2 Thessalonians 3:6 in Cuiba 6 Patamonae pam, paca itorobatsi tsipei Jesucristo Wanacanamataxeinaein pana cata pia peitorobi coyenewa. Painya xoba imoxoyo pabarʉ jinompame peafaetabi jiwi pomonae aichaxaibi nacuita, xua pomonae irʉ pejume cowʉntsiwixae. Barapomonae jopa yabara jume cuiya exanaeyo po pecuidubi coyenein xua Jesucristo weya bayatha, xuano xuya barapomonaetha pacuiduban.
Other Translations King James Version (KJV) Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us.
American Standard Version (ASV) Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which they received of us.
Bible in Basic English (BBE) Now we give you orders, brothers, in the name of our Lord Jesus Christ, to keep away from all those whose behaviour is not well ordered and in harmony with the teaching which they had from us.
Darby English Bible (DBY) Now we enjoin you, brethren, in the name of our Lord Jesus Christ, that ye withdraw from every brother walking disorderly and not according to the instruction which he received from us.
World English Bible (WEB) Now we command you, brothers, in the name of our Lord Jesus Christ, that you withdraw yourselves from every brother who walks in rebellion, and not after the tradition which they received from us.
Young's Literal Translation (YLT) And we command you, brethren, in the name of our Lord Jesus Christ, to withdraw yourselves from every brother disorderly walking, and not after the deliverance that ye received from us,
Cross Reference Matthew 18:17 in Cuiba 17 Ichitha icha awiya bapon jopa cataunxuae paca jume cowʉntsiya jejeyo, bara nexata barapon pacaponde pomonaetha pomonae Nacom pejume cowʉntsiwichi, xua barapomonae bapon peyabara paebinexatsi. Icha bapon awiya cataunxuae jopa came jume cowʉntsiya jejeyo barapomonaetha barapoxonae barapomonae bewa yabara nanta xeinae xua bapon bara be pocotsi jiton pon jopa bapana pejume cowʉntsin Nacom. Ichacuitha bewa yabara nanta xeinae xua bapon bara be pocotsi jiton jiwana, pomonae peajʉntʉcoyenebewi, pomonae paratixi pentoma noteibiwi, po paratixi jiwi bewa catsibeibina pon romanomonae itorobiya pia pepa peewatsinchi nexa.
Romans 16:17 in Cuiba 17 Tamonae pam, paxam pomonae irʉ painya nejume cowʉntsiwixae Jesucristo. Paxam paca muxuwetatsi xua dota pam painya necui naitaewatsinexa pomonae xua tsana paca necaexanae jiwi xua ainya bicheitobe paca cana exana. Barapomonae pacata ayapube exana xua painya nejume cowʉntsiwa Cristo. Barapomonae catsawa yabara jume toxeinchiya exana xua Jesucristo pia pecuidubi coyenewa tatsi xua bayatha pocotsiwa pana nacuidubame. Maisa barapomonae tajʉ pajume cuitaya ponde.
1 Corinthians 5:4 in Cuiba 4 Poxonae panacaetutame daxita pam, pomonae painya nejume cowʉntsi jiwi Jesús, paca yabara nanta xeineibinchi icha be poxonae tapaca barʉ ecaewatsi yatsicaewa. Mataʉtano Jesús pon jiwi Pecanamataxeinaein pia peitorobiwa tatsi xua peayapusʉwa tatsi paxeina dubenanaebiyama.
1 Corinthians 5:11 in Cuiba 11 Pocotsiwa aunxuae paca tsipaebatsi baraxua icha cartatha bayatha pacata tinatsi. Jan: “Jopa bewa payawa muxuna jinompaem pomonae abe peexanae jiwi bequein paeba xua pinae jume cowʉnta Jesucristo. Barapomonae jopa bewa payawa muxuna jinompaem pomonae pesi cui weiweinae jiwi, irʉno pomonae jimʉn jiwi xua ichichipa copei xeinaewi naexana beyacaincha xua ichamonae irʉno pomonae ibo nacomʉn wʉnae pejainchiwi, irʉno pomonae nacʉpa penaexanaewi, irʉno pomonae jiwi pebiataewi, irʉno pomonae pecaibi jiwi daxita barapomonae jopa bewa pabarʉ xaem bequein paca wabitha tsipaeno xua painya nenanabanaewa tsane”, jan.
1 Corinthians 11:2 in Cuiba 2 Tamonae pam paca weyatainchi tsipei paneyabara nanta xeinaponame xua daxita coyeneyatha. Paxam paexana dubenanaebiyame pocotsiwa xua paca cuidubatsi.
2 Corinthians 2:10 in Cuiba 10 Icha paxam ichʉn pacui yabara jʉntemainame abe pia peexanae cuiru coyenein tatsi, barichin tsane irʉ bapon cui yabara jʉntemainaein abe pia peexanae cuiru coyenein tatsi. Tsipei icha ichʉn cui yabara jʉntemainan abe pia peexanae cuiru coyenein apara poxoru copiya painya necui yabara jʉntemainaexae abe pia peexanae cuiru coyenein tatsi. Baxua exanan Cristo tana neitorobixae. Baxua Cristo necui tane xua exanan.
Ephesians 4:17 in Cuiba 17 Anoxuae paca tsipaebatsi xua painya tapaca muxuwetsinexatsi, Cristo pon jiwi Pecanamataxeinaein taneitorobixae: Jopa bewa pajinompaem icha barapo cae pin nacuathepiwi ichi xua poxonae jinompa poxonae jopa Nacom yaputaetsi. Pocotsiwa xua barapomonae pia penanta xeinae coyenewan tatsi, jopa ainya cuiyo. Jopa pejʉntʉ coyene yawenaexaetsi barapo penanta xeinae coyenewantha.
Colossians 3:17 in Cuiba 17 Pocotsiwa paichichipame xua painya nepaebiwa tsane, moya papaebare pocotsi pepaebiwa ichichipa Jesús. Yawano pocotsiwa paichichipame xua painya neexanaewa tsane, moya paexande xua pocotsi peexanaewa ichichipa Jesús pon jiwi Pecanamataxeinaeinxae. Bapontha pajande: “Jesús inta Axatha jande: ‘Maisa jʉntʉ coyene weiweinan xua bapon yawename’, inta, jande”, pajande Jesustha.
1 Thessalonians 4:1 in Cuiba 1 Patamonae pam anoxuae jume daunweya paca jeichi, yawa paca itorobiya jeichi: “Tsipei Jesús pon jiwi Pecanamataxeinaein, pana necayawa popona daxota paca itorobatsi. Pocotsiwa paca cuidubatsi paxam bara paichinde. Bayatha paca cuidubatsi xua bewa equeicha mataropeichiya payajʉntʉ coyene jinompaem po jʉntʉ coyene xua Nacom tsita xanepanatsi. Mataʉtano anoxuae equeicha matowa paexanaponde barapo coyenein, po coyenein xua anoxuae paexanaponame”, paca jeichi.
1 Thessalonians 4:11 in Cuiba 11 Bichocono paichichipare xua painya neexanaewa xua po coyene meje: Jʉntema parubenanaebiyama, xua jopa pana najume matsontsonoba dubenanaebiyam. Mataʉtano painya xoba patsipaebeibame ichamonaetha po coyenein barapomonae bewa exanae. Mataʉtano barompaya painya penacuichiwan pana natsiexana dubenanaebiyama icha be pocotsi coyeneya bayatha paca tsipaebatsi.
1 Thessalonians 5:14 in Cuiba 14 Patamonae pam, paca itorobatsi xua jume daunweya pamuxuwere pomonae afaetabi xua penacuichiwa. Pajʉntʉ coyene cui tsacabare pomonae jʉntʉ coyene junuwiya jinompa ichamonae atene peexanaexae barapomonaetha. Mataʉtano payawende pomonae jopa ajʉntʉcoyenesʉya jinompaeyo Nacomtha. Bewayo payawende barapomonae xua jopa painya neaitaconaewam.
2 Thessalonians 2:15 in Cuiba 15 Patamonae, daxota pajume cowʉnta dubenanaebiyama equeicha matowa. Painya xoba pajʉntemainame po pecuidubiwan xua ichamonae pana cuiduba xua xuya anoxuae yatsicaewa paca cuidubatsi, xua yawa cartano pacata tinatsi.
2 Thessalonians 3:7 in Cuiba 7 Paxam payaputaneme, xua bewa xanepanaya betiya pajinompaem, icha bayatha paichin. Poxonae paca barʉ jinompatsi jopa paacoyenefaetabinyo, apara panacuitan nawita.
2 Thessalonians 3:10 in Cuiba 10 Tsipei poxonae paca barʉ enatsi baxua yabara paca tsipaebatsi xua barapo peitorobiwe paca jeiche: “Pon jopa benacuichiyo bʉ jopa xae tsane”, paca jeiche.
2 Thessalonians 3:14 in Cuiba 14 Icha ichʉn painyamonae jiwana jiton jopa exanaeyo pocotsiwa paca tsipaebiya tinatsi barapo cartathe barapo pebin pacui naitaeware painya necui yaputaenexa. Barapo pebin jopa pabarʉ jinompaeinde, xain bapoxonae aura xua jopa peexanaexae xua barapo cartathe papaeban.
1 Timothy 5:21 in Cuiba 21 Caitorobatsi Nacom peitabaratha tatsi yawa Jesucristo peitabaratha tatsi. Mataʉtano caitorobatsi matatsunpiwi peitabaratha tatsi, po matatsunpiwi Nacom itapeta. Exanaponde barapo tacaitorobi coyenewantsi ichitha jopa xeinaeinde po jʉntʉ coyenewatha xua nanta xeiname xua caein pebin bichocono peainya cuin beyacaincha ichʉn. Icha barapocotsi jʉntʉ coyenewatha cayabara nanta xeinaeya exanaetsipame jopa xainyeya exanaetsipaem.
1 Timothy 6:5 in Cuiba 5 Po pebiwi jopa xanepanaya nanta xeinaeyo, barapo pebiwi najume matsontsonoba nawita. Barapomonae jopa yaputaeyo pocotsiwa pexainyei coyenewa. Bapomonae najei pia coutha: “Icha jan tsane: ‘Jume cowʉntan Jesucristo’, jan tsane bapoxonae xain copei nawita xeinaein”, najei barapomonae pia coutha.
1 Timothy 6:13 in Cuiba 13 Catsipaebatsi Nacom peitabaratha, pon pia peantʉyapusʉwa cata daxitan coyeneintha. Mataʉtano catsipaebatsi Jesucristo peitabaratha, pon beta jume nota, xua pon Poncio Pilato beta jume notatsi.
2 Timothy 3:5 in Cuiba 5 Bequein barapomonae xanepanaya exana dubenanaebiyaena icha be ichi xua poxonae pomonae xaniwaicha pejume cowʉntsiwi, daichitha barapomonae jopa xaniwaicha jume cowʉntsiyo xua icha jʉntʉ coyene pexeinaewa tsane. Jopa bewa bara pocotsimonae imoxoyo napuna ponaem xua barapomonae necuiyainwam.
2 Timothy 4:1 in Cuiba 1 Nacom peitabaratha tatsi yawa Cristo Jesús peitabaratha tatsi, baponbe peitabaratha tatsi caitorobatsi. Bapon Cristo Jesús patopaetsica be pon jiwi itorobiya pia pepa Peewatsinchi. Mataʉtano bapon yabara paebina jiwi xua penatsicuentsiwa xua abe peexanaexae, pomonae xua anoxuae cataunxuae asʉ jinompa, irʉno pomonae xua bayatha werapa.
Hebrews 12:15 in Cuiba 15 Dota pam xua ichamonae pomonae paxam jiwana pam pia xoba jopa ichipaeyo po coyenewa Nacom yawena barapomonaetha pia peantobewaxae. Mataʉtano barapo ichamonae pomonae painyamonae jiwanaxae pia xoba abe exana ichamonae peitʉtha tatsi xua daxota irʉ ichamonae pebarichinexa xua abe peexanaewa.
3 John 1:10 in Cuiba 10 Daxota icha ponaein nexainya beya, yabara catsipaebinchi bapon tsipei bapon catsawa neyabara paeba, peabe jumetha. Barapon jopa beta exanaeyo tsipei jopa wʉnae weyataeya wabeibiyo pomonaetha pomonae Jesucristo pejume cowʉntsiwichi. Irʉrʉ pomonae jiwi pententa weyataibiya wabeibiwi, baxuan cui matawentatsi, yawa bapon barapomonae itaweta pomonae Jesucristo pejume cowʉntsiwichi itawetatsi.