Luke 7:41 in Cuiba

41 Jesús barai, jeye: —Pebinbe nacueyatabe nacowaetabe paratixi ichʉntha. Ichʉn jopa cataunxuae xuya catsiyo quinientos po paratiximonaebe po paratixi quinientos po matacabibe nexa poxonae nacuita. Ichʉn jopa cataunxuae xuya catsiyo cincuenta po paratiximonaebe pontha pon penacowaetsixaetsi.

Other Translations

King James Version (KJV)

There was a certain creditor which had two debtors: the one owed five hundred pence, and the other fifty.

American Standard Version (ASV)

A certain lender had two debtors: the one owed five hundred shillings, and the other fifty.

Bible in Basic English (BBE)

And he said, Two men were in debt to a certain man of business: one had a debt of five hundred pence, and the other of fifty.

Darby English Bible (DBY)

There were two debtors of a certain creditor: one owed five hundred denarii and the other fifty;

World English Bible (WEB)

"A certain lender had two debtors. The one owed five hundred denarii, and the other fifty.

Young's Literal Translation (YLT)

`Two debtors were to a certain creditor; the one was owing five hundred denaries, and the other fifty;

Cross Reference

Matthew 6:12 in Cuiba

12 Pana neyabara cui cana jʉntemainare xua abe pata catsita exanaewatsi. Bapoxonae pana neyabara cui cana exaname xua jopa equeicha pata catsita natsicuentsiwatsi xua abe pata catsita exanaexaetsi. Baraxua painta exande icha paichin ichamonaetha. Tsipei paxan copiya payabara cui cana exanan xua ichamonae jopa pana netsita natsicuentsiyo xua abe pata tanetsita exanaexae.

Matthew 18:23 in Cuiba

23 Equeicha Jesús pijimonae barai pecayabara jʉta pepaebi diwesiyo, jeye: “Anoxuae paca cuidubatsi xua Nacom yabara. Nacom pijimonae bichocono yabara jʉntemaina po abe peexanae coyenein pijimonae tatsi exana. Nacom baxua exana icha pebin ichi pon jiwi itorobiya pia pepa peewatsinchi. Bapon wʉca xua caewa equeicha pematomatsinexatsi xua po matoman caena bayatha penacowaebixaetsi.

Matthew 18:28 in Cuiba

28 “Daichitha bapon pon petanacuichinxae poxonae pontaba pon jiwi itorobiya pia pepa peewatsinchi weya, jemeicha caxina pia jiton pon penabarʉ nacuichinxaebe. Pon caxinatsi bapon matoma amanayaba saya cien po paratiximonaebe. Pon jiwi itorobiya pia pepa peewatsinchi weya pona matoma amanayabatsi. Pon jiwi itorobiya pia pepa peewatsinchi weya pona bapon pia jiton coibotathʉ waetaba, muxu penaichatabi. Pon pecoibotathʉ waetabixae bapon jei: ‘¡Equeicha inta caewa canawire xua bayatha nentoma amanayabame!’ jei.

Luke 7:47 in Cuiba

47 Daxota catsipaebatsi xua bapowa matowa nasi cui matacaeta. Daxita baxuan yabara jʉntemainan, daxota bichocono neantobe. Ichitha nama pon be conotha nasi cui matacaeta, be conotha yabara cui jʉntemainan. Bapon be conotha neantobe, jei Jesús.

Luke 11:4 in Cuiba

4 Pana neyabara cui cana jʉntemainare xua abe pata catsita exanaewatsi. Bapoxonae pana neyabara cui cana exanare xua jopa equeicha pata catsita natsicuentsiwatsi tsainchi xua abe pata catsita exanaewatsi. Baraxua painta exande icha paichin ichamonaetha. Tsipei paxan copiya payabara cui cana exanan xua ichamonae jopa pana netsita natsicuentsiyo xua abe pata tanetsita exanaewa. Jopa pana copatsinde xua abe pata exanaewa tsane poxonae jiwi pana nejʉntʉ coyene jʉjʉta xua abe pata exanaewa tsane’, pajande poxonae Nacomtha patsipaebame, jei Jesús.

Luke 12:48 in Cuiba

48 Ichitha ichʉn pon bo yapucaeca jopa cono yaputaeyo pocotsiwa bo pexeinaein itoroba yawa itatemaya abe exana. Bequein jopa cono yaputaeyo yawa itatemaya abe exana, ichitha nantawenona xua peperaxa exanaewatsi be conotha, tsipei abe exana be conotha. Pon ba be conotha Nacom yabara yaputaeinchi, Nacom bapontha cana exanaena xua ichawa peyabara yaputaewa tsane beya poxonae bapon equeicha bichocono Nacom pejume cowʉntsiwa tsainchi. Pon ba jopa ichipaeyo xua Nacom peyabara yaputaewatsi Nacom wepichina po coyene bapon yaputane xua beya daxota Nacom jopa pejume cowʉntsiwa tsainchi”, jei Jesús.

Luke 13:4 in Cuiba

4 Ichacuitha metha pacui cananta xeiname pomonae dieciocho poyobe, pomonae bayatha bomʉxʉtha mata perababatsi xua po botha bichocono taicha po bo pewʉn Siloé. ¿Barapomonae mata tsapababatsi bichocono abe peexanaexae beyacaincha pomonae jinompa Jerusalén tomaratha?

John 15:22 in Cuiba

22 “Icha jopa patopaeinchipae po cae pin nacuathe, xuano xua icha jopa cuidubinchipae barapomonaetha, barapomonae jopa natsicuentsipae xua abe peexanaexae tsipei jopa yaputaetsipae xua abe exana. Ichitha anoxuae jopa itacʉpaetsi xua pejeiwa: ‘Jopa payaputaeinyo xua abe paexanan’, xua pejeiwa, tsipei patopan yawa cuiduban barapomonae.

Romans 3:23 in Cuiba

23 Tsita najʉpatsi yaitama daxita jiwi peabe coyenewan exana. Yawano barapo jiwi taseicatsi po coyene xua Nacom tsita xanepanatsi barapomonae.

Romans 5:20 in Cuiba

20 Nacom itoroba, xua Moisés tina pia peitorobi coyenewa xua jiwi peyaputaewa tsane xua bara jiwi daxita abe peexanaponae jiwi poxonae jopa yabara jume cuiya exanaeyo pocotsiwa Moisés itoroba. Poxonae jiwi equeicha mataropeicha yaputane Moisés pia peitorobi coyenewa, bapoxonae equeicha bichocono mataropeicha yaputane abe peexanae coyenewan. Daichitha Nacom bichocono mataropeicha aantobe tsoponae xua peyawenaenexatsi barapomonae.

1 Timothy 1:15 in Cuiba

15 Cristo Jesús patopeica po cae pin nacuathe tsique pecapanenebiyaenexa tsainchi pomonae abe peexanae jiwi, xua capanenebiyatsi abe pia peexanae cuiru coyenein weya. Pomonae abe peexanae jiwi barapomonae jiwanan xua bichocono abe taexanaein beyacaincha barapomonae poxonae abe exana. Baxuan apara xainyei pocotsiwa xua yabara paeban. Jiwi bewa jume cowʉntsina baxuan.

1 John 1:8 in Cuiba

8 Icha jeichichi: “Jopa abe taexanaewa”, jeichichi, apara bara wacoutha namuxujainyabatsi pocotsiwa wapaebixae. Mataʉtano wajʉntʉ coyeneintha jopa xeinaetsi pexainyei coyenewa.