1 Corinthians 4:4 in Cuiba

4 Tajʉntʉ coyene netsipaeba xua bara pinae xanepanaya taexanaewa. Bequein tajʉntʉ coyene baxua netsipaeba ichitha jopa nayaputaeinyo xua metha apara abe taexanaewa xua daxota Nacom tsita natsicuentan. Nacom pon jiwi Pecanamataxeinaein bapon apara pon taneyabara paebin xua tanatsicuentsiwa xua abe taexanaexae. Bapon meisa nejʉntʉ coyene yaputane icha bara metha tsita xeinan xua tanatsicuentsiwa xua abe taexanaexae.

Other Translations

King James Version (KJV)

For I know nothing by myself; yet am I not hereby justified: but he that judgeth me is the Lord.

American Standard Version (ASV)

For I know nothing against myself; yet am I not hereby justified: but he that judgeth me is the Lord.

Bible in Basic English (BBE)

For I am not conscious of any wrong in myself; but this does not make me clear, for it is the Lord who is my judge.

Darby English Bible (DBY)

For I am conscious of nothing in myself; but I am not justified by this: but he that examines me is the Lord.

World English Bible (WEB)

For I know nothing against myself. Yet I am not justified by this, but he who judges me is the Lord.

Young's Literal Translation (YLT)

for of nothing to myself have I been conscious, but not in this have I been declared right -- and he who is discerning me is the Lord:

Cross Reference

John 21:17 in Cuiba

17 Equeicha acoibi po jume cuiyobe Jesús barai Pedrotha, jeye: —Simón, pon Juan pexantom, ¿bichocono neantobem? jei. Pedro jʉntʉ coyene wecoyei yaitama Jesús yainyaba acoibi po jume cuiyobetha. Pedro jeye Jesustha: —Tanecanamataxeinaem, bayatha caena daxita yaputaibame. Mataʉtano yaputanemeno xua tacaantobewatsi, jei Pedro. Jesús jume nota, jeye: —Icha neantobem, inta tamonae pomonae tana nejume cowʉntsiwi yawende, icha pon ovejamonae pe-eenaein ichi xua yawena ovejamonae.

Acts 23:1 in Cuiba

1 Pablo pentacaitorobi bicheito beya bichocono naita cui dutsiya necoya. Pablo barapomonae beya namchi, jeye: —Tamonae, caena bayatha beya anoxuae jʉntʉ coyene xanepanaya poponan Nacom peitʉtha tatsi, jei Pablo.

Romans 2:13 in Cuiba

13 Pomonae jume tane Moisés pia peitorobi coyenewa tatsi xuano exana pocotsiwa itoroba, barapomonae Nacom tsita jʉntʉ coyene xanepanatsi. Pomonae saya jume tane Moisés pia peitorobi coyene tatsi daichitha jopa exanaeyo pocotsiwa itoroba, barapomonae Nacom jopa tsita jʉntʉ coyene xanepanaetsi.

Romans 3:19 in Cuiba

19 Waxainchi yaputainchi xua daxita Nacom paeba Moisés pia peitorobi coyenewatha baraxua judiomonae nexa. Barapomonae bewa exanae Moisés pia peitorobi coyenewa tatsi. Ichitha judiomonae jopa itacʉpaetsi xua peexanaewa barapo coyenewa. Barichi pomonae jopa judiomonae naexanaeyo jopa itacʉpaetsi xua peexanaewa baxua. Barapo coyeneya Nacom yaputane exana xua daxita jiwi jopa pepaebinexa xua pinae jopa abe peexanaewa barapo jiwi. Mataʉtano Nacom tsita itapeinya xeina jiwitha xua Nacom yabara paebina xua penatsicuentsiwa daxita jiwi xua abe peexanaexae bapontha.

Romans 4:2 in Cuiba

2 Abraham jopa pia coya najʉntʉ coyene xanepana exanaeyo xua jopa Nacom petsita natsicuentsiwatsi xua abe peexanaexae. Daxota jopa itacʉpaetsi xua atsaquiya nayabara paeba xua xanepanaya peexanaewa. Bapon jopa itacʉpaetsi xua atsaquiya paeba Nacom peitʉtha tatsi.

1 Corinthians 4:5 in Cuiba

5 Jopa bepijawa payabara paebinde ichamonae xua abe pia peexanaewa. Abʉ tsane beya poxonae patopaetsica pon jiwi Pecanamataxeinaein bapoxonae payabara paebiname abe pia peexanaewa. Barapon Nacom tsita itʉtsina po coyene xua jiwi pia pejʉntʉ coyenewatha namicha xeina po coyene xua ichamonae jopa taeyo. Bapon Nacom pon jiwi Pecanamataxeinaein itʉtsina po coyenein jiwi namicha xeina pejʉntʉ coyeneintha xua penatsicuentsiwan po coyenein xua Nacom petsita exanaewatsi. Daxita barompaya jiwitha Nacom yabara paebina po coyene pia petaexanaewichi. Pontha pon xanepanaya petanacuitsinchi Nacom wʉnae jainchina bapontha. Nacom jopa wʉnae jainti tsane pon jopa xanepanaya petanacuitinchi.

2 Corinthians 1:12 in Cuiba

12 Pajʉntʉ coyene weiweinan, daxota atsaquiya pata jeiwa pocotsiwe: Daxita pocotsiwa paexanan po cae pin nacuathe, xuano poxonae pata paca barʉ jinompaewatsi, pata jʉntʉ coyene bara pana tsipaeba xua pinae bara beta paexanan. Pajʉntʉ coyene xanepanan Nacomtha. Mataʉtano bara xainyeya paexanan daxita coyenein. Nacom pana neyawena xua beta pata jinompaewa tsane pata antobexae Nacom. Apara baxua jopa paexanaeinyo barompaya pata tayaputae coyenewatha.

2 Corinthians 5:10 in Cuiba

10 Bexa tsane daxita waxainchi bewa umenaeinchi Cristo peitabaratha. Bapoxonae barapo mataqueitha bapon yabara paebina jiwi xua penatsicuentsiwa xua abe peexanaexae Nacomtha. Daxita barompaya matoma xeinaena pocotsiwa pia peexanaexae poxonae cataunxuae jinompa barapo cae pin nacuathe. Pomonae wʉnaeya tanacuita xuya wʉnaeya matoma catsibinchi. Pomonae jopa xapain tanacuichiyo xuya antomabeya catsibinchi.