1 Timothy 6:20 in Cuiba 20 Xam Timoteom, xaniwaicha xeinaeya capoponde po pecuidubiwa Nacom cacata. Jopa jume naitaewatsinde po jumein xua bapana jiwi jopa yawenaetsi. Mataʉtano jopa jume matsontsonoba exanaeinde ichamonaetha pomonae yabara cueicueijei pocotsiwa xua peyaputae coyenewa, po peyaputae coyenewa jopa xaniwaicha peyaputae coyenewiyo.
Other Translations King James Version (KJV) O Timothy, keep that which is committed to thy trust, avoiding profane and vain babblings, and oppositions of science falsely so called:
American Standard Version (ASV) O Timothy, guard that which is committed unto `thee', turning away from the profane babblings and oppositions of the knowledge which is falsely so called;
Bible in Basic English (BBE) O Timothy, take good care of that which is given to you, turning away from the wrong and foolish talk and arguments of that knowledge which is falsely so named;
Darby English Bible (DBY) O Timotheus, keep the entrusted deposit, avoiding profane, vain babblings, and oppositions of false-named knowledge,
World English Bible (WEB) Timothy, guard that which is committed to you, turning away from the empty chatter and oppositions of the knowledge which is falsely so called;
Young's Literal Translation (YLT) O Timotheus, the thing entrusted guard thou, avoiding the profane vain-words and opposition of the falsely-named knowledge,
Cross Reference Acts 17:18 in Cuiba 18 Barichi griegomonae ichichipa xua pejume taewa pocotsiwa Pablo paeba. Ichamonae griegomonae itapeta jume cowʉnta pocotsiwa epicureomonae cuiduba. Irʉ ichamonae griegomonae itapeta jume cowʉnta pocotsiwa estoicomonae cuiduba. Barapomonaebe Pablo tsipaeba. Bapoxonae ichamonae Pablo yabara jeichichi, jeye: —¿Eta xua bapon naca barai tsipae, pon xua jopa juniya cueicueijei tsaibiyo? jei. Ichamonae jeye: —Mexeya maisa bapon cueicueijei pia nacomʉn nexa, jei. Barapomonae baraxua paeba, tsipei Pablo Jesús pia pexeinya jume diwesi paeba ducuanaebiya, mataʉtano poxoru paeba xua Jesús equeicha pinae asʉ.
Acts 17:21 in Cuiba 21 Atenas tomaramonae irʉ pomonae penanapaincha jinompaewi xua icha nacua werena peponaewi, pomonae anoxuae jinompa xote, daxita barapomonae ʉ saya pepaebeibi. Yawa saya ʉ cou paebeiba poxonae pena jume jume taiba, saya baxua paebeiba.
Romans 1:22 in Cuiba 22 Bequein barapomonae paeba xua pinae peyaputaewi daichitha be pomonae xua jopa xapain peyaputae jiwi naexanaeyo.
Romans 3:2 in Cuiba 2 Metha jume notsipan bapon, jan tsipae: “Apara bara bichocono jopa juniya xanepanaeyo xua penaexanaewa judiomonae xuano xua wi thabatsi, poxoru copiya Nacom Pejume Diwesi nacana jume diwesi cata judiomonaetha”, jan tsipae.
1 Corinthians 1:19 in Cuiba 19 Nacom Pejume Diwesitha baxua yabara paeba. Nacom jeye: “Weraweraca exanaein peyaputae coyenewan, po peyaputae coyenewan xeina pomonae peyaputaewi. Pecuidubi coyenewan beban tsane, po pecuidubi coyenewan xeina pomonae peyaputaewi”, jei Nacom.
1 Corinthians 2:6 in Cuiba 6 Paxan pacueicueijan pomonaetha pomonae bichocono pejume cowʉntsiwi Nacomtha xua Nacom pia peyaputae coyenewa tatsi. Nacom pia peyaputae coyenewa tatsi jopa apara barapo cae pin nacuathe weya ponaeyo. Mataʉtano jopa apara barapo coyene xua po coyene jopa ponaeyo pomonae piamonae itorobiya pecanamataxeinaewi weya. Pomonae anoxuae piamonae itorobiya pecanamataxeinaewi werapaena, yawano weraweracaena pia peyaputae coyenewan tatsi.
1 Corinthians 3:19 in Cuiba 19 Nacom tsita penamitacueinchi jumetsi po peyaputae coyenewan yaputane jiwi pomonae barapo cae pin nacuathe jinompa. Nacom Pejume Diwesitha barapo jiwi yabara jeichi: “Nacom tsitatsi xua apara xeina penatsicuentsiwa xua abe peexanaexae pocotsi jiton peyaputaein, peexanaexae barompaya pia peyaputae coyenewatha”, jei Nacom Pejume Diwesitha.
Colossians 2:8 in Cuiba 8 Dota pam tsipei jopa ichipaeinyo xua ichamonae paca cui caranababa xua naerabiya paca muxujainyaba xua painya neexanaewa tsane xua naemata beta paeba. Pomonae xua paca cuiduba pia peitorobi coyenein, baraxua apara jopa Cristo pia peitorobi coyenewa tatsi. Apara saya pon pepawi, bapon pia peitorobi coyenein tatsi, apara saya nacua pia peitorobi coyenein tatsi.
Colossians 2:18 in Cuiba 18 Jopa pacopatsinde xua ichamonae paca yabara paeba xua pana natsiaenae cuentame xua jopa painya neexanaexae icha barapomonae ichi. Barapomonae paca aeba poxoru tane petsita itʉbi coyenewan po coyenewan xua ichamonae jopa taeyo. Barapomonae paca itoroba xua pepawi jiwi painya nenaexanaewa tsane painya coutha icha barapomonae ichi xua bequein jumexaeya paeba xua pinae pecui pawi jiwi. Mataʉtano barapomonae paca itoroba xua matatsunpiwi wʉnae painya nejainchiwa tsane icha bapomonae ichi.
2 Thessalonians 1:4 in Cuiba 4 Daxota jʉntʉ coyene weiweinaya paca yabara paebatsi Nacom piamonaetha xua ichamonae matabʉxʉ. Paca yabara jeichi: “Maisa Tesalónica tomarapiwi jume cowʉnta beta, yawa saya beta dubenanaebiya poxonae bequein atene exanatsi abeya peyabara paebeibixaetsi ichamonae. Mataʉtano barapomonae beta exana dubenanaebiya xua bequein atene exanatsi xua poxonae ichamonae abe peexaneibixaetsi”, paca yabara jeichi barapomonaetha.
2 Thessalonians 2:15 in Cuiba 15 Patamonae, daxota pajume cowʉnta dubenanaebiyama equeicha matowa. Painya xoba pajʉntemainame po pecuidubiwan xua ichamonae pana cuiduba xua xuya anoxuae yatsicaewa paca cuidubatsi, xua yawa cartano pacata tinatsi.
1 Timothy 1:4 in Cuiba 4 Mataʉtano barapomonae jopa bewa jʉntʉ coyene enae tsainchi po diwesin xua pia pamo susato jiwi tatsi paeba po diwesin xua pejemai diwesin, mataʉtano po ayei diwesinno, xua pia pamo susato jiwi tatsi yabara”, cajeichi. Barapo diwesin saya jiwi najume matsontsonoba exana. Barapo diwesin jopa naca yawenaeyo xua beta wacanamataxeinaewa Nacom piamonae wajume cowʉntsixae Nacom.
1 Timothy 1:6 in Cuiba 6 Ichamonae jopa xeinaeyo barapo peantobe coyenewa poxoru jume itaweta, mataʉtano poxoru najʉntʉ coyene eena exana penajume matsontsonobi diwesin.
1 Timothy 1:11 in Cuiba 11 Barapo pexeinya pecuidubi coyenewa, bara najume jʉpabe Nacom pia pexeinya jume diwesi tatsi, po diwesi yabara po coyene xua Nacom bara bichocono pexanepanaein, xuano bichocono pejʉntʉ coyene weiweinaein. Barapo diwesibe Nacom itoroba xua tacueicueijeiwa tsane.
1 Timothy 4:7 in Cuiba 7 Jume naitemare po diwesin xua saya jiwi cueicueijei xua jopa Nacom pia diwesiyo tatsi, po diwesin xua pejemai diwesin xua jopa xapain wʉnaeyo. Jinya coutha nacuidubare, xua nenajʉntʉ coyene cana exanaenexam tsane icha be Nacom pia jʉntʉ coyene ichi.
1 Timothy 6:4 in Cuiba 4 Pon ba bara pocotsi coyeneya exana bara apara pon jiwi peaebin xua peyaputaeinxae. Bapon apara ichitha jopa peyaputaein. Bapon naemata yainyaba nawita ichamonaetha pia xua jiwi penajume matsontsonobinexa bapontha. Daxota barapomonae nantiya nauwa. Mataʉtano barapo jiwi nantiya naba. Mataʉtano barapo jiwi nantiya abeya nayabara paeba. Mataʉtano nantiya abeya nayabara nanta xeina.
1 Timothy 6:11 in Cuiba 11 Tsipei xam Timoteom Nacom piamonae tatsi jiwanam, baxuan cuitaya naetsiriware, pocotsiwa po coyenewatha weraweraca necaexanaewa. Beta poponde Nacom nexa xua nejʉntʉ coyene xanepanaewa tsane Nacomtha. Eexanaponde pocotsiwa Nacom ichichipa. Jume cowʉnta ducuanaebiyama Nacom, yawano antobe tsurucuanaebiyama Nacom, yawa jiwithano. Mataʉtano saya jʉntema poponaeya exana ducuanaebiyama pocotsiwa Nacom caitoroba poxonae ichamonae bequein cata abe exana.
1 Timothy 6:14 in Cuiba 14 Caitorobatsi xua neexanaewa tsane pocotsiwa catsipaebatsi. Beta xeinare Nacom pia peitorobi coyenewa xua jopa icha coyeneya yabara cuiya exanaem tsane. Exande barapo peitorobiwa xua jopa Nacom abeya necayabara paebiwa tsane xua abe neexanaewam. Baxua eexanaponde, beya poxonae Jesucristo equeicha patopeicaena pon Wanacanamataxeinaein.
2 Timothy 1:12 in Cuiba 12 Taexanaexae baxua, daxota atene neexana ichamonae. Daichitha jopa aurinyo xua tayabara cueicueijeiwa Cristo, poxonae bequein ichamonae atene neexana, tsipei yaputan pontha pon tajume cowʉntsixae xua peitacʉpaewatsi xua tana neyawenaewa. Bara beta yaputan xua bapon xeina peayapusʉwa xua tana neyawenaewa. Bapon neyawena xua tacueicueijei tsurucuanaebiyaenexa tsane pocotsiwa bayatha bapon neitoroba, beya poxonae barapo matacabi tsane, po matacabitha poxonae patopeicaena Jesucristo.
2 Timothy 2:1 in Cuiba 1 Xam Timoteom, be taxantom catsicotainchi. Najʉntʉ coyene cui tsacabare xua nenanta xeinaenexa xua Nacom amanayiya jinya necayawenaewa tsane pia necaantobexae. Nacom baxua cata exana caemonae pebʉrʉya jinya nenaexanaexae Cristo Jesustha.
2 Timothy 2:16 in Cuiba 16 Jopa yabara najume matsontsonoba exanaeinde po jumein xua pejumexaei, po jumein xua saya yabara cueicueijei pocotsiwa xeina barapo cae pin nacuathe, po jumein xua bapana jiwi jopa yawenaetsi. Tsipei pomonae bapocotsiwan paeba, eexanapona pocotsiwan abe peexanae cuiru coyenewan.
2 Timothy 3:14 in Cuiba 14 Ichitha xam awiya beta exana ducuanaebiyama pocotsiwa xua nacuidubame, xuano xua bichocono nejume cowʉntsiwa. Xam bayatha yaputaneme pomonae xua cacuiduba barapo coyenein, pomonae pejʉntʉ coyene xanepanaewi.
Titus 1:4 in Cuiba 4 Barapo carte cata tinatsi Titom, ponxaem be yatsicaewa taxantom catsicotainchi irʉ nejume cowʉntsixae Jesucristo. Barabʉ Nacom pon Waxa, irʉ Jesucristo pon Wanacacapanenebiyaein petʉpae cuiru coyene weya, cayawenaenabe pia necaantobewaxaebe. Mataʉtano jʉntema popona caexanaenabe.
Titus 1:9 in Cuiba 9 Bewa ajʉntʉcoyenesʉya jume cowʉntsina Nacom pia pexainyei jume diwesi tatsi po diwesi barapomonae cuidubatsi. Bapoxonae barapomonae itacʉpatsi xua xuya ichamonae jʉntʉ coyene tsacaba xua pejume cowʉntsiwa tsainchi poxonae cuiduba barapo pexainyei jume diwesi. Mataʉtano barapomonae itacʉpatsi xua jume jejei cana exana pomonaetha pomonae bequein copiya pejume itawetsixaetsi pocotsiwa xua barapomonae cuiduba.
Titus 1:14 in Cuiba 14 Mataʉtano cui matawende barapomonae xua jopa equeicha pejume naitaewatsinexa judiomonae pia pejemai diwesin tatsi. Mataʉtano cui matawende xua jopa pejume naitaewatsinexa pomonaetha pomonae xua jiwi peitorobiwatsi xua jiwi pejume itawetsiwa tsane Nacom pia pexainyei jume diwesi tatsi.
Titus 3:9 in Cuiba 9 Dotande xua necuiyainwande xua ichamonae yabara necabarʉ najume matsontsonobiwa tsane po diwesin xua pejemai diwesin. Mataʉtano cuiyainwande xua yabara necabarʉ cueicueijeiwa judiomonae pia pamo susatopiwi tatsi pia wʉnxi tatsi. Mataʉtano cuiyainwande xua penajume matsontsonobiwa xuano xua anaya peyabara pepaebiwa Moisés pia peitorobi coyene tatsi. Tsipei ba poxonae barapo coyene exana jiwi, jopa yawenaetsi xua xaniwaichiya pejinompaewa xua jiwi jopa pexainyeiwanxae.
Revelation 3:3 in Cuiba 3 Daxota pananta xeinare xua pocotsiwa bayatha paca cuiduba. Bapoxonae bapocotsiwa paexande yawano bapoxonae icha jʉntʉ coyene paxeinare Nacomtha xua equeicha caewa painya nejume cowʉntsiwa tsane. Icha jopa baxua paexanaem tsane, bapoxonae nainya jemeicha patopaein paxamtha poxonae jopa payaputaem xua patopaein. Exanaein icha be pocotsin pon pecaibin ichi xua jemeicha patopa.