Mark 12:31 in Cuiba

31 Po peitorobi coyene cotacaya itoroba ichaxotaba ‘dos’ jei, barapo peitorobi coyene be jume jʉpa po peitorobi coyene copiya ducua. Irʉrʉ barapo peitorobi coyenewatha jeye: ‘Antobeinde jinya necatsicuarabʉ ecaein icha ichim xua jinya coutha naantobem’, jei barapo peitorobi coyenewatha. Icha peitorobi coyenewa aibi po peitorobi coyene peainya cui coyenewa, po peitorobi coyenewa xua beyacaincha po peitorobi coyenewe, jei Jesús.

Other Translations

King James Version (KJV)

And the second is like, namely this, Thou shalt love thy neighbour as thyself. There is none other commandment greater than these.

American Standard Version (ASV)

The second is this, Thou shalt love thy neighbor as thyself. There is none other commandment greater than these.

Bible in Basic English (BBE)

The second is this, Have love for your neighbour as for yourself. There is no other law greater than these.

Darby English Bible (DBY)

And a second like it [is] this: Thou shalt love thy neighbour as thyself. There is not another commandment greater than these.

World English Bible (WEB)

The second is like this, 'You shall love your neighbor as yourself.' There is no other commandment greater than these."

Young's Literal Translation (YLT)

and the second `is' like `it', this, Thou shalt love thy neighbor as thyself; -- greater than these there is no other command.'

Cross Reference

Matthew 7:12 in Cuiba

12 “Paexande ichamonaetha xua po coyene painya neichichipaewa xua barapomonae beta painya nepacata exanaewa tsane. Tsipei barapo coyenewa bayatha Moisés pia peitorobi coyenewatha paca itoroba, mataʉtano Nacom pia peitorobi jume pepaebiwi bayatha paca cui itoroba”, jei Jesús.

Matthew 19:18 in Cuiba

18 Pewowin Jesús jume baraichi jeye: —¿Eta po peitorobi jume coyenewara? jei. Jesús jume notsiya namchi xua Moisés pia peitorobi coyenewa namchi, jeye: —‘Jopa ichʉn bexubinde. Jopa ichowa pichinde ichʉn piowa tatsi. Jopa caibinde ichʉn piawan tatsi. Jopa naerabiya cayabara paebinde pocotsiwa ichamonae exana.

Matthew 22:39 in Cuiba

39 Po peitorobi coyene cotacaya itoroba ichaxota ba ‘dos’ jei, barapo peitorobi coyene be jume jʉpa po peitorobi coyene copiya ducua. Irʉrʉ barapo peitorobi coyenewatha jeye: ‘Antobeinde jinya necatsicuarabʉ ecaein icha ichim xua jinya coutha naantobem’, jei barapo peitorobi coyenewatha.

Luke 10:27 in Cuiba

27 Pon jiwi pecuidubin Moisés pia peitorobi coyene bapon Jesús jume notatsi, jeye: —Antobeinde jinya Necanamataxeinaein, bapon Nacom, daxita xua nejʉntʉ coyene wetsina, mataʉtano xua daxita jinya nepoponae coyenewatha, mataʉtano xua nanta xeiname, daxita xua nenanta xeinaewatha nentasipatha, mataʉtano daxita xua nedaunwei coyenewatham, mataʉtano antobeinde necatsicuarabʉ ecaein icha ichim xua naantobem jinya coutha, jei pon jiwi pecuidubin Moisés pia peitorobi coyene.

Luke 10:36 in Cuiba

36 Equeicha Jesús namchi, jeye: “Barapo acoibi poyobe jiwana, ¿jintam yabara cananta xeiname xua wʉnae exana xua peantobexaetsi pon waetabatsi pomonae jiwi pecaibiwi, yawa xua bʉtsino?” jei Jesús.

Romans 13:8 in Cuiba

8 Painya xoba ichamonae pantoma amanayabeibame. Jame saya cae coyene bewa paxeinaem po coyene xua nantiya painya nenaantobewam. Tsipei pon antobe ichamonae bapon jume cowʉntsiya exana daxita pocotsiwa xua Moisés itoroba pia peitorobi coyenewatha.

1 Corinthians 13:4 in Cuiba

4 Jame pon xua peantobe coyenewa xeina daxita jiwi nexa bapon jame jʉntema popona poxonae bequein ichamonae abe taexanaetha xua bapon bequein abe taexanaethatsi. Barichi pon peantobe coyenewa xeina, bapon jame amanaya yabara nanta xeinaeya yawena ichamonae. Bapon jame jopa peyabara uwin pocotsiwa ichamonae xeina. Mataʉtano bapon jame jopa pia coutha penayabara nanta xeinaein xua peainya cui jiton. Mataʉtano jame bapon jopa peaebin jiwi.

Galatians 5:14 in Cuiba

14 Paxam paexaname daxita pocotsiwa Moisés pia peitorobi coyenewatha itoroba poxonae paexaname barapo cae coyenewa xua jeye: “Antobeinde jinya necatsicuarabʉ enaewi, icha ichim xua naantobem jinya coutha”, jei.

James 2:8 in Cuiba

8 Icha ichichipa paexaname Nacom peitorobi jume coyenewa, moya pejume coya paexande xua Nacom Pejume Diwesitha jeye: “Paantobeinde ichamonae, pomonae painya nepaca tsicuarabʉ enaewi icha paichim xua painya coutha pana naantobem”, jei xua barapo diwesitha. Moya bara beta paexanaename.

1 John 3:17 in Cuiba

17 Pebin ba xeina nawita xuan pocotsiwa ba nantawenona xua jʉntema popona penaexanaewa tsane. Bapon cui tane pia jiton pon irʉ pejume cowʉntsindʉ Nacom xua pon jopa xeinaeyo pocotsiwa nantawenona. Icha bapo pebin jopa pia jiton yabara nantanuweya nanta xeinaeyo xua peyawenaenexa, barapo pebin apara jopa Nacomtha tsita xeinaeyo peantobewa, po peantobewa Nacom xeina jiwi nexa.

1 John 4:7 in Cuiba

7 Tamonae pomonae tapaca caantobewichi pam, irʉ painya nejume cowʉntsixae Nacom. Bewa waxainchi nantiya naantobe tsainchi. Tsipei barapo peantobe coyenewatha Nacom naca cana exana xua waxeinaewa waantobe coyenewa. Daxita pomonae xua antobe ichamonae apara barapomonae bara Nacom pia pexui tatsi naexana. Mataʉtano barapomonae bara Nacom yaputainchi.

1 John 4:21 in Cuiba

21 Nacom nacata itoroba pia peitorobi diwesi jume. Barapo diwesitha naca jeye: “Pon ba xua Nacom antobetsi, bapon ba bewa muxuna antobe tsane pia jiton pontha xua irʉ jume cowʉntarʉ Nacom”, naca jei barapo diwesitha.