Colossians 1:16 in Cuiba

16 Nacom daxita forota barapo cae pin nacuathe poxonae Jesucristo saya paxa taexana. Yawa daxita forota itabocotha. Mataʉtano forotano xua jopa penatsita itapeinya xeinaewa, xuano xua penatsita itapeinya xeinaewa. Nacom exana daxita peitorobi coyenewan xua pomonae pentacaponaewi nexa. Ichamonae jiwi itoroba nawita, ichamonae be conotha itoroba jiwi, daichitha daxita barapo coyenein Nacom exana xua barapo peitorobi coyenein. Jesucristo penacui yaputaexae xua ichichipa daxota daxita forota yawa bapon nata exana.

Other Translations

King James Version (KJV)

For by him were all things created, that are in heaven, and that are in earth, visible and invisible, whether they be thrones, or dominions, or principalities, or powers: all things were created by him, and for him:

American Standard Version (ASV)

for in him were all things created, in the heavens and upon the earth, things visible and things invisible, whether thrones or dominions or principalities or powers; all things have been created through him, and unto him;

Bible in Basic English (BBE)

For by him all things were made, in heaven and on earth, things seen and things unseen, authorities, lords, rulers, and powers; all things were made by him and for him;

Darby English Bible (DBY)

because by him were created all things, the things in the heavens and the things upon the earth, the visible and the invisible, whether thrones, or lordships, or principalities, or authorities: all things have been created by him and for him.

World English Bible (WEB)

For by him were all things created, in the heavens and on the earth, things visible and things invisible, whether thrones or dominions or principalities or powers; all things have been created through him, and for him.

Young's Literal Translation (YLT)

because in him were the all things created, those in the heavens, and those upon the earth, those visible, and those invisible, whether thrones, whether lordships, whether principalities, whether authorities; all things through him, and for him, have been created,

Cross Reference

John 1:3 in Cuiba

3 Nacom cana exana xua Mesías daxita nacuan foforota. Dapocotsiwa aibi xua yaseicanaya xua pocotsiwa bapon jopa exanaeyo.

Romans 8:38 in Cuiba

38 Daxota bara yatsicaewa yaputan, xua dapocotsi coyene ajibi po coyenetha xua tsanayiya naca exana Nacom pia peantobe coyene weya tatsi. Jopa tsanayiya naca exanaeyo bara bequein poxonae tʉpaethatsi, yawa bara bequein poxonae jinompaethatsi. Irʉ matatsunpiwi jopa canaʉpaetsi xua tsanayiya wanaca cana exanaewa, bequein irʉ caurimonaerʉ, bequein irʉ pocotsiwan xua anoxuae exanaponarʉ, bequein irʉ xua pocotsiwan bexa tsanerʉ, bequein irʉ xua pocotsiwan wetsica patopaenano, bequein irʉ xua pocotsiwan ira wetsinano, bequein irʉ ichawano xua pocotsiwa Nacom forota. Bara bequein daxita barapo coyenein, ichitha jopa canaʉpaetsi xua tsanayiya pewanaca exanaewa Nacom pia wanaca antobe coyene weya tatsi. Nacom naca cata barapo peantobewa xua Cristo Jesús xeina, pon Wanacanamataxeinaein.

Romans 11:36 in Cuiba

36 Apara daxita coyenein Nacom forota. Nacom canamataxeina pia peayapusʉ itorobi coyenewatha daxitan pocotsiwan xua xuan exana. Daxitan bara piawa tatsi. ¡Barabʉ Nacom wʉnae jainteibatsi xua ataya tsaibi tsane! ¡Je, bara ichi tsane!

1 Corinthians 8:6 in Cuiba

6 Nama waxainchi yaputainchi xua compa popona Nacom, pon Waxa. Daxita coyenein Nacom pia xainya werena tapichipapoinchi, bara bequein daxita baxuan Cristo forota Waxa nexa. Mataʉtano Nacom naca cana exana pia watanacuichinexa bapon. Barichi meisa compa popona pon pepa jiwi Pecanamataxeinaein, bapon Jesucristo. Bapon Jesucristo daxita forota Nacom nexa. Waxainchi xeinatsi peajʉntʉcoyenesʉwa, po peajʉntʉcoyenesʉwa xua bapon naca cata.

Ephesians 1:10 in Cuiba

10 Caena bayatha Nacom cayabara nanta xeina pocotsiwa xua exanaena. Barapo coyene exanaena po coyene xua daxita caetutsina pocotsiwan Cristo pecanamataxeinaewa tsane picoya xua xuan peitabocotha piawan xuano xua xuan po irathe piawan. Baxuan exanaena poxonae jopaena barapo matacabi xua poxonae po mataqueitha Nacom ichichipa beexanaena baraxua.

Ephesians 1:20 in Cuiba

20 Barapo peayapusʉ itorobi coyenewa jʉpa po peayapusʉ itorobi coyenewatha Cristo asʉ exainchi petʉpae cuiru coyene weya xua Nacom exana. Barapo pia peayapusʉ itorobi coyenewatha Nacom Pexanto cuareta pia pecoxa weya xua peitabocotheicha xua Pexanto ainya cui cana exana.

Ephesians 3:9 in Cuiba

9 Mataʉtano Nacom neitoroba xua daxita jiwitha yabara yaputane taexanaewa tsane po coyene xua Nacom exanaena bexa tsane, po coyene Nacom moya yawʉn xeina. Barapo coyene Nacom pon daxita peforotsin, caena bayatha moya nayawʉn xeina xua jiwi jopa peyaputaewa tsane xua pocotsiwa bapon exanaena.

Ephesians 6:12 in Cuiba

12 Tsipei anoxuae jopa nabetsi xua pepa jiwitha. Jame apara anoxuae penabi coyene exanatsi pomonaetha pomonae peinya pejinompaewi xua caurimonaetha. Barapo caurimonae xeina pia peayapusʉwa yawa peitorobi coyene xua jiwi canamataxeinatsi barapo cae pin nacuathe tsique, pomonae abe peexanae jiwi. Mataʉtano jinompa barapo cae pin nacua matatsunthe.

Philippians 2:10 in Cuiba

10 Nacom barapo wʉn cata xua daxota daxita jiwi poxonae jume taena barapo wʉn pentabocotontha umenaena, xua Jesús wʉnae pejainchinexa tsainchi, pepa Pecanamataxeinaeinxae itabocopiwi, irʉrʉ po irathepiwi, irʉrʉ pomonae jinompa ira bʉxʉpana wetsina.

Colossians 1:15 in Cuiba

15 Nacom bapon peinya pepoponaein, pon jopa pataeinyo. Ichitha Jesucristo bapon paxa yatsi itapeinya xeina, pon yatsicaewa patan. Caena bayatha poxonae aena bapon Jesucristo popona xua pewʉnaeya poxonae Nacom daxita forota barapo cae pin nacuathe.

Colossians 1:20 in Cuiba

20 Daxita pomonae jinompa po cae pin nacuathe ita coxanatsi Nacomtha. Irʉrʉ pomonae jinompa athabeicha ita coxanatsi Nacomtha. Daxota Nacom Pexanto itoroba xua petsitʉpaenexa naetotha pomonae po cae pin nacuathepiwi, irʉrʉ pomonae athabeicha jinompa nexa, xua bapoxonae Nacom peita coxonaewa tsainchi yawa petsita najʉntʉ coyene xanepana exanaewa tsainchi.

Colossians 2:10 in Cuiba

10 Apara Cristo piamonae tatsi pam. Cristo, bapon compa yatsicaya Pecanamataxeinaein cana exanatsi xua daxita canamataxeinatsi pomonae itabocotha peitorobiwi pia peayapusʉwatha. Poxonae Cristo panantaʉtame, jopa ichauyo pacata seicaeyo xua paxeiname xua pocotsiwa Cristo jʉntema popona paca exana.

Colossians 2:15 in Cuiba

15 Poxonae Cristo naetotha tʉpa, Cristo pecui pawi cana exana po pentacaponaewi xua abe peexanaewi xua barapomonae peamanayabixaetsi. Daxota barapomonae jopa xeinaeyo peitorobi coyene xua peayapusʉ coyene. Pin bicheito itabaratha Cristo aura exana pentacaponaewi. Anoxuae Cristo pentacaponaein exanatsi xua daxita barapo jiwi pecanamataxeinaenexatsi.

Hebrews 1:2 in Cuiba

2 Ichitha nama anoxuae matapainya barapo matacabinthe po matacabin opi dubena Nacom itorobica Pexanto wanacata cueicueijeinexa, yawa wayabara yaputaenexa Nacom. Barapon Nacom Pexantoxae tatsi caena bayatha barapo nacue forota. Mataʉtano Nacom Pexanto caena barapoxonae cana exana xua Pexanto tatsi pecanamataxeinaenexa daxita coyeneintha.

Hebrews 1:10 in Cuiba

10 Equeicha Nacom Pexantotha jei: “Xam pon pepa Necanamataxeinaem jiwi, caena bayatha forotame barapo cae pin nacua poxonae aena. Jinya coya exaname peitaboco.

Hebrews 2:10 in Cuiba

10 Nacom forota daxita coyenein. Mataʉtano daxita baxuan Nacom nata exana. Mataʉtano Nacom ichichipa xua daxita piamonae tatsi pexeinaewa tsane pia pexeinya peitʉpanae coicha tatsi peponaenexa tsane pia nacuatheicha tatsi. Daxota Nacom tsita xanepanatsi xua poxonae Jesucristo atene exanatsi beta yatsicaewa pejʉntʉ coyene wʉnaetsinexatsi xua jiwi pecanamataxeinaenexatsi Nacom pia nacuatheicha. Baxua Nacom exana poxonae Jesucristo atene exanatsi poxonae tsitʉpa xua jiwi pecapanenebiyaenexatsi abe pia peexanae cuiru coyenein weya tatsi.

Hebrews 3:3 in Cuiba

3 Jesús pecapanepaexae jiwi bewa bichocono toxeincha barʉ cui itara jinaetsi bapon beyacaincha xua barʉ cui itara jinatsi Moisés. Barapocotsi jʉta coyeneya ichi, bewa Jesús cana exanaetsi icha be poxonae jiton ichi xua bewa barʉ cui itura jinaeinchi xua ainya cui exanatsi peacabixae bo beyacaincha xua bo xua ainya cui tsuncuae.

1 Peter 3:22 in Cuiba

22 Jesucristo peitaboco beicha pona. Bapon Jesucristo eca Nacomtha, xua Nacom pia pecoxa weya tatsi. Matatsunpiwi, irʉrʉ pomonae itoroba itabocotha barapomonae exana pocotsiwa Jesucristo itoroba.

Revelation 5:13 in Cuiba

13 Yawano equeicha jume tan daxita pomonae caena bayatha Nacom forota: pomonae peitabocotha forotatsi, irʉno pomonae po cae pin nacuathe forotatsi, irʉno pomonae po ire peʉma wetsina forotatsi. Yawano jume tan xua pocotsiwan pin mene mar mentha jinompa. Daxita baxuan carepaya Nacom forota. Jume tan xua jeye: “Xam Nacom, pon ecame jinya pexeinya neecaethopeibiwatha irʉno xam Corderom, barabʉ ataya jʉntʉ coyene weiweina paca exanaenabe xua jiwi jʉntʉ coyene weiweina paca exanaenabe xua pocotsiwa painya neexanaexaebe. Barabʉ daxita jiwi paca barʉ cui itura jineibinabe. Yawano barabʉ daxita jiwi wʉnae paca jainteibinabe. Yawano barabʉ paxeineibinamebe peayapusʉwa xua daunweya painya neexaneibiwabe. Daxita barapo coyenein ataya tsitecaeya paxeineibinamebe”, jei daxita barapomonae, pomonae Nacom forota.