Matthew 5:3 in Inga

3 —Kamkuna, Taita Diuswa iuiarispa, mana iukagsina tukugkuna, paipa iapa kuiaskami kangichi. Chasa kagkuna, Dius suma mandakuskapimi iaikugringapa kangichi.

Other Translations

King James Version (KJV)

Blessed are the poor in spirit: for theirs is the kingdom of heaven.

American Standard Version (ASV)

Blessed are the poor in spirit: for theirs is the kingdom of heaven.

Bible in Basic English (BBE)

Happy are the poor in spirit: for the kingdom of heaven is theirs.

Darby English Bible (DBY)

Blessed [are] the poor in spirit, for *theirs* is the kingdom of the heavens.

World English Bible (WEB)

"Blessed are the poor in spirit, For theirs is the Kingdom of Heaven.

Young's Literal Translation (YLT)

`Happy the poor in spirit -- because theirs is the reign of the heavens.

Cross Reference

Matthew 3:2 in Inga

2 kasa nispa: —Suma luarmanda mandai, ñami chaiamungapa ka. Pandariikunata sakispa, Taita Diuswa tukugsamuichi.

Matthew 5:3 in Inga

3 —Kamkuna, Taita Diuswa iuiarispa, mana iukagsina tukugkuna, paipa iapa kuiaskami kangichi. Chasa kagkuna, Dius suma mandakuskapimi iaikugringapa kangichi.

Matthew 8:11 in Inga

11 Kasami niikichita: mana judíu kagkunapas, achkakunami suma luarma iaikugringapa kankuna, Dius suma mandakuskapi, Abraham, Isaak i Jakobwa sugllapi kangapa.

Matthew 11:6 in Inga

6 Maikan nukamanda suma iuiaita mana sakigpika, Taita Diuspa iapa kuiaskami kankuna.

Matthew 11:25 in Inga

25 Chiura Jesús, kasami Taita Diusta nirka: —Taitiku, suma luar i kai alpa luarta iaia mandagmi kangi. Kamta iapa suma atun kagtami niiki. Kambagma iaikugringapa, iacha i iapa iuiaiiug runakunamanda pakaskasinami kapungi. Ikuti mana iacha i mana iapa iuiaiiugkunatami kawachirkangi.

Matthew 13:16 in Inga

16 —Ikuti kamkunaka, ñawiwa sumaglla kawanakuspa, rinriwa allilla uiaspa kagmandami Taita Diuspa iapa kuiaska kangichi.

Matthew 18:1 in Inga

1 Chasa kagllapi, Jesusta katiraiagkunaka, kaillaiaspa, tapurkakuna: —Suma luarpi, Taita Dius mandakuskapi, ¿pitak mas atun taita tukuska kangapa ka?

Matthew 24:46 in Inga

46 Patrun ikuti chaiagsamuspa, imasa niskasina allilla rurakugta kawaspaka, chi piunta sumagllami “Pai Siñur” nispa, kuiangapa ka.

Matthew 25:34 in Inga

34 —Nispaka chi atun mandagka, paipa alli ladu kaskakunata ningapami ka: “Nukapa Taitapa iapa kuiaskakuna, samuichi, nukawa mandangapa. Kamkuna chasa mandangapaka, alpa tukuskauramandatami allichiska kapurkangichita.

Mark 10:14 in Inga

14 Chasa kawaspa Jesuska, paita katiraiagkunata rabiawa piñaspa, nirka: —Ianga kawaichi, wawakuna nukapagma samuchukuna. ¿Imapatak arkanakungichi? Kai wawakunasina kagkunami suma luarma iaikugringapa kankuna.

Luke 4:18 in Inga

18 Atun Taita Diuspa Ispíritu, nukawami ka. Agllaskami kani, mana iukagkunata Alli Willaita willagringapakunata. Kachamuskami kani, karsilpi kaskakunata willangapa kacharii tukungapa kagtakuna; chasallata, mana ñawi kawagkuna ikuti kawagsamungapakuna; mana allilla rurai tukuskakunata kispichingapa;

Luke 6:20 in Inga

20 Chiura Jesuska, paita katiraiagkunata kawaspa, kasami nirka: —Kamkuna Taita Diuswa iuiarispa mana iukagsina tukugkuna, paipa iapa kuiaskami kangichi. Kamkuna, Dius suma mandakuskapimi iaikugringapa kangichi.

Luke 11:28 in Inga

28 Jesuska nirka: —Chasapaka, Taita Dius ima rimakuskata suma uiaspa ruragkunami paipa mas iapa kuiaska kankuna.

Luke 18:14 in Inga

14 —Kasami niikichita: chi kulki chaskig wasima kutiuraka, paitami Taita Dius, pasinsiaspa, nirka: “Mana pandarigmi niraiapuangi”. Ikuti chi fariseotaka chasa manima. Maikanpas atuniachirispa iuiagta, Taita Diuska uchullaiachingapami ka. Ikuti maikanpas uchullaiaspa iuiaskataka, Taita Dius atuniachingapami ka.

John 20:29 in Inga

29 Chiura, Jesuska nirka: —Kam, nukata kawawaspami suma iuiawarkangi. Mana kawawaspalla nukamanda suma iuiawagkunaka, Taita Diuspa iapa kuiaskami kangapa kankuna.

Romans 4:6 in Inga

6 Ñugpamanda achala taita Davidmi pandariska runamanda nirka: “Taita Dius paita: ‘Mana pandarigmi niraiapuangi’ nigpika, iapa alli iuiachiiwami kanga”. Kasami nirka:

James 1:10 in Inga

10 Chasallata, maikan iapa iukag kaskataka, Taita Dius kikinmi paitaka uchullaiachingapa ka. Chasa kagpipas, alli iuiachiillawa iuiakuchu. Iapa iukagka, ugsa tugtusinami mana unailla wañuringapa ka.

James 1:12 in Inga

12 Jiru rurangapa iuiaikuna chaiauraka, mana chasa ruragkunaka Taita Diuspa iapa kuiaskami kankangichi. Chi mana jiru ruragkunaka, alli suma kaugsai primiutami chaskigrinkangichi. Chi kaugsaitaka, Taita Dius nirkami, paita kuiagkunata karangapa.

James 2:5 in Inga

5 Nukapa kuiaska taitakuna i mamakuna, kasa iuiariichi. Kai alpapi mana iukag kagkunatami Taita Dius agllarka, paikuna, Jesucristota suma iuiariiwa iapa iukagsina tukungapakuna; chiwanka paikunapas, Taita Dius suma mandakuskapi iaikugringapa. Chasami Taita Dius nirka, paita kuiagkunata karangapa.

James 4:9 in Inga

9 Chimandami niikichita: irkiaichi; wakaichi; llakiriichi. Asinakungataka, niikichitami: wakaichi. Suma iuiaiwa kuntintulla kangataka, niikichitami: irkiaspa llakiriichi.

Revelation 19:9 in Inga

9 Chiuraka, anjilka niwarka: —Kasa iskribii. Maikanpas Taita Diuspa Ubija suti kasaraska budama kunbidai tukuskakunaka, Taita Diuspa iapa kuiaskami kankuna. Kasapasmi niwarka: —Chikunaka, kikin Taita Dius rimaska, tukui sutipami ka.

Revelation 22:14 in Inga

14 —Maikanpas katangakunata Taita Diuspa Ubijapa iawarpi tagsagsina ruragkunaka, suma kaugsai karadiru sachamandata mikui pudingapami kangichi. Taita Diuspa iapa kuiaskami kangichi. Chasamanda kamkunaka, chi alli puiblu pungukunapi iaikungapapasmi pudingapa kangichi.