John 11:24 in Guahibo

24 Nexata Marta apo jumeyapëtae Jesús piasaëyaexanaejavanexa Lázaro. Bajaraxuata Marta jumaitsi Jesúsjavabelia mapacueniaje: —Yapëtaniji rabaja pacuenia icatsia Lázaro Dioso asaëyaexanaejitsiatsi pamatacabita icatsia asaëyaexanaenatsi daxita petëpaevimi, jai Marta.

Other Translations

King James Version (KJV)

Martha saith unto him, I know that he shall rise again in the resurrection at the last day.

American Standard Version (ASV)

Martha saith unto him, I know that he shall rise again in the resurrection at the last day.

Bible in Basic English (BBE)

Martha said to him, I am certain that he will come to life again when all come back from the dead at the last day.

Darby English Bible (DBY)

Martha says to him, I know that he will rise again in the resurrection in the last day.

World English Bible (WEB)

Martha said to him, "I know that he will rise again in the resurrection at the last day."

Young's Literal Translation (YLT)

Martha saith to him, `I have known that he will rise again, in the rising again in the last day;'

Cross Reference

Matthew 22:23 in Guahibo

23 Saduceovi saicaya itsalivaisi xaina. Bajarapamonae jamatabëcuenenavëxaniabiaya jumai tsabiabi: “Petëpaevi rabaja petëpaecujinae, icatsia apo asaë tsane,” jai tsabiabi. Nexata saduceovi imoxoyorenatsi Jesús. Saduceovi Jesúsjavabelia jumaitsi mapacueniaje:

Luke 14:14 in Guahibo

14 Nexata bajarapacuenia pepacuene jamatabëcuenebarëyamë tsane. Tsipaji bajarapitsivi acuenebi juya pecanamatamojunatsijava tsane. Nexata nijamatamo xainaename pamatacabi icatsia Dioso asaëyaexanaena pamonae tëpa, pexaniajamatabëcuenevimi, jai Jesús pejunatsifariseonëtsijavabelia.

John 5:28 in Guahibo

28 Pëtsa pajamatabëcuenenabenajacame patacatsipaebilivaisi yabara. Itsamatacabi nejumetaena daxita petëpaevimi ata tatsipaebilivaisi.

Acts 17:31 in Guahibo

31 Bajarapacuenia Dioso itoroba tsipaji baja Dioso jivi penaneconitsiaexanaematacabinexa tocaëjëtaruta. Pamatacabi Dioso tocaëjëtaruta, itsa copiapatsiana, naneconitsiaexanaena daxitanacuanëpijivi. Nexata Dioso jivi itsa naneconitsiaexanaena, caejivi canacujitsia paneconivajëto xainapona, bajarapaneconivajëtota naneconitsiaexanaponaena. Ponë jivi naneconitsiaexanaejitsia, Dioso baja cajena itapeta. Daxitajivi beyapëtane ponë Dioso itapeta. Tsipaji baja bajaraponë Dioso icatsia asaëyaexana petëpaecujinae, jai Pablo Atenas tomarapijivijavabelia Jesús yabara.

Acts 23:6 in Guahibo

6 Nexata Pablo jamatabëcueneyapëtane penacaetuatsivi. Tsipaji penacaetuatsivi caelivaisi apo xainae. Jamatabëcueneyapëtaneme itsamonae pecatsitecaejava saduceovi pecujarubicuene. Jamatabëcueneyapëtane itsamonae pijinia pecatsitecaejava fariseovi pecujarubicuene. Nexata Pablo pinijijumeta jumaitsi: —Tajamonae, xanë raja fariseonënë. Fariseovi pecujarubicuene jumecovënëtajë. Taxapijinë baja cajena fariseonë. Tamojivimi ata cajena fariseovi. Majotaje neneconitsijitsia. Tsipaji jivi petëpaecujinae Dioso icatsia piasaëyaexanaejavanexa, jumecovënëtajë, jai Pablo.

Acts 24:15 in Guahibo

15 Mapajudíovi nubenaje, jumecovënëta mapacuenia pejumaitsilivaisije: “Dioso icatsia asaëyaexanaena petëpaevimi,” pejailivaisi. Xanë ata bajarapalivaisi jumecovënëtajë. Baitsi daxita pamonae tëpa, pexaniajamatabëcuenevimi, pibisiajamatabëcuenevimi ata, itsamatacabi icatsia Dioso asaëyaexanaena.

Hebrews 11:35 in Guahibo

35 Bajayata pijinia petiriavi penajamatabëcuenecopatsixae Diosojavabelia peyavenonaenexatsi, itsa coxitëpa, Dioso icatsia toasaëyaexanabiabatsi. Bajayata pijinia itsamonae Dioso pejumecovënëtsiviyajuvënëvi bejiobiaexanatsi Dioso pejumecovënëtsixae. Bajarapacuenia pebejiobiaexanaejavatatsi, itsamonae tëpabiaba. Bajarapacuenia yajuvënëexanatsi pecopabinexa picani Dioso pejumecovënëtsijava. Itsiata baitsi jane apo copabi Dioso pejumecovënëtavanapaejava. Bajarapacuenia apo copabi Dioso pejumecovënëtsijava. Tsipaji bajarapamonae jamatabëjumaitsi tsavanapae: “Mapanacuataje taponaponaejava matatoxenetsia bitso jitsipajë matacabi apo pevereverecaejava Dioso tanerajutsinexa,” jamatabëjai tsavanapae bajarapamonae.