1 Peter 4:7 in Ixil 7 As bꞌiit kuxh itzojpisal unqꞌa veeꞌ skajayil uvaꞌ alel kan taꞌn u Tiixheꞌ. Estiꞌeꞌ la val sete, atoj chit enachbꞌal. As etoksataj chit etaama tiꞌ enachat Tiixh.
Other Translations King James Version (KJV) But the end of all things is at hand: be ye therefore sober, and watch unto prayer.
American Standard Version (ASV) But the end of all things is at hand: be ye therefore of sound mind, and be sober unto prayer:
Bible in Basic English (BBE) But the end of all things is near: so be serious in your behaviour and keep on the watch with prayer;
Darby English Bible (DBY) But the end of all things is drawn nigh: be sober therefore, and be watchful unto prayers;
World English Bible (WEB) But the end of all things is near. Therefore be of sound mind, self-controlled, and sober in prayer.
Young's Literal Translation (YLT) And of all things the end hath come nigh; be sober-minded, then, and watch unto the prayers,
Cross Reference Matthew 24:13 in Ixil 13 Pet abꞌil uvaꞌ yeꞌ la iyaꞌsa inimat in, kꞌuxh kam kuxh kꞌaxkꞌo la ipalebꞌe, as aꞌeꞌ uvaꞌ at itiichajil kꞌatz u Tiixheꞌ.
Matthew 24:42 in Ixil 42 Estiꞌeꞌ ni val sete, atoj enachbꞌal, tan yeꞌ etootza kam oora la ul in, in uvaꞌ in veBꞌooqꞌoleꞌ.
Matthew 25:13 in Ixil 13 Estiꞌeꞌ ni val sete, atoj enachbꞌal, tan yeꞌ etootza kam oora as kam qꞌiil la ul veꞌt VIKꞌAOL U NAJEꞌ vatz u txꞌavaꞌeꞌ.
Matthew 26:38 in Ixil 38 As ech tal veꞌt Aak ileꞌ te oxvaꞌl unqꞌa ichusulibꞌeꞌ: —¡Ootzimal svaꞌn uvaꞌ tuk kamoj in! ¡As vaꞌl chit itxumun veꞌt vaama! Pet kaaoj kan ex tzitzaꞌ. Isebꞌojtaj chit ex tiꞌ enachat Tiixh sunkꞌatz,— tiꞌk u Jesús.
Mark 13:33 in Ixil 33 Estiꞌeꞌ ni val sete uvaꞌ etiltaj jeꞌ chit etibꞌ. As atoj chit enachbꞌal. As enachtaj chit Tiixh, tan yeꞌ etootza uvaꞌ jatu la ibꞌan uveꞌ ni val sete.
Mark 14:37 in Ixil 37 As tul qꞌaavik veꞌt tzan Aak kꞌatz oxvaꞌl unqꞌa ichusulibꞌeꞌ, as vatik veꞌt chajnaj. Ech tal veꞌt Aak ileꞌ te u Luꞌeꞌ: —¿Ma vatik axh bꞌa, Simón? ¿Ma yeꞌ kat akuy umaj oora uvaꞌ la isebꞌ axh?
Luke 21:34 in Ixil 34 La chit etil jeꞌ etibꞌ. As eyansak vetaanxelaleꞌ taꞌn unqꞌa vaꞌlexheꞌ echeꞌ u qꞌabꞌaꞌmeꞌ. As teesak kan kuxh ex unqꞌa xaanchil aamaeꞌ vatz u txꞌavaꞌeꞌ, tan yeꞌ nachel sete tul la ul u qꞌiieꞌ tiꞌ u vulebꞌaleꞌ
Luke 21:36 in Ixil 36 As atoj enachbꞌal sbꞌenameen. As enachtaj Tiixh tiꞌ uvaꞌ la iloch ex u Tiixheꞌ tiꞌ epal vatz unqꞌa kꞌaxkꞌoeꞌ uveꞌ tuk uloj setiꞌ. As yeꞌl ex la xoꞌv ex vatz VIKꞌAOL U NAJEꞌ tul la uli tu almikaꞌ unpajte,— tiꞌk u Jesús.
Luke 22:46 in Ixil 46 As ech tal veꞌt Aak ileꞌ te chajnaj: —¿Kam qꞌi uveꞌ vatik kuxh ex? Txakpoj ex. Enachtaj Tiixh aqꞌal uvaꞌ la iyakꞌinsa Aak u kꞌujlebꞌal ekꞌuꞌleꞌ sviꞌ aqꞌal uvaꞌ yeꞌxhkam kuxh la epalebꞌe,— tiꞌk Aak.
Romans 12:12 in Ixil 12 As la chiibꞌ oꞌ tiꞌ u bꞌaꞌnileꞌ uvaꞌ nu kutxꞌebꞌeꞌ tukꞌ u kꞌujlebꞌal kukꞌuꞌleꞌ. As la kukuy kupalebꞌet unqꞌa kꞌaxkꞌoeꞌ. As yeꞌ la yaꞌ oꞌ tiꞌ kunachat Tiixh.
Romans 13:11 in Ixil 11 As ech la kubꞌaneꞌ echeꞌ uvaꞌ ni tal u yoleꞌ, tan at veꞌt sukukꞌuꞌl uvaꞌ la ilej umaꞌl u qꞌii uvaꞌ la qil veꞌt isuuchil u bꞌaꞌnileꞌ uvaꞌ kat ibꞌan u Tiixheꞌ sqiꞌ, echeꞌ teesat umaj uxhchil vataꞌm tivatz. As jun qꞌii najli veꞌt oꞌ tiꞌ qilat u qꞌalpun qetzeꞌ uvaꞌ kat kukꞌujbꞌaꞌ kukꞌuꞌl stiꞌ.
1 Corinthians 7:29 in Ixil 29 Vitzꞌin vatzik, aꞌ isuuchil u yoleꞌ uvaꞌ ni val sete uvaꞌ unbꞌiitoj kuxheꞌ ilejat u qꞌiieꞌ uvaꞌ la ul u Kubꞌaal Jesucristo unpajte. Estiꞌeꞌ ni val sete uvaꞌ abꞌiste ex uvaꞌ at veꞌt etixqel, as la etoksa etaama tiꞌ inimal u Kubꞌaal Jesús echeꞌ nibꞌan u najeꞌ uvaꞌ yeꞌl tixqel ati.
1 Corinthians 15:24 in Ixil 24 As aꞌn la tzojpu veꞌt skajayil uvaꞌ alel kan taꞌn u Tiixheꞌ, tan la toksa veꞌt u Cristo u tijleꞌmeꞌ tiqꞌabꞌ u Kubꞌaal Tiixheꞌ tul maꞌt teesat veꞌt Aak iqꞌii unqꞌa ijlenaaleꞌ tukꞌ unqꞌa subꞌuleꞌ as tukꞌ unqꞌa veeꞌ skajayil uvaꞌ at tijleꞌm.
Ephesians 6:18 in Ixil 18 As enachtaj chit Tiixh sbꞌenameen tukꞌ vibꞌaꞌnil u Tiixhla Espíritu, tan aꞌeꞌ la lochon ex tiꞌ ejajat kuybꞌal te u Tiixheꞌ. As paliꞌk ekꞌuꞌl tiꞌ enachat Tiixh tiꞌ unqꞌa niman tetz Aakeꞌ skajayil.
Philippians 4:5 in Ixil 5 As ex bꞌaꞌnla aama la ibꞌan vatz unqꞌa tenameꞌ skajayil, tan txantu kuxh tul veꞌt u Kubꞌaal Jesús unpajte.
Colossians 4:2 in Ixil 2 As la val sete, vitzꞌin vatzik, atoj ok chit etaama tiꞌ enachat Tiixh. As yeꞌ la etitzꞌa umajtoj txumbꞌal tul uvaꞌ la enach Tiixh. Pet yeꞌ la eyaꞌsa etaqꞌat taꞌntiixh te Aak.
1 Thessalonians 5:6 in Ixil 6 Estiꞌeꞌ uvaꞌ yeꞌ la kubꞌaneꞌ echeꞌ uvaꞌ nibꞌan unqꞌa tenameꞌ uveꞌ vatik kuxh taama, pet atoj kunachbꞌal. As jik u kutxumbꞌaleꞌ la kubꞌaneꞌ.
2 Timothy 4:5 in Ixil 5 Pet ech koj axh, Timoteo, tan la pal axh stuul kam uveꞌ la abꞌaneꞌ skajayil. As la akuy unqꞌa kꞌaxkꞌoeꞌ uveꞌ la ul seeꞌ. As la chit apaxsa u bꞌaꞌnla yoleꞌ. As lachuseꞌ. As la chit abꞌaneꞌ jankꞌal unqꞌa veeꞌ alel see taꞌn u Tiixheꞌ.
Titus 2:12 in Ixil 12 As kat ichus oꞌ u Tiixheꞌ tukꞌ vibꞌaꞌnileꞌ tiꞌ uvaꞌ la qeesa qibꞌ vatz u vaꞌlexheꞌ. As yeꞌ la qachva unqꞌa vatz txꞌavaꞌilla txumbꞌaleꞌ. Pet bꞌaꞌn kutxumbꞌal la ibꞌaneꞌ vatz unqꞌa tenameꞌ. As jik chit la kuxoꞌva u Tiixheꞌ.
Hebrews 10:25 in Ixil 25 As yeꞌ la kubꞌan qetz echeꞌ nibꞌan unqꞌa uxhchileꞌ uvaꞌ yeꞌ ni tex tu u atinbꞌaleꞌ tetz nachbꞌal Tiixh. Pet aal la kuyakꞌinsa qibꞌ sukuvatzaj tiꞌ uvaꞌ la kubꞌan u bꞌaꞌneꞌ, tan ootzimal sqaꞌn uvaꞌ bꞌiit kuxh ilejat u qꞌiieꞌ uvaꞌ la ul u Jesús unpajte.
James 5:8 in Ixil 8 As echat ex, tan yeꞌ la pal ekꞌuꞌl tiꞌ etxꞌebꞌat u tulebꞌal u Kubꞌaal Jesús unpajte. As yeꞌ la kaꞌkabꞌin etaama tiꞌ u kꞌujlebꞌal ekꞌuꞌleꞌ, tan najli veꞌt u tulebꞌal Aakeꞌ.
1 Peter 1:13 in Ixil 13 Estiꞌeꞌ la val sete, atoj enachbꞌal as atoj etxumbꞌal aqꞌal uvaꞌ yeꞌ la ebꞌan u vaꞌlexheꞌ. As ayaꞌloj chit ekꞌuꞌl la etxꞌebꞌ u nimla bꞌaꞌnileꞌ uvaꞌ eqꞌomal taꞌn u Jesucristo tul la ul veꞌt Aak unpajte.
1 Peter 3:7 in Ixil 7 As echat la ebꞌaneꞌ, ex uvaꞌ ex tzumela, tan atoj etxumbꞌal tiꞌ etatin tukꞌ vetixqeleꞌ tiꞌ exoꞌnitaꞌ. As la etoksa iqꞌii vetixqeleꞌ, tan ech tatin chaꞌmaeꞌ echeꞌ umaj bꞌaꞌnla picheel uvaꞌ yeꞌ tii ipaxeꞌ. As antu chaꞌmaeꞌ la etzin u nimla bꞌaꞌnileꞌ setukꞌ uvaꞌ aqꞌel veꞌt sete. As aꞌeꞌ vetiichajileꞌ kꞌatz u Kubꞌaal Tiixheꞌ. Asoj bꞌaꞌn etatin tukꞌ vetixqeleꞌ, as yeꞌxhkam la majon evatz tiꞌ enachat Tiixh.
1 Peter 5:8 in Ixil 8 As atoj enachbꞌal. As la chit etil etibꞌ, tan nichuk u txꞌiꞌlanajeꞌ txumbꞌal setiꞌ tiꞌ teesat etiichajil kꞌatz u Tiixheꞌ echeꞌ nibꞌan umaj bꞌalam tul nivulun txoo tiꞌ iyatzꞌat umaꞌtoj txoo tiꞌ ichiꞌataꞌ.
2 Peter 3:9 in Ixil 9 As yeꞌl Aakeꞌ la bꞌalaxti tiꞌ tul unpajte echeꞌ uvaꞌ alel kan taꞌn Aak, kꞌuxh at unqꞌa uxhchileꞌ ni alon uvaꞌ kat bꞌalaxtiy veꞌt Aak tiꞌ tuleꞌ. Pet nim chit taama Aak nibꞌan sqiꞌ tukꞌ tiꞌ unqꞌa tenameꞌ, tan aꞌ nisaꞌ Aak uvaꞌ yeꞌl umaj uxhchil la tzꞌejxik kan. Pet kajayil unqꞌa uxhchileꞌ la ikꞌaxa tibꞌ vatz Aak.
1 John 2:18 in Ixil 18 Vitzꞌin vatzik, ech exeꞌ meꞌal unkꞌaol. As ootzimaleꞌ sqaꞌn uvaꞌ at veꞌt oꞌ timoxtebꞌal u qꞌiieꞌ, tan kat alpu bꞌaxa uvaꞌ la ul u uxhchileꞌ uvaꞌ la ul toksa tibꞌ Cristoil. As aꞌ veꞌteꞌ uvaꞌ nibꞌan cheel, tan nimal unqꞌa uxhchileꞌ ati uvaꞌ nitoksa tibꞌ Cristoil.
Revelation 16:15 in Ixil 15 As kat vabꞌi iyolon umaꞌt u tuul viꞌ uvaꞌ ech kat tal ileꞌ: —¡Atoj enachbꞌal, tan ech vuleꞌ setiꞌ echeꞌ umaj elqꞌom! As achvebꞌal chit ex, ex uvaꞌ bꞌanel etucheꞌ tiꞌ etxꞌebꞌat vuleꞌ, tan ech exeꞌ echeꞌ umaj uxhchil uvaꞌ bꞌanel tuch unqꞌa toksaꞌmeꞌ. As yeꞌ la taqꞌ tibꞌ chꞌixvisaloj, tan yeꞌxhkam la tꞌosebꞌ kan,— tiꞌk u tuul viꞌeꞌ.