Galatians 3:11 in Cuiba

11 Yaputainchi beta, dapon ajibi pon pexeinaein xua po coyene pejʉntʉ coyene xanepanaewa, xua daxota Nacom tsitatsi xua jopa penatsicuentsiwa abe peexanaexae. Tsipei bequein ichichipa xua peexanaewa xua po coyene Moisés pia peitorobi coyenewatha itoroba, daichitha jopa itacʉpaetsi xua exana daxita xua Moisés itoroba. Ichitha Nacom Pejume Diwesitha jeye: “Pon xua Nacom jʉntʉ coyene xanepana exana pon pejume cowʉntsixaetsi, barapon bara ataya asʉ poponaena”, jei.

Other Translations

King James Version (KJV)

But that no man is justified by the law in the sight of God, it is evident: for, The just shall live by faith.

American Standard Version (ASV)

Now that no man is justified by the law before God, is evident: for, The righteous shall live by faith;

Bible in Basic English (BBE)

Now that no man gets righteousness by the law in the eyes of God, is clear; because, The upright will be living by faith.

Darby English Bible (DBY)

but that by law no one is justified with God [is] evident, because The just shall live on the principle of faith;

World English Bible (WEB)

Now that no man is justified by the law before God is evident, for, "The righteous will live by faith."

Young's Literal Translation (YLT)

and that in law no one is declared righteous with God, is evident, because `The righteous by faith shall live;'

Cross Reference

Romans 1:17 in Cuiba

17 Barapo diwesi naca yaputane exana xua Nacom naca cana jʉntʉ coyene xanepana exana bapontha, xua jopa watsita natsicuentsixae xua abe waexanaexae bapontha. Nacom baxua naca cana jʉntʉ coyene exana saya poxoru ʉ meisa wayabara jume cowʉntsixae pocotsiwa exanapaeba, bapon. Nacom Pejume Diwesitha jeye baxua yabara: “Pontha, pon Nacom jʉntʉ coyene xanepana exana pia peyabara jume cowʉntsinxaetsi pocotsiwa exanapaeba bapon ataya tsitecaeya poponaena”, jei Nacom Pejume Diwesitha.

Galatians 2:16 in Cuiba

16 Waxainchi yaputainchi xua bequein exanatsi pocotsiwa Moisés pia peitorobi coyenewatha itoroba, ichitha jopa jʉntʉ coyene xeicaetsi Nacomtha xua jopa Nacom watsita natsicuentsiwa tsane abe waexanaexae bapontha. Jiwi ba jʉntʉ coyene xeica poxonae Jesucristo jume cowʉntatsi. Waxainchi jʉntʉ coyene xeicatsi poxoru jume cowʉntatsi Jesucristo xua poxoru jopa wajume cowʉntsiya exanaexae pocotsiwa Moisés pia peitorobi coyenewatha itoroba. Dapon aibi pon pejʉntʉ coyene xeicaein xua pejume cowʉntsiya exanaexae pocotsiwa Moisés pia peitorobi coyenewatha itoroba.

Hebrews 10:38 in Cuiba

38 Pon bara netsita pejʉntʉ coyene xanepanaein, bapon bara ataya poponaena tana nejume cowʉnta ducuanaebiyaexae. Ichitha icha bapon equeicha caewa jopa nejume cowʉntsiyo jopa xanepanaya beyabara jʉntʉ coyene weiweinaeinyo, pocotsiwa bapon peexanaexae”, jei Nacom.

James 3:2 in Cuiba

2 Daxita waxainchi ichichipatsi nawita xua abe waexanaewa. Anoxuae payaputaema, icha ichʉn jopa abe exanaeyo xua poxonae paeba bapon jame penthʉthʉ yapu xanepanaein. Mataʉtano bapon itacʉpatsi xua najʉntʉ coyene itoroba daxita pia pepontha xua xanepanaya peexanaewa abe peexanaeyainwa.

1 John 1:8 in Cuiba

8 Icha jeichichi: “Jopa abe taexanaewa”, jeichichi, apara bara wacoutha namuxujainyabatsi pocotsiwa wapaebixae. Mataʉtano wajʉntʉ coyeneintha jopa xeinaetsi pexainyei coyenewa.

Revelation 5:9 in Cuiba

9 Barapomonae pena wei naxʉna, jeye: “Xam maisa pon bichocono nejʉntʉ coyene xanepanaein xua netsitsinaxubiwa barapo siete xoyobe xua catsataba barapo diboro. Tsipei bayatha pana netsitʉpame poxonae painta pentoma exaname pata naexanaenexa tsane Nacom piamonae tatsi. Yawano jiwana itapetame, pomonae tsicamonaexi xua daxita carepaya tsicamonaexitha xua necajume cowʉntsiwa tsane. Mataʉtano jiwana itapetame daxita i dapomonae, pomonae barompaya icha jume penatsipaebiwa. Mataʉtano daxita carepaya tomaranpiwi jiwana itapetame. Mataʉtano daxita carepaya nacuanpiwi jiwana itapetame.

Revelation 7:14 in Cuiba

14 Jume notan, janje: “¡Pon pentacaponaem, apara xam yaputaneme jame!” jan. Barapoxonae nejei: “Barapomonae apara pomonae werena pona ichaxota poxonae po mataqueitha jiwi bichocono atene exaneibatsi. Barapomonae abe pia peexanae coyenewan tatsi Nacom tajʉntemaina, tsipei barapomonae jume cowʉntatsi xua pon tsitʉpa barapomonae, pon ‘Cordero’ baraichichi. Barapomonae jʉntʉ coyene wʉnae exanatsi Nacom. Yawa pemainya paparuwa jume xatabatsi”, nejei pitirin.