1 Timothy 3:11 in Cuiba

11 Barichi yabʉxi bewa beta jinompaena xua barapowaxi pebarʉ cui itura jinaewa tsainchi jiwi. Jopa bewa bapowaxi abe yabara paebi tsane ichamonaetha, xua ichamonae abe peexanaexae. Mataʉtano bapowaxi jopa bewa bichocono apae tsane vino meran. Mataʉtano bapowaxi bewa beta jinompae, xua ichamonae peyabara jume cowʉntsiya nanta xeinaenexa xua pocotsiwa bapowaxi daxitan exana pocotsiwan bayatha exanapaebeiba.

Other Translations

King James Version (KJV)

Even so must their wives be grave, not slanderers, sober, faithful in all things.

American Standard Version (ASV)

Women in like manner `must be' grave, not slanderers, temperate, faithful in all things.

Bible in Basic English (BBE)

Women are to be serious in behaviour, saying no evil of others, controlling themselves, true in all things.

Darby English Bible (DBY)

[The] women in like manner grave, not slanderers, sober, faithful in all things.

World English Bible (WEB)

Their wives in the same way must be reverent, not slanderers, temperate, faithful in all things.

Young's Literal Translation (YLT)

Women -- in like manner grave, not false accusers, vigilant, faithful in all things.

Cross Reference

Matthew 4:1 in Cuiba

1 Nexata Nacom pia Pejumope tʉnaxʉ tatsi Jesús matacayatsi ira xuepana susato tsurucuae nacua beya. Baxotiya caurimonae pia pentacaponaein tatsi Jesús piraichi jʉntʉ coyene jʉjʉtatsi xua Jesús abe coyeneya petaexanaenexa tsane.

Luke 1:5 in Cuiba

5 Caena bayatha poxonae Herodes popona Judea nacuatha, xua pon Judea nacuapiwi peyanacua ewatsinchi, bapoxonaerʉ barichi popona barapo nacuatha sacerdotepin pon pewʉn Zacarías. Bapon jiwana po sacerdotepiwi pia matabʉxʉ jiwi pewʉn Abías. Piseuri tatsi pewʉn Isabel. Piseuribe pia pamo susato jiwanapin tatsibe, bapon pewʉn Aarón pon yatsicaya tabʉ ducua sacerdotepin.

John 6:70 in Cuiba

70 Jesús pijimonae jume nota, jeye: —Paxam pomonae doce poyobe pam pomonae tapaca caitapetsiwichi pam. Daichitha caein jiwana pam cauri piamonae jiton tatsi, jei Jesús.

1 Thessalonians 5:6 in Cuiba

6 Pomonae jopa pejume cowʉntsiwichi Jesucristo barapomonae jopa tsaca jinompaeyo xua pewʉnae ewatsinexa Jesucristo pia pepatopeicaewa tsica tsane. Barapomonae be pocotsimonae xua maita, xua jopa itacʉpaetsi xua penacosabiwa. Ichitha jame bewa waxainchi wacoutha barompaya jʉntʉ coyene coxonaetsi xua tsaca wajinompaewa poxonae wʉnae ewatatsi Jesucristo pia pepatopeicaewa tsica tsane.

1 Timothy 1:12 in Cuiba

12 “Jʉntʉ coyene weiweinan tanecatsixaemxae peantʉyapusʉwa”, jan Jesucristotha, pon Wanacanamataxeinaein. Bapon necata peantʉyapusʉwa tacueicueijeiwa tsane jiwitha Nacom pia Pexeinya jume diwesi tatsi. Bapon neyabara nanta xeina xua bara beta jume cowʉntan, daxota necana exana xua xan pia petanacuichin tatsin.

1 Timothy 3:2 in Cuiba

2 Daxota pon pomonae Nacom pejume cowʉntsiwi canamataxeinatsi, bapon bewa xanepanaya beta poponaena xua bapon jopa abe peyabara paebinexa tsainchi ichamonae. Bapon bewa saya cae piseuri barʉ jijinaena. Mataʉtano bapon jopa bewa bichocono apae tsane xua vino mera pia beta penanta xeinaenexa. Bapon bewa beta nayaputane exanaena, xua daxota xanepanaya peexanaewa tsane, xua bapoxonae ichamonae bapon xanepanaya peyabara nanta xeinaewa tsainchi. Bapon bewa matenta weiweinaya wabeibina pomonae petapateibeibixaetsi pia botha. Bapon ba pia cui xeina xua beta cuidubina ichamonaetha.

1 Timothy 6:2 in Cuiba

2 Ichamonae pomonae pebusi cui tatayebeibiwichi, pomonae pejume cowʉntsiwi Jesús, barapomonae xeina pia pecanamataxeinaewichi, pomonae irʉ jume cowʉnta Jesucristo. Barapo pebusi cui tatayebeibiwichi jopa bewa exanae po coyene xua poxonae jopa xeinaeyo pebarʉ cui itura jinae coyenewa pia pecanamataxeinaewitha, xua be cae peweicho penatsicotae jiwixae xua pejume cowʉntsixae Cristo. Jame barapo pebusi cui tatayebeibiwichi bewa barʉ cui itura jinae pia pecanamataxeinaewichi. Mataʉtano bewa beta tanacuichi barapocotsimonae, beyacaincha ichamonae pomonae jopa jume cowʉntsiyo Jesucristo pomonae pebusi cui tatayebeibiwichirʉ pia pecanamataxeinaewichi. Barapo pebusi cui tatayebeibiwichi bewa beta tanacuichina pia pecanamataxeinaewichi, peyawenaenexa barapomonae pomonae irʉ jume cowʉntarʉ Jesucristo. Mataʉtano bewa beta tanacuichina tsipei Nacom antobe barapomonae, xua antobetsi barapomonae pomonae pia pecanamataxeinaewichixaetsi. Barapo cui coyene cuidubare jiwitha xua jiwi beta peexanaewa tsane:

2 Timothy 3:3 in Cuiba

3 Mataʉtano piamonae jopa tsita xeinae tsane peantobe coyenewa. Mataʉtano ita aenae-aenei tsurubenanaebiyae tsane ichamonaetha. Mataʉtano yopita dubenanaebiyaena xua ichamonae pocotsiwa abe peexanaewa. Mataʉtano jopa itacʉpae tsainchi xua najʉntʉ coyene itorobina xua xanepanaya peexanaewa tsane. Mataʉta barapomonae bichocono anaepanaena xua ichamonae beinchi. Mataʉtano barapomonae bichocono aichaxaibi tsane pocotsiwan xanepana.

2 Timothy 4:5 in Cuiba

5 Ichitha xam dotam. Najʉntʉ coyene babare xua neexanaeyainwa pocotsiwa barapomonae exana. Jopa junuwinde xua ichamonae poxonae caatene exanaena nejume cowʉntsixae Jesucristo. Ichitha xam exana ducuanaere jinya nenacuichiwa xua Nacom pia pexeinya jume diwesi necueicueijei ducuanaetsiwa. Daxita wetsiya exanare pocotsiwa jinya netanacuichiwa Nacom.

Titus 2:3 in Cuiba

3 Barichi pitiriwaxi muxuwere xua xanepanaya pejinompaewa tsane, icha be ichi poxonae jinompa powaxi jume cowʉnta Nacom. Mataʉtano barapowaxi jopa bewa cueicueijei tsane po jumein xua abe xua ichamonae yabara paebatsi. Yawa jopa bewa nacʉpa naexanae peatsaxa meran. Mataʉtano barapo pitiriwaxi muxuwere xua piseuriwi peantobe nexa tsaibi tsane, xua daxota irʉ xuya penawaxi pebarichinexa xua peexanaenexa po coyene wʉnae xua peantobe nexa tsaibi tsane piseuriwi yawa pia pexuithano.

Titus 3:2 in Cuiba

2 Mataʉtano muxuwere xua bewa barapomonae jopa abe paebi tsane xua ichamonae abe peyabara paebiwatsi. Mataʉtano muxuwere xua barapomonae jopa bewa jume matsontsonobi ichamonaetha. Mataʉtano muxuwere xua barapomonae bewa jʉntʉ coyene xanepanaya cueicueijei ichamonaetha. Mataʉtano muxuwere xua bewa barapomonae barʉ cui itura jina dubenanaebiyaena daxita jiwi.

1 Peter 5:8 in Cuiba

8 Painya coutha pana najʉntʉ coyene itorobare xua beta pajinompare. Tsaca pajinompare poxoru caurimonae pia pentacaponaein tatsi ichichipa paca abe exana. Bapon pacata exana icha neʉthʉ ichi xua ba piyain fiba poxonae jeita ducuanaeta pon ichichipa bexaena.

Revelation 12:9 in Cuiba

9 Bapon pon be Joyoinya yawa pia matatsunpiwi tatsino itawetsicatsi po irathe tsique. Bapon pon be Joyoinya pon caena bayatha yabara paebatsi xua jeye: “Bapon apara jomo”, jei. Bapon caurimonae pia pentacaponaein tatsi xua icha wʉn pewʉn Satanás. Bapon pon jiwi pemuxujainyabeibin pomonaetha pomonae jinompa daxita po cae pin irathe tsique.