1 Timothy 6:12 in Ixil 12 As aqꞌ yakꞌil tiꞌ achusat unqꞌa jikla chusbꞌaleꞌ uvaꞌ kat val see, tan tul kat aal isuuchil u kꞌujlebꞌal akꞌuꞌleꞌ tiꞌ u Jesús vatz unqꞌa qitzꞌin qatzikeꞌ, as at atxꞌajaꞌm tiꞌ vatiichajileꞌ uveꞌ yeꞌl iyaꞌtebꞌal, tan estiꞌeꞌ kat imolokat axh Aak.
Other Translations King James Version (KJV) Fight the good fight of faith, lay hold on eternal life, whereunto thou art also called, and hast professed a good profession before many witnesses.
American Standard Version (ASV) Fight the good fight of the faith, lay hold on the life eternal, whereunto thou wast called, and didst confess the good confession in the sight of many witnesses.
Bible in Basic English (BBE) Be fighting the good fight of the faith; take for yourself the life eternal, for which you were marked out, and of which you gave witness in the eyes of all.
Darby English Bible (DBY) Strive earnestly [in] the good conflict of faith. Lay hold of eternal life, to which thou hast been called, and hast confessed the good confession before many witnesses.
World English Bible (WEB) Fight the good fight of faith. Lay hold of the eternal life to which you were called, and you confessed the good confession in the sight of many witnesses.
Young's Literal Translation (YLT) be striving the good strife of the faith, be laying hold on the life age-during, to which also thou wast called, and didst profess the right profession before many witnesses.
Cross Reference Luke 12:8 in Ixil 8 As ileꞌ tuk val sete, tan abꞌil uvaꞌ yeꞌ la xoꞌvi tiꞌ talat tibꞌ uvaꞌ nimamal veꞌt VIKꞌAOL U NAJEꞌ staꞌn vatz unqꞌa tenameꞌ, as echat la unbꞌan stiꞌ vatz unqꞌa ángel uvaꞌ tetz u Tiixheꞌ.
Romans 8:28 in Ixil 28 As ootzimaleꞌ sqaꞌn uvaꞌ kam uvaꞌ nu kupalebꞌe, as kajayil nitxakonsa Aak tiꞌ qeqꞌol tu u bꞌaꞌnileꞌ, jankꞌal oꞌ uvaꞌ xoꞌn Aak sqe, as oꞌ uvaꞌ kat imolo oꞌ Aak echeꞌ uvaꞌ itzꞌamal taꞌn Aak sqiꞌ,
Romans 9:23 in Ixil 23 As kat itxum Aak kuvatz. As kat ikꞌuch Aak sqe uvaꞌ nim talchu veꞌt Aak. As aꞌeꞌ uvaꞌ kat titzꞌa Aak naꞌytzan tiꞌ uvaꞌ la qootzi uvaꞌ nim talchu veꞌt Aak.
Romans 10:9 in Ixil 9 «Tan asoj la aal tukꞌ atziꞌ uvaꞌ aꞌ u Jesús u Kubꞌaaleꞌ as la anima tukꞌ aanxelal uvaꞌ kat tulsa u Tiixheꞌ taama u Jesús tul kat kam Aak sqiꞌ, as la qꞌalpul veꞌt axh vatz vapaaveꞌ,» tiꞌk u yoleꞌ.
1 Corinthians 9:25 in Ixil 25 Tan jankꞌal unqꞌa uxhchileꞌ uveꞌ ni toojeꞌleꞌ tiꞌ itxꞌakat umaj itxꞌajaꞌm as ayaꞌl chit ikꞌuꞌl nibꞌan tucheꞌ. As nichus tibꞌ bꞌaxa. As tiꞌ kuxh itxꞌakat umaj tetz uvaꞌ la pal iyakꞌil niyaꞌlukat tibꞌ. Pet ech koj oꞌ, tan tiꞌ umaꞌl u txꞌajaꞌm nu kuyaꞌlukat qibꞌ uvaꞌ yeꞌ la pal iyakꞌil.
2 Corinthians 6:7 in Ixil 7 As jik chit nu kuyoloneꞌ tukꞌ viyakꞌil vibꞌaꞌnil u Tiixheꞌ. As tukꞌ chit jikla aamail nu kutxakonsa viyol u Tiixheꞌ echeꞌ umaj sol uvaꞌ bꞌanel tucheꞌ tiꞌ ikolat tibꞌ vatz umaj chꞌaꞌo as moj tiꞌ ibꞌen ibꞌanat chꞌaꞌo.
2 Corinthians 9:13 in Ixil 13 As tul uvaꞌ la ikꞌul unqꞌa qitzꞌin qatzikeꞌ u lochbꞌaleꞌ, as la toksa veꞌt chajaak iqꞌii u Kubꞌaal Tiixheꞌ tiꞌ uvaꞌ nenima u bꞌaꞌnla yoleꞌ tiꞌ u Cristo, as tiꞌ uvaꞌ ayaꞌl chit ekꞌuꞌl tiꞌ elochat chajaak as tiꞌ elochat unqꞌa qitzꞌin qatzikeꞌ skajayil.
2 Corinthians 10:3 in Ixil 3 As kꞌuxh in vatz txꞌavaꞌilla aama, as jit unqꞌa vatz txꞌavaꞌilla txumbꞌaleꞌ nuntxakonsa tiꞌ untxꞌakat vibꞌ tukꞌ unqꞌa uxhchileꞌ uvaꞌ yeꞌ ni niman u yoleꞌ uvaꞌ ni valeꞌ,
Ephesians 6:10 in Ixil 10 As la val sete, vitzꞌin vatzik, eyakꞌinsataj tibꞌ etaama tiꞌ u Kubꞌaal Jesucristo tukꞌ vibꞌaꞌnil viyakꞌil Aakeꞌ.
Philippians 3:12 in Ixil 12 As jit aꞌ ni valeꞌ uvaꞌ kat olebꞌyu veꞌt in tiꞌ unlejat vitxumbꞌal u Cristoeꞌ. Pet yeꞌl in oonoj in tiꞌ uvaꞌ kam nisaꞌ Aak sviꞌ. As ni vaqꞌ yakꞌil tiꞌ unbꞌanataꞌ, tan estiꞌeꞌ kat imolokat in Aak.
Colossians 3:15 in Ixil 15 As aꞌ u Cristoeꞌ la bꞌanon uvaꞌ bꞌaꞌn etatin sevatzaj tukꞌ etaanxelal. As aꞌeꞌ la aqꞌon etxumbꞌal tiꞌ ebꞌanat u bꞌaꞌneꞌ sevatzaj, tan estiꞌeꞌ kat imolokat ex u Kubꞌaal Tiixheꞌ tiꞌ uvaꞌ unvatzul veꞌt ex vatz Aak la ibꞌaneꞌ. As etaqꞌtaj taꞌntiixh te Aak tiꞌ vinimla ibꞌaꞌnil Aakeꞌ.
1 Thessalonians 2:12 in Ixil 12 As kat kubꞌeya sete tiꞌ uvaꞌ jik chit la ebꞌaneꞌ tan qetz chiteꞌ vatz unqꞌa tenameꞌ uvaꞌ nimamal u Tiixheꞌ sqaꞌn. Tan estiꞌeꞌ uvaꞌ kat imolo kat ex u Kubꞌaaleꞌ tiꞌ uvaꞌ la etoksa iqꞌii Aak xoꞌl unqꞌa tenameꞌ uvaꞌ at jaqꞌ u tijleꞌm u Tiixheꞌ.
1 Thessalonians 5:8 in Ixil 8 Pet ech koj oꞌ, tan at kunachbꞌal echeꞌ umaj uxhchil uveꞌ ni xaan vatz u sajeꞌ. As jik chit kutxumbꞌal la kubꞌaneꞌ, tan ech veꞌt qatineꞌ echeꞌ unqꞌa soleꞌ uvaꞌ atoꞌk u toksaꞌmeꞌ uvaꞌ chotixi tiꞌ ikolat tibꞌ vatz u chꞌaꞌoeꞌ, as ech tatin u kꞌujlebꞌal kukꞌuꞌleꞌ as tukꞌ tiꞌ kuxoꞌnit qibꞌ sukuvatzaj. As nu kutxꞌebꞌ veꞌt u qꞌiieꞌ uvaꞌ la kolax oꞌ vatz u kꞌaxkꞌoeꞌ,
2 Thessalonians 2:14 in Ixil 14 tiꞌ isotzsal epaav tul kat qal u bꞌaꞌnla yoleꞌ sete tiꞌ uvaꞌ la oksal eqꞌii echeꞌ toksal iqꞌii u Kubꞌaal Jesucristo.
1 Timothy 1:18 in Ixil 18 As ech axheꞌ, Timoteo, echeꞌ umaj unkꞌaol. As ni vulsa u yoleꞌ sakꞌuꞌl uvaꞌ kat val see, aqꞌal uvaꞌ ech la abꞌaneꞌ tiꞌ achusuneꞌ echeꞌ nibꞌan umaj sol tiꞌ tok vatz umaj chꞌaꞌo, tan ech vaaqꞌoneꞌ uvaꞌ alel see taꞌn unqꞌa qꞌajsan tetz viyol u Tiixheꞌ bꞌaxa.
1 Timothy 6:13 in Ixil 13 As ni val see vatz u Tiixheꞌ, u aqꞌol tetz itiichajil unqꞌa veeꞌ cheesamal skajayil, as vatz u Jesucristo uvaꞌ alon isuuchil tiꞌ u tijleꞌmeꞌ vatz u Poncio Pilato.
1 Timothy 6:19 in Ixil 19 Asoj ech la ibꞌaneꞌ, as la naꞌ veꞌt unqꞌa itxꞌajaꞌmeꞌ tu almikaꞌ uvaꞌ kꞌujlebꞌal ikꞌuꞌl. As at itxꞌajaꞌm tiꞌ vitiichajileꞌ uveꞌ yeꞌl iyaꞌtebꞌal.
2 Timothy 1:9 in Ixil 9 uvaꞌ kat sotzsan u kupaaveꞌ. As kat itxaa veꞌt oꞌ Aak tiꞌ toksat ok oꞌ Aak sitenamil. As jit tiꞌ umaj bꞌaꞌnil uvaꞌ kat kubꞌana uvaꞌ kat itxaakat oꞌ Aak. Pet tiꞌ uvaꞌ kam kat tal taama Aak sqiꞌ as tiꞌ vibꞌaꞌnil u Jesucristo uvaꞌ kat aqꞌax sqe tul yeꞌxnik chee u vatz txꞌavaꞌeꞌ.
2 Timothy 4:7 in Ixil 7 As kat olebꞌyu veꞌt in tiꞌ unpal vatz unqꞌa kꞌaxkꞌoeꞌ. As kat olebꞌyu veꞌt in tiꞌ unbꞌanat unqꞌa veeꞌ uvaꞌ alel sve taꞌn u Tiixheꞌ. As kat chit vil isuuchil u jikla yoleꞌ tetz u Tiixheꞌ.
Hebrews 3:14 in Ixil 14 Tan asoj chabꞌamal qatin tiꞌ u kꞌujlebꞌal kukꞌuꞌleꞌ tiꞌ u Cristo techal tul Aak unpajte echeꞌ uvaꞌ nik kubꞌan sbꞌaxa, as at veꞌt qokebꞌal tiꞌ unqꞌa nimla bꞌaꞌnileꞌ uvaꞌ la aqꞌax sqe taꞌn Aak.
Hebrews 6:18 in Ixil 18 As tukꞌ vibꞌii Aakeꞌ kat talkat Aak u yoleꞌ tiꞌ ikꞌujbꞌaꞌt Aak kukꞌuꞌl, jankꞌal oꞌ uvaꞌ kꞌujleꞌl kukꞌuꞌl tiꞌ Aak tiꞌ uvaꞌ la iloch oꞌ Aak tiꞌ qetzit u nimla bꞌaꞌnileꞌ uvaꞌ at sqiꞌ. As tiꞌ kaꞌvaꞌl unqꞌa yoleꞌ uvaꞌ kat tal Aak sqiꞌ uvaꞌ yeꞌ la uch ijalpuleꞌ, as estiꞌeꞌ ootzimal sqaꞌn uvaꞌ yeꞌ la uch ichulit Aak yol.
Hebrews 13:23 in Ixil 23 As la val sete uvaꞌ kat chajpul veꞌt u qitzꞌin qatzikeꞌ u Timoteo. Asoj yeꞌ tuk bꞌalaxtoj aak tiꞌ tul sunkꞌatz, as la bꞌen qil ex tukꞌ aak.
1 Peter 3:9 in Ixil 9 As yeꞌl ichꞌexel u vaꞌlexheꞌ la ebꞌan te unqꞌa uxhchileꞌ uvaꞌ ni bꞌanon u vaꞌlexheꞌ sete, as mitaꞌn te unqꞌa uxhchileꞌ uvaꞌ la yoqꞌon ex. Pet bꞌaꞌn eyolon stiꞌ la ibꞌaneꞌ, tan tiꞌ uvaꞌ la taqꞌ Aak u nimla bꞌaꞌnileꞌ sete, as estiꞌeꞌ kat imolokat ex Aak.
1 Peter 5:10 in Ixil 10 As tul maꞌt epalebꞌet unqꞌa kꞌaxkꞌoeꞌ tu unqꞌa qꞌiieꞌ, as la iloch veꞌt ex u Tiixheꞌ. As Aakeꞌ la bꞌanon uvaꞌ yeꞌ la kaꞌkabꞌin veꞌt etaama. As la iyakꞌinsa veꞌt Aak vetaanxelaleꞌ. As tii veꞌt etatin kꞌatz Aak la ibꞌaneꞌ. As estiꞌeꞌ kat imolokat ex Aak, tiꞌ uvaꞌ at veꞌt etokebꞌal kꞌatz Aak tul la ok veꞌt Aak tu u tijleꞌmeꞌ tiꞌ tilat isuuchil unqꞌa tenameꞌ tiꞌ chit ibꞌeneꞌ.
1 John 2:25 in Ixil 25 Tan u jikla yoleꞌ uvaꞌ alel kan taꞌn u Jesucristo sqe, as aꞌeꞌ u kutiichajileꞌ uveꞌ yeꞌl iyaꞌtebꞌal.
Revelation 3:3 in Ixil 3 As oolsa unqꞌa chusbꞌaleꞌ sakꞌuꞌl uvaꞌ kat aabꞌi tukꞌ uvaꞌ kat eela. As jikbꞌaꞌ vatxumbꞌaleꞌ tiꞌ animat unqꞌa chusbꞌaleꞌ, tan asoj yeꞌl anachbꞌal ati, as yeꞌ kuxh nachel see tul la ul in. As ech vuleꞌ echeꞌ umaj elqꞌom tiꞌ vaqꞌat kꞌaxkꞌo seeꞌ.