Revelation 15 in Cuiba

1 Bapoxonae equeicha tan peitabocotha icha pin petsita itʉtsi coyenewa xua nebenaeca. Tan siete poyobe matatsunpiwi yawa xua cajijinca siete po cui coyenewabe xua po coyenewa peabe coyenewan. Poxonae weta xua exana barapo matatsunpiwi barapo siete po peabe cui coyenewabetha bapoxonae Nacom nacui weta xua poxonae anaya bichocono atene exana jiwi abe peexanaexae.

2 Bapoxonae tan pocotsiwa be pin mene mar, po pin mene mar copiya tan. Barapo pin mene mar icha be bosibʉ muxupawa ichi xua penthiya. Yawa tan xua muxunaxuba pocotsiwa be isoto xua itadudubiya. Yawa tan pomonae amanayaba xua pon be Corei amanayabatsi. Barapomonae jopa wʉnae jainchiyo pon be Corei yawa pon be ibo Corei nacom, yawano jopa itapa tinaetsi pon be Corei pewʉntha. Barapomonae imoxoyo caquita umena barapo pin mar mene. Yawano barapomonae caumena arpa matawʉn xua pocotsiwa pecatanbabiwan xua Nacom catsiba.

3 Barapomonae naxʉna Moisés pia wei tatsi, pon Nacom pia penacuichiwa tatsi taexainchi. Yawano barapomonae naxʉna Cordero pia wei tatsi, barapo naxobe weibe jeye: “Pata Nacom, pon jiwi Necanamataxeinaein, daxita xam exaname bichocono peainya cui coyenewa yawano bichocono wʉnae. Xam pon, daxita neayapusʉ itorobiya coyenewan xeiname. Jinya coyenewan bara pexainyeiwan poxoru beta exaname. Xam itorobiya neewatsin daxita carepaya nacuanpiwi.

4 Xam pon jiwi Necanamataxeinaein. Daxita jiwi junuwiya cabarʉ cui itura jinaena. Yawano daxita jiwi wʉnae cajainchina tsipei saya meisa xam nejʉntʉ coyene xeicaem. Daxita carepaya nacuanpiwi patsina xua wʉnae necajainchinexa tsipei barapomonae bayatha tane pocotsiwa xua betiya xanepanaya exaname”, jei barapomonae.

5 Bapoxonae equeicha tan peitabocotha Nacom pin pia bo. Po boyo tututha uncua barapo Nacom pin pia botha tatsi po boyotha ichaxota Nacom popona, barapo tutu nacoibo saranaxuba.

6 Barapo tutu weya matatsunpiwi pona pomonae xua siete poyobe yawa capona siete po coyenewabe xua peabe cui coyenewan. Yawano nama xataba paparuwan, po paparuwan bichocono inyapana yawano daedaena. Yawa naepa paba pocotsiwan be coreinya bocoton xua beya jʉntacari jayabeinatsi.

7 Bapoxonae tan caein, xua jiwana barapo cuatro poyobe xua xuan asʉ. Bapon barapo siete poyobe matatsunpiwi catsibatsi coroton xua wʉnba po coyenewan peabe cui coyenewan pocotsiwan Nacom exanaena, pon ataya popona.

8 Bapoxonae barapo tututha, bichocono petsʉxʉ wʉnca. Barapo tsʉxʉ Nacom pia xainya weya tatsi tapichapatsi pon peainya cuin yawa xua peayapusʉ itorobi coyenewa pexeinaein. Dapon aibi pon pecopatsiwatsi xua pejoniyaewa barapo tututha poxonae cataunxuae jopa wetsiyo barapo siete po coyenewabe po coyenewan peabe cui coyenewan xua matatsunpiwi capona.