Hebrews 6:19 in Cuiba

19 Waxainchi wʉnae ewatatsi xua Nacom bexa naca capanenebiya tsane. Wajume cowʉntsixae baxua daxota naca jʉntʉ coyene ayapusʉ exana. Naca itacʉpa xua wayabara jume cowʉntsiwa. Wawʉnae ewatsixae baxua naca yawena xua beta jinompatsi Nacom nexa. Baraxua icha be poxonae jera ichi xua tuwʉtha babatabaruta pocotsiwa xua xota bichocono arewe xua jera beta perucuaenexa. Tsipei xaniwaicha wʉnae ewatatsi pocotsiwa Nacom exanapaeba, baxua naca cana exana xua nacaewabatsi Nacomtha xua caemonae nanaexanatsi bapontha. Nacom itaboco beequiya, paparuwa peʉma werena pia botha eca xua tututhiya xua pin botha ichaxota wapatsiwa tsane.

Other Translations

King James Version (KJV)

Which hope we have as an anchor of the soul, both sure and stedfast, and which entereth into that within the veil;

American Standard Version (ASV)

which we have as an anchor of the soul, `a hope' both sure and stedfast and entering into that which is within the veil;

Bible in Basic English (BBE)

And this hope is like a strong band for our souls, fixed and certain, and going in to that which is inside the veil;

Darby English Bible (DBY)

which we have as anchor of the soul, both secure and firm, and entering into that within the veil,

World English Bible (WEB)

This hope we have as an anchor of the soul, a hope both sure and steadfast and entering into that which is within the veil;

Young's Literal Translation (YLT)

which we have, as an anchor of the soul, both sure and stedfast, and entering into that within the vail,

Cross Reference

Matthew 27:51 in Cuiba

51 Bapoxonae paparuwa, po paparuwa Nacom pin pia botha ducua, barapo paparuwa nainya bopiya matonta tsitsiqueica ainya epatobe naexanabe. Mataʉtano ira jijiyataxuba, mataʉta ibo wacapouna.

Acts 27:29 in Cuiba

29 Barapomonae pejunuwixae xua jera tofotabina poxonae yʉtabina ibowantha, daxota barapomonae po nainto arewe, xua jera duntaba exanaduta petafe xoreca. Cuatro po naintobe xoreca peruntaba exanadutsinexa. Mataʉtano barapomonae Nacomtha wʉca xua xometo pentha tsane, penecotsinexa tsane.

Acts 27:40 in Cuiba

40 Daxota barapomonae nayana mʉ ucuiba, xua po nainton arewe mene bʉpana bobendeca. Po catenano pecabobotsi catena, barapo catenano isanaxoreca. Nexata paparuwa duta wera naetotha. Barapo wera pebʉxʉtha duta. Jera nainya cacuita caputabiya ira.

Romans 4:16 in Cuiba

16 Daxota Nacom yabara tsiwʉnae muxu duta Abrahamtha peyabara jume cowʉntsixaetsi pocotsiwa Nacom exanapaeba. Nacom pia yabara petsiwʉnae muxu dutsiwa, Nacom bara xaniwaicha amanaya catsina Abraham pia pemomoxi susato jiwitha tatsi. Nacom jopa meisa catsiyo pomonaetha pomonae peexanaewi xua Moisés itoroba. Apara Nacom irʉ cata pomonaetha pomonae pejume cowʉntsiwichi icha Abraham ichi poxonae jume cowʉnta Nacom. Bapon Abraham be coxiyʉn cana exainchi xua daxita waxainchi be xua wanacanamataxeinaein, copiya pejume cowʉntsixae.

Romans 5:5 in Cuiba

5 Barapo wawʉnae ewatsiwa jopa naca jʉntʉ coyene cana exanaeyo xua wajʉntʉ coyene wecoyeiwa xua jopa wataexae pocotsiwa wawʉnae ewatsiwa. Nacom bichocono naca jʉntʉ coyene yʉca cana exana pia peantobe coyenewa pia Pejumope tʉnaxʉtha. Barapo pia Pejumope tʉnaxʉ tatsi naca nacana jumope cata wajʉntʉ coyenewatha.

Romans 8:28 in Cuiba

28 Waxainchi yaputainchi xua daxita po coyenein xua nacata exana bequein wʉnae, ichacuitha bequein abe, daichitha Nacom equeicha daxita baxuan nacata xanepana exana. Baxua Nacom taexana pomonaetha pomonae pia peantobexaetsi. Barapomonae Nacom waba petaexanaewa tsainchi pocotsiwa bapon ichichipa.

1 Corinthians 15:58 in Cuiba

58 Tamonae pam, paxam pomonae tapaca caantobe jiwichi pam. Painya neamanayabixae abe painya neexanae cuiru coyenein, pana najʉntʉ ayapusʉ exande Nacomtha. Painya xoba payabara cui copatame xua bara ichamonae paca cana exanaena xua icha coyeneya painya neexanaewa tsane. Ataya beta panacuita dubenanaebiyama Nacom nexa. Tsipei paxam payaputaneme po penacuichiwa Nacom pata tanacuita dubenanaebiyame, bara Nacom tsita xanepanatsi.

Ephesians 2:6 in Cuiba

6 Wajume cowʉntsixae Jesucristo, waxainchi Nacom tsitatsi xua apara be bara bayatha bapon naca asʉ exana petʉpae coyene weya icha Cristo Jesús ichichi xua asʉ exanatsi petʉpae coyene weya. Mataʉtano waxainchi tsitatsi xua apara be bara bayatha naca exana xua waenaewa ichaxota Cristo Jesús eca pia nacuatheicha.

Colossians 3:1 in Cuiba

1 Tsipei Cristo bayatha paca cayawa asʉ, daxota panaitomare xua painya neexanaewa xua Cristo pocotsiwa ichichipa. Bapon Cristo eca Nacom pia nacuatheicha tatsi. Paxa pecoxa weya eca bapon.

2 Timothy 2:19 in Cuiba

19 Nacom pia pexainyei coyenewa, peayapusʉwa, xua icha cui coyeneya jopa naexanaeyo. Barapon Nacom pia pexainyei coyenewa tatsi jeye: “Nacom pon jiwi Pecanamataxeinaein yaputane pomonae piamonaexae tatsi”, jei. Mataʉtano equeicha jeye: “Daxita pomonae xua nawʉn duba xua jei: ‘Paxan Cristobarʉ pan, pon jiwi Pecanamataxeinaein’, jei, bewa barapomonae naitematsina abe peexanae cuiru coyenewan”, jei Nacom pia pexainyei coyenewatha.

Hebrews 4:16 in Cuiba

16 Daxota bewa ajʉntʉyapusʉya wʉcaetsi Nacom pon bichocono naca antobe. Jopa bewa junuwi tsainchi xua wacueicueijeiwa Nacomtha. Bapoxonae Nacom naca weyataena wanaca yabara jʉntemainaenexa xua abe waexanae cuiru coyenein. Mataʉtano bapon wanaca antobexae naca yawenaena poxonae po matacabitha canantawenoneibatsi, poxonae naca jʉntʉ coyene jʉjʉta.

Hebrews 9:3 in Cuiba

3 Paparuwa xua dutsica barapo paparuwa peʉma werena icha tutu xeina po tutu pewʉn: “Yatsicaewa Nacom pia tutu po tutu bichocono pepa peainya cui tutu xua jopa xeinaeyo peabe cuiru”, jei.

Hebrews 9:7 in Cuiba

7 Ichitha nama po tutu dabeya saya meisa joniyeiba pon pepa sacerdotepin xua saya caetotha tsaibi xua daxita weithan tsaibi. Poxonae barapo pepa sacerdotepin barapo tutu iya joniya bewa nata cajoniyaena duwein jana. Barapo jana nʉnʉbaba ichaxota querubinbe matawʉnbe itabarayo deca xua bapon abe pia peexanae cuiru coyenewan tatsi nexa xuano xua irʉ jiwi abe pia peexanae cuiru coyenewan tatsi nexa xua poxonae jiwi jopa nacui yabara yaputaeyo.

Hebrews 10:20 in Cuiba

20 Anoxuae naca itacʉpa xua wapatsiwa Nacomtheicha pena jʉntʉ coyene waxeinaexae po pena jʉntʉ coyene ataya ayapusʉ xua poxonae Cristo wanaca tsitʉpaexae. Baraxua be poxonae metha Cristo nacata pataxubichipa paparuwa po paparuwa yacaincha ducua Nacom pia tutu po tutu yatsicaewa peainya cui tutu. Daxota jojoniyaeinchi wajinompaenexa Nacomtha.