Ephesians 4:26 in Cuiba

26 Icha paanaepaname jopa pacopatsinde xua painya jʉntʉ coyene paca itoroba xua anaya anaepanaya abe painya neexanaewa ichʉntha. Icha paanaepaname jopa abe paexanaeinde. Came jopa paanaepana dubenanaebiyaeinde xua beya quirei tsanaicha, saya jame bara caetotha pande.

Other Translations

King James Version (KJV)

Be ye angry, and sin not: let not the sun go down upon your wrath:

American Standard Version (ASV)

Be ye angry, and sin not: let not the sun go down upon your wrath:

Bible in Basic English (BBE)

Be angry without doing wrong; let not the sun go down on your wrath;

Darby English Bible (DBY)

Be angry, and do not sin; let not the sun set upon your wrath,

World English Bible (WEB)

"Be angry, and don't sin." Don't let the sun go down on your wrath,

Young's Literal Translation (YLT)

be angry and do not sin; let not the sun go down upon your wrath,

Cross Reference

Matthew 5:22 in Cuiba

22 Ichitha nama seicaya paca tsipaebatsi xua pon caseba ichʉntha ichamonae yabara paebina xua bapon natsicuenta xua abe peexanaexae. Irʉrʉ pon biatane ichʉntha ichamonae yabara paebina xua bapon natsicuenta xua abe peexanaexae. Pomonae pecanamata caitorobi bicheito bapon yabara paebinchi xua bapon natsicuenta tsipei bapon bichocono ʉnthʉthʉ anaepana. Mataʉtano irʉrʉ pon namchi xua ichʉn jeichichi: ‘Xam nabenecame’, jei pon, bapon xubinchi po nacua beya ichaxota isoto bapana jopa itacounayiyo.

Mark 3:5 in Cuiba

5 Nexata Jesús necota barapomonae. Anaya Jesús caseba barapomonae. Mataʉtano jʉntʉ coyene wecoyei, tsipei barapomonae jopa beyaputaeyo pocotsiwa bapon exana. Jesús barai pon pecobe mʉbinchi: —Nacobe doire, jei Jesús. Bapon nacobe doita. Bapoxonae bapon nainya cobe wʉnae tsanaya.

Mark 10:14 in Cuiba

14 Poxonae Jesús baxua jume tane, jopa ichipaeyo pocotsiwa pijimonae tatsi paeba, daxota anaya jeye: —Bara pacopabare pexui xua tana itata patsinexa. Jopa pexui paitawetsinde, tsipei Nacom pia peitorobi nacua tatsi saya meisa barapomonae nexa pomonae pejʉntʉ coyene xanepanaewi icha pexui ichi. Pexui pia cui xua tayapu xanepanatsi xua pia jʉntʉ coyeneintha jume cowʉnta Nacom.

Romans 12:19 in Cuiba

19 Tamonae pam paxam pomonae tapaca caantobe jiwichi pam irʉ painya nejume cowʉntsi jiwixae Jesucristo. Paxam jopa bewa xuya panayantomateibim tsane poxonae ichamonae abe pacata exaneiba. Jame bara saya pacopare xua bara Nacom peyantomatsiwa exanaena pomonaetha pomonae abe pacata exana. Tsipei Nacom Pejume Diwesitha tatsi baxua yabara jeye: “Jame xan saya ba tacoyan xua jiwi atene exanan abe peexanaexae ichamonaetha. Xan peyantomatsiwa xuya exanaein pomonaetha pomonae paca abe exana jei pon Pecanamataxeinaein jiwi”, jei Nacom Pejume Diwesitha.

Ephesians 4:31 in Cuiba

31 Jopa paxeinaeinde painya jʉntʉ coyenein weya po coyenein xua ichamonae payabara jʉntʉ ajom xua came bichocono painya neyabara nanta xeinaexae xua ichamonae abe pia pacata exanaexae. Mataʉtano jopa paxeinaeinde po coyene xua jemeicha anaya paexaname. Mataʉtano jopa paxeinaeinde po coyene xua saya bichocono panthʉthʉ anaepaneibame. Mataʉtano jopa paxeinaeinde po coyene xua tsʉmʉ jume pabarʉ paebame ichamonae. Barichi jopa paxeinaeinde po coyene xua ichamonae pabiataneme. Mataʉtano daxita jopa paxeinaeinde po coyenein xua bichocono paaitafaetabim ichamonae.

James 1:19 in Cuiba

19 Tamonae pam pomonae bichocono tapaca caantobe jiwichi pam pacayabara nanta xeinare barapo diwesi xua jeye: Daxita paxam bewa pewʉnaeya pana najʉntʉ coyene wʉnaeteibim painya nenamnaewateibinexa Nacom Pejume Diwesi. Jopa bewa paxainxainyam xua painya cueicueijeinexa barapo diwese ichamonaetha poxonae cataunxuae jopa paexanaem pocotsiwa barapo diwesi itoroba. Yawa jopa bichocono anaepanaya pacueicueijande.