2 Thessalonians 3:15 in Cuiba

15 Ichitha jopa bapon pacana exanaeinde be pon painya nepaca caaitafaetabi jiton. Saya jame maisa pamuxuwere xua bapon maisa penacuichinexa. Mataʉta maisa bapon patsipaebare icha paichim poxonae patsipaebame pontha pon pejume cowʉntsin.

Other Translations

King James Version (KJV)

Yet count him not as an enemy, but admonish him as a brother.

American Standard Version (ASV)

And `yet' count him not as an enemy, but admonish him as a brother.

Bible in Basic English (BBE)

Have no feeling of hate for him, but take him in hand seriously as a brother.

Darby English Bible (DBY)

and do not esteem him as an enemy, but admonish [him] as a brother.

World English Bible (WEB)

Don't count him as an enemy, but admonish him as a brother.

Young's Literal Translation (YLT)

and as an enemy count `him' not, but admonish ye `him' as a brother;

Cross Reference

Matthew 18:15 in Cuiba

15 Equeicha Jesús barai pijimonae, jeye: “Icha ichʉn pon irʉ pejume cowʉntsindʉ, icha bapon pacata abe exana, bapon baxua yabara patsipaebare xua bapon peyaputaewa tsane xua deta cou abe exana. Icha barapon paca jume taeya jejei tsane pocotsiwa xua bapon abe exana bara bapoxonae paca itacoxonaena.

1 Corinthians 4:14 in Cuiba

14 Jopa baxua pacata tinaetsi xua paca aura exanatsi. Jame pacata tinatsi xua pata cayawenaenexatsi xua painya neexanaenexa pocotsiwa bewa paexanaename. Paxam be tapexui pam, tsipei bichocono paca antobetsi.

1 Corinthians 5:5 in Cuiba

5 Pon xua awiya abe exanapona barapo jiton bara pacopare Satanastha pon caurimonae pia pentacaponaeintha tatsi. Bapoxonae barapo caurimonae pia pentacaponaein tatsi atene cana exanaena bapontha xua saya pia pepontha tatsi poxoru barapo jiton ichichipa xua abe peexanaewa. Bapoxonae barapo pebin equeicha jume cowʉntsina Nacom po pebin copiya abe peexanaexae. Pia pejumope tʉnaxʉ tatsi Nacom capanepaena po mataqueitha poxonae Jesús patopeicaena, pon jiwi Pecanamataxeinaein.

2 Corinthians 2:6 in Cuiba

6 Pon yabara icha cartatha pacata tinatsi pon abe peexanaein, pebʉrʉya nanta jʉpaya paitawetame bapon xua pepatopaeyainwa painya nenacaetutsiwatha poxonae wʉnae pajaintame Nacom. Anoxuae bapon nacui baraxuba xua abe peexanaewa. Baraxua bara wʉnae. Painya xoba equeicha paitawetame bapon.

2 Corinthians 10:8 in Cuiba

8 Jopa auranyo xua pata coutha pata nayabara paebiwa baxua bequein pata coutha atsaquiya pana nayabara paeban xua janje baxue: “Apara Nacom pana cata pia peayapusʉ itorobi coyenewa xua pata paca cayawenaenexa tsainchi xua painya nejʉntʉ coyene xanepanaponaenexa. Apara jopa pana catsiyo barapo peayapusʉ itorobi coyenewa xua pata paca abe exanaewatsi tsainchi”, xua jan.

2 Corinthians 13:10 in Cuiba

10 Pewʉnaeya xua poxonae tapaca siwa ponaewa tsainchi, matha barapo carte pacata tinatsi. Daxota tinan xua jopa bewa paca tsipaebi tsainchi pocotsiwa pacata ayapube exanatsi poxonae paca siwa ponaeinchi. Bapoxonae jopa nantawenonaein tsane xua tapaca itorobiwa tsainchi xua taxeinaexae Nacom pia peitorobi coyenewa tatsi po peitorobi coyenewa Nacom necata. Nacom necata barapo peitorobi coyenewa xua painya nejʉntʉ coyene xanepana ponaenexa Nacomtha. Apara jopa baxua necatsiyo xua abe tapaca exanaenexatsi.

Galatians 6:1 in Cuiba

1 Tamonae pam, paxam pomonae irʉ painya nejume cowʉntsiwixae Jesucristo. Icha ichʉn pacui taneme xua abe exana, pon pejume cowʉntsin Jesucristo, bapon payawende xua equeicha beta peponaewa tsane Nacomtha. Payawende bapon paxam jiwana pomonae pam Nacom pia Pejumope tʉnaxʉ tatsi pajume cowʉntsiya jinompame. Jopa anaya bichocono pamuxuconaeinde xua abe peexanaexae. Ichitha dota pam, xua irʉrʉ paca jʉntʉ coyene cana exana xua abe painya neexanaewa tsane.

1 Thessalonians 5:14 in Cuiba

14 Patamonae pam, paca itorobatsi xua jume daunweya pamuxuwere pomonae afaetabi xua penacuichiwa. Pajʉntʉ coyene cui tsacabare pomonae jʉntʉ coyene junuwiya jinompa ichamonae atene peexanaexae barapomonaetha. Mataʉtano payawende pomonae jopa ajʉntʉcoyenesʉya jinompaeyo Nacomtha. Bewayo payawende barapomonae xua jopa painya neaitaconaewam.

Titus 3:10 in Cuiba

10 Icha ichʉn cana exana xua pomonae Nacom pejume cowʉntsiwichi, cana exanatsi xua barapomonae pomonae Nacom pejume cowʉntsiwi be pomonae jopa penayaitae jiwi penaexanaewa tsane xua penaita aenae-aeneiwa, bara bapon muxuwere. Icha equeicha jopa xapain exanaeyo equeicha muxuwere. Icha equeicha jopa beta exanaeyo bapoxonae bapon itawere painya xainya weya.

James 5:19 in Cuiba

19 Tamonae pam metha ichʉn pon paxam jiwana abe exanapona bequein yaputane xua bewa exanaena pocotsiwa pexainyeiwan. Icha ichʉn yawena bapontha xua equeicha caewa beta peexanaewa tsane bapon, pon yawena, bara beta exana.

Jude 1:22 in Cuiba

22 Ichamonae pomonae yabara ainya muxu pexeinaewi pemuxujainyabi diwesi barapomonae payabara nantanuweya yawende painya neantobexae xua jopa pejume cowʉntsinexa barapo pemuxujainyabi diwesi.