Revelation 17:3 in Cuiba

3 Poxonae cataunxuae Nacom pia Pejumope tʉnaxʉ tatsi netsita itʉta baxua, bapoxonae matatsunpin necapana ira xuepana susato tsurucuae nacua beya. Baxotiya petsiriwa tan xua eca pon ayei pon be Corei bapon pejumatha, xua pon tsobia. Bapon daxita carepaya pepontha tinaduba po jumein xua Nacom abe yabara paebatsi. Yawano bapon siete po matasipabe xeina yawa diez po pentetobe xeina.

Other Translations

King James Version (KJV)

So he carried me away in the spirit into the wilderness: and I saw a woman sit upon a scarlet coloured beast, full of names of blasphemy, having seven heads and ten horns.

American Standard Version (ASV)

And he carried me away in the Spirit into a wilderness: and I saw a woman sitting upon a scarlet-colored beast, full of names of blasphemy, having seven heads and ten horns.

Bible in Basic English (BBE)

And he took me away in the Spirit into a waste land: and I saw a woman seated on a bright red beast, full of evil names, having seven heads and ten horns,

Darby English Bible (DBY)

And he carried me away in spirit to a desert; and I saw a woman sitting upon a scarlet beast, full of names of blasphemy, having seven heads and ten horns.

World English Bible (WEB)

He carried me away in the Spirit into a wilderness. I saw a woman sitting on a scarlet-colored animal, full of blasphemous names, having seven heads and ten horns.

Young's Literal Translation (YLT)

and he carried me away to a wilderness in the Spirit, and I saw a woman sitting upon a scarlet-coloured beast, full of names of evil-speaking, having seven heads and ten horns,

Cross Reference

2 Thessalonians 2:4 in Cuiba

4 Bapon Nacom abe yabara paebinchi. Bapon jopa tsita ainya cuiyo tsainchi daxita pocotsiwa jiwi wʉnae jainta. Mataʉtano bapon jopa tsita ainya cuiyo tsainchi bequein po nacomʉn jiwi exana. Bapon pia coutha penacanamataxeinaein naexana xua peewatsiwa daxita pocotsiwan Nacom piawa, xua pia wʉnae jaintichi, xua jiwi wʉnae jainchina. Mataʉta bapon ecaena Nacom pin pia botha xua pia coya Nacom najainta.

Revelation 1:10 in Cuiba

10 Caentaqueitha, po mataqueitha peseicae mataqueitha bichocono Nacom pia Pejumope tʉnaxʉ tatsi nejʉntʉ coyene yʉca exana. Taʉma werena jume tan pejume xua bichocono jume daunweya ajumetsaca be poxonae icha xua oba po peobiwa pewʉn trompeta.

Revelation 12:3 in Cuiba

3 Bapoxonae itabocotha equeicha naitʉta ichawa. Tan pon pinyo, pon be jomowabi, pon be Joyoinya. Bapon pon be Joyoinya bichocono tsobia yawa siete po pentasipabe xeina yawa diez po pentetobe xeina. Daxita carepaya pentasipantha mataina tepan.

Revelation 12:6 in Cuiba

6 Bapoxonae barapo petsiriwa naetsiriwa ira xuepana susato tsurucuae nacua beya. Baxotiya Nacom tsiwʉnaeta xua pia ira nexa yawa xua bapowa pexaewa peapatsinexatsi mil doscientos sesenta matacabibetha.

Revelation 12:14 in Cuiba

14 Ichitha Nacom, barapowa pecuarafe catatsi, ainya cuarafebe xua cuiyausi piawan. Daxota Nacom cata xua bapowa tajʉ beya pepupunaenexa ichaxota po ira beya xua Nacom bayatha tsiwʉnaeta, xua pepupunaenexa pon be Joyoinya weya. Barapowa pupuna barapo ira xuepana susato tsurucuae nacua beya. Nacom apata bapowatha pexaewa tres po weibetha yawa xua seis po xometobetha.

Revelation 13:1 in Cuiba

1 Bapoxonae ichʉn tan pon pin mar mene juina pon ayei, pon be Corei. Bapon xeina siete po pentasipabe yawa diez po pentetobe. Daxita carepaya pentetontha mataina tepan. Daxita carepaya pentasipantha tinaduba pewʉnxi, po wʉnxi xua Nacom abe yabara paebatsi.

Revelation 17:4 in Cuiba

4 Bapowa nama xatata paparuwa, po paparuwa mʉ sʉjei yawa mʉ tsobia. Bapowa yawa napepena xua pocotsiwan pewʉn oro nain, yawano be ibotixi xua pocotsiwan ainya matoman, yawano po warowa xu inyapana xua po warowa xu pewʉn perla. Barapowa pecobetha xeina coroto penain coroto xua oro nain yawa wʉnta pocotsiwan xua be mara, yawa barapowa pia penasi cui matacaetsi coyene xua weiweina.

Revelation 17:6 in Cuiba

6 Pirapaeyo jume tan xua barapo Babilonia tomarapiwi yabara jeichi: “Icha pebin ichi xua peatsaxae mera bichocono cʉpatsi, barapo Babilonia tomarapiwi barapocotsi coyeneya jʉta ichiya exana. Baxua exana, tsipei barapo Babilonia tomarapiwi juteba pinmonae pomonae Nacom pijimonae tatsi, irʉ pomonae Jesús pejume diwesi pepaebiwi”, yabara jeichi barapo Babilonia tomarapiwi. Poxonae tan xua barapo tomarapiwi be cʉpatsi bichocono, yabara nabenaecan bapoxonae.

Revelation 17:9 in Cuiba

9 Equeicha matatsunpin nejei: “Meje tha xua paebichi xua ichamonae itacʉpatsi peyabara yaputaewa baxua: Barapo siete po pentasipabe xua pon be Corei, barapo siete matasipabe demxuwan yabara caunuta xua po matasipantha ichaxota barapowa peʉmatha eca, powa xua Babilonia tomara yabara caunutatsi. Barichi barapo siete po pentasipabe xua pon be Corei, yabara caunutatsi pomonae jiwi itorobiya pia pepa peewatsiwichi.

Revelation 17:18 in Cuiba

18 Petsiriwa powa taneme xua powa nasi cui matacaeta xua weiweina, bapowa cayabara caunutatsi: ‘Po tomara pepa tomara’, jei. Pon itorobiya pepa peewatsin xua barapo pepa tomaratha, bapon itoroba daxita ichamonae pomonae jiwi itorobiya pia pepa peewatsiwichi pomonae barapo cae pin nacuathepiwi itorobiya ewatatsi”, nejei matatsunpin.

Revelation 21:10 in Cuiba

10 Tananetsita itʉtsiwatha xua poxonae Nacom pia Pejumope tʉnaxʉ tatsi netsita itʉta bapoxonae matatsunpin necapona pin demxuwa beya po demxuwa xua bichocono taʉcha. Yawano baxotiya matatsunpin netsita itʉta Nacom pia pepa pexeinya tomara tatsi ichaxota jinompa pomonae peantobewichi Nacom. Barapo tomara pena Jerusalén tomara, po tomara Nacom pia xainya wetsica tatsi pona xua itaboco wetsica.