1 Timothy 6:4 in Cuiba 4 Pon ba bara pocotsi coyeneya exana bara apara pon jiwi peaebin xua peyaputaeinxae. Bapon apara ichitha jopa peyaputaein. Bapon naemata yainyaba nawita ichamonaetha pia xua jiwi penajume matsontsonobinexa bapontha. Daxota barapomonae nantiya nauwa. Mataʉtano barapo jiwi nantiya naba. Mataʉtano barapo jiwi nantiya abeya nayabara paeba. Mataʉtano nantiya abeya nayabara nanta xeina.
Other Translations King James Version (KJV) He is proud, knowing nothing, but doting about questions and strifes of words, whereof cometh envy, strife, railings, evil surmisings,
American Standard Version (ASV) he is puffed up, knowing nothing, but doting about questionings and disputes of words, whereof cometh envy, strife, railings, evil surmisings,
Bible in Basic English (BBE) He has an over-high opinion of himself; being without knowledge, having only an unhealthy love of questionings and wars of words, from which come envy, fighting, cruel words, evil thoughts,
Darby English Bible (DBY) he is puffed up, knowing nothing, but sick about questions and disputes of words, out of which arise envy, strife, injurious words, evil suspicions,
World English Bible (WEB) he is conceited, knowing nothing, but obsessed with arguments, disputes, and word battles, from which come envy, strife, reviling, evil suspicions,
Young's Literal Translation (YLT) he is proud, knowing nothing, but doting about questions and word-striving, out of which doth come envy, strife, evil-speakings, evil-surmisings,
Cross Reference Acts 8:9 in Cuiba 9 Barapo Samaria tomaratha popona pon pentawʉn Simón. Bapon Simón mara pexeinaein. Mataʉtano bapon barapo Samaria tomarapiwi muxujainyabeibatsi poxonae bapon pia coya pentacaponaein naexana.
Acts 8:21 in Cuiba 21 Jopa caitacʉpaeyo xua nexeinaewa Nacom pia peayapusʉwa tatsi, tsipei apara Nacom cajʉntʉ coyene yaputane xua neajʉntʉcoyenebewa.
Acts 15:2 in Cuiba 2 Pablo irʉ Bernabeno jume daunweya tsipaebabe xua baxua jopa xainyeyo. Ichitha jume matsontsonobatsibe barapomonae. Daxota Pablo irʉ Bernabé wʉn dutatsibe, irʉ ichamonae wʉn dubatsi xua daxita barapomonae peponaenexa Jerusalén tomara beya. Mataʉtano barapomonae itorobatsi xua barapo penawi thabi coyene yabara petsipaebinexatsi Jesús pia peitorobi jiwi tatsi, irʉrʉ pitiri jiwi petsipaebinexatsi pomonae penacaetutsi jiwi jiwana xua Jerusalén tomaratha.
Acts 18:15 in Cuiba 15 Saya ʉ payabara cueicueijam tsaibi barompaya painya cui xua painya amo jiwi pia cui coyeneya tatsi. Moya baxua paxam paexande pocotsiwa Pablo payabara paebame. Tsipei jopa bepacata naexanaetsi be pon jiwi peyabara paebin xua penatsicuentsiwa xua abe peexanaexae. Moya painya coutha pacui itawere, jei Galión.
Romans 2:8 in Cuiba 8 Ichamonaetha, Nacom anaya exanaena xua atene exanatsi barapomonae pomonae saya ʉ piawa nata exana. Yawa Nacom atene exanaena pomonae jopa jume cowʉntsiyo Nacom pia pexainyei jume diwesi. Barapomonae Nacom bichocono caseba itapeta peichichipaewaxae xua abe coyenewa peexanaewa.
Romans 12:16 in Cuiba 16 Pebʉrʉya nanta cui jʉpaeya pajinompare xua jʉntema nantiya pana nabarʉ dubenanaebiyame. Jopa ichamonae paaebinde. Pacana exande painya jiwi xua be pomonae pecui pawi jiwi. Jopa pana nayabara nanta xeinaeinde xua painya neyaputae jiwi pam.
Romans 13:13 in Cuiba 13 Barabʉ beta xanepanaya dubenanaebiyatsi, icha jiwi ichi xua beta dubenanaebiya mataqueithaxae. Jopa bewa nacʉpa exanae dubenanaebiyae tsainchi xua peamenetsaxawa. Mataʉtano jopa bewa ponaeinchi po penabanaewan xua ichaxota pinmonae penacaetutsiwa yawa abe exana. Jopa bewa nasi cui exanae tsainchi. Mataʉtano jopa bewa tanotsichi ichamonae piseuri jiwi tatsi. Yawano jopa bewa nantiya jume daunweya najume matsontsonobi tsainchi. Mataʉtano jopa bewa nauwi tsainchi.
Romans 14:1 in Cuiba 1 Icha ichʉn jʉntʉ coyene faefaena pejume cowʉntsiwa Cristotha, bapon pacana exande be painyamonae jiwi jiwana pomonae painya nejume cowʉntsi jiwixae pam. Jopa bapon yabara pajume matsontsonobinde xua pia pecayabara nanta xeinaewatsi xua po coyeneya bapon bewa exanae xuano xua ichacuitha po coyeneya xua bapon jopa bewa exanae.
1 Corinthians 3:3 in Cuiba 3 Paxam cataunxuae painompame icha be ichi poxonae jinompa pomonae jopa pejume cowʉntsiwi Nacom. Poxonae paxam nantiya pana nauwa dubenanaebiyame, yawa nantiya pana naba dubenanaebiyame, painompame icha be ichi xua jinompa xuano abe exana dubenanaebiya pomonae jopa pejume cowʉntsiwi Nacom.
1 Corinthians 3:18 in Cuiba 18 Jopa pacopatsinde xua painya coutha pana namuxuitorobame. Icha ichʉn pia coutha nacayabara nanta xeina xua bichocono peyaputaein icha barapo cae pin nacuathepiwi ichi, bewa bapon pia coutha equeicha caewa naexanae be pocotsin jopa peyaputaein. Bapoxonae bapon bara Nacom tsita be pon pepa peyaputaeinchi.
1 Corinthians 8:1 in Cuiba 1 Anoxuae ichichipan xua pexaewa yabara tapacata tinaewatsi po pexaewa jiwi tajeba ibo nacomʉn poxonae jiwi wʉnae jainteiba ibo nacomʉn. Bequein xainyei xua baxuan yabara yaputainchi, daichitha barapo peyaputae coyenewan naca atsaca exana. Ichitha jame po peantobe coyenewa xeinatsi apara naca yawena xua beta wanabarʉ jinompaewatsi.
1 Corinthians 11:16 in Cuiba 16 Pon ichichipa xua yabara pana nejume matsontsonoba baxuan, pajanje bapontha: “Barapo coyene pacuiduban. Mataʉta daxita penacaetutsi bonmonae jiwi pomonae Nacom pejume cowʉntsiwi pebʉrʉya pana nabarʉ jʉpaya nanta xeinan tsipei icha coyene jopa payaputaeinyo”, pajan.
1 Corinthians 11:18 in Cuiba 18 Copiya matha paca tsipaebatsi janje: “Ichʉn netsipaeba xua pinae poxonae pana nabarʉ nacaetutame, wʉnae painya nejainchinexa Nacom, pinae ainyamonaein tsanaya pana natsabame. Bapoxonae pinae pana najume matsontsonobame”, jan. Nanta xeinan xua apara xainyei po coyene ichamonae netsipaeba xua paca yabara paeba.
2 Corinthians 11:20 in Cuiba 20 Mataʉtano bara saya pacui yabara copatame xua bara amanaya painya netanacuichinexa tsane ichamonae. Mataʉtano saya pacui yabara copatame xua bara ichamonae amanaya paratixi painya nepaca cobe wenoteibiwa xua saya barapomonae nexa. Mataʉtano saya pacui yabara copatame xua bara ichamonae paca yabara muxuitoroba painyawan xua painya nepacata notsiwa. Barichi bara saya pacui yabara copatame xua bara ichamonae painya nepaca aebiwa xua barapomonae ainya cui jiwi beyacaincha paxam. Mataʉtano saya pacui yabara copatame xua bara painya nepaca itabara cuainchiwa.
Galatians 5:15 in Cuiba 15 Icha paxam bichocono nantiya atene pana naexaname, yawa icha bichocono nantiya daunwei pana nata exaname, dota pam pepu painya nenaaitafaetabi jiwi pam tsipae xua jopa beta painya nejume cowʉntsiwa Nacom.
Galatians 5:20 in Cuiba 20 Ichamonae wʉnae jainta ibo nacomʉn. Barichi ichamonae maratha cataerubenanaebiya xua icha jiwi maratha cataerubenanaebiyatsi. Ichamonae caemonae nantiya naita aenae-aenei. Ichamonae nantiya naba. Ichamonae nantiya nauwa. Ichamonae nantiya nacaseba. Ichamonae asiwa piawan. Ichamonae natsatabe exana. Ichamonae pia matabʉxʉmonae nacana exana be pomonae seicaya barompaya penanta xeinaewi.
Galatians 5:26 in Cuiba 26 Jopa bewa waxainchi ichamonaetha aebichi. Mataʉtano jopa bewa nantiya naanaepana exanaetsi. Mataʉtano jopa bewa nantiya nauwichi.
Galatians 6:3 in Cuiba 3 Pon pia coutha nayabara nanta xeina xua jopa abe exanaeyo xua daxota jopa nantawenonaeyo xua peyawenaewatsi tsainchi, bapon pia coutha namuxuitoroba.
Philippians 1:15 in Cuiba 15 Ichamonae Cristo yabara cueicueijeichi apara poxoru saya tana neuwixae, tsipei ichichipa xua jiwi barʉ cui itura jinaena barapomonaetha, beyacaincha xua tana nebarʉ cui itura jinaewa tsane barapo jiwi. Ichitha jame, ichamonae beta xaniwaicha yabara paebatsi Cristo, pejʉntʉ coyene xanepanaexae.
Philippians 2:3 in Cuiba 3 Jopa paexanaeinde xua pocotsiwa be paasiwam xua saya meisa painya coutha nexa. Jopa paxeinaeinde po cui coyene xua jiwi peaebi coyene. Jame maisa painya coutha pana nayabara nanta xeinare xua pomonae pecui pawi jiwi pam. Jame maisa sayano ichamonae pacui yabara nanta xeinare xua pepa peainya cuimonae xua beyacaincha paxam.
Philippians 2:14 in Cuiba 14 Daxita coyenewan poxonae paexaneibame jopa paexanaeinde pocotsiwa anaya painya jʉntʉ coyenewatha payabara paebame ichamonae. Mataʉtano jopa payabara najume matsontsonobinde baxua poxonae Nacom pata exaneibame.
Colossians 2:18 in Cuiba 18 Jopa pacopatsinde xua ichamonae paca yabara paeba xua pana natsiaenae cuentame xua jopa painya neexanaexae icha barapomonae ichi. Barapomonae paca aeba poxoru tane petsita itʉbi coyenewan po coyenewan xua ichamonae jopa taeyo. Barapomonae paca itoroba xua pepawi jiwi painya nenaexanaewa tsane painya coutha icha barapomonae ichi xua bequein jumexaeya paeba xua pinae pecui pawi jiwi. Mataʉtano barapomonae paca itoroba xua matatsunpiwi wʉnae painya nejainchiwa tsane icha bapomonae ichi.
2 Thessalonians 2:4 in Cuiba 4 Bapon Nacom abe yabara paebinchi. Bapon jopa tsita ainya cuiyo tsainchi daxita pocotsiwa jiwi wʉnae jainta. Mataʉtano bapon jopa tsita ainya cuiyo tsainchi bequein po nacomʉn jiwi exana. Bapon pia coutha penacanamataxeinaein naexana xua peewatsiwa daxita pocotsiwan Nacom piawa, xua pia wʉnae jaintichi, xua jiwi wʉnae jainchina. Mataʉta bapon ecaena Nacom pin pia botha xua pia coya Nacom najainta.
1 Timothy 1:4 in Cuiba 4 Mataʉtano barapomonae jopa bewa jʉntʉ coyene enae tsainchi po diwesin xua pia pamo susato jiwi tatsi paeba po diwesin xua pejemai diwesin, mataʉtano po ayei diwesinno, xua pia pamo susato jiwi tatsi yabara”, cajeichi. Barapo diwesin saya jiwi najume matsontsonoba exana. Barapo diwesin jopa naca yawenaeyo xua beta wacanamataxeinaewa Nacom piamonae wajume cowʉntsixae Nacom.
1 Timothy 1:7 in Cuiba 7 Barapomonae ichichipa becuidubina Nacom pia peitorobi diwesi jume. Bequein barapomonae baxua exana, ichitha jopa beta exanaeyo tsipei jopa yabara yaputaeyo Nacom pia peitorobi diwesi jume. Mataʉtano barapomonae jopa yabara yaputaeyo po coyeneya xua atsaquiya yabara cuiduba ichamonae Moisés pia peitorobi diwesi jume.
1 Timothy 3:6 in Cuiba 6 Pebin jopa bewa naexanae tsane xua pomonae Nacom pejume cowʉntsiwichi pecanamataxeinaewatsi poxonae cataunxuae abʉ pena pejume cowʉntsin Jesucristo. Icha bapon pena pejume cowʉntsin tsipae Jesucristo, metha bapon aebichipa nawita jiwitha, bapoxonae Nacom cana exanaetsipa bapontha, icha be pocotsi coyeneya ichi poxonae caurimonae pia pentacaponaein tatsi itawetatsi, xua Nacom itaweta pia nacua weya, xua Nacom peaebixaetsi.
2 Timothy 2:14 in Cuiba 14 Xuaunxuae catsipaebatsi baraxua paebare ichamonaetha yawano cui itorobare baraxua barapomonae Nacom peitabaratha tatsi. Jande barapomonaetha: “Jopa yabara pana najume matsontsonoba exanaeinde xua po diwesin ichamonae pepaebixae”, jande. Barapo penajume matsontsonobiwa barapo coyenewatha bapana jopa naca yawenae. Barapo coyenewa saya abe cana exana pomonaetha pomonae jume tane.
2 Timothy 2:23 in Cuiba 23 Naitemare po peyabara najume matsontsonobiwa jopa xapain wʉnaeyo xua jopa xapain peyaputae coyenewiyo, tsipei xam yaputaneme xua jiwi barapocotsi jumetha ba yabara naba.
2 Timothy 3:4 in Cuiba 4 Barapomonae pomonae jiwi pecaenaetsi jiwi tsane. Jopa matha copiya yabara nanta xeineibi tsane pocotsiwan xua exana. Barapomonae pia coya nacayabara nanta xeinaena xua peainya cui jiwi tsane. Saya barapomonae itapetsiya naitomatsina xua pocotsiwa cui xeica penaexanaewa. Barapomonae naitematsina pocotsiwa Nacom pia pexainyei coyene tatsi.
Titus 3:9 in Cuiba 9 Dotande xua necuiyainwande xua ichamonae yabara necabarʉ najume matsontsonobiwa tsane po diwesin xua pejemai diwesin. Mataʉtano cuiyainwande xua yabara necabarʉ cueicueijeiwa judiomonae pia pamo susatopiwi tatsi pia wʉnxi tatsi. Mataʉtano cuiyainwande xua penajume matsontsonobiwa xuano xua anaya peyabara pepaebiwa Moisés pia peitorobi coyene tatsi. Tsipei ba poxonae barapo coyene exana jiwi, jopa yawenaetsi xua xaniwaichiya pejinompaewa xua jiwi jopa pexainyeiwanxae.
James 1:19 in Cuiba 19 Tamonae pam pomonae bichocono tapaca caantobe jiwichi pam pacayabara nanta xeinare barapo diwesi xua jeye: Daxita paxam bewa pewʉnaeya pana najʉntʉ coyene wʉnaeteibim painya nenamnaewateibinexa Nacom Pejume Diwesi. Jopa bewa paxainxainyam xua painya cueicueijeinexa barapo diwese ichamonaetha poxonae cataunxuae jopa paexanaem pocotsiwa barapo diwesi itoroba. Yawa jopa bichocono anaepanaya pacueicueijande.
James 2:14 in Cuiba 14 Tamonae pam, irʉ pomonae painya nejume cowʉntsixae Jesucristo. ¿Eta xua metha tsipae? Metha ichʉn jei: Xan Nacom Pejume Diwesi jume cowʉntan, jei, ichitha jopa betiya xanepanaya exanaeyo. ¿Bara metha bapon najʉntʉ coyene capanepaetsipa Nacom beya? Apara jume tsipae, jopa najʉntʉ coyene capanepaetsipae.
James 4:1 in Cuiba 1 ¿Eta werena pona barapo coyene xua pana najume matsontsonobame? ¿Yawano eta werena pona barapo coyene xua pana nabame? Apara barapo coyenebe naforoba painya jʉntʉ coyeneintha ichaxota paichichipame xua abe painya nenanta xeinaewa.
James 4:5 in Cuiba 5 Daxota Nacom Pejume Diwesi jeye: “Nacom asiwiya antobe po jumope tʉnaxʉ naca cayawa exanaeya jinompa exana”, jei.
1 Peter 2:1 in Cuiba 1 Daxota daxita pana nacui barapende daxita abe peexanae cuiru coyenein, yawano xua pemuxuitorobi coyenewan, yawano xua naerabiya peexanae coyenewan xua naemata wʉnae pepaebiwa, yawano xua peyabara uwi coyenewan xua ichʉn xeina, yawano xua abe peyabara paebiwa ichamonaetha xua ichʉn peyabara paebiwatsi.
2 Peter 2:12 in Cuiba 12 Barapomonae pomonae abe peyabara paebi jiwi, barapomonae exana xua icha duwei ichi, xua duwei ba jopa beta nanta xeinaeyo, xua ba saya jiwi tsicobe naexanatsi xua jiwi peteicaenexa yawa pebexubinexa pexaenexa. Barapo pebiwi abe yabara paeba pocotsiwa jopa yaputaeyo. Barapomonae werapaena pia abewantha icha duwei icha xua werapa.
2 Peter 2:18 in Cuiba 18 Barapomonae bichocono atsaca poxonae cueicueijei. Yawano barapomonae pia jume, barapo jume jopa jiwi yawenaetsi. Yawano barapomonae naemata jume wʉnaeya tsipaeba pomonaetha pomonae aena pejume cowʉntsi jiwi Jesucristo xua barapomonae irʉ abe peexanaenexa pocotsiwa bequein barapomonae aichaxaibi exana xua jiwi pia cui coyenewa tatsi xua pocotsiwa bayatha copiya exana xua abe.
Jude 1:10 in Cuiba 10 Ichitha barapomonae pomonae pemuxujainyabiya cuidubi jiwi abe yabara paeba pocotsiwa barapomonae jopa yaputaeyo. Mataʉtano barapomonae exana icha be pocotsi coyeneya ichichipa xua abe peexanaewa. Barapomonae baxua exana bequein jopa pexanepanaeyo taetha, icha duweimonae ichi xua poxonae exana be pocotsi coyeneya ichichipa. Daxota barapomonae pia coutha naajʉntʉcoyenebe cana exana.
Jude 1:16 in Cuiba 16 Barapomonae pomonae pemuxujainyabiya cuidubi jiwi ichawa beya daxita coyeneintha abeya yabara paeba. Xua daxita coyenein petsita aitacoyenebexaetsi daxota barapomonae jopa jʉntʉ coyene weiweinaya jinompaeyo. Mataʉtano meisa yabara nanta xeina xua piawan meisa penata exanaewan. Barapomonae peatsacae jiwi bichocono. Bara bequein barapomonae beta paeba ichamonaetha, saya poxoru xua peyabara muxujainyabinexa xua ichamonae peyabara muxujainyabinexatsi pocotsiwa xeina.
Revelation 3:17 in Cuiba 17 Payabara paebame po coyene xua copei painya nexeinaewi pam. Yawa payabara paebame po coyene xua painya coutha pana nayaweneibame xua jopa pacata acoibi tsaibiyo xua pocotsiwan panantawenoname. Ichitha jopa payaputaebenaem xua pocotsiwa paca yabara nanta xeinatsi xua pebiwi tsobenae, paca yabara jeichi. Mataʉtano jopa payaputaem xua paxam be pomonae peacopeibiwi pana natsicotaneme. Yawano be pomonae peitata nacʉtsi jiwi pana natsicotaneme. Yawano be pomonae tamasaina pana natsicotaneme. Apara xua jan: Paxam be barapomonae pam tsipei jopa beta painya jʉntʉ coyenewatha pana nejume cowʉntsim. Yawa jopa beta painta nacuichim, jan.