Acts 2:43 in Cuiba

43 Jesucristo pia peitorobiwi tatsi, barapomonae pexeinya petsita itʉtsi coyenewan exana nawita Nacom pia peayapusʉwatha tatsi. Daxota pomonae jopa Jesucristo pejume cowʉntsiwichi, daxita barapomonae junuwa, Nacom cunuwatsi poxonae cui tane baxuan.

Other Translations

King James Version (KJV)

And fear came upon every soul: and many wonders and signs were done by the apostles.

American Standard Version (ASV)

And fear came upon every soul: and many wonders and signs were done through the apostles.

Bible in Basic English (BBE)

But fear came on every soul: and all sorts of wonders and signs were done by the Apostles.

Darby English Bible (DBY)

And fear was upon every soul, and many wonders and signs took place through the apostles' means.

World English Bible (WEB)

Fear came on every soul, and many wonders and signs were done through the apostles.

Young's Literal Translation (YLT)

And fear came on every soul, many wonders also and signs were being done through the apostles,

Cross Reference

Mark 16:17 in Cuiba

17 Pomonae neyabara jume cowʉntsina xua xan Nacom Pexanton tatsin muxuna exanaein xuaje pocotsiwe: Barapomonae taitawetsina ichamonae cauri poxonae tawʉntha wʉqueibina; mataʉtano barapomonae pena jumeintha cueicueijei tsane; icha barapomonae jomon notsina pecobetha, jopa barapomonae tʉpa exanae tsainchi jomon; mataʉtano icha barapomonae apaena po mera jiwi tʉpa exanatsi barapo mera jopa abe exanae tsainchi barapomonae; mataʉtano barapomonae itacʉpaeinchi xua jayabina pecobetha pomonae peatenewi, xua bapoxonae barapo peatenewi peaxaibinexa tsaibi tsane”, jei Jesús.

Luke 7:16 in Cuiba

16 Poxonae pin bicheito taerʉcʉpa baxua, barapo pin bicheito bichocono junuwa. Barapoxonae barapo pin bicheito Nacom wʉnae jaintatsi, barapomonae namchi: —Nacom peitorobi jume pepaebin, pon ainya cui, waxantha patopa. Nacom siwa pona peyawenaenexa pijimonae pomonae pia pejume cowʉntsiwichi, jei barapomonae.

Luke 8:37 in Cuiba

37 Poxonae daxita barapo Gerasa nacuapiwi jume tane baxua, daxita barapomonae Jesús itawetatsi xua pewarapaenexa bara weya xua Gerasa nacua weya, poxoru barapomonae junuwa bichocono. Daxota Jesús jeratha nontabiya bara warapano.

John 14:12 in Cuiba

12 Xaniyan paca tsipaebatsi, pon nejume cowʉnta, bapon irʉ exanaena pocotsiwa exanan. Mataʉtano equeicha ichawan mataropeicha exanaena pewʉnaewan beyacaincha xua pocotsiwa exanan. Tsipei xan ponaein Taxa beicha.

Acts 3:6 in Cuiba

6 Ichitha Pedro barai bapontha, jeye: —Canta jopa xeinaeinyo paratixi. Mataʉtano jopa xeinaeinyo pocotsiwa oro nain matawʉn. Meisa po coyenewa xua taxeinaewa baxua cacatinchi. Jesucristo, Nazaret tomarapin wʉntha cabaraichi, asiya uncuatabare yawa pondeno, jei Pedro.

Acts 4:33 in Cuiba

33 Jesús pia peitorobi jiwi tatsi ajumeyapusʉya yabara paeba pocotsiwa bayatha tane poxonae Jesucristo pon jiwi Pecanamataxeinaeinchi xua equeicha petʉpaein asʉ popona exanatsi. Mataʉtano yabara cueicueijei po coyene Nacom bichocono wʉnae exana daxita barapomonaetha peantobexaetsi.

Acts 5:11 in Cuiba

11 Daxita Jesús pejume cowʉntsi jiwi, ichamonaeno ʉnthʉthʉ nayotarʉcʉpa pejunuwixae poxonae baraxua jume tane.

Acts 5:15 in Cuiba

15 Jesús pia peitorobi jiwi tatsi wʉnae peexanaexae, Nacom pia peayapusʉwatha tatsi, daxota pomonae atene namtotha capoinchi. Ichamonae camatha bobena namtotha. Ichamonae weintha bobena. Barapomonae ichipa jayababatsi xua Pedro pejumope tatsi, xua barapomonae peaxaibi exanaenexa tsainchi.

Acts 9:34 in Cuiba

34 Pedro, Eneas baraichi: —Eneas, Jesucristo caaxaibi exana. Asiya uncuatabare. Jinya cama xaxainta xore, jei Pedro. Barapoxonae caena yacuinaya nantacotaxuba Eneas.

Acts 9:40 in Cuiba

40 Pedro pesato beitaweya daxita barapomonae. Pedro imoxoyo caquita eca pentabocototha. Nacomtha tsipaeba. Bapoxonae powa tʉpuncua Pedro pexainya benecoya, Pedro barai bapowa, jeye: —Tabita, asiya uncuatabare, jei Pedro. Bapoxonae powa tʉpuncua necotaxuba. Poxonae Pedro tainchi, bapoxonae nantacotecataba.