Hebrews 11:31 in Cuiba

31 Bayatha yabʉyo powa Jericó tomarapiwayo Rahab yabara jume cowʉnta Nacom pon Israel pia pemomoxi susato jiwi tatsi pia Nacom tatsi. Daxota bapowa jopa barʉ tʉpaeyo piamonae xua pia tomarapiwixae poxonae tomarapiwi werapa jopa pejume cowʉntsixae Nacom pon Israel pia pemomoxi susato jiwi tatsi pia Nacom tatsi. Bapowa Rahab powa copiya bayatha pesi cui weiweinaewa pebiwitha. Poxonae Israel pia pemomoxi jiwanamonae namicha pata xua pecui amanayabiya taenexa Jericó tomaratha, bapoxonae barapowa Rahab matenta weyataeya waba, xua barapo israelmonae jiwanamonae wabatsi pia botha tatsi.

Other Translations

King James Version (KJV)

By faith the harlot Rahab perished not with them that believed not, when she had received the spies with peace.

American Standard Version (ASV)

By faith Rahab the harlot perished not with them that were disobedient, having received the spies with peace.

Bible in Basic English (BBE)

By faith Rahab, the loose woman, was not put to death with those who had gone against God's orders, because she had taken into her house in peace those sent to see the land.

Darby English Bible (DBY)

By faith Rahab the harlot did not perish along with the unbelieving, having received the spies in peace.

World English Bible (WEB)

By faith, Rahab the prostitute, didn't perish with those who were disobedient, having received the spies in peace.

Young's Literal Translation (YLT)

by faith Rahab the harlot did not perish with those who disbelieved, having received the spies with peace.

Cross Reference

Matthew 1:1 in Cuiba

1 Meje barapo diwese Jesucristo pia pamo susatopiwi tatsi yabara. Jesucristo pon Nacom itoroba itaboco wetsica xua jiwi pecapanenebiyaenexatsi. Bapon Abraham pia pemomoxi susato jiwanapin tatsi. Barapon Abraham pon bayatha caena tʉpa, pon copiya naebopa po cae pin nacuatha xua israelmonae pomonae judiomonaexae beya pinmonae tsoponae. Mataʉtano Jesucristo David pia pemomoxi susato jiwanapin tatsi. Barapon David pon bayatha caena tʉpa, pon caena bayatha Israel nacuapiwi itorobiya pia pepa peewatsinchi.

Matthew 1:5 in Cuiba

5 Bapon Salmón Booz paxa tatsi. Booz pena tatsi pewʉn Rahab. Bapon Booz Obed paxa tatsi. Obed pena tatsi pewʉn Rut. Bapon Obed Isaí paxa tatsi.

Hebrews 3:18 in Cuiba

18 Payabara nanta xeinare pomonae Nacom daunweya yabara paeba, xua jei: “Barapomonae bapana jopa patsi tsane tanacuatha ichaxota po nacuatheicha nafifinacaewatsina pomonae tana nejume cowʉntsiwi”, jei. Bapomonae apara israelmonae pomonae xua jopa exanaeyo pocotsiwa Nacom itoroba.

James 2:25 in Cuiba

25 Bara cana ichirʉ Nacom petsiriwatha powa nasi cui matacaeta pebiwitha, pia paratixichi, powa pewʉn Rahab, powa caena bayatha popona. Nacom tsita jʉntʉ coyene xanepanatsi barapowatha xua poxonae peyawenaexae icha pebinbetha ponbe peitorobinchibe xua poxonae peyantabinexabe tomara. Barapowa barapo pebinbe bʉpana etatsibe pia botha poxonae baponbe jeitompatsibe ichamonae. Bapoxonae pirapaeyo bapowa baponbe capanepatsibe icha namto iya xua tomara weya.

1 Peter 2:8 in Cuiba

8 Nacom Pejume Diwesitha equeicha jeye: “Barapo ibotiyotha jiton taxu aʉtabatsi. Mataʉtano barapo iboto, ichacuitha jiton xuirapopa exainchi”, jei Nacom Pejume Diwesi. Jiton ba xuirapopa poxoru jopa taeyo barapo iboto. Po iboto Nacom yabara paeba barapo iboto Jesucristo yabara jʉtsiya canaʉtapaebatsi. Jiwi jopa beta exanaeyo poxoru jopa jume cowʉntsiyo xua Nacom Pejume diwesitha Jesucristo yabara paebatsi. Caena bayatha Nacom pewʉnaeya yabara cui yaputane xua barapomonae peexanaewa tsane baxua.

1 Peter 3:20 in Cuiba

20 Caena bayatha barapomonae jopa jume cowʉntsiyo Nacom poxonae po mataqueitha Noé popona po irathe. Nacom beitatemaya ewateiba barapomonae, ainya dapaein xua pejume cowʉntsinexatsi poxonae xua cataunxuae Noé cobe naemata xua pin jera nae exana. Ichitha saya ocho poyobe jiwi panenebiya poxonae bichocono awʉbo xua butuxuba po cae pin nacue.