Hebrews 2:4 in Cuiba

4 Nacom tsita itapeinya xeina xua barapomonae bara xaniwaicha yabara paeba Nacom pia pecapanenebiyae coyenewa. Baxua exana poxonae Nacom cana exana xua barapomonae pexeinya petsita itʉbi coyenewan muxuna exana poxonae cueicueijei. Mataʉtano baxua exana poxonae cana exana xua barapomonae muxuna exana pocotsiwa bichocono wʉnae xua jiwi nabenaeca cana exanatsi. Mataʉtano baxua exana poxonae cana exana xua barapomonae pexeinya peayapusʉ itorobi coyenewan muxuna cueicueijei. Mataʉtano Nacom tsita itapeinya xeina xua bara barapomonae xaniwaicha cueicueijei poxonae Nacom pia Pejumope tʉnaxʉ tatsi itoroba barapomonae pia jʉntʉ coyeneintha tatsi xua pecatsibinexa po cui coyeneya peexanaenexa daxita barompaya tsiniya. Baxua exana barapo Nacom pia Pejumope tʉnaxʉ tatsi icha be pocotsi coyenewa Nacom ichichipa xua barapomonae barapo cui coyeneya exanaena.

Other Translations

King James Version (KJV)

God also bearing them witness, both with signs and wonders, and with divers miracles, and gifts of the Holy Ghost, according to his own will?

American Standard Version (ASV)

God also bearing witness with them, both by signs and wonders, and by manifold powers, and by gifts of the Holy Spirit, according to his own will.

Bible in Basic English (BBE)

And God was a witness with them, by signs and wonders, and by more than natural powers, and by his distribution of the Holy Spirit at his pleasure.

Darby English Bible (DBY)

God bearing, besides, witness with [them] to [it], both by signs and wonders, and various acts of power, and distributions of [the] Holy Spirit, according to his will?

World English Bible (WEB)

God also bearing witness with them, both by signs and wonders, and by various works of power, and by gifts of the Holy Spirit, according to his own will?

Young's Literal Translation (YLT)

God also bearing joint-witness both with signs and wonders, and manifold powers, and distributions of the Holy Spirit, according to His will.

Cross Reference

Mark 16:20 in Cuiba

20 Bara barapomonae Jesús pijimonae tatsi ponarʉcʉpa. Yawano barapomonae cueicueijei tsurubenanaebiya jiwitha barapo pecapanenebiyae diwesi jumein daxita nacuantha. Bapon Jesús pon jiwi pepa Pecanamataxeinaeinchi yawena barapomonaetha. Mataʉtano Jesús cana exana barapomonaetha xua barapomonae muxuna exana pexeinya petsita itʉtsi coyenewan xua daxota pocotsiwa barapomonae cueicueijei jiwitha bara pexainyei jumein. Je, bara ichi tsane. Baja Marcos.

John 4:48 in Cuiba

48 Nexata Jesús barai bapon xua piamonae tatsirʉ, jeye: —Paxam jopa yabara pana nejume cowʉntsim. Saya poxonae pexeinya petsita itʉtsi coyenewan paca tsita exaneibatsi bapoxonae deta pana nejume cowʉnteibame, jei Jesús.

John 15:26 in Cuiba

26 “Itorobin Nacom pia Pejumope tʉnaxʉ tatsi xua po pejumope tʉnaxʉ Taxa werena pona, po pejumope tʉnaxʉ paca yawenaena po pejumope xainyeya pepaebin. Barapo pejumope tʉnaxʉ neyabara paebina poxonae bapon patopeicaena.

Acts 2:32 in Cuiba

32 Pon Mesías, pon xuaunxuae yabara paca tsipaebatsi apara bapon Jesús pon Nacom equeicha asʉ exana. Baraxua paxan yatsicaewa pata cui taewi.

Acts 3:15 in Cuiba

15 Poxonae baxua paexaname barapara Jesús pabexubame. Bapon Jesús pon jiwi cana exanatsi xua jiwi ajʉntʉyapusʉya pejinompaewa. Bapon Jesús Nacom equeicha asʉ exana petʉpae cuiru coyene weya. Bara baxua yatsicaya pacui tan daxita.

Acts 4:10 in Cuiba

10 Daxota paxanbe paca jume notatsi xua irʉ israelmonaepiwi peyaputaenexa po coyene xua pon pejayujayujei jiton axaibi exanatsi poxonae pawʉn paeban Jesús pewʉn pon Nazaret tomarapin. Bapon Jesús, pon apara naetotha tʉparucua paexaname mataʉtano pon equeicha Nacom petʉpaein asʉ exana petʉpae cuiru coyene weya.

Acts 14:3 in Cuiba

3 Pablo Bernabeno barapo tomaratha ecabe. Ainya matacabi dapaein baraponbe ecabe baraxota. Nacom Pejume Diwesi jume daunweya cueicueijeibe Pecanamataxeinaein nexa. Baponbe Nacom cata pia peayapusʉwa peexanaenexabe pexeinya petsita itʉtsi coyenewan. Poxonae jiwi cui tane xua baponbe exanabe, barapo jiwi yaputane xua Nacom yawena baponbe, peantobexaetsibe.

Acts 19:11 in Cuiba

11 Nacom Pablo yawenatsi xua pexeinya petsita itʉtsi coyenewan exana Nacom pia peayapusʉwatha tatsi.

Romans 15:18 in Cuiba

18 Jopa yabara paebinyo xua Cristo exana ichamonae nexa. Saya meisa bichocono netsita xanepana pocotsiwa xua Cristo exana xan nexa. Cristo neyawena xua pomonae jopa judiomonae naexanaeyo pejume cowʉntsinexa Nacom. Barapomonae Nacom jume jejeichi poxonae jume tane pocotsiwa cueicueijan xuano xua tane pocotsiwan xua exananno.

1 Corinthians 12:4 in Cuiba

4 Jiwi itacʉpatsi xua daxita carepaya barompaya pexeinaewa ainya jʉntʉ cui coyenein pomonae pejume cowʉntsiwixae Nacom. Barapo jʉntʉ cui coyenein jopa nacui coyene jʉpaeyo. Bequein daxita jiwi xeina barapo coyenein daichitha bara saya compa pon pecatsixae apara bapon Nacom pia Pejumope tʉnaxʉ tatsi.

Ephesians 1:5 in Cuiba

5 Nacom pia wanaca antobewaxae caena bayatha naca yabara nanta cui yapu weta xua pia pexui tatsi wanaca cana exanaewa tsane. Baxua Nacom naca cana exana xua pocotsiwa Jesucristo pia wanacata exanaexae. Nacom ichichipa exana baxua petsita xanepanaexaetsi.

Ephesians 1:9 in Cuiba

9 Nacom bayatha exana pocotsiwa xua caena bayatha juntucuru exana. Nacom naca yaputane exana xua wayaputaewa pocotsiwa bapon moya yawʉn xeina xua jiwi jopa yabara yaputaeyo po coyene xua bapon ichichipa peexanaewa. Baxua xua pocotsiwa moya yawʉn xeina caena bayatha Nacom juntucuru nanta xeina xua Pexanto peitorobiwa tsane po cae pin nacuathe tsique pon pewʉn Jesucristo.

Ephesians 4:8 in Cuiba

8 Daxota Nacom Pejume Diwesitha jeye Cristo yabara: “Bapon athabe juinya tajʉ beicha. Poxonae athabe juinya barʉ juinya pomonae pia peaitafaetabi jiwichi petsita itapeinya xeinaenexa xua amanayaba barapo peaitafaetabi jiwichi. Mataʉtano bapon pia pejume cowʉntsiwichi catsiba po jʉntʉ cui coyenewantha xua barapomonae Nacom petsita exanaenexatsi”, jei Nacom Pejume Diwesitha.