Matthew 7:21 in Colorado 21 Junni Jesuri capánato itsantie: —Weyan tsachila laca Miya timinla jotonan, Diosi mantananun bolon tsachilabe peitolajochunae to yucapiyarino mate. Jamochi chumin Apa Diosichi mantaca merántsan jochunae. Lachi Diosichi mantaca meráminlasiri yachi bolonbi pejolajochunae tie.
Other Translations King James Version (KJV) Not every one that saith unto me, Lord, Lord, shall enter into the kingdom of heaven; but he that doeth the will of my Father which is in heaven.
American Standard Version (ASV) Not every one that saith unto me, Lord, Lord, shall enter into the kingdom of heaven; but he that doeth the will of my Father who is in heaven.
Bible in Basic English (BBE) Not everyone who says to me, Lord, Lord, will go into the kingdom of heaven; but he who does the pleasure of my Father in heaven.
Darby English Bible (DBY) Not every one who says to me, Lord, Lord, shall enter into the kingdom of the heavens, but he that does the will of my Father who is in the heavens.
World English Bible (WEB) Not everyone who says to me, 'Lord, Lord,' will enter into the Kingdom of Heaven; but he who does the will of my Father who is in heaven.
Young's Literal Translation (YLT) `Not every one who is saying to me Lord, lord, shall come into the reign of the heavens; but he who is doing the will of my Father who is in the heavens.
Cross Reference Matthew 10:32 in Colorado 32 Junsi Jesús ereno junlaca camicarinato itsantie: —Junni tsachilaca jeleratuto, la tenchi natiya luratulajona! tie. Tsachilachi cale lachi tsachi joyoe tinilatina! tie. Tsantiminlaca lanan lachi tsachila jolajoe tiyanae tie lachi Apa Diosichi cale.
Matthew 12:50 in Colorado 50 Lachi Apa Diosi jamochi chue. Junni jerale yachi mantaca meráminlacanan lachi acola, lachi soquila, lachi ayanla tiyanae tie.
Matthew 18:3 in Colorado 3 itsantie: —Nulabe tsarasica pachinayoe tie. Nula casan tala tenca mancato, nalala cuwenta inola jochunae tie. Tsanhitutori Diosi mantananun tsachi bolonbi nin winotiya podeilaituchunae tie.
Matthew 18:10 in Colorado 10 Junsi Jesús man fiquiman micarie: —Nalalaca natiya yape, epe jolajoeque tenca catulajona! tie. Yalachi anjelila jamochi rato, lachi Apa Diosichi cale numasitiya wiruralarae.
Matthew 18:19 in Colorado 19 Junto Jesús chiquilabe manan manpachinayoe tito itsantie: —Nula palucari o pemancari lachi mantate layailainari, lanan nulabe pejoanae tie. Junni nula tala layaito rocailaina! tie. Paluca nacá jototiya, ticatiya rocainilaina! Man tencari cato rocailainari, lachi Apa Diosi nulaca meráto tsanhisa carichunae tie.
Matthew 18:35 in Colorado 35 Jesús tsanque cuenta polarisi, chiquilabe itsantie: —Lachi Apa Diosi nulacanan jun tsannan quichunae tie. Nula uyanlaca tencabi perdonailaitunari, nulacanan perdonaituchunae tie.
Matthew 19:24 in Colorado 24 Manan mantsantichinayoe tie. ¿Cameyo acusa forose numanan poleno podeituchunaco? Aman oco tsachila Diosichi bolonbi pewino, junca fécari tenfe jochunae tie.
Matthew 21:29 in Colorado 29 Naori jitiyoe titonan, wanbile tenca mancato jichunae tie.
Matthew 25:11 in Colorado 11 Junni inale tenca iton sonalanan manfato quiranari, tamolanca doca jochunae. Aman junca quirato otito, Miya, chiquilaca pocade! latichunae tie.
Matthew 25:21 in Colorado 21 Junni patronni yaca se tichunae. Nu sen peyun joe tichunae. Nasi calaca seque necosio quinue. Junnan nuca fécari mantá tan suwachinayoe tichunae. Labe pansi jona! tichunae tie.
Matthew 26:42 in Colorado 42 Junni Jesús tsantisi, manan manjito Diosibe manrocainue. Itsantinue: —Lachi Apa, la padeseinoca polaride! Aman padeseinamincanan polarino jotori, yanan se jochunae. Nu tsanque mantanari, tsanhiyanae tinue.
Mark 3:35 in Colorado 35 Jeralela Diosichi mantaca meráminlacanan lachi acola, lachi soquila, o lachi ayanla tiyanae tinue.
Mark 10:23 in Colorado 23 Junni Jesuri yachi awinta quirato, yachi tsachilabe itsantinue: —Fe oco tsachilari Diosi mantananun tsachi bolonbi pewino duque tenfe jochunae tinue.
Luke 6:46 in Colorado 46 Junsi Jesús itsantinue: —Nulari laca Miya joe tinatonan, merátuminlae tinue.
Luke 11:28 in Colorado 28 Junni Jesús yaca meráto, itsantinue: —Aman tsan josanan, Diosichi fiquica meráto obedeseiminla fécari pansi jonola joe tinue.
Luke 18:25 in Colorado 25 Meralaquede! Cameyo acusa forose numanan poleno podeituchunae tinue. Aman fe oco tsachila Diosi mantananun bolonbi pewino fécari tenfe jochunae tinue.
John 3:5 in Colorado 5 Jesuri junca meráto itsantinue: —Nube tsarasica pachinayoe tinue: Pibe Diosichi Tencabenan na mansuwamin joe. Tsanhituminlari Diosi mantananun tsachi bolonbi wino podeilaituchunae tinue.
John 5:17 in Colorado 17 Jesús mantimini yalabe itsantie: —Lachi Apa Diosi trabajaquino cadeitue. Junnan lanan deitiyoe tie.
John 6:40 in Colorado 40 Lachi Apari itsanque munarae: Yachi Naoca tennato yabe cayaiminlari jeralela numatotiya sonnato polenola joe. Junto to jeraino mate yalaca mansoncarino joyoe tie. Lachi Apa Diosi tsanque mansoncarisa munarae tie.
John 7:17 in Colorado 17 Diosichi fiquica meráchi timinlari miralarachunae la Diosichi mantate micarinanunca o tencachique mantate micarinanunca.
John 10:29 in Colorado 29 Lachi Apa Diosi ya opisa cuwenta junlaca labe cayaisa carimin joe. Yari jeralelaca fécari sonban jonan, monantiya yachi tedebi nechi josoleno podeilaituchunae tie.
John 14:7 in Colorado 7 Nula laca miralaramanpari, lachi Apa Diosicanan mirano jominla jonhoe. Amanale nechi yaca miralarayoeque tenhilaide! tie. Yaca quiraminlanan joe tie.
John 15:23 in Colorado 23 Yala laca pa nenaminla lachi Apa Diosicanan pa nenalarae tie.
Acts 14:22 in Colorado 22 Jesucrístobe penenaminlaca sonba tenca suwadede manjilainue. Yalaca seque payito, nula Crístobe cayaica joto, yaca natiya telaquepotuto nenalarana! tilatinue. Nulari Diosi mantananun tsachi bolonbi pejochun duque padeseino patilaichunae tilatinue.
Acts 19:13 in Colorado 13 Junni tsan josanan uyan israelítalanan manca manca yucanchi ococa mansularide nenaminlanue. Junni weyanlari Jesucrístochi tsachila itotonan, Jesucrístochi mantate yucanchi ocolaca mansularichique tenfenaminlanue. Yucanchi ocobe itsantimin jominlanue: Pablo panun Jesuchi mantate nuca mantanayoe timin jominlanue.
Romans 2:13 in Colorado 13 Israelítala Diosichi mantaca miratonan, titiya quino cajolajoe. Jun mantaca miratonan meralaquitunari, Diosi yalaca sen jolajoe tituchunae. Jun mantaca meráminlacari Diosi sen jolajoe tichunae.
Romans 12:2 in Colorado 2 Diosica tennatuminla cuwenta nenalaratuna! Te, casan tenca ide ide manjilaina! Tsanhitori, miralarachunae Diosi niyaque munaranunca. Junni nulanan jera sen jonunca miralarachunae yape Diosi nulaca sen jolajoe tisa.
Colossians 4:12 in Colorado 12 Epáfranan nulachi saludo erenae. Yanan nulachi pueblobi nechi joto, Jesucrístochi tenchi ticatiya quito nenamin joe. Yari nulachi tenchi numasitiya Diosibe nulaca laquirato rocaimin joe. Nulari Diosi jera munaranunca miito, sonba tenca ito nenanola joe. Junni Epáfrari nulachi tenchi Diosibe rocaimin joe yape nula tsanque nenalarasa.
1 Thessalonians 4:3 in Colorado 3 Diosi nulaca nantanancari fe seque nenalarasa munarae. Seque nenato, uyan sonalabe o uyan unilalabe nosa seitonque nenasa munaratue.
1 Thessalonians 5:18 in Colorado 18 Nulaca niyan quilaquinasatiya, Diosibe acradeseilaina! Nulaca Jesucrístochi tsachila jolajonan, Diosi tsanque seque nenalarasa munarae.
Titus 1:16 in Colorado 16 Junni ya nene paminlari Diosica mirayoe timinlae. Tsan josanan, yala titiya seitonque quinanunca quirato, sele miintsan joe Diosica miitolajoeque. Seiton jolajoe. Merátuchi timinla joto, natiya seque quino podeilaitue.
Hebrews 4:6 in Colorado 6 Junni casale jasaino jominlari Diosica merátuchi tito jasaino podeitunan, weyanlari jasaino capodeilaichunae.
James 1:22 in Colorado 22 Junni jun fiquica meráto, seque mantainola joe. Merátonan mantaitutori, epenan meralaquichunae. Tencachique encanaimin jolajochunae.
James 2:20 in Colorado 20 Nulari tenca itolajoe. Seque nenatutori, Diosica tennano epe jochunae. Aman junca miino muquilaquinari, in fiquica meralaquede!
1 Peter 2:15 in Colorado 15 Diosiri nulaca tsanque mantaca joe yape nulari ya mantá tanlaca meralaquisa. Junni seque nenato, tenca itonlaca nosa isa carilaquinachunae.
1 John 3:21 in Colorado 21 Junni amicola, chiquilachi tencabi culpa tenhitutori, Diosibe luracaituchunae.
Revelation 2:27 in Colorado 27 Yalari jerale tote chuminlaca sonba mantalaquichunae. To nidaca piti talulu boleca cuwenta, seitonlaca sonba casticaquilaquichunae. Lachi Apabe jun mantaca cato, yalachi tsanque mantá cuwanae yape tsanque mantalaquisa.
Revelation 3:5 in Colorado 5 Fe iminlaca tsanque fibaquin camisa pocariyanae. Yalachi mumun Diosichibi sonnanun pilabi chutecaca natiya piyarituanae. Lachi Apa Diosichi cale, yachi anjelilachi cale, junlaca sen jolajoe tiyanae.
Revelation 22:14 in Colorado 14 Tsanpaca tsalenun cuwenta tencaca mantsalentsan joe tie sen jochun. Tencaca tsaleca junlari duque son jolajochunae tie. Yala Diosichi pueblo tamolanse wito, numatotiya sonnasa carimin chide pele pucaca fino podeilaichunae tie.