Matthew 22:44 in Guayabero

44 ‘Dios naksiya wʉt tajpaklokolanliajwa, jʉm-aechon: “¡Ekde tajpoklalel jiw tato'laliajwam, xan sʉapich! Ekam wʉtfʉk, xan malechaxaelen nadaelmajiw. Malechax wʉt nadaelmajiw, japi jiw xam naexasisfʉlaxael, xam tato'lampox” —aech Dios tajpaklokolanliajwa’ —aech rey David chajia lelox, jʉm-aech wʉt Mesíasliajwa.

Other Translations

King James Version (KJV)

The LORD said unto my Lord, Sit thou on my right hand, till I make thine enemies thy footstool?

American Standard Version (ASV)

The Lord said unto my Lord, Sit thou on my right hand, Till I put thine enemies underneath thy feet?

Bible in Basic English (BBE)

The Lord said to my Lord, Be seated at my right hand, till I put under your feet all those who are against you?

Darby English Bible (DBY)

The Lord said to my Lord, Sit on my right hand until I put thine enemies under thy feet?

World English Bible (WEB)

'The Lord said to my Lord, Sit on my right hand, Until I make your enemies a footstool for your feet?'

Young's Literal Translation (YLT)

The Lord said to my lord, Sit at my right hand, till I may make thine enemies thy footstool?

Cross Reference

Luke 19:27 in Guayabero

27 Pe tadaelmajiw, xan nanejweslapi japi pejreynanliajwa, ¡japi bʉflaeman ampalel xan tajwʉajnalel beliajwaspi!’ —aech rey” —aech Jesús, ampawʉajan naewʉajan wʉt.

John 20:28 in Guayabero

28 Do jawʉt, Tomás nejthʉ'axtat jʉm-aechon: —¡Xam tajpaklonam, tajDiosnambej! —aech Tomás Jesúsliajwa.

Acts 2:34 in Guayabero

34 Jesús bʉ'fos wʉt athʉ poxase, David tae-el, japon chajia wʉajna tʉp xot. Pe David jʉm-aech, Dios pijaxtat matabijt xoton Dios jʉm-aechpox Jesúsliajwa: ‘Dios jʉm-aech tajpaklokolan Cristoliajwa: “¡Ekde tajpoklalel jiw tato'laliajwam, xan sʉapich!

Philippians 3:8 in Guayabero

8 Amwʉtjel chiekal matabijtax. Kaes pejme pachaem tajpaklon Jesucristo matabijtaxpox. Samata, majt puexa isxpoxan, puexa japoxan chiekal koftax kaes matabijsliajwan Jesucristo.

Hebrews 1:3 in Guayabero

3 Dios paxʉlan xabich pachaempon. Me-ama pax Dios xabich pachaem, ja-aechbej paxʉlan. Dios paxʉlan xajʉp puexa isliajwa jʉm-aechpoxtat, mamnik xoton. Puexa japon ispoxan ampathatat, athʉxotsebej, nakiowa amwʉtjel pachaemsfʉl japon pijaxtat. Dios paxʉlan tʉp cruztat xatis babijaxan isaspoxan ajilaliajwa Diosliajwa. Jawʉx chijialison athʉ poxase ekaliajwa pax poklalel, japon sʉapich, puexa tato'laliajwa.

Hebrews 1:13 in Guayabero

13 Dios jʉmchi-el kaen ángelliajwa: “¡Ekde tajpoklalel puexa jiw tato'laliajwam! Nadaelmajiw malechaxaelen japi xam naexasisliajwa to'axaelampox” —chi-el Dios pej-ángelesliajwa. Pelax Dios japox jʉm-aech paxʉlankalliajwa.

Hebrews 10:12 in Guayabero

12 Me-ama sacerdotes ispox, jasox is-el Jesucristo. Japon pajut natapaei asajiw boesaliajwas puexa jiw babijaxan ispoxanliajwa. Japon kaetʉpaxtat jiw bʉ'wiapon. Do jawʉx, Jesucristo Dios poxase. Jaxotse ek pax Dios poklalel.

Hebrews 12:2 in Guayabero

2 Wajpaklon Jesucristo chiekal naexasisfʉlaxaes. Japon pijaxtat xatis Dios naexasich. Japon pijaxtatbej Dios chiekal naexasisfʉlaxaes pomatkoicha. Cruztat tʉpax japox xabich padaeyaxkolax. Pe Cristo padala-el cruztat tʉpaliajwa xatisliajwa, japon chiekal matabijt xot, pejnabijasaxwʉx cruztat, xabich nejchachaemlaxaelpox. Amwʉtjel Cristo ek pax Dios poklalel puexa jiw tato'laliajwa, pax Dios sʉapich.

Revelation 19:19 in Guayabero

19 Do jawʉt, xan taenx pejmachoefan, babejkolan. Jawʉt taenxbej, puexa reyes natameja wʉt, pejsoldaw sʉapich, nabeliajwa kawaei papoeyan chafolpon sʉapich, japon pejjiw sʉapichbej.

Revelation 20:11 in Guayabero

11 Taenx pinjiyax tʉa-ekax, papoeikolax Diosxotse. Taenxbej Dios, ek wʉt japatʉa-ekaxtat. Do jawʉt, japon pijaxtat that chiekal ajisnat, thatbaxobej. Japoxan pejme tae-enil asalel.