John 7:19 in Cuiba

19 “Moisés paca cata pia peitorobi coyenewa. Daichitha jopa pacayabara jume cui cowʉntsiya exanaem. Bequein Moisés paca cui itoroba xua bepa pinae jopa jiton pabexubim tsane. Dapo jumetha, ¿eta xua metha paichichipame xua pata tanebexubiwam?” jei Jesús.

Other Translations

King James Version (KJV)

Did not Moses give you the law, and yet none of you keepeth the law? Why go ye about to kill me?

American Standard Version (ASV)

Did not Moses give you the law, and `yet' none of you doeth the law? Why seek ye to kill me?

Bible in Basic English (BBE)

Did not Moses give you the law? Even so, not one of you keeps the law. Why have you a desire to put me to death?

Darby English Bible (DBY)

Has not Moses given you the law, and no one of you practises the law? Why do ye seek to kill me?

World English Bible (WEB)

Didn't Moses give you the law, and yet none of you keeps the law? Why do you seek to kill me?"

Young's Literal Translation (YLT)

hath not Moses given you the law? and none of you doth the law; why me do ye seek to kill?'

Cross Reference

Matthew 12:14 in Cuiba

14 Bapoxonae fariseomonae Jesús weya ponarʉcʉpa xua Jesús pecui yabara paebinexatsi xua po cui coyenewatha Jesús pebexubiwa tsainchi.

Matthew 21:38 in Cuiba

38 Dapo jumetha pomonae pabi petayapucaenaewi poxonae bapon tainchi barapomonae najei: ‘Apara bapon paxa copiniwa pichina. Daxota bapon bʉ bexotsi xainya xeinatsi barapo uva pabi’, najei barapomonae.

Matthew 23:2 in Cuiba

2 “Pomonae jiwi pecuidubiwi Moisés pia peitorobi coyene tatsi irʉ fariseomonae daxita barapomonae pia pecuidubi coyene xeina xua po coyene jiwi yaputane exanatsi po coyene Moisés pia peitorobi coyenewatha paeba.

Mark 3:4 in Cuiba

4 Pomonae Jesús tainchi Jesús barai barapomonae, jeye: —Paca yainyabinchi, ¿eta xua copata pentaquei seicae matacabitha? ¿Wʉnae jampa? ¿Abe jampa? ¿Eta xua metha tsipae? ¿Xua pebin capanepatsi jampa? ¿Xua pebin bexotsi jampa? ¿Eta xua jane? jei Jesús. Ichitha barapomonae jopa jume notsiyo, saya moya umena.

Mark 3:6 in Cuiba

6 Bapoxonae fariseomonae Jesús weya ponarʉcʉpa. Bapoxonae barapomonae nacaetuta Herodes pijimonaetha tatsi xua pecui yabara paebinexatsi xua po cui coyenewatha Jesús pebexubiwa tsainchi.

John 1:17 in Cuiba

17 Moisés naca cata Nacom pia peitorobi coyenewan tatsi. Baxuan bichocono jopa juniya ayapubeyo. Ichitha Jesucristo, pon “Mesías” baraichi xua pocotsiwa naca cuiduba xua pinae Nacom jopa juniya antobeyo jiwi, xuano xua pocotsiwa naca cuiduba bara baxua yatsicaya pexainyei jume.

John 5:16 in Cuiba

16 Daxota Jesús abe tsiyabara jeitapoinchi xua pebexubiwa tsainchi yaitama Jesús axaibi exana pon atene po mataqueitha pentaquei seicae mataqueitha.

John 5:18 in Cuiba

18 Daxota bichocono nama judiomonae jopa juniya anaepanaeyo, yawa ichichipa xua Jesús pebexubiwa tsainchi. Barapomonae anaepana tsipei yaitama Jesús po mataqueitha pentaquei seicae matacabitha nacuita poxonae bequein barapomonae jopa copatsiyo. Mataʉtano anaepana tsipei Jesús naexana xua Nacom pecui jʉpaewatsi, yawa tsipei jeye: “Nacom, Taxa”, jei.

John 5:45 in Cuiba

45 Jopa pananta xeinaeinde xua Taxatha tapaca yabara paebiwatsi xua po coyene abe painya neexanaewa. Xan dapon apara aibin xua abe tapaca yabara paebiwatsi. Paxam pananta xeiname, pana najam: ‘Caena bayatha Nacom nacana jume diwesi cata Moisestha xua jiwi pejume cowʉntsiwa tsane. Jume cowʉntatsi barapo diwesi, daxota Nacom naca capanenebiya tsane’, pana najam. Daichitha jopa paexanaem pocotsiwa Moisés paca itoroba. Poxoru tsipei jopa Nacom pajume cowʉntsim daxota Nacomtha abe paexaname.

John 7:1 in Cuiba

1 Bapoxonae Jesús popona ducuanaeta baxota xua Galilea nacuatha. Jesús aichaxaibi xua pepoponaewa Judea nacuatha, tsipei judiomonae, pomonae baxota jinompa, ichichipa xua Jesús pebexubiwatsi.

John 7:25 in Cuiba

25 Pomonae Jerusalén tomaratha jinompa, poxonae barapomonae Jesús baxua jume tainchi, nayainyaba. Barapomonae najei: —¿Metha apara baponje, pon yabara paebatsi ichamonae xua bepa pinae pon bexubichi?

John 9:28 in Cuiba

28 Ichitha barapo judiomonae bapon biatainchi, jeichichi: —Xam moya Jesús piamonae jiton tatsi naexande, nama paxan Moisés pia peitorobi coyenewa pata exanaponae jiwi.

John 10:31 in Cuiba

31 Nexata judiomonae ibotoxi nota xua Jesús pecuinbabiwa tsainchi.

John 10:39 in Cuiba

39 Equeicha barapomonae ichichipa xua Jesús pewaetabiwatsi ichitha Jesús naetsiriwa barapomonae weya.

John 11:53 in Cuiba

53 Daxota barapomonae judiomonae pia pentacaponaewi tatsi nabarʉ muxu jei po coyeneya xua poxonae Jesús pebexubiwa tsainchi.

Acts 7:38 in Cuiba

38 Mataʉtano apara bapon Moisés pon nanacaetuta poxonae Israel nacuamonae nacaetuta ichaxota ira xuepana susato tsurucuae nacuatha. Mataʉtano bapon Moisés diwesi tsipaeba jiwitha xua petsipaebixaetsi matatsunpin poxonae tsipaebatsi demxuwatha po demxuwa pewʉn Sinaí. Barapo diwesi po diwesi Moisés wamo susato jiwi tsipaebatsi barapo diwesi jiwi cana exanatsi xua peajʉntʉyapusʉwa pexeinaewa. Barapo diwesi irʉ waxainchi nexarʉ.

Romans 2:12 in Cuiba

12 Pomonae jopa judiomonae naexanaeyo daxita barapomonae yaputane poxonae abe exana pia peitorobi coyenewan pexeinaexae. Icha barapomonae awiya eexanapona pocotsiwa xua abe, Nacom tsita natsicuentatsi. Barapomonae werapaena abe peexanaexae bequein jopa yaputaeyo Moisés pia peitorobi coyenewa tatsi. Pomonae judiomonae barapomonae yaputane Moisés pia peitorobi coyenewa tatsi. Daxota yaputane poxonae abe exana. Poxonae barapomonae abe eexanapona Nacom tsita natsicuenta exanatsi abe peexanaexae, poxoru yaputane Moisés pia peitorobi coyene tatsi.

Romans 2:17 in Cuiba

17 Paxam papaebame, pajam: “Paxan seicaya judiomonaepiwi pan”, pajam. Pananta xeiname xua Moisés pia peitorobi coyenewa tatsi paca capanepaena. Atsaquiya papaebame xua barompaya painya nacom, yatsicaya pepa Nacom.

Romans 3:10 in Cuiba

10 Nacom Pejume Diwesitha baxua yabara jeye: “¡Dapomonae ajibi pomonae xua xanepanaya peexanaewi, xua mataʉtano bara caeinno!

Galatians 3:19 in Cuiba

19 ¿Eta xua metha canamatawenonatsi Moisés pia peitorobi coyenewa? Nacom naca cata baxua abe waexanaexae beya poxonae Cristo patopa, pon Abraham pia pemomoxi susato jiwi jiwanapin tatsi pon yabara tsiwʉnae muxu duta Nacom. Nacom cata pia peitorobi coyenewa matatsunpiwitha xua barapomonae xuya Moisés catatsi jiwi nexa.

Galatians 6:13 in Cuiba

13 Bequein barapomonae paca itoroba xua paca wi thaba ichitha jopa exanaeyo pocotsiwa Moisés pia peitorobi coyenewa itoroba. Barapomonae ichichipa xua paca wi thaba ichamonae, pia barapomonae paca yabara paebichi ichamonaetha xua barapomonae paca itoroba. Barapo judiomonae ichichipa xua icha judiomonae yabara nanta xeina xua pomonae paca itoroba bara beta exana pia paca cui itorobixae barapo penawi thabi coyenewa.

Hebrews 3:3 in Cuiba

3 Jesús pecapanepaexae jiwi bewa bichocono toxeincha barʉ cui itara jinaetsi bapon beyacaincha xua barʉ cui itara jinatsi Moisés. Barapocotsi jʉta coyeneya ichi, bewa Jesús cana exanaetsi icha be poxonae jiton ichi xua bewa barʉ cui itura jinaeinchi xua ainya cui exanatsi peacabixae bo beyacaincha xua bo xua ainya cui tsuncuae.