Romans 11:36 in Ikwere

36 Ya keru kpakara nhne, kpakara nhne ke zị bụ ke a, ya nwe kpakara nhne. Ọznarni zịnu a ọkwnukokwnu. Amịm.

Other Translations

King James Version (KJV)

For of him, and through him, and to him, are all things: to whom be glory for ever. Amen.

American Standard Version (ASV)

For of him, and through him, and unto him, are all things. To him `be' the glory for ever. Amen.

Bible in Basic English (BBE)

For of him, and through him, and to him, are all things. To him be the glory for ever. So be it.

Darby English Bible (DBY)

For of him, and through him, and for him [are] all things: to him be glory for ever. Amen.

World English Bible (WEB)

For of him, and through him, and to him, are all things. To him be the glory for ever! Amen.

Young's Literal Translation (YLT)

because of Him, and through Him, and to Him `are' the all things; to Him `is' the glory -- to the ages. Amen.

Cross Reference

Matthew 6:13 in Ikwere

13 I yísi aị nụ rime nhne ọrnurna, kọvu dọhia aị n'aka nye ọjo.’

Luke 2:14 in Ikwere

14 “Ọson'anya dum bụru ke Chiokike nụ hne kakwo n'olu, udno zịri n'ọwa n'esilawụru ele nhne be naamasị a.”

Luke 19:38 in Ikwere

38 Be naakaa, “Chiokike gọzi eze ke naava nụ rẹwhna Nyenwe aị, Udno n'oligwe, ọznarni zịnu Chiokike nụ hne kakwo n'olu.”

Acts 17:25 in Ikwere

25 Nhne badnụ mernu nyee a zị́la mkpa, hne ọ bụ ya neenye badnụ bụdnu nụ inwe nụ kpakara nhne.

Acts 17:28 in Ikwere

28 Lele kpa otu badnụ kwuru, ‘A zị bụdnu, neezne izne nụ rime a.’ Agwna ele nkarị ọkwukwo anụ karụ, ‘A bụ rụmu a masị.’

Romans 16:27 in Ikwere

27 Ọznarni zịnu Chiokike nye nụ nsnụnu a bụ nye akọ hite nụ Jizọsi Karaịsi ọkwnukokwnu. Amịm.

1 Corinthians 8:6 in Ikwere

6 kọvu hne a zị, otu Chiokike kpọi nye bụ Nda. O keru kpakara nhne, a zịnu a bụdnu. Otu Nyenwe aị Jizọsi Karaịsi zị, nye be hiri n'aka a ke kpakara nhne, nye a zị bụdnu n'aka a.

1 Corinthians 11:12 in Ikwere

12 Kwnornu kpa be kpụru nyerinya hite nụ nyerukna, kpam masị, nyerinya mụrnu nyerukna. Kpakara nhne hi n'aka Chiokike va.

Galatians 1:5 in Ikwere

5 Ọznarni zịnu a ọkwnukokwnu. Amịm.

Ephesians 3:21 in Ikwere

21 Ngwa ma aị ọgbako Chiokike ele o mernu aị nụ Karaịsi Jizọsi bụru otu, ja Chiokike hite n'otu ebiri dụ n'ebiri berere, ọwa kwnurnu ọwa. Amịm.

Ephesians 4:6 in Ikwere

6 A neekpenu otu Chiokike bụ Nda kpakara badnụ, nye nẹechi kpakara badnụ, ọ nọornu ẹrnu hite nụ kpakara badnụ, nye zị nụ rime kpakara badnụ.

Philippians 4:20 in Ikwere

20 Chiokike Nda aị nwe igwugwu dụ ọkwnukokwnu. Amịm.

Colossians 1:15 in Ikwere

15 Karaịsi bụ oyiyi ke Chiokike, nye be whnụ́ anya. Karaịsi bụ nye risi kpakara nhne Chiokike keru.

1 Timothy 1:17 in Ikwere

17 Kịtna, eze ke zị ọkwnukokwnu, nye nwụ́ ọnwu, nye be whnụ́ anya, nye ya nụ nsnụnu a bụ Chiokike, ya nụ nsnụnu a nwe igwugwu nụ ọson'anya tim tọm. Amịm.

1 Timothy 6:16 in Ikwere

16 Chiokike ke zị bụdnu ọkwnukokwnu, nye wu n'iwhne ke ọ zá nye nwernu rikne vadu ndụndu, nye ọ zá nye whnụleru anya, mọbu whnụli a anya, ọson'anya nụ rikne bụru ke a tim tọm. Amịm.

2 Timothy 4:18 in Ikwere

18 Nyenwe aị jọodohia m nụ kpakara nhne ọjo, duru m n'udno bna n'ọchichi ẹli-eze oligwe. Ya nwe igwugwu ọkwnukokwnu. Amịm.

Hebrews 2:10 in Ikwere

10 Chiokike nwe kpakara nhne, ya ke masịri kpakara nhne hite n'iknernema a. O mernu nhne kwesiri nga o mernu Jizọsi zu ozu hite n'awhnụwhnu, ma ọ znọhia agịda rụmu Chiokike, mee be snornu a kehịa igwe n'igwugwu a.

Hebrews 13:21 in Ikwere

21 nyee anụ kpakara nhne bụru ọma o mee echiche a. O gweru masị aị mee nhne masịri a, hite nụ Jizọsi Karaịsi nye nwe igwugwu ọkwnukokwnu. Amịm.

1 Peter 4:11 in Ikwere

11 Nye neezni izi ọma, ọ zni a lele nụ ọ bụ ikwu-ọnu ke hi n'ọnu Chiokike whụya. Nye neezne izi, o mee a lele Chiokike nyernu a iknernema, ma be znarnị Chiokike nụ rime kpakara nhne hite nụ Jizọsi Karaịsi, nye nwe igwugwu nụ rikne tim tọm. Amịm.

1 Peter 5:11 in Ikwere

11 Kpakara rikne ọchichi bụ ke a ọkwnukokwnu. Amịm.

2 Peter 3:18 in Ikwere

18 Kọvu anụ zịri nooso oso nụ oru nụ nhne ọmuma ke Nyenwe aị nụ Nye Ọznohia aị Jizọsi Karaịsi. Kpakara igwugwu zịnu a, kịtna, dụ ọkwnukokwnu. Amịm.

Jude 1:25 in Ikwere

25 Ya bụ Chiokike kpọi, Nye Ọznohia aị, hite nụ Jizọsi Karaịsi Nyenwe aị, kpakara igwugwu, nụ dudugna, nụ rikne nụ ọchi risi zịnu a, hite nụ mbọm dụ kịtna, ọkwnukokwnu. Amịm.

Revelation 1:5 in Ikwere

5 ma n'aka Jizọsi Karaịsi, nye akebne kwesiri be kwnata a mkpọma, nye mbọm ke hi n'ẹnwu lizọ, nye ke nẹechi ele eze k'ọwa. Nye whnụrnu aị n'anya, gweru ọvnarna a snụsnama kpakara mmehie aị,

Revelation 4:10 in Ikwere

10 ele okno badnụ nri lawụru nụ ẹno wam dna n'ẹli nụ ruwhnu nye wam dazịgwu nụ ngadna eze, kpọ risi ẹli nụ ruwhnu nye wam zị bụdnu ọkwnukokwnu. Be tụbita okpu-eze be nụ ruwhnu ngadna eze wam, kaa,

Revelation 5:12 in Ikwere

12 Be nọogwnu eri nụ okno nkọli, naakaa, “Nnwọ Atnụrnu wam be gburu kwesiri ọ nahọru rikne, nụ ẹkwnu nụ akọniche, nụ iknernema nụ ọson'anya nụ igwugwu, nụ ọznarni.”

Revelation 7:10 in Ikwere

10 Be ji okne nkọli naakaa, “Ọznohia aị hi n'aka Chiokike, nye dazị nụ ngadna eze, ya nụ Nnwọ Atnụrnu.”

Revelation 19:1 in Ikwere

1 Nga nhne ele ka whemernu, m nụrnu m nhne nụ lele okne nkọli igbudu badnụ n'oligwe, naakaa, “Aleluya, ọznohia, nụ igwugwu nụ rikne bụ ke Chiokike aị,

Revelation 19:6 in Ikwere

6 M nụrnu m nhne nụ lele nkọli igbudu badnụ lele ọdidna agịda mini, lele okne egbe oligwe, naakaa, “Aleluya, Nyenwe aị Chiokike ke Meli Nhne Dum nẹechi.

Revelation 21:6 in Ikwere

6 Ọ kanụ m, “Be menem a. Mawa bụ Alịfa nụ Omega, Ọpanizo nụ Okwukwo. Nye ọbula akpịri nọokpo bẹkwnu, m jeenye a mini ke hi nụ risi mini ke bụdnu n'etekne.