Acts 20:30 in Cuiba

30 Barichi painya jiwi jiwanamonae ajumebeya cuidubina xua jopa xainyeyo. Barapomonae cuidubina penaerabi diwesi, xua pomonae Jesús pejume cowʉntsiwichi pejume cowʉntsinexa barapo penaerabi diwesi.

Other Translations

King James Version (KJV)

Also of your own selves shall men arise, speaking perverse things, to draw away disciples after them.

American Standard Version (ASV)

and from among your own selves shall men arise, speaking perverse things, to draw away the disciples after them.

Bible in Basic English (BBE)

And from among yourselves will come men who will give wrong teaching, turning away the disciples after them.

Darby English Bible (DBY)

and from among your own selves shall rise up men speaking perverted things to draw away the disciples after them.

World English Bible (WEB)

Men will arise from among your own selves, speaking perverse things, to draw away the disciples after them.

Young's Literal Translation (YLT)

and of your own selves there shall arise men, speaking perverse things, to draw away the disciples after them.

Cross Reference

Matthew 23:15 in Cuiba

15 “¡Paxam pomonae Moisés pia peitorobi coyene tatsi painya necuidubiwi jiwi pam tsobenaem! ¡Paxam irʉ pomonae fariseomonae pam tsobenaem! Daxita paxam itara mexeya xanepanaya pepaebi jiwi pam, daichitha apara abeya peexanae jiwi pam. Paxam tajʉ beya paponame daxita carepayan beya, xua painya cana exanaenexa ichʉntha xua bapon pejume cowʉntsiwa tsane painya necuidubi coyenewan xua bapoxonae bapon be judiomonaepin penaexanaewa tsane. Bapon pacana exaname, xua bapon bichocono equeicha mataropeicha abe peexanaein. Daxota bapon bewa xubinchi ichaxota po nacuatha isoto jopa itacounayiyo, icha paca cana ichi tsane poxonae paca bebai tsane barapo nacuatha.

Matthew 26:21 in Cuiba

21 Poxonae Jesús pijimonae barʉ xunaeca bapoxonae barai pijimonae, jeye: —Bara xaniyan paca tsipaebatsi caein pon paxam jiwana pam, bapon necaenaetaxubina ichamonaetha xua tana nebexubiwa tsane ichamonae, jei.

Acts 5:36 in Cuiba

36 Metha bara pajʉntemainame poxonae matha bapon Teudas poxonae pia coya pentacaponaein naexana, nayabara paeba xua pinae bichocono peainya cui jiton. Cuatrocientos pebiwimonae matabʉxʉbe puna jinompatsi bapon. Ichitha poxonae Teudas bexotsi ichamonae, bapoxonae pijimonae tatsi dʉcʉpa, poxonae daxita yotabatsi. Saya xua Teudas exana baxua pecui pawi.

Acts 11:26 in Cuiba

26 Poxonae Saulo caxinatsi baxota, Antioquía tomara bebarʉ warapiyatsi Saulo. Baraponbe cae wei naecabe baxota, cuidubabe pin bicheito xua Jesús pejume diwesi. Baraxota jiwi matha Jesús pijimonae tatsi wʉn dutatsi xua Antioquía tomarapiwi wʉn duta xua jeye: “Cristobarʉmonae”, jeichichi barapomonae pomonae Jesús pijimonae tatsi.

Acts 21:38 in Cuiba

38 ¿Xam barapo jitomda egipcio nacuapimda, pon nacaetuteiba exaneiba pijimonae xua ichamonae pejutebeibinexa tsainchi? ¿Xam barapomonae pia pentacaponaem tatsi, pon xua matacaponaponame cuatro mil jiwi ichaxota ira xuepana susato tsurucuae nacuatha? jei soldadomonae pia pepa pentacaponaein tatsi.

1 Corinthians 1:12 in Cuiba

12 Jume tan xua paxam jiwana xua barompaya tsanaya paeba, jeye: “Pablo yabara jume cowʉntan pocotsiwa cuiduba”, jei. Ichamonae jeye: “Apolos yabara jume cowʉntan pocotsiwa cuiduba”, jei. Ichamonae jeye: “Pedro yabara jume cowʉntan pocotsiwa cuiduba”, jei. Ichamonae jeye: “Cristo yabara jume cowʉntan pocotsiwa cuiduba”, jei.

Galatians 6:12 in Cuiba

12 Pomonae judiomonae xua paca itoroba xua painya nepaca wi thabiwa tsane, barapomonae saya baxua exana pia icha judiomonae wʉnae yabara nanta xeinaetsi barapomonaetha. Yawa barapomonae pomonae xua paca itoroba pomonae judiomonaexae naerabiya nanta xeinaeya jeye: “Poxonae Cristo Pejume Diwesi cueicueijeichi pomonaetha pomonae jopa judiomonae naexanaeyo, bara muxuna itorobatsi xua barapomonae bara bewa pebiwi wi thabinchi ichaxota nareixacaena. Bapo coyenewa icha waxainchi exanatsi baxua wamonae pomonae judiomonae jʉntʉ coyene weiweinaena. Bapoxonae barapomonae jopa nacata abe exanae tsane, bequein tsipaebatsi pomonaetha, pomonae jopa judiomonae naexanaeyo xua Cristo naca tsitʉpa naetotha”, jei xua naerabiya nanta xeina.

1 Timothy 5:13 in Cuiba

13 Mataʉtano barapowaxi fifina, jopa ichichipaeyo xua penacuichiwa daxota saya daxita bontha siwa poneiba, mataʉta saya cueicueijei tsurubenanaebiya xua ichamonae peyabara paebiwatsi pocotsiwa xua jopa xapain pexeinya diwesiyo. Mataʉtano barapowaxi fayacota dubenanaebiya ichamonaetha.

1 Timothy 6:5 in Cuiba

5 Po pebiwi jopa xanepanaya nanta xeinaeyo, barapo pebiwi najume matsontsonoba nawita. Barapomonae jopa yaputaeyo pocotsiwa pexainyei coyenewa. Bapomonae najei pia coutha: “Icha jan tsane: ‘Jume cowʉntan Jesucristo’, jan tsane bapoxonae xain copei nawita xeinaein”, najei barapomonae pia coutha.

2 Timothy 2:17 in Cuiba

17 Barapomonae abeya pia pecuidubi coyenewan tatsi tajʉ nayoyotapona, icha be ichi xua tsuweto xua bʉpana putsuna xua beya tajʉ putsuna pona. Barapocotsi coyene xua tajʉ nayoyotapona, exanabe pon pewʉn Himeneo irʉ pon pewʉn Fileto.

2 Timothy 4:3 in Cuiba

3 Tsipei jopaena matacabi poxonae po matacabitha jiwi jopa jume cowʉntsi tsane barapo pexainyei cuidubi jume. Barapomonae saya ʉ jeichina po pecuidubiwi saya cuiduba pocotsiwa xua jiwi ichichipa jume tane.

2 Peter 2:1 in Cuiba

1 Caena bayatha israelmonae jiwana jinompa pomonae naerabiya peitorobi jume diwesi pepaebiwi. Barichi painya xantha patsina pomonae naerabiya pecuidubi jiwi. Barapomonae cuidubina po diwesin xua paca weraweraca exanaena. Barapomonae nameicha nacuita xua naerabiya paca cuiduba. Pon jiwi pia Pecanamataxeinaeinchi pon Jesucristo, barapomonae itawetsinchi xua Jesucristo itawetsina, pon xua bayatha barapomonae tsitʉpatsi. Nacom nainya weraweraca exanaena barapomonae, abe peexanaexae.

2 Peter 2:18 in Cuiba

18 Barapomonae bichocono atsaca poxonae cueicueijei. Yawano barapomonae pia jume, barapo jume jopa jiwi yawenaetsi. Yawano barapomonae naemata jume wʉnaeya tsipaeba pomonaetha pomonae aena pejume cowʉntsi jiwi Jesucristo xua barapomonae irʉ abe peexanaenexa pocotsiwa bequein barapomonae aichaxaibi exana xua jiwi pia cui coyenewa tatsi xua pocotsiwa bayatha copiya exana xua abe.

1 John 2:19 in Cuiba

19 Barapomonae pomonae Cristo pia peaitafaetabiwichi copiya naca barʉ nacaetuta poxonae nacaetuteibatsi, ichitha anoxuae bara weya naca wepu pona. Icha xaniwaicha barapomonae waxainchi jiwana tsipaetsi metha awiya cataunxuae naca barʉ nacaetuta dubenanaebiyaetsipa. Barapomonae waxainya weya pona, xua daxota jiwi taena xua barapomonae bara jopa wamonae jiwiyo xua jopa pejume cowʉntsi jiwixae Cristo.

2 John 1:7 in Cuiba

7 Po cae pin nacuathe jiwi ayei jinompa, pomonae jiwi pemuxujainyabi jiwi. Barapomonae jeye: “Nacom jopa itorobiyo Pexanto barapo cae pin nacuathe, pon pewʉn Jesucristo xua pepa jiton naexana”, jei barapomonae. Pomonae xua bapocotsiwa paeba, bapomonae apara pomonae jiwi pemuxujainyabi jiwi yawa bapomonae Cristo abe peyabara paebiwichi.

Jude 1:4 in Cuiba

4 Bara barapocotsiwa paca tsipaebatsi, tsipei jiwi namichiya jinompa painya xantha pomonae pemuxujainyabiya cuidubi jiwi xua jopa pacui yaputaem pocotsiwa barapomonae exana. Caena bayatha barapomonae Nacom Pejume Diwesitha yabara tinatsi xua barapomonae pinae bewa atene tsane abe peexanaexae. Barapomonae peajʉntʉcoyenebe jiwi. Mataʉtano barapomonae jiwi muxujainyabiya cuidubatsi xua pinae Nacom amanayiya capanepa jiwi pia peantobexae. Nacom peantobexae jiwi, daxota pinae Nacom copata xua jiwi bara abe peexanaenexa. Barapomonae yabara jume itaweta, poxonae po jumetha ba jiwi jeye: “Jesucristo, bapon yatsicaya compa pon Wanacaitorobin xuano Wanacanamataxeinaein”, jei.

Revelation 2:6 in Cuiba

6 Daichitha cae coyenewa ichichipan xua paexaname. Jʉntʉ coyene weiweinan tsipei pananta xeiname icha ichin xua pocotsiwa nanta xeinan. Paxam paaichaxaibim pocotsiwa nicolaitamonae xua exana, pomonae bichocono abe peexanaewi. Xan irʉrʉ aichaxaibin xua pocotsiwa exana barapomonae.