Revelation 18:20 in Cuiba

20 Ichitha paxam pomonae itabocotha painya nejinompaewi pam irʉ pomonae tamonae pam, irʉ pomonae Jesús pia peitorobiwi tatsi pam, irʉ pomonae Nacom peitorobi jume pepaebiwi pam. Daxita barapomonae pam, pajʉntʉ coyene weiweinare xua pacata peaichurucuaexae barapo Babilonia tomara. Nacom xuya abe exana barapo Babilonia tomara tsipei bayatha barapo tomarapiwi pacata abe exana.

Other Translations

King James Version (KJV)

Rejoice over her, thou heaven, and ye holy apostles and prophets; for God hath avenged you on her.

American Standard Version (ASV)

Rejoice over her, thou heaven, and ye saints, and ye apostles, and ye prophets; for God hath judged your judgment on her.

Bible in Basic English (BBE)

Be glad over her, heaven, and you saints, and Apostles, and prophets; because she has been judged by God on your account.

Darby English Bible (DBY)

Rejoice over her, heaven, and [ye] saints and apostles and prophets; for God has judged your judgment upon her.

World English Bible (WEB)

Rejoice over her, O heaven, you saints, apostles, and prophets; for God has judged your judgment on her."

Young's Literal Translation (YLT)

`Be glad over her, O heaven, and ye holy apostles and prophets, because God did judge your judgment of her!'

Cross Reference

Luke 11:49 in Cuiba

49 “Daxota Nacom peyaputae jumetha namchi: ‘Itorobicaein barapomonaetha taitorobi jume pepaebiwi irʉ pomonae taitorobiwi. Ichamonae pomonae taitorobi jume pepaebiwi jutebinchi. Ichamonae pomonae taitorobi jume pepaebiwi abe exanaeinchi. Ichamonae, pomonae taitorobiwi jutebinchi. Ichamonae, pomonae taitorobiwi abe exanaeinchi’, jei Nacom peyaputae jumetha”, jei Jesús.

Luke 18:7 in Cuiba

7 ¿Eta xua metha pananta xeiname? ¿Metha bara Nacom came bayatha tsaibi poxonae jiwi yaweneibatsi pomonae xua pewʉqueibixaetsi? ¡Jume, apara! Nacom nainya jiwi yaweneiba poxonae barapo jiwi abe exaneibatsi ichamonae, beyacaincha xua barapowa yawenatsi. Jame yatsicaewa Nacom yaweneiba pomonaetha pomonae peitapetsixae pewʉqueibixaetsi merawitha yawa mataqueithano.

Ephesians 2:20 in Cuiba

20 Poxonae ba jiwi Nacom pin pia bo acaba copiya matha beta noba po iboton xua iratha tabʉ caumena. Nexata beta nota po iboto xua ainya cui xua po iboto bo daunweya babatanota po iboto xua epataʉta botabiya. Bapoxonae nanta cajejebabapona icha iboton, xua pepa bo exana. Icha pebiwi ichi poxonae bo acaba, Nacom piamonae bara cana jʉtsiya cana ichi. Pomonae Cristo pia peitorobi jiwi tatsi irʉ pomonae Nacom pia peitorobi jume pepaebiwi barapomonae be bara pocotsi iboton xua tabʉ caumena tsipei barapomonae copiya paca cuiduba Nacom Pejume Diwesi tatsi. Irʉ Jesucristo be barapocotsi ainya cui iboto po iboto daunweya babatanota po iboto epataʉta botabiya, tsipei Cristo paca yawena xua painya nejume cowʉntsiwa bapon. Irʉ paxam be po iboton xua jiwi nanta cajejebabapona, pomonae penanta carubenae jiwi pam, tsipei cotacaya painya nejume cowʉntsixae.

Ephesians 3:5 in Cuiba

5 Bayatha jiwi jopa yaputaeyo po coyene xua Nacom Cristo moya yabara cui yawʉn xeinatsi po coyene xua Nacom exanaena. Ichitha anoxuae Nacom pia Pejumope tʉnaxʉ tatsi baxuan yaputane cana exana pomonaetha pomonae pia coya Nacomtha nacana exana xua Nacom petanacuichiwa tsainchi pomonae Cristo Jesús pia peitorobi jiwixae tatsi, mataʉtano Nacom pia peitorobi jume pepaebi jiwitha tatsi.

Ephesians 4:11 in Cuiba

11 Cristo catsiba jiwitha xua seicaya barompaya pejʉntʉ cui coyenein. Ichamonaetha cana exana pomonae pia peitorobi jiwixae tatsi. Ichamonaetha cana exana pomonae pecueicueijei jiwi pia peitorobi jume diwesi tatsi. Ichamonaetha cana exana pomonae xua pecueicueijei dubenanoutsiwi Nacom pia pexeinya jume diwesi tatsi xua pecapanenebiyae diwesi jume. Ichamonaetha cana exana pomonae eena jiwi pomonaetha pomonae pejume cowʉntsi jiwi. Ichamonaetha cana exana pomonae xua pecuidubi jiwi pomonaetha pomonae pejume cowʉntsiwi.

2 Peter 3:2 in Cuiba

2 Pananta xeinare pocotsiwa xua Nacom pia peitorobi jume pepaebiwi paeba poxonae caena bayatha. Yawano jopa pajʉntemainaeinde po peitorobi coyenewa naca cuiduba Jesucristo pia peitorobi jiwi tatsi. Barapo peitorobi coyenewa Cristo pon jiwi Pecanamataxeinaein xuano xua pon jiwi Pecapanenebiyaein pia peitorobi coyenewa tatsi.

Jude 1:17 in Cuiba

17 Equeicha paca tsipaebatsi pomonae bichocono tapaca caantobewichi pam. Paxam bewa payabara jʉntanainaem pocotsiwa bayatha paeba pomonae Jesucristo pon jiwi Pecanamataxeinaein pia peitorobi jiwi tatsi.

Revelation 6:10 in Cuiba

10 Pomonae xua bayatha jutebatsi ichamonae, barapomonae jume daunweya paeba, jeye: “Nacom ponxaem pepa Necanamataxeinaem daxita jiwi, Nacom ponxaem bichocono nejʉntʉ coyene xeicaem. Xam ponxaem pocotsiwan yabara tsiwʉnae muxu dubame baxuan xaniwaicha exaname. ¿Eta poxonae exanaename xua poxonae jiwi yabara paebiname xua penatsicuentsiwa xua abe peexanaexae, xuano xua pana yantomatsiname xua nejutebinexa pomonae jinompa po cae pin nacuathe copiya pata tana nejutebixae?” jei barapomonae.

Revelation 12:12 in Cuiba

12 ¡Pajʉntʉ coyene weiweinare pomonae itabocotha painya nejinompaexae! ¡Daichitha tsobenae pomonae jinompa po cae pin nacuathe deque, yawano xua xuan pin mar mentha jinompa, tsipei Satanás bara bereca bichocono anaepanaya patopareca! Bapon Satanás yaputane xua jopa bayatha tsaibi tsane poxonae abe exaneibina po cae pin nacuathe deque”, jei.

Revelation 19:1 in Cuiba

1 Bapoxonae peitabocotha jume tan xua juinya pinmonae jeye: “¡Barabʉ Nacom wʉnae jainatsi, Nacom naca capanepa abe waexanae coyenewan weya! ¡Maisa Nacom pexeinya jʉntʉ coyene pexeinaein! ¡Maisa Nacom bepa juniya xeinae peayapusʉ itorobi coyenewa!