Revelation 14:11 in Cuiba 11 Po isototha Nacom tautsina bapon, barapo iso tsʉxʉ athabe jujuneibiyaena ataya. Barapo petautsiwa jopa itacʉpae tsainchi xua pewetsiwa mataqueithano, yawa merawithano. Barapo isototha tautinchi pomonae pon be Corei wʉnae jaintatsi xuano xua barapo ibo Corei nacom wʉnae jaintatsi, yawano xua barapomonae itapa tinatsi barapo Corei pia wʉntha tatsi”, jei matatsunpin.
Other Translations King James Version (KJV) And the smoke of their torment ascendeth up for ever and ever: and they have no rest day nor night, who worship the beast and his image, and whosoever receiveth the mark of his name.
American Standard Version (ASV) and the smoke of their torment goeth up for ever and ever; and they have no rest day and night, they that worship the beast and his image, and whoso receiveth the mark of his name.
Bible in Basic English (BBE) And the smoke of their pain goes up for ever and ever; and they have no rest day and night, who give worship to the beast and his image, and have on them the mark of his name.
Darby English Bible (DBY) And the smoke of their torment goes up to ages of ages, and they have no respite day and night who do homage to the beast and to its image, and if any one receive the mark of its name.
World English Bible (WEB) The smoke of their torment goes up forever and ever. They have no rest day and night, those who worship the beast and his image, and whoever receives the mark of his name.
Young's Literal Translation (YLT) and the smoke of their torment doth go up to ages of ages; and they have no rest day and night, who are bowing before the beast and his image, also if any doth receive the mark of his name.
Cross Reference Matthew 11:28 in Cuiba 28 Anetha xan berena daxita paxam xua tapaca yawenaewa tsainchi. Daxita paxam xua pocotsiwa paca jʉntʉ coyene natsepa exana painya abe neexanae cuiru coyene baxua paca jʉntʉ cui coyene canapuxanaeya yabara jʉntemainaeinchi xua painya nenafifinacaewatsinexa. Equeicha pena jʉntʉ coyene paca cana exanaeinchi, xua painya nejʉntʉ coyene weiweinaeya jinompaewa tsane.
Matthew 25:41 in Cuiba 41 “Nexata xan ponxaein jiwi itorobiya pepa Taewatsin baran tsane pomonae tatsocona weya peumenaewi, pomonae jopa beta peexanaewi, jan tsane: ‘Panatsixibarʉcʉpare taxainya weya, tsipei paxam pomonae abe painya neexanae jiwi pam. Maisa po nacuatha isoto jopa cuinaya itacounayiyo baxota paponare. Barapo iso nacua caena bayatha Nacom yabara wʉnaeta caurimonae pia pentacaponaein tatsi nexa irʉrʉ pia matatsunpiwimonae tatsi nexa pomonae caurimonae.
Matthew 25:46 in Cuiba 46 Bexa bapoxonae tsane barapo abe peexanae jiwi ponaena po nacuatha bapana jopa nacui copatsi xua atene. Pomonae pentʉ cui xanepanae jiwi ponaena po nacuatha jiwi xeineiba peantʉcoyeneyapusʉwa, po peantʉcoyeneyapusʉwa ataya tsiteca”, jei Jesús.
Mark 9:43 in Cuiba 43 Icha painya cobe paca exana xua abe painya neexanaewa tsane, maisa panacobe ucubobare. Tsipei baxua xanepana xua cae cobexi pabebam tsane, xua saya cae cobexi painya neyawa patsiwa tsane Nacom pia nacua beicha tatsi. Baxua jame yatsicaya xanepana beyacaincha xua ainya cobebe painya necayawa bebaiwa tsane ichaxota po nacuatha isoto jopa itacounayiyo, xua ataya tsiteca.
Luke 16:23 in Cuiba 23 “Pon copei pexeinaein patopa ichaxota pateiba pomonae pewerapeibiwi barapo petʉpae cuiru coyene nacuatha. Bapon bichocono atene. Bapon athabeicha necoicha. Bapoxonae Abraham tajʉ taebiyatsi asiyeicha, yawa xua Lázaro barʉ equiyatsi.
Hebrews 1:8 in Cuiba 8 Ichitha nama Nacom Pexantotha jei: “Jaina, xam ponxaem Nacom, ataya tsitecaeya itorobiya ewatsiname xua itorobathopequeibame jiwi. Jinya neitorobiya ewatsi coyenewa bara ataya pexainyei coyenewa.
Revelation 4:8 in Cuiba 8 Barapo cuatro poyobe daxita barompaya xeina seis po cuarafeinbe. Mataʉtano barompaya ainya itamaiquei xeina daxita matapaeicha pepontha yawano matha iya itamaiquei dubeinya. Mataqueitha, merawithano jopa cuinaya najume copababiyo xua cueicueijei Nacomtha pon xua eca barapo pia peecaethopeibiwatha, jeye: “¡Xam pon bichocono nejʉntʉ coyene xanepanaem, xua bapana jopa nexeinaewa abe peexanaewa! ¡Xam pon jiwi Necanamataxeinaem! ¡Xam Nacom, pon neayapusʉ itorobi coyenewa xeiname! ¡Xam pon caena bayatha poponeibame xuano xua anoxuae poponeibame xuano xua bexa ataya tsitecaeya poponaename!” jei barapo cuatro poyobe poxonae cueicueijei Nacomtha.
Revelation 5:13 in Cuiba 13 Yawano equeicha jume tan daxita pomonae caena bayatha Nacom forota: pomonae peitabocotha forotatsi, irʉno pomonae po cae pin nacuathe forotatsi, irʉno pomonae po ire peʉma wetsina forotatsi. Yawano jume tan xua pocotsiwan pin mene mar mentha jinompa. Daxita baxuan carepaya Nacom forota. Jume tan xua jeye: “Xam Nacom, pon ecame jinya pexeinya neecaethopeibiwatha irʉno xam Corderom, barabʉ ataya jʉntʉ coyene weiweina paca exanaenabe xua jiwi jʉntʉ coyene weiweina paca exanaenabe xua pocotsiwa painya neexanaexaebe. Barabʉ daxita jiwi paca barʉ cui itura jineibinabe. Yawano barabʉ daxita jiwi wʉnae paca jainteibinabe. Yawano barabʉ paxeineibinamebe peayapusʉwa xua daunweya painya neexaneibiwabe. Daxita barapo coyenein ataya tsitecaeya paxeineibinamebe”, jei daxita barapomonae, pomonae Nacom forota.
Revelation 7:12 in Cuiba 12 Barapo matatsunpiwi jeye: “¡Barabʉ Nacom jʉntʉ coyene weiweina exaneibatsi pocotsiwa xua beta waexanaewa! ¡Bara ichi tsane! ¡Barabʉ daxita jiwi wʉnae jainteibina Nacom! ¡Mataʉtano barabʉ Nacom xeineibina pia peyaputae coyenewa! ¡Mataʉtano barabʉ jiwi jei tsaibi: ‘Nacom maisa pajʉntʉ coyene weiweinan xua amanaya pata tana neyawenaemxae’, jei tsaibi jiwi! ¡Barabʉ daxita jiwi cayabara barʉ cui itura jineibina! ¡Mataʉtano barabʉ xeineibiname jinya neayapusʉ itorobi coyenewa, xuano xua xeinaename jinya neayapusʉwa xua daunweya neexanae coyene! ¡Baxuan barabʉ ataya xeinaename! ¡Je bara ichi tsane!” jei barapo matatsunpiwi.
Revelation 11:15 in Cuiba 15 Barapo matatsunpin xua pon siete poyobetha pia trompeta oba. Bapoxonae pejume itaboco wetsica jume daunweya jeye: “Po coyene xua jiwi itorobiya peewatsiwatsi barapo cae pin nacuathe, anoxuae barapo peitorobi coyenewa Nacom pon Wanacanamataxeinaein piawa irʉno Mesías pon Nacom pia peitorobarecaein, bapon piawa tatsi. Baponbe daxita jiwi itorobiya ewatsinchi barapo cae pin nacuathe xua ataya tsane”, jei pomonae xua itabocotha jume daunweya wawai.
Revelation 13:12 in Cuiba 12 Bapon xeina peayapusʉ itorobi coyenewa, po peayapusʉ itorobi coyenewa xeina pon be Corei. Bapon pon be Metsametsawa, daxita jiwi itorobatsi xua wʉnae pejainchinexatsi pon be Corei, pon pia coutha nantasipa awanxaeibi exana.
Revelation 14:9 in Cuiba 9 Bapoxonae ichʉn matatsunpin patopa, bapon jume daunweya jeye: “Icha ichʉn wʉnae jainta ibo Corei nacomtha xua saya canaxoba yawa icha itapa tinatsi, yawa ichacuitha xua icha cobe juma tinatsi, bapoxonae Nacom bichocono casebina bapon xua bapon casebinchi.
Revelation 18:18 in Cuiba 18 Poxonae barapomonae tane xua iso tsʉxʉ xua barapo Babilonia tomara tautatsi, barapomonae jume daunweya wawai, jeye: “Icha pepa tomara aibi po tomara wʉnae pocotsi tomara icha Babilonia tomara ichi”, jei.
Revelation 19:3 in Cuiba 3 Barapo pin ayei jiwi jeye: “¡Barabʉ Nacom wʉnae jaintatsi! ¡Iso tsʉxʉ xua bapomonae tautatsi barabʉ bapana jopa athabe jujuinae tsane xua pepu ataya tsane!” jei barapomonae xua juinya pinmonae.
Revelation 20:10 in Cuiba 10 Barapon Satanás, pon be Joyoinya, pon caurimonae pia pentacaponaein tatsi, pon xua barapo soldadomonaein muxujainyabatsi, bapon Nacom xuba isoto pucuatha, po pucuatha ichaxota ataya tsitecaeya taxuncua xua bichocono aitareyapusʉ tsuncuae po peitare pewʉn azufre matawʉn. Barapo pucuatha caena bayatha xotsi pon be Corei irʉ pon xua naerabiya jeye: “Xan Nacom peitorobi jume tapaebin”, jei. Barapomonae baxota bichocono atene tsaibi tsane, mataqueitha yawa merawithano tsaibi tsane xua bara ataya tsane.
Revelation 22:5 in Cuiba 5 Barapo tomaratha ataya tsitecaeya jopa quirei tsounae tsaibi tsane. Pomonae baxota jinompa jopa nantawenonae tsane pecoicha xua lámpara coicha xuano xua xometo coichano. Daxota jopa nantawenonaeyo tsipei Nacom pon jiwi Pecanamataxeinaein baxota popona, barompaya pia pecoicha peyacoicha jinaexae xua pia pepontha. Irʉ pomonae baxota jinompa jiwi itorobiya ewatsinchi xua ataya tsitecaeya tsane.