2 Corinthians 2:14 in Ignaciano

14 Tásiha, tétavicavahi eta núrisamurevahi eta nuchimapirahi ema Tito eta te juca. Puiti, ichape eta nuhasulupayachirahi ema Viya eta majaneasirahaviparaca, tíjaracahavihivare eta máitupajijiasirava eta viratahairahi vicanara tamutu, táichavenehi eta mávahásirahavihi ema Jesucristo. Tituparacahavivare vicametarairuyarehi eta máimiturapiana, mavarairahi tiúriyarehi eta nasamiraya namutu ena achaneana tacuti eta najiusira jácani táijiyequeneana.

Other Translations

King James Version (KJV)

Now thanks be unto God, which always causeth us to triumph in Christ, and maketh manifest the savour of his knowledge by us in every place.

American Standard Version (ASV)

But thanks be unto God, who always leadeth us in triumph in Christ, and maketh manifest through us the savor of his knowledge in every place.

Bible in Basic English (BBE)

But praise be to God who makes us strong to overcome in Christ, and makes clear through us in every place the value of the knowledge of him.

Darby English Bible (DBY)

But thanks [be] to God, who always leads us in triumph in the Christ, and makes manifest the odour of his knowledge through us in every place.

World English Bible (WEB)

Now thanks be to God, who always leads us in triumph in Christ, and reveals through us the sweet aroma of his knowledge in every place.

Young's Literal Translation (YLT)

and to God `are' thanks, who at all times is leading us in triumph in the Christ, and the fragrance of His knowledge He is manifesting through us in every place,

Cross Reference

Romans 6:17 in Ignaciano

17 Nuhasulupayachasera ema Viya eta ínajisiraipa eta tapamisirahénihi eta pecatuana. Puiti tatupiruvaipa te esamureana eta esuapirahi eta véhiruhi ímitucasivahi. Puiti íjaracavainapa ecaemataneaca ema Viya, iávácuharipa eta táuriva eta ítaresiraya.

Romans 8:37 in Ignaciano

37 Váhiquenesera vipicaimahi eta náipicararesirahavianahi. Tétavicavahi eta máetumechirahavihi ema Jesucristo táichavenehi eta máemunasirahavihi. Tájinavare tihapapicahavimahi eta véhisirahi éma. Núti nucasiñava ema Viáquenu eta majaneasirahaviya. Tájinaquene ticaerajicahavimahi eta máemunasirahavihi. Vahi étainapucaini eta vicatajivapuca eta vítaresira, étainapucaini eta vépenira, étainapucaini náipicararesirahavipuca puiti juca vítaresiraichaha, étainahipucaini táimipanererecahavihíni, jácani víchavaquenevaya eta vítaresiraya. Tájinaquene vahi vipicahini eta tipicacareanahi te juca apaquehe, énainapucaini ena ichapemuriqueneana mayeheana ángele ema Váinaraji, étainahipucaini eta náiñehivanahi. ¡Tájinaquene ticaerajicahavimahi mayehe ema Tata taicha yátupihi eta máemunasirahavihi taicha viávahácahi ema Viáquenu Jesucristo!

Romans 15:19 in Ignaciano

19 Nímechavacahi ichape eta tiáramicareana eta nítupajijiasirava maicha ema Espíritu Santo. Tacahehi eta nítauchirahi tamutu eta nucametarairuirahi eta máimiturapiana ema Jesucristo. Tamutuhi nupaica, népanavahi te Jerusalén, níchecuhapa tayehe eta departamento Ilírico.

1 Corinthians 15:37 in Ignaciano

37 Te vévacapa eta jácani evaraqui, vémuriachapa te apaquehe. Te tinanapahi eta apaquehe, tímarucapa eta vévaraqui. Váhisera étainahíni tachavahini táuchucahini eta evaraquihi.

2 Corinthians 1:11 in Ignaciano

11 Tacahe, nuvaraha ímicatacahavini eyujarauchahavini víti. Éti, németeaca camurihénapa éti eyujarauchahaviyare, camuriheyareva éti ehasulupayachainapa ema Viya eta máimiyanirava ticatiuchahavi.

2 Corinthians 2:15 in Ignaciano

15 Taicha eta vicametarairuirahi tímicutijiricavahi eta táijiyeva eta incienso, eta máijarasirahi ema Cristo te mamirahu ema Maiya. Tacapusisiacahi namutu ena tisamahaviana. Natiarihi ena masuapajirairahana, náemitiaruanayare taicha namavarairahi nasuapahini. Tijechehi eta najiusira tacutihi eta máquehe mácani máepenaquenehi. Natiarihivare ena tisuapanapahi náuchucureanayarehi; ticutirinehi najiucahini eta táijiyequene. ¡Tétavicavahi eta néñamiravahi eta vicatuparahairahi!

2 Corinthians 8:16 in Ignaciano

16 Núti nuhasulupayachahi ema Viya eta manacasamurechirahi ema Tito máeñamiravahi eta eyehe, tacutihi eta nusamure néñamiravahi eta eyehe.

2 Corinthians 9:15 in Ignaciano

15 ¡Tétavicavahi eta viúricacarehi maicha éma! ¡Tájinapa viviya apanaina vácayema eta vihasulupayachira ema Viya táichavenehi eta juca víjaracasi!

Ephesians 5:2 in Ignaciano

2 Émunajiricacayare eta ítaresiraya. Ecutiyare ema Cristo eta máemunasirahavihi. Éma, macurisamurecharipa ema Maiya eta máimijararesiravahi víchavenehi víti, macutihi eta sárarechicha uvesa nacaparuhi eta námavahuhi me Viya.

Ephesians 5:20 in Ignaciano

20 Ehasulupayachaparacaya ema Vicaiyaquenehi te máijare ema Viáquenu Jesucristo tayehe tamutu jácani íchararacavana taicha tásihaqueneanahi eta mayehe.

Philippians 4:18 in Ignaciano

18 Nuti ichapemuripa eta nujacapirahi eta enaquiruvana, eta mámaquenepahi ema Epafrodito. ¡Tétavicavahi eta ecajiraivahi! Eta ímiámareruana, tacutirinehi eta inciensoinahini, eta táijiyevahi te mamirahu ema Viya. Tivapinava ema Viáquenu eta majacapirahi. Tacutihivare eta nanaquisira eta námavahuana te Templo.

Colossians 1:23 in Ignaciano

23 Tacahe, nuvaraha étumechavayarechucha, ímiyanava táuri eta éhisirahi. Vahi ecúyacujiéquenehava eta ecuchapirahi eta iúchucuiraya. Vahi ecuemepurureca eta esuapiraipahi eta máechajiriruva ema Viya. Tétavicavahi tasuapacarevahi nayehe namutu ena achaneana te juca apaquehe, nájina tanerejiruina. Nútiripa nuti Pablo vanairucaquenenuhi, étarichuhivare tacahehi eta nucametarairuirahi.

Colossians 2:15 in Ignaciano

15 Eta máepenirahi ema Jesús tayehe eta crusu, máitahacavacaripa ema Váinaraji énapa ena machanerana éreanana. Tájinarinehi natumevainahini eta mayehe. Puiti táquijicavacahi éna, te vipiaraca te máijare ema Jesús. Vaipa tipauchahavi anaimahi.

1 Thessalonians 3:9 in Ignaciano

9 ¡Ichape eta vihasulupayachirahi ema Viya táichavenehi eta iúrivahi! ¡Tájinarine tácutihini eta viúrisamurevahi mayehe ema Viya, íchavenehi éti!

Revelation 7:12 in Ignaciano

12 Ánipa nacahe: “¡Eta vicaheyare! Máitavacacayare eta vitsiusiraviyare. Taicha tétavicavapa eta picunachacarevahi. Tétavicavavare eta pímatiequenehairahi tamutu, étapa eta pipicauchacarevahi, étapa eta pitumeva. Picarichu piti péchahavihi. Ichape eta vihasulupayachiravihi. Tijarahi te visamure te vijirauchavi. Amén”.