Colossians 1:11 in Cuiba

11 Timoteo irʉ xanno Nacomtha patsipaebeibanbe xua Nacom pia paca catsinexa tsane pia peitʉpanaewa xua peayapusʉwa, icha Nacom ichi xua xeina barapo peitʉpanaewa xua peayapusʉwa. Barapo peayapusʉwa paca yawena xua pajumefebame xua poxonae ichamonae paca itoroba xua abe painya neexanaewa. Yawa paca yawena xua jʉntʉ coyene weiweinaya paexaname xua jopa paaitaconaem, xua poxonae bequein ichamonae abe pacata exana.

Other Translations

King James Version (KJV)

Strengthened with all might, according to his glorious power, unto all patience and longsuffering with joyfulness;

American Standard Version (ASV)

strengthened with all power, according to the might of his glory, unto all patience and longsuffering with joy;

Bible in Basic English (BBE)

Full of strength in the measure of the great power of his glory, so that you may undergo all troubles with joy;

Darby English Bible (DBY)

strengthened with all power according to the might of his glory unto all endurance and longsuffering with joy;

World English Bible (WEB)

strengthened with all power, according to the might of his glory, for all endurance and perseverance with joy;

Young's Literal Translation (YLT)

in all might being made mighty according to the power of His glory, to all endurance and long-suffering with joy.

Cross Reference

Acts 1:8 in Cuiba

8 Poxonae Nacom pia Pejumope tʉnaxʉ tatsi pacata patsina painya nepaca barʉ poponaenexa xua bapoxonae peayapusʉwa painya nexeinaenexa. Tajume diwesi painta papaebiname Jerusalén tomaratha, Judea nacuathano, Samaria nacuathano, daxita carepaya tajʉ nacuantha, jei Jesús.

Acts 5:41 in Cuiba

41 Jesús pia peitorobi jiwi tatsi pentacaitorobi bicheito weya pona. Barapomonae jʉntʉ coyene weiweina tsipei peraxa exanatsi ichamonae, Jesús pijimonaexae xua baxua saya Nacom pecopatsixae.

Romans 2:7 in Cuiba

7 Ichamonae Nacom peajʉntʉyapusʉ coyenewa catsibina pomonaetha pomonae jopa aitaconaeya exana dubenanaebiyaeyo pocotsiwa Nacom ichichipa. Barapomonae ichichipa nawita xua po coyene Nacom petsita xanepanaewa tsainchi. Mataʉtano barapomonae ichichipa nawita pia pebarʉ cui itura jinaewa Nacomtha. Mataʉtano barapomonae ichichipa nawita xua pia xeinaetsi peajʉntʉyapusʉ coyenewa po peajʉntʉyapusʉ coyenewa ataya tsiteca.

Romans 5:3 in Cuiba

3 Jopa meisa baxua nexiyo, jame yawa jʉntʉ coyene weiweineibatsi poxonae ichamonae naca atene exaneiba. Tsipei waxainchi yaputainchi xua wanaca jʉntʉ coyene ayapusʉ exanaewa xua daxota jopa waaitaconaewa poxonae bequein ichamonae naca atene exana.

2 Corinthians 4:7 in Cuiba

7 Paxeinan pata jʉntʉ coyeneintha peyaputae coyenewa po peyaputae coyenewa pana cana exana xua pata yabara yaputaewa Nacom pia pexeinya peitʉpanae coicha. Pata pepon saya bichoina weraweraca icha juruwato ichi xua bichoina weraweraca. Pata xeinaexae Nacom pia peyaputae coyenewa, daxota ichamonae patsita itapeinya xeinan xua peayapusʉ itorobi coyenewa paxeinan xua Nacom pana cata. Daxota apara Nacom piawa, jopa apara patawiyo.

2 Corinthians 6:4 in Cuiba

4 Jame apara daxita beta paexana dubenanaebiyan jiwi pata tsita itapeinya xeinaewa xua apara jiwi pata taneyaputaenexa xua Nacom patanacuitan. Baxua paexanan poxonae awiya saya jʉntema pajinompan poxonae bequein ichamonae atene pana exana, xuano bequein painta seica pocotsiwa panantawenonan, xuano bequein poxonae bichocono painta yapu daunwei tsaibi poxonae paexaneiban.

2 Corinthians 12:9 in Cuiba

9 Ichitha Nacom netsipaeba, jeye: “Jume, jopa caaxaibi exanaetsi. Jame cata itorobatsi Tajumope tʉnaxʉ jinya necayawenaenexa daxita tacaantobetsixaetsi. Saya meisa baxua nantawenoname. Po jiton ba axaibiya popona bara itacʉpatsi xua daxita pia coutha peexanaewa. Jopa ba canantawenonaeyo taayapusʉ coyenewa. Ichitha nama pon ba taayapubetsi xua pia coutha beta peexanaewa bapon jame canantawenona taayapusʉ coyenewa. Bara bapon yawenan”, jei Nacom. Daxota ichichipan poxonae inta ayapube tsaibi xua jopa tana neitacʉpaewa xua daxita beta taexanaewa tacoutha. Bapoxonae jiwi tanetaenexa xua bara Cristo neyawena pia peayapusʉ coyenewatha.

Ephesians 3:16 in Cuiba

16 Nacomtha pacata wʉcatsi. Tsipei Nacom pexeinaexae peitaboco beicha pocotsiwa jopa juniyiyo xua bichocono wʉnae daxota jan: “Nacom care Efeso tomarapiwi xua bichocono jinya neayapusʉ itorobi coyenewa. Barapomonae nejumopetha jʉntʉ coyene daunweya jinompa exande.

Ephesians 4:2 in Cuiba

2 Ita ururanaya pajinompeibare xua jopa painya neatsacaewa tsane. Mataʉtano jume xanepanaya nantiya pana natsipaebeibare xua jopa paantʉtsaxande. Mataʉtano saya jopa paaitaconaeinde xua daxota jʉntema painompaename poxonae bequein ichamonae abe pacata exana. Mataʉtano patsita itapeinya xeinare xua nantiya pana nacui yabara antobem pocotsiwa bequein jopa pana nacui coyene jʉpaem.

Ephesians 6:10 in Cuiba

10 Tamonae pam, anoxuae wetan pocotsiwa xua tapaca tsipaebiwatsi. Ajʉntʉsʉya pajinompare pon Pecanamataxeinaein jiwi pia peayapusʉ itorobi coyenewatha tatsi caemonae painya nenaexanaexae bapontha.

Philippians 4:13 in Cuiba

13 Neitacʉpa xua daxita taexanaewa tsipei Cristo necata pia peantʉyapusʉwa.

1 Thessalonians 3:3 in Cuiba

3 Bapoxonae dapon aibi tsane paxam jiwana pon ajʉntʉcoyenefaetabiya jume cowʉnta xua ichamonae abe peexanaexae bapontha. Paxam bayatha payaputaneme xua daxota bewa ichamonae atene naca exanaena wajume cowʉntsixae Jesucristo.

2 Timothy 2:1 in Cuiba

1 Xam Timoteom, be taxantom catsicotainchi. Najʉntʉ coyene cui tsacabare xua nenanta xeinaenexa xua Nacom amanayiya jinya necayawenaewa tsane pia necaantobexae. Nacom baxua cata exana caemonae pebʉrʉya jinya nenaexanaexae Cristo Jesustha.

Hebrews 10:34 in Cuiba

34 Paxam painya antobexae pacayabara nanta xeiname pomonae jiwi pecʉbi botha jebatsi xua painya neyawenaenexa. Bequein bara ichamonae daunweya pacata nota xua xuan daxita paxeiname, daichitha awiya cataunxuae pajʉntʉ coyene weiweiname. Bara payaputaneme xua paxeiname itabocotheicha pocotsiwa bichocono yatsicaewa wʉnae beyacaincha pocotsiwa po cae pin nacuathe paxeiname. Baxua xua pocotsiwa paxeiname itabocotheicha ataya tsitecaeya paxeinaename baxua.

Hebrews 11:34 in Cuiba

34 Mataʉtano ichamonae pejume cowʉntsixae, daxota Nacom yawena barapomonae poxonae Nacom itaxutaba exana po isoto bichocono pin isoto xua barapomonae po isototha tautatsi. Barichi ichamonae pejume cowʉntsixae daxota Nacom capanenebiya tsaibi barapomonae poxonae muxu pejutebeibichi peopi sojeiwantha xua be cusi. Mataʉtano pomonae faefaena, equeicha Nacom daunwei exana. Daxota barapomonae daunwei poxonae naba. Ichamonae Nacom peyawenaexae amanayaba pia peaitafaetabi jiwichi xua ainya soldadomonaein bicheitontha.

Hebrews 12:1 in Cuiba

1 Pomonae xuaunxuae yabara pacata tinatsi barapomonae bichocono pin bicheitomonae, pomonae pejume cowʉntsiwi po coyene xua Nacom yawenapaeba. Barapomonae naca tsita itapeinya xeina xua awiya xanepanaya jume cowʉnta dubenanaebiya bequein atene exanatsi ichamonae. Baxua naca cuiduba xua irʉ bewa xanepanaya jume cowʉnta dubenanaebiyaeinchi bequein naca atene exana ichamonae. Barabʉ waxainchi daxita nacui barapentinchi abe waexanae cuiru coyenein pocotsi coyenein xua jopa naca yawenaeyo xua Nacom beta wataexanaewatsi. Barabʉ waxainchi beitatemaya ajʉntʉsʉya awiya exanapoinchi pocotsiwa Nacom naca cui itoroba.

James 1:2 in Cuiba

2 Tamonae pam pomonae irʉ painya nejume cowʉntsi jiwi pam Cristo, bewa jʉntʉ coyene weiweinaya pajinompaem poxonae bequein pacata ayapube tsaibi tsane ichauxi.

James 5:7 in Cuiba

7 Tamonae pam pomonae irʉ Jesucristo painya nejume cowʉntsixae. Beitatemaya pawʉnae eware pon jiwi Pecanamataxeinaein, pon Cristo. Jopa paaitaconaeinde poxonae pawʉnae ewatame xua poxonae bequein ichamonae abe pacata exana. Barapo coyene baxua bara paichinde, icha pon pabi pexeinaein ichi poxonae beitatemaya ewata xua naweta xua naxainwaeta. Bapon jopa aitaconaeyo poxonae beitatemaya ewata xua ema taatsanaeinchi pia pabi.

Revelation 14:12 in Cuiba

12 Pomonae exana dubenanaebiya po coyene Nacom itoroba pia peitorobi coyenewantha, yawano xua Jesús beta jume cowʉnta dubenanaebiyatsi, barapomonae apara xaniwaicha Nacom piamonae tatsi. Barapomonae tsita itapeinya xeina xua Nacom piamonaetsi tsipei barapomonae bepijawa jopa aitaconaeyo xua peewatsiwa pocotsiwa bexa Nacom exanaena pomonaetha, pomonae abe exana Nacom piamonaetha tatsi.