1 Timothy 6:4 in Ixil 4 As unqꞌa uxhchileꞌ uvaꞌ nu kuxh ijeꞌsa tibꞌ, tan ni taleꞌ uvaꞌ at itxumbꞌal as yeꞌl itxumbꞌal ati. As jit kuxh ivatz uveꞌ niyaa tibꞌ stiꞌ tukꞌ vimooleꞌ. As ech ixeꞌt u chꞌoꞌnchil aamaeꞌ tukꞌ unqꞌa yoqꞌoꞌmeꞌ echeꞌ umaj chꞌoꞌm. As ni teesa iqꞌii u Tiixheꞌ. As yeꞌ nikꞌujbꞌaꞌ unqꞌa uxhchileꞌ ikꞌuꞌl svatzaj.
Other Translations King James Version (KJV) He is proud, knowing nothing, but doting about questions and strifes of words, whereof cometh envy, strife, railings, evil surmisings,
American Standard Version (ASV) he is puffed up, knowing nothing, but doting about questionings and disputes of words, whereof cometh envy, strife, railings, evil surmisings,
Bible in Basic English (BBE) He has an over-high opinion of himself; being without knowledge, having only an unhealthy love of questionings and wars of words, from which come envy, fighting, cruel words, evil thoughts,
Darby English Bible (DBY) he is puffed up, knowing nothing, but sick about questions and disputes of words, out of which arise envy, strife, injurious words, evil suspicions,
World English Bible (WEB) he is conceited, knowing nothing, but obsessed with arguments, disputes, and word battles, from which come envy, strife, reviling, evil suspicions,
Young's Literal Translation (YLT) he is proud, knowing nothing, but doting about questions and word-striving, out of which doth come envy, strife, evil-speakings, evil-surmisings,
Cross Reference Acts 8:9 in Ixil 9 As atik umaꞌl u naj tu u Samaria uvaꞌ Simón. As nik toksa tibꞌ naj snimla najil vatz unqꞌa tenameꞌ. As nikat imaxtibꞌe naj unqꞌa uxhchileꞌ, tan nikat iqꞌiian naj.
Acts 8:21 in Ixil 21 ¡As axh chit yeꞌl ookebꞌal tiꞌ uveꞌ naaleꞌ, tan yeꞌl u aanxelaleꞌ jik koj vatz u Tiixheꞌ!
Acts 15:2 in Ixil 2 As tul tabꞌi veꞌt u Pablo tukꞌ u Bernabé u yoleꞌ uvaꞌ tal chajnaj, as yeꞌ nik ikꞌul veꞌt tibꞌ iyol chajnaj tukꞌ unqꞌa najeꞌ uvaꞌ tzaa tu u Judea. As iyaa veꞌt tibꞌ chajnaj svatzaj tiꞌ u yoleꞌ. As kꞌujbꞌaꞌl veꞌteꞌ uvaꞌ la bꞌen veꞌt u Pablo, tukꞌ u Bernabé, tukꞌ kaꞌt unqꞌa niman tetz u Jesús uvaꞌ echen tu u Antioquía, tiꞌ bꞌen ichꞌotit te unqꞌa apóstol tukꞌ te kaꞌt unqꞌa iqꞌesal unqꞌa niman tetz u Jesús tu u Jerusalén tiꞌ uvaꞌ abꞌiste u yoleꞌ la nimali.
Acts 18:15 in Ixil 15 Pet eyoltaj sevatzaj, tan yeꞌ nunsaꞌ uvaꞌ la voksa ok vibꞌ sexoꞌl tiꞌ ibꞌanchu esuuchil, tan ni vileꞌ uvaꞌ tiꞌ kuxh unqꞌa echusbꞌaleꞌ as tiꞌ kuxh ibꞌii umaj uxhchil as tiꞌ kuxh unqꞌa eleyeꞌ neyaakat etibꞌ,— tiꞌk u Galión.
Romans 2:8 in Ixil 8 Pet ech koj unqꞌa uxhchileꞌ uvaꞌ aꞌ kuxh nibꞌaneꞌ kam uveꞌ ni tal taama, tan ni tixva u jikla yoleꞌ tiꞌ ibꞌanat u vaꞌlexheꞌ. As aꞌeꞌ uvaꞌ la ul vitxꞌiꞌtziꞌl u Tiixheꞌ stiꞌ, tan ni tul veꞌt iviꞌ Aak tiꞌ u vaꞌlexheꞌ uvaꞌ nibꞌaneꞌ.
Romans 12:16 in Ixil 16 As bꞌaꞌnoj kuxh qatineꞌ sukuvatzaj. As yeꞌ la kujeꞌsa qibꞌ vatz u kumooleꞌ. As jik chit la yolon oꞌ te unqꞌa qitzꞌin qatzikeꞌ uvaꞌ meebꞌaꞌ. As yeꞌ kuxh qala uvaꞌ at kutxumbꞌal tiꞌ unjoltu unqꞌa qitzꞌin qatzikeꞌ.
Romans 13:13 in Ixil 13 As jikoj chit kubꞌana echeꞌ nibꞌan unqꞌa uxhchileꞌ uvaꞌ nixaan sqꞌiil. As yeꞌ la kubꞌan u vaꞌlexheꞌ echeꞌ u qꞌabꞌaꞌmeꞌ, u yansaibꞌeꞌ, u yaaibꞌeꞌ, u chꞌoꞌnchil aamaeꞌ, tukꞌ unjoltu unqꞌa tachaꞌv u kuchiꞌoleꞌ.
Romans 14:1 in Ixil 1 Ekꞌultaj unqꞌa qitzꞌin qatzikeꞌ uveꞌ yeꞌl maas iyakꞌil ati tiꞌ u Tiixheꞌ. Enimataj etibꞌ tukꞌ unqꞌa qitzꞌin qatzikeꞌ uvaꞌ jit eela vetxumbꞌaleꞌ stukꞌ tiꞌ uvaꞌ kam la ebꞌaneꞌ tiꞌ enachat Tiixh. As eyaak kuxh etibꞌ stukꞌ.
1 Corinthians 3:3 in Ixil 3 As echattel kuxh vetxumbꞌaleꞌ cheel echeꞌ unqꞌa uxhchileꞌ uvaꞌ aꞌ kuxh unqꞌa vatz txꞌavaꞌilla txumbꞌaleꞌ eqꞌomal staꞌn. As yaaibꞌ kuxh nebꞌan sevatzaj, tan yeꞌ nikꞌul tibꞌ veyoleꞌ sevatzaj, tan echattel kuxh vetxumbꞌaleꞌ echeꞌ unqꞌa uxhchileꞌ uvaꞌ aꞌ kuxh unqꞌa vatz txꞌavaꞌilla txumbꞌaleꞌ eqꞌomal staꞌn. As echat nebꞌaneꞌ echeꞌ uveꞌ nibꞌan unqꞌa uxhchileꞌ uvaꞌ yeꞌ ootzin tetz u Tiixheꞌ.
1 Corinthians 3:18 in Ixil 18 As la val sete, yeꞌ la ejeꞌsa etibꞌ, tan abꞌil uvaꞌ at itxumbꞌal ni taleꞌ tiꞌ unqꞌa vatz txꞌavaꞌilla txumbꞌaleꞌ, as aꞌeꞌ la taljeꞌ tibꞌ uvaꞌ yeꞌl itxumbꞌal ati, aqꞌal uvaꞌ nimal txumbꞌal la taqꞌ u Tiixheꞌ ste,
1 Corinthians 8:1 in Ixil 1 As cheel tuk untzaqꞌbꞌe bꞌen umaꞌt u yoleꞌ uveꞌ kat echꞌoti sve tiꞌ unqꞌa echbꞌubꞌaleꞌ uveꞌ ni toksal vatz unqꞌa tzeꞌ tiixheꞌ. Tan ootzimaleꞌ sqaꞌn uvaꞌ: «At veꞌt kutxumbꞌal,» chꞌex netaleꞌ. As jeꞌsaibꞌ kuxheꞌ nebꞌaneꞌ tukꞌ vetxumbꞌaleꞌ. Pet aal la kuloch qibꞌ tiꞌ kukꞌujbꞌaꞌt kukꞌuꞌl tiꞌ u Tiixheꞌ tiꞌ kuxoꞌnit qibꞌ sukuvatzaj.
1 Corinthians 11:16 in Ixil 16 Asoj abꞌil yeꞌ la niman u yoleꞌ uveꞌ ni valeꞌ, as la val sete uvaꞌ chiannal sqe uvaꞌ ech chit nu kubꞌaneꞌ. As echat nibꞌan unqꞌa qitzꞌin qatzikeꞌ tulaj unjoltu unqꞌa tenameꞌ.
1 Corinthians 11:18 in Ixil 18 tan kat vabꞌi yol setiꞌ tiꞌ uvaꞌ tul nemol etibꞌ sekajayil tiꞌ enachat Tiixh, as jit eela etxumbꞌal. Pet jalel tibꞌ vetxumbꞌaleꞌ. As nunnima unbꞌiil uvaꞌ an chit u yoleꞌ uveꞌ ni vabꞌi,
2 Corinthians 11:20 in Ixil 20 As nekuy unqꞌa uxhchileꞌ uvaꞌ kam kuxh ni tulbꞌe ex, tan at uxhchil ni oksan ex tiꞌ enimat unqꞌa itxumbꞌal chajnajeꞌ. As kam kuxh nijaj chajnaj sete. As nimaxtibꞌe ex chajnaj. As nim chit ni toksakat tibꞌ chajnaj tiꞌ ijeꞌsat tibꞌ. As niyoqꞌ ex chajnaj eela kuxh stukꞌ uvaꞌ evatz nitzꞌichpu taꞌn qꞌabꞌ.
Galatians 5:15 in Ixil 15 As etitzꞌataj jeꞌ etibꞌ, tan asoj la eyaa etibꞌ sevatzaj, as an kuxh ex neyansa jeꞌ etibꞌ.
Galatians 5:20 in Ixil 20 ni qaaebꞌ vatz unqꞌa tiixheꞌ uveꞌ bꞌanel kuxh taꞌn unqꞌa najeꞌ bꞌanol txꞌiꞌlamail, chiꞌchola aama, aachꞌaꞌo, achvan txꞌiibꞌal qꞌii, txꞌiꞌtziꞌl chukul chꞌaꞌo, jatxool ivatz imool,
Galatians 5:26 in Ixil 26 As yeꞌ kuxh la kujeꞌsa qibꞌ sukuvatzaj. As yeꞌ kuxh la taqꞌ tibꞌ txꞌiꞌtziꞌl sukuvatzaj. As mitaꞌn la ichꞌoꞌnsa tibꞌ qaama sqiꞌaj.
Galatians 6:3 in Ixil 3 As abꞌil uvaꞌ nim kuxh ni toksakat jeꞌ tibꞌ tiꞌ vimooleꞌ, as an kuxheꞌ niyansa jeꞌ tibꞌ.
Philippians 1:15 in Ixil 15 As at unqꞌa qitzꞌin qatzikeꞌ uvaꞌ ni alon isuuchil u bꞌaꞌnileꞌ uvaꞌ kat ibꞌan u Cristo sqiꞌ. Pet nichꞌoꞌn taama sviꞌ, tan aꞌ nisaꞌ chajnaj uvaꞌ la enima kam uvaꞌ ni tal sete. Pet ech koj unkaꞌt unqꞌa qitzꞌin qatzikeꞌ, tan jik chit itxumbꞌal tul ni tal isuuchil u bꞌaꞌnla yoleꞌ tiꞌ u Cristoeꞌ.
Philippians 2:3 in Ixil 3 Yeꞌ la ebꞌan umaj txumbꞌal uvaꞌ la ok exoꞌl staꞌn. As yeꞌ la etoksa jeꞌ eqꞌii tiꞌ uvaꞌ kam la ebꞌaneꞌ. Pet tukꞌ mutxkin aamail la etoksa iqꞌii unqꞌa qitzꞌin qatzikeꞌ uvaꞌ at sexoꞌl, tan at itxumbꞌaleꞌ taꞌn u Cristoeꞌ.
Philippians 2:14 in Ixil 14 As jankꞌal uvaꞌ la ebꞌaneꞌ, as yeꞌ la eyol veꞌteꞌ. As mitaꞌn tukꞌ yaaibꞌ la ebꞌankat,
Colossians 2:18 in Ixil 18 As etiltaj jeꞌ etibꞌ, aqꞌal uvaꞌ yeꞌxhebꞌil la maxtibꞌen ex tiꞌ ekꞌulat vetxꞌajaꞌmeꞌ uvaꞌ la taqꞌ u Cristoeꞌ sete, tan nu kuxh toksa tibꞌ unqꞌa uxhchileꞌ lochol etetz. Pet aꞌ kuxh nisaꞌ unqꞌa uxhchileꞌ uvaꞌ la etoksa iqꞌii unqꞌa ángeleꞌ echeꞌ uvaꞌ nibꞌan chajnaj. As nim chit ni toksakat tibꞌ tiꞌ unqꞌa veeꞌ nikꞌuch tibꞌ tivatz uveꞌ echeꞌ vatzikꞌ, uveꞌ ni taleꞌ. As nu kuxh ijeꞌsa tibꞌ tukꞌ vitxumbꞌaleꞌ uvaꞌ vatz txꞌavaꞌilla txumbꞌal kuxhtuꞌ.
2 Thessalonians 2:4 in Ixil 4 tan la ul teesa naj iqꞌii unqꞌa veeꞌ skajayil uvaꞌ tiixh vatz unqꞌa tenameꞌ as tukꞌ unqꞌa veeꞌ ninach unqꞌa tenameꞌ sivaatzil u Tiixheꞌ. As naj la ul toksa veꞌt tibꞌ tiixhil vatz unqꞌa tenameꞌ.
1 Timothy 1:4 in Ixil 4 As yeꞌ la bꞌen iviꞌ unqꞌa qitzꞌin qatzikeꞌ tiꞌ unqꞌa yoleꞌ uvaꞌ cheenal kuxhtuꞌ, echeꞌ unqꞌa yoleꞌ uveꞌ ni talpu tiꞌ unqꞌa qꞌesla ibꞌaaleꞌ, tan yeꞌ niyaꞌ tiꞌ talpeꞌ. As aꞌ unqꞌa yoleꞌ ni eqꞌon ok u yaaibꞌeꞌ xoꞌl unqꞌa qitzꞌin qatzikeꞌ. As yeꞌ nichee veꞌt itxumbꞌal tiꞌ viyol u Tiixheꞌ. Estiꞌeꞌ nunnachonsa bꞌen see tiꞌ u yoleꞌ uvaꞌ kat val kan see.
1 Timothy 1:7 in Ixil 7 As kꞌuxh nisaꞌ chajnaj toksat tibꞌ schusulil tiꞌ u tzaqꞌiteꞌ uvaꞌ tzꞌibꞌamal kan, as ni koj ipal chajnaj stuul uvaꞌ kam isuuchil unqꞌa yoleꞌ uvaꞌ nichuseꞌ. As tul yeꞌ niyaꞌsa chajnaj ichusuneꞌ.
1 Timothy 3:6 in Ixil 6 As yeꞌ la ibꞌaneꞌ uvaꞌ la ok umaj naj uvaꞌ aꞌn oknajle tiqꞌabꞌ u Kubꞌaaleꞌ, tan la kuxh ijeꞌsa tibꞌ najeꞌ vatz unqꞌa qitzꞌin qatzikeꞌ. As eela ichee ipaav naj tukꞌ u txꞌiꞌlanajeꞌ.
2 Timothy 2:14 in Ixil 14 As la anachonsa unqꞌa yoleꞌ te unqꞌa najeꞌ uvaꞌ kꞌujleꞌl akꞌuꞌl stiꞌ. As vatz u Tiixheꞌ la abꞌeyakat te chajnaj tiꞌ uvaꞌ yeꞌ la iyaa tibꞌ tukꞌ unkaꞌt unqꞌa uxhchileꞌ tiꞌ kaꞌoj yol uvaꞌ yeꞌl kuxh itxaꞌk, tan yeꞌ la txakoneꞌ. Pet aal kuxh la el itxumbꞌal unqꞌa uxhchileꞌ tu bꞌey taꞌn u yaaibꞌeꞌ.
2 Timothy 2:23 in Ixil 23 As yeꞌ la aaqꞌ tokebꞌal unqꞌa vaꞌlexhla txumbꞌaleꞌ uveꞌ yeꞌl isuuchil ati, tan ateꞌ sakꞌuꞌl uvaꞌ abꞌil ni taqꞌ tokebꞌal unqꞌa vaꞌlexhla txumbꞌaleꞌ as yaaibꞌ itzojpeꞌ nibꞌaneꞌ.
2 Timothy 3:4 in Ixil 4 As la ibꞌan unqꞌa uxhchileꞌ u vaꞌlexheꞌ te vimooleꞌ, kꞌuxh kꞌujleꞌl chit ikꞌuꞌl vimooleꞌ stiꞌ, tan abꞌiste veꞌt la titzꞌa as aꞌeꞌ la ibꞌaneꞌ. As la ijeꞌsa tibꞌ vatz vimooleꞌ. As aꞌ kuxh u tachaꞌveꞌ la ichukeꞌ. As yeꞌ la toksa taama tiꞌ u Tiixheꞌ.
Titus 3:9 in Ixil 9 As eesa eebꞌ kꞌatz unqꞌa vaꞌlexhla chaj txumbꞌaleꞌ. Ech koleꞌ unqꞌa yoleꞌ uveꞌ ni talpu tiꞌ unqꞌa qꞌesla kubꞌaaleꞌ echeꞌ u yaaibꞌeꞌ tiꞌ u tzaqꞌiteꞌ tukꞌ u ixvaiibꞌeꞌ, tan yeꞌl itxaꞌk unqꞌa yoleꞌ. As yeꞌle la txakon sqiꞌ.
James 1:19 in Ixil 19 Vitzꞌin vatzik uvaꞌ xoꞌn ex sve, as sotziꞌk u yoleꞌ sekꞌuꞌl. Tan la ebꞌan tabꞌit unqꞌa yoleꞌ uvaꞌ la alpi. As jit kuxh oora la yolon ex. As jit kuxh oora la ul eviꞌ.
James 2:14 in Ixil 14 As la val sete, vitzꞌin vatzik, kam koj la itxꞌol umaj uxhchil, asoj la taleꞌ uvaꞌ kꞌujleꞌl ikꞌuꞌl tiꞌ u Tiixheꞌ, as tul yeꞌ nibꞌan u bꞌaꞌneꞌ te vimooleꞌ. Asoj ech itxumbꞌal u uxhchileꞌ nibꞌaneꞌ tul ni taleꞌ uvaꞌ at kꞌujlebꞌal ikꞌuꞌl tiꞌ u Tiixheꞌ, ¿as aꞌ kol chit qꞌa uvaꞌ la sotzsal ipaav u uxhchileꞌ tul la ibꞌan u Tiixheꞌ isuuchil?
James 4:1 in Ixil 1 As la val sete, vitzꞌin vatzik, uvaꞌ kam stiꞌ nixeꞌtkat u chꞌaꞌoeꞌ sexoꞌl tukꞌ unqꞌa yaaibꞌeꞌ, tan iqꞌaaqꞌal u tachaꞌv vechiꞌoleꞌ, as nixeꞌt chꞌaꞌo sexoꞌl.
James 4:5 in Ixil 5 Estiꞌeꞌ uvaꞌ ech ni tal umaꞌl u yol ileꞌ uvaꞌ tzꞌibꞌamal kan: Nixoꞌni veꞌt oꞌ u Tiixhla Espíritueꞌ uvaꞌ kat toksa u Tiixheꞌ tu u qaanxelaleꞌ. As aꞌ ni tal u Tiixhla Espíritueꞌ uvaꞌ ayaꞌl chit kukꞌuꞌl la kunima u Tiixheꞌ, tiꞌk u yoleꞌ.
1 Peter 2:1 in Ixil 1 Estiꞌeꞌ ni val sete, eteesataj etibꞌ kꞌatz unqꞌa vaꞌlexheꞌ uveꞌ nibꞌan unqꞌa uxhchileꞌ svatzaj. As yeꞌ la emaxtibꞌe umaj uxhchil. As jit ex kaꞌvatz la ebꞌaneꞌ. As yeꞌ la ichꞌoꞌnsa tibꞌ etaama. As mitaꞌn la icheesa tibꞌ yol setiꞌaj.
2 Peter 2:12 in Ixil 12 Pet ech koj unqꞌa chulin yoleꞌ, tan yeꞌ ni pal tu unqꞌa veeꞌ nibꞌaneꞌ. As nu kuxh iyoqꞌoneꞌ, tan ech kuxh vitxumbꞌaleꞌ echeꞌ unqꞌa txokopeꞌ, tan yeꞌ ni titzꞌa txoo kam uvaꞌ nibꞌan txoo. Pet la ilej umaꞌl u qꞌii uvaꞌ la sotzsal ivatz unqꞌa chulin yoleꞌ tiꞌ u vaꞌlexheꞌ uvaꞌ nibꞌaneꞌ, echeꞌ isotzsal ivatz unqꞌa txokopeꞌ uvaꞌ kat txeypi tiꞌ iyatzꞌpeꞌ.
2 Peter 2:18 in Ixil 18 As tul nijeꞌsa tibꞌ unqꞌa chulin yoleꞌ tukꞌ viyoleꞌ uvaꞌ yeꞌl itxaꞌk, as nichuk txumbꞌal tiꞌ imaxtibꞌet unqꞌa uxhchileꞌ uvaꞌ aꞌn oknajle tiꞌ inimat u Tiixheꞌ, tan aꞌ ni tal unqꞌa chulin yoleꞌ uvaꞌ la qꞌaav unqꞌa uxhchileꞌ tiꞌ ibꞌanat u vaꞌlexheꞌ uvaꞌ nisaꞌ vichiꞌoleꞌ, echeꞌ uveꞌ nik ibꞌan bꞌaxa xoꞌl unqꞌa imooleꞌ uvaꞌ aꞌ kuxh u vaꞌlexheꞌ nibꞌaneꞌ.
Jude 1:10 in Ixil 10 Pet ech koj unqꞌa uxhchileꞌ uveꞌ ni chusun unqꞌa vaꞌlexhla chusbꞌaleꞌ sexoꞌl scheel, tan ni teesa chajnaj iqꞌii unqꞌa veeꞌ uvaꞌ yeꞌ ootzimal staꞌn, tan yeꞌ nipal chajnaj stuul. As niyansa tibꞌ chajnaj taꞌn unqꞌa veeꞌ uvaꞌ yeꞌ ootzimal staꞌn, tan ech nibꞌan chajnajeꞌ tukꞌ vitxumbꞌaleꞌ echeꞌ nibꞌan unqꞌa txokopeꞌ.
Jude 1:16 in Ixil 16 As aꞌ chajnajeꞌ uveꞌ yeꞌ bꞌaꞌn ste kam uvaꞌ ni tucheꞌ. As aꞌ kuxh nibꞌan chajnaj kam uvaꞌ nisaꞌ chajnaj ibꞌanataꞌ. As nijeꞌsa tibꞌ tukꞌ unqꞌa yoleꞌ uvaꞌ ni tal sexoꞌl. As ni toksa chajnaj eqꞌii, tiꞌ uvaꞌ la ebꞌaneꞌ kam uvaꞌ nisaꞌ chajnaj setiꞌ.
Revelation 3:17 in Ixil 17 As ech naal jeꞌ ileꞌ seeꞌ. In txꞌioliqꞌii. As bꞌaꞌn chit vatineꞌ, tan yeꞌxhkam kuxh nisaꞌvit sviꞌ, chꞌaxh naaleꞌ. As tul yeꞌ ootzaj uvaꞌ kam bꞌanel aꞌn sunvatz, tan yeꞌl eetz ati. As oyebꞌ kuxh avatz, tan meebꞌaꞌ kuxh axh. As txumlebꞌal kuxh atineꞌ, tan ech axheꞌ echeꞌ umaj tzot. As ech axheꞌ sunvatz echeꞌ umaj uxhchil uvaꞌ tꞌosleꞌleꞌ.