌ Aak sitenamil. As ayaꞌl chit veꞌt kukꞌuꞌl tiꞌ kubꞌanat u bꞌaꞌneꞌ.
Hebrews 13:20 in Ixil 20 U Tiixheꞌ ni bꞌanon uvaꞌ bꞌaꞌn qatin sukuvatzaj, as Aak kat ulsan taama u Jesucristo uvaꞌ ech tatineꞌ sqiꞌ echeꞌ umaj xeen kaneeroꞌ. As aꞌ vikajal u Jesúseꞌ uvaꞌ kat kꞌujbꞌaꞌn kan u akꞌ tzaqꞌiteꞌ uvaꞌ yeꞌl iyaꞌtebꞌal.
1 Peter 1:14 in Ixil 14 As ex veꞌt meꞌal ikꞌaol u Tiixheꞌ. Estiꞌeꞌ uvaꞌ yeꞌ la ebꞌan veꞌt unqꞌa tachaꞌv vechiꞌoleꞌ echeꞌ uvaꞌ nik ebꞌan sbꞌaxa, tul yeꞌxnik etootzi u Tiixheꞌ.
1 Peter 4:2 in Ixil 2 As tul at vatz u txꞌavaꞌeꞌ, as yeꞌ la ibꞌan unqꞌa vaꞌlexheꞌ uvaꞌ ni tachva vichiꞌoleꞌ. Pet aꞌ u bꞌaꞌneꞌ la ibꞌaneꞌ uvaꞌ nisaꞌ u Tiixheꞌ.
1 Peter 4:6 in Ixil 6 Estiꞌeꞌ uvaꞌ kat alpu u bꞌaꞌnla yoleꞌ te unqꞌa uxhchileꞌ uvaꞌ kamnajlej, tiꞌ uvaꞌ at itiichajil u taanxelaleꞌ kꞌatz u Tiixheꞌ. As kꞌuxh kat bꞌanax veꞌt isuuchil taꞌn unqꞌa uxhchileꞌ.
1 John 4:9 in Ixil 9 As aꞌ kat ikꞌuchkat Aak vinimla bꞌaꞌnileꞌ sqiꞌ, tan kat taqꞌ tzan Aak unchꞌiꞌtil viKꞌaoleꞌ vatz u txꞌavaꞌeꞌ tiꞌ uvaꞌ at veꞌt kutiichajil kꞌatz Aak taꞌn vibꞌaꞌnil viKꞌaoleꞌ.
Revelation 1:18 in Ixil 18 As isleꞌl in. As ineꞌ uvaꞌ kat kam in. As isleꞌl veꞌt in tiꞌ chit ibꞌeneꞌ. As at vijleꞌm tiꞌ u kamchileꞌ as tiꞌ unbꞌanat isuuchil unqꞌa uxhchileꞌ uvaꞌ echen tu u atinbꞌaleꞌ uvaꞌ atkat unqꞌa kamnajeꞌ skajayil.