Galatians 5:10 in Cuiba 10 Jume cowʉntan Nacomtha pon jiwi Pecanamataxeinaein xua jopa painya neitapetsiwa tsane icha painya barompaya nenanta xeinaewa xua icha be jopa ichiyo pocotsiwa nanta xeinan. Icha ichʉn paca jʉntʉ coyene tsacaba xua paca itoroba xua abe painya neexanaewa tsane Nacom atene exanaena bapontha. Jopa Nacom tsita ainya cuiyotsi metha bequein pon jopa peainya cuiyo, mataʉtano metha bequein pon peainya cuin jiton, ichitha awiya atene cana exanaena.
Other Translations King James Version (KJV) I have confidence in you through the Lord, that ye will be none otherwise minded: but he that troubleth you shall bear his judgment, whosoever he be.
American Standard Version (ASV) I have confidence to you-ward in the Lord, that ye will be none otherwise minded: but he that troubleth you shall bear his judgment, whosoever he be.
Bible in Basic English (BBE) I am certain about you in the Lord, that you will be of no other mind; but he who is troubling you will have his punishment, whoever he is.
Darby English Bible (DBY) *I* have confidence as to you in [the] Lord, that ye will have no other mind; and he that is troubling you shall bear the guilt [of it], whosoever he may be.
World English Bible (WEB) I have confidence toward you in the Lord that you will think no other way. But he who troubles you will bear his judgment, whoever he is.
Young's Literal Translation (YLT) I have confidence in regard to you in the Lord, that ye will be none otherwise minded; and he who is troubling you shall bear the judgment, whoever he may be.
Cross Reference Acts 15:1 in Cuiba 1 Barapoxonae irʉ pebiwi, pomonae Judea nacuatha jinompa, pata Antioquía tomaratha. Barapomonae tamropata notarʉcʉpa xua pecuidubiwa pomonaetha pomonae irʉ pejume cowʉntsiwixae Jesús. Jeye: “Icha paichichipame xua painya nepaca capanenebiwa matha pana nawi thabare pebiwi pam ichaxota pana nareixacaename icha be ichi pocotsi coyeneya bayatha Moisés paca itoroba”, jei.
Acts 15:24 in Cuiba 24 Payaputan ichamonae xua patamonae pata tomara weya pipato paca siwa pona painya tomara beya. Paca cajume acaura. Barapomonae namchi: ‘Pana nawi thabare. Mataʉtano paexande pocotsiwa Moisés pia coyenewatha itoroba’, jei. Jopa paitorobinyo barapo jume.
1 Corinthians 5:5 in Cuiba 5 Pon xua awiya abe exanapona barapo jiton bara pacopare Satanastha pon caurimonae pia pentacaponaeintha tatsi. Bapoxonae barapo caurimonae pia pentacaponaein tatsi atene cana exanaena bapontha xua saya pia pepontha tatsi poxoru barapo jiton ichichipa xua abe peexanaewa. Bapoxonae barapo pebin equeicha jume cowʉntsina Nacom po pebin copiya abe peexanaexae. Pia pejumope tʉnaxʉ tatsi Nacom capanepaena po mataqueitha poxonae Jesús patopeicaena, pon jiwi Pecanamataxeinaein.
2 Corinthians 1:15 in Cuiba 15 Poxoru pana neyabara jʉntʉ coyene weiweiname daxota nanta xeinan xua tapaca siwa ponaewatsi tsainchi. Bapoxonae icha neitacʉpa equeicha bexa paca siwa ponaeinchi xua daxota ainya cuiyobetha paca siwa ponaeinchi tapaca cayawenaewa tsainchi.
2 Corinthians 2:3 in Cuiba 3 Daxota bayatha pacata tinatsi icha carta tsipei jopa bepaca siwa ponaetsi icha saya paca jʉntʉ coyene wecoyei exanatsi poxonae yabara paca muxuwetatsi pocotsiwa paexaname xua abe paexaname. Apara jame paxam pomonae bewa pana nejʉntʉ coyene weiweina exanaem. Xan nanta xeinan icha jʉntʉ coyene weiweinan paxam bara paichim tsane pajʉntʉ coyene weiweinaename.
2 Corinthians 2:6 in Cuiba 6 Pon yabara icha cartatha pacata tinatsi pon abe peexanaein, pebʉrʉya nanta jʉpaya paitawetame bapon xua pepatopaeyainwa painya nenacaetutsiwatha poxonae wʉnae pajaintame Nacom. Anoxuae bapon nacui baraxuba xua abe peexanaewa. Baraxua bara wʉnae. Painya xoba equeicha paitawetame bapon.
2 Corinthians 5:16 in Cuiba 16 Anoxuae jopa payabara nanta xeinaeinyo xua pata yaputaewa jiwi pia pejʉntʉ coyenein tatsi xua saya poxonae pacui tan poxonae po coyenein exana icha pomonae jopa pejume cowʉntsiwi ichi. Barapomonae nanta xeineiba xua jiwi pejʉntʉ coyene yaputaenexatsi xua saya poxonae cui tainchi xua exaneiba. Bequein copiya bayatha Cristo jopa wʉnaeya payabara nanta xeinaeinyo, ichitha anoxuae jopa baxua paraichinyo poxoru anoxuae bara xaniwaicha payaputan bapon.
2 Corinthians 7:16 in Cuiba 16 Maisa bichocono jʉntʉ coyene weiweinan xua tapaca yabara jume cowʉntsiwatsi xua daxita coyenewan painya neexanaewaxae po coyene xua wʉnae.
2 Corinthians 8:22 in Cuiba 22 Barichino ichʉnno paitoroban pon pejume cowʉntsindʉ xua baponbe Tito pepuna ponaenexa tsainchibe. Bapon pon cotacaya paitoroban, pajʉntʉ coyene jʉjʉtan pata yaputaenexa icha bara metha beta nacuita Nacom nexa. Bara bapon beta jume cowʉnta ducuanaebiya. Daxota bapon irʉ paitoroban. Bapon ichichipa nawita xua pia paca yawenaewa tsane pia paca yabara jume cowʉntsixae xua bara beta paexaname.
2 Corinthians 10:2 in Cuiba 2 Poxonae paca siwa ponaeinchi jopa paexanaeinde pocotsiwa xua daxota bewa paca tsipaebinchi pocotsi jumeintha xua daxota jume daunweya tapaca catsipaebiwa tsainchi. Ichamonae paxam jiwana pana neyabara paeba xua pinae abe paexanan poxonae paexanan pocotsiwa Nacom pana itoroba icha pocotsi jiwimonae ichi pomonae jopa pejume cowʉntsiwi. Bewa jume daunweya tsipaebin barapomonaetha xua baxua yabara xua taneyabara paebiwa.
2 Corinthians 10:6 in Cuiba 6 Paxan panacui wʉnaetan xua pata muxuwetsiwa pomonae jumefeba Nacom pomonae painyamonae jiwana pamxaem. Baxua paexanaein barapomonaetha poxonae paxam matha tsiwanaya xaniwaicha pajume jejam tsurubenanaebiyam tsane xua paexana dubenanaebiyame pocotsiwa Cristo ichichipa.
2 Corinthians 13:10 in Cuiba 10 Pewʉnaeya xua poxonae tapaca siwa ponaewa tsainchi, matha barapo carte pacata tinatsi. Daxota tinan xua jopa bewa paca tsipaebi tsainchi pocotsiwa pacata ayapube exanatsi poxonae paca siwa ponaeinchi. Bapoxonae jopa nantawenonaein tsane xua tapaca itorobiwa tsainchi xua taxeinaexae Nacom pia peitorobi coyenewa tatsi po peitorobi coyenewa Nacom necata. Nacom necata barapo peitorobi coyenewa xua painya nejʉntʉ coyene xanepana ponaenexa Nacomtha. Apara jopa baxua necatsiyo xua abe tapaca exanaenexatsi.
Galatians 1:7 in Cuiba 7 Bara xaniwaicha, xua icha pecapanenebiyae diwesi aibi. Pocotsiwa xua ichamonae paca cana exana baxua paca jʉntʉ coyene tsacaba xua painya nejume cowʉntsinexa icha diwesi, xua toxeinchiya painya nejume cowʉntsinexa Cristo pia pecapanenebiyae diwesi jume tatsi.
Galatians 2:4 in Cuiba 4 Ichamonae pomonae Cristo Jesús jopa xapain jume cowʉntsichi, barapomonae namicha pata poxonae pana nacaetutan. Barapomonae ichichipa xua Tito pewi thabiwatsi xua ichaxota pebiwi nareixacaena. Barapomonae namicha pata poxoru ichichipa yaputane xua icha paxan jopa paexanaeinyo pocotsiwa Moisés pia peitorobi coyenewatha itoroba xua anoxuae pata jume cowʉntsixae Cristo Jesús. Barapomonae ichichipa xua equeicha bewa paexanaein pocotsiwa Moisés pia peitorobi coyenewatha yabara itoroba xua penawi thabi coyene.
Galatians 2:6 in Cuiba 6 Jerusalén tomaratha tsipaeban pomonae pecanamataxeinaewi Nacom piamonae tatsi daxita pomonae pejume cowʉntsixaetsi Cristo. Nayabara paeban barapomonaetha pomonae Nacom piamonae tatsi pecanamataxeinaewichi po coyene Nacom Pejume Diwesi tsipaeban pomonaetha pomonae jopa judiomonae naexanaeyo. Ichitha barapo matacabitha barapomonae pomonae Nacom piamonae tatsi pecanamataxeinaewichi jopa neitorobiyo xua tamuxuna cueicueijeiwa xua icha diwesi xua Jesucristo yabara poxonae cueicueijei ducuanaebiyan po diwesi xua yabara paeban pomonaetha pomonae jopa judiomonae naexanaeyo. Jopa inta ainya cuiyo xua barapomonae bichocono peainya cui jiwi xua pecanamataxeinaewi xua nama xan jopa daichinyo, tsipei Nacom daxita tsitatsi xua xan irʉ barapomonae penajʉpae jiwi pan.
Galatians 3:1 in Cuiba 1 ¡Eta bichi tsobenae Galacia nacuapiwi! ¿Jintam pon mara pexeinaein paca barʉ xuajei xua jopa painya nejume cowʉntsiwa Nacom pia pejume xainyeiwa tatsi? Poxonae paca tsipaebatsi paca yaputane exainchi xua Jesucristo tsitʉpa jiwi naetotha xua jiwi tsitʉpatsi.
Galatians 4:11 in Cuiba 11 Tsipei cataunxuae baxua paexaname, daxota jʉntʉ coyene wecoyan, poxoru pocotsiwa xua paca cuidubatsi jopa paca yawenaeyo, tsipei paexanaponame pocotsiwa xua caena bayatha paexanaponame xua abe paexanaponame.
Galatians 4:17 in Cuiba 17 Po judiomonae jiwi pecuidubiwi barapomonae naemata wʉnaeya paca tsipaeba, ichitha peajʉntʉcoyenebe jiwi. Daxota barapomonae baxua pacata exana pia painya tana nepenticham pia bapoxonae xuya painya ichichipaetsi barapomonae.
Galatians 4:20 in Cuiba 20 ¡Maisa ichichipan bichocono xua tapaca barʉ ecaewatsi anoxuae xua tapaca tsipaebinexatsi icha jumetha, xua jume wʉnaeya tapaca tsipaebinexatsi! Tajʉ taecaexae xan jopa yaputaeinyo xua eta bichin xua tapaca yabara nanta xeinaewatsi xua tapaca yawenaenexatsi.
Galatians 5:12 in Cuiba 12 Pomonae xua paca jʉntʉ coyene cui tsacaba xua paca itoroba xua paca wi thaba barapomonae pin jumetha yabara janje: “Jame maisa bʉ moya bara pia coutha natobʉ jucaena xua daxota jopa ichamonae peitorobiwa tsainchi xua penawi thabiwa tsane”, jan.
Galatians 6:12 in Cuiba 12 Pomonae judiomonae xua paca itoroba xua painya nepaca wi thabiwa tsane, barapomonae saya baxua exana pia icha judiomonae wʉnae yabara nanta xeinaetsi barapomonaetha. Yawa barapomonae pomonae xua paca itoroba pomonae judiomonaexae naerabiya nanta xeinaeya jeye: “Poxonae Cristo Pejume Diwesi cueicueijeichi pomonaetha pomonae jopa judiomonae naexanaeyo, bara muxuna itorobatsi xua barapomonae bara bewa pebiwi wi thabinchi ichaxota nareixacaena. Bapo coyenewa icha waxainchi exanatsi baxua wamonae pomonae judiomonae jʉntʉ coyene weiweinaena. Bapoxonae barapomonae jopa nacata abe exanae tsane, bequein tsipaebatsi pomonaetha, pomonae jopa judiomonae naexanaeyo xua Cristo naca tsitʉpa naetotha”, jei xua naerabiya nanta xeina.
Galatians 6:17 in Cuiba 17 Anoxuae yawano xua bexa tsaneno jopa ichichipaeinyo xua ichʉn inta ayapube exanaena xua poxonae neyabara paeba xua po coyene pinae Nacom jopa neitorobiyo xua tacueicueijeiwa tsane bapon nexa. Tsita itapeinya xeinan xua Nacom xaniwaicha bara neitoroba tsipei ichamonae newan duba taperʉtotha tajume cowʉntsixae Jesús.
Philippians 3:15 in Cuiba 15 Daxita waxainchi, pomonaetsi xua bayatha beta yabara yaputaetaepoinchi wajume cowʉntsiwa Nacom, waxainchi bewa yabara nanta xeinaetsi po coyene xua waxainchi cataunxuae abʉ jopa xeinaetsi po jʉntʉ coyene xua yatsicaya xanepana xua daxota jopa abe exanaetsi. Daichitha icha paxam, icha coyeneya payabara nanta xeiname pocotsiwa xuaunxuae paca tsipaebatsi, bapoxonae Nacom yabara paca yaputane exanaena baxua.
2 Thessalonians 3:4 in Cuiba 4 Bara paca yabara jume cowʉntatsi xua bara bapon pon jiwi Pecanamataxeinaein paca yawena. Bapon paca yawenaena xua paexaname, xuano xua paexana dubenanaebiyaename pocotsiwan xua paca itorobatsi.
1 Timothy 1:20 in Cuiba 20 Barapocotsi coyene Himeneo exana irʉrʉ Alejandro exanarʉ. Baponbe caenaetanbe pon caurimonae pia pentacaponaeintha tatsi pon Satanás beya poxonae baraponbe nacuidubinabe xua jopa bewa abe yabara paebi tsanebe Nacomtha.
Philemon 1:21 in Cuiba 21 Daxota cata tinatsi tsipei yaputan xua jume jejam pocotsiwa caitorobatsi xuano xua equeicha nawita exanaename beyacaincha xua tacacui itorobiwatsi.
1 John 2:18 in Cuiba 18 Pomonae pexui pam, bara nama imoxoyo tsane po matacabi Nacom daxita weraweraca exanaena barapo cae pin nacua. Bayatha pajume taneme xua jei: “Imoxoyo patopaena pon Cristo pia peaitafaetabinchi”, jei. Ichitha bayatha pata pinmonae, pomonae Cristo pia peaitafaetabiwichi. Daxota yaputainchi xua bara nama imoxoyo tsane po mataqueitha Nacom weraweraca exanaena barapo cae pin nacue.