Revelation 22:16 in Colorado 16 La Jesús lachi anjelica ereyoe tie yape lachi tsachilaca in fiquica meracarisa. Lari matu to miya Davichi alica joyoe tie. Tsachilachi tencabi tsemin joyoe tie tseino inasa duque uraran tsemin tsabo cuwenta.
Other Translations King James Version (KJV) I Jesus have sent mine angel to testify unto you these things in the churches. I am the root and the offspring of David, and the bright and morning star.
American Standard Version (ASV) I Jesus have sent mine angel to testify unto you these things for the churches. I am the root and the offspring of David, the bright, the morning star.
Bible in Basic English (BBE) I, Jesus, have sent my angel to give witness to you of these things in the churches. I am the root and the offspring of David, the bright and morning star.
Darby English Bible (DBY) *I* Jesus have sent mine angel to testify these things to you in the assemblies. *I* am the root and offspring of David, the bright [and] morning star.
World English Bible (WEB) I, Jesus, have sent my angel to testify these things to you for the assemblies. I am the root and the offspring of David; the Bright and Morning Star."
Young's Literal Translation (YLT) `I, Jesus did send my messenger to testify to you these things concerning the assemblies; I am the root and the offspring of David, the bright and morning star!
Cross Reference Matthew 1:1 in Colorado 1 Jesucrístori matu to miya Davichi alica jominue. Daviri matu to Abrahanchi alica jominue. Junni in pilabi casale casaleri Jesucrístochi matu tatalachi mumunca jera pila chutechinayoe.
Matthew 2:2 in Colorado 2 itsanlatinue: —Fechi tobi chuto uyan quiran tsaboca quiralaquiyoe tilatinue. Junni jun tsaboca quirato, in tobi na manca nainueque miilaiyoe. Ya nari israelítalachi miya jono joe latinue. Junni junca miito ya náca se tibi jalainayoe latinue.
Matthew 2:7 in Colorado 7 Junni Heróderi jun fiquica meráto, mácolaca nosa jasa carito, yalabe sele panhato itsantinue: —¿Nulari ya tsaboca numasi quiralaquiyun? tinue.
Matthew 22:42 in Colorado 42 —¿Diosi wenteca Cristo tinunca niya quiraque tenca calaquiyun? ¿Mochi alica jochunan? tie. Aman fariséolari Jesube manpato, matu to miya Davichi alica jochunae tilatie.
Matthew 22:45 in Colorado 45 Junni Jesús Diosichi Pilabi chutecaca tsanque manpasi, itsantinue: —Aman junni Cristo tinun tsachi miya Davichi alica jonari, ¿niyaito Davinan yaca Miya tinun? tie.
Luke 1:78 in Colorado 78 Junni Diosi chiquilaca duque laquirato, chiquilachi jutsaca piyarichunae tinue. Chiquilaca laquirato, chiquilachite jamochi nechi tsechunae.
Romans 1:3 in Colorado 3 Diosichi mantate paminlari yachi Naoca cuenta quilaquinue. Yari tsachila tala miya Davichi alica jominue. Junni tsachi jotonan, Diosichi Nao patsa jominue. Ya Nao puyaca jominca Diosichi sonban Tenca sen joto yaca mansoncarinue. Junbe miintsan joe Diosichi Nao joeque. Ya Naori chiquilachi Miya Jesucristo joe.
Romans 9:5 in Colorado 5 Matu tote Diosi wenteca junlachi alicala jolajoe. Tsachi tala patori, Diosi wenteca Cristo tinun tsachinan israelita tsachi jominue. Yari jeralelaca mantamin Diosi jonun tenchi, yaca numatotiya se tintsan joe. Tsanque joe.
2 Peter 1:19 in Colorado 19 Junni matute Diosichi mantate paminlanan Jesucrístoca cuenta quilaquinue. Junni chiquilanan ura miralarayoe tsarasi fiqui joeque. Yalari tenca mántari natiya pila chutetulajonue. Yalaca Diosichi Tenca tsanque pila chutesa carinue. Tsanque yachi mantate pila chutelaquinue. Junni in fiquica seque meralaquina! Nulachi Diosichi Pilaca miino muquilaquinari, nulachi tenca munateri epe quiratuntsan joe. Matute pila chuteminla man quiraque chutecaca quirato, uyan quiraque pánae titulajona! Jun fiquica seque meránola joe nemente lanparinchi quiranun cuwenta. Tsanque meránari, Jesucrístori nulachi tencabi jera tsechunae. Casale quepenan tsemin tsabo cuwenta tseto, junsi jera malon cuwenta tsen suwachunae.
Revelation 1:1 in Colorado 1 In cuenta Jesucrístochi joe. Casaleri miituntsan jominca Diosi Jesucrístochi micuwanue yape yabe mantaiminlachi manmicuwasa. Inale niyanhino jonunca miralarasa yalachi junca micuwano jominue. Junni Jesucristo yachi anjelica erenue yape junca lachi jera micuwasa. Junni la Juan
Revelation 1:4 in Colorado 4 La Juan in pilaca chutenayoe. Asia tobi sieteca pueblobi Jesucrístochi tsachila man bolon man bolon chularae. Yalachi erechun in pilaca quinayoe. Apa Diosibenan, yachi Tencabenan, Jesucrístobenan rocainayoe yape nulaca laquirato seque ayudailaisa. Diosi matunan jomin joto, amananan cajoto, inanan cajochunae. Yachi Tenca sieteca Tenca tsan joto ya mantato chudinun caquele joe. Jesucrístori puyatonan mansonhinue. Ya casale tsanhica joe. Yari Diosica tsarasica pamin joto, jerale to miyalachi Miya joe. Junni la yalabe rocainayoe yape nulari wepanatuto pansi chularasa. Jesucristo chiquilaca duque laquirato, chiquilachi jutsaca yachi asanchi tsaleca joe.
Revelation 2:7 in Colorado 7 Junni punqui chunla jotori, seque meránola joe Diosichi Tenca yachi tsachi bolonlabe pánanunca. Meralaquede! Diosichi sen tobi sen chide pele chue. Jun chide pucaca fiminlari numatotiya sonnato polelaichunae. Junni fe iminlachi ya pucaca cufiyanae tie. Efésobi chuminlachi tsanque pila quisa carie.
Revelation 2:11 in Colorado 11 Punqui chunla jotori, seque meránola joe Diosichi Tenca yachi tsachilabe pánanunca. Seiton puyaca junla inale manan manpuyalaichunae. Junni fe iminlari natiya manan manpuyalaituchunae. Esmírnabi chuminlachi tsanque pila quisa carie.
Revelation 2:17 in Colorado 17 Junni punqui chunla jotori seque meránola joe Diosichi Tenca yachi tsachilabe pánanunca. Jana maná tinun finoca tsato tayoe. Junni feiminlachi junca cuwanae. Junsi motiya feinari, yachi fiban suca cuwanae. Jun sulabi casan mumun chutecala jochunae. Ya mumunca caminlasiri ti mumun jonunca miralarachunae. Uyanlari monantiya miitolajochunae. Pérgamobi chuminlachi tsanque pila quisa carie.
Revelation 2:28 in Colorado 28 Quepenan tsemin tsabocanan yalachi cuwanae.
Revelation 3:6 in Colorado 6 Punqui chunla jotori, seque meránola joe Diosichi Tenca yachi tsachilabe pánanunca. Sárdibi chuminlachi tsanque pila quisa carie.
Revelation 3:13 in Colorado 13 Junni punqui chunla jotori seque meránola joe Diosichi Tenca yachi tsachilabe pánanunca. Filadélfiabi chuminlachi tsanque pila quisa carie.
Revelation 3:22 in Colorado 22 Punqui chunla jotori seque meránola joe Diosichi Tenca yachi tsachilabe pánanunca. Laodicéabi chuminlachi tsanque pila quisa carie.
Revelation 5:5 in Colorado 5 Junni unica manca labe itsantie: —Waretude! tie. Quirade! tie. Tsachi manca jun pilaquidoca woleno podeichunae. Yari Judachi alica tsachi joe. Duque poden jonan, yaca Luquela timinla joe. Matu to miya Davichi alicanan joe. Ya fe loca joto, seyoca boleto, pilaquidoca woleno podeichunae tie.
Revelation 22:1 in Colorado 1 Junni anjeliri pi jinanunca lachi quirawoe. Ya piri numatotiya sonnasa carimin pi joe. Duque uraran tseba pin joe bidrio cuwenta. Diosibe Opisa Nabe mantato chudinunbi nechi jun pi bulanae.
Revelation 22:6 in Colorado 6 Junni anjeli labe pato itsantie: —In fiquiri tsarasi quereintsan fiqui joe tie. Miya Diosi yachi anjelica eree tie yape yabe mantaiminlaca meracarisa inale niyan ino jonunca. Diosiri yachi mantate paminlachi tenca cuwamin joe tie yape yachi fiquica seque palaquisa.
Revelation 22:11 in Colorado 11 Junnasanan jutsa quiminlari yape jutsa quinilaquinasa! tie. Seitonla yape seiton cajonilajosa! Senla mantimini peleituto sen jolajosa! tie. Yape Diosichi tsachilari Diosichi mantate canenalarasa! tie.
Revelation 22:20 in Colorado 20 Jesús in fiquica pasa carimin joto, la moora manpatanae tinae. Tsa tie. Miya Jesús, manpatana!