Matthew 12:18 in Colorado 18 Quiralaquede! Tsachi manca Diosi wenteca jun joto Diosibe mantaimin jochunaeque chuteca joe. Diosi yaca laquirato se tiyoe tichunae. Diosi yachi Tencaca ya tsachichibi wisa carichunaeque chuteca joe. Junni ya tsachi piyanle tote chuminlabe pachunae Diosi yalachi tenchi seque quino joeque.
Other Translations King James Version (KJV) Behold my servant, whom I have chosen; my beloved, in whom my soul is well pleased: I will put my spirit upon him, and he shall shew judgment to the Gentiles.
American Standard Version (ASV) Behold, my servant whom I have chosen; My beloved in whom my soul is well pleased: I will put my Spirit upon him, And he shall declare judgment to the Gentiles.
Bible in Basic English (BBE) See my servant, the man of my selection, my loved one in whom my soul is well pleased: I will put my Spirit on him, and he will make my decision clear to the Gentiles.
Darby English Bible (DBY) Behold my servant, whom I have chosen, my beloved, in whom my soul has found its delight. I will put my Spirit upon him, and he shall shew forth judgment to the nations.
World English Bible (WEB) "Behold, my servant whom I have chosen; My beloved in whom my soul is well pleased: I will put my Spirit on him. He will proclaim justice to the Gentiles.
Young's Literal Translation (YLT) `Lo, My servant, whom I did choose, My beloved, in whom My soul did delight, I will put My Spirit upon him, and judgment to the nations he shall declare,
Cross Reference Matthew 3:16 in Colorado 16 Junni Jesús mumunhitobi, pibi nechi manlonasanan yoquido lasainue. Junni Diosichi Tenca palomanan quiran ito patanaminca quiranue. Yachi jamo patanunsi,
Matthew 17:5 in Colorado 5 Junni Pedro tsanque cuenta quinasa, tseban poyo yalaca donue. Junni jun poyobi nechi fiquica itsanque meralaquinue: —Inni lachi munatinun Nao joe tinue. Yaca sen joe tiyoe tinue. Junni yaca meralaquina! tinue.
Mark 1:11 in Colorado 11 Junsi fiquinan jamochi nechi mera jominue. Yari itsantinue: —Nuri lachi duque munatinun nao joe; nu tenchi duque son joyoe tinue.
Mark 9:7 in Colorado 7 Junni Pedro tsanque cuenta quinasa, poyo yalaca donue. Junni jun poyobi nechi fiqui itsanque meralaquinue: —Inni lachi munatinun Nao joe tinue. Junni yacari meralaquina! tinue.
Luke 2:31 in Colorado 31 Nu in náca piyanlelachi tenchi eree.
Luke 3:22 in Colorado 22 Junni Diosichi Tenca palomanan quiran ito pataca josa, jamochi nechi fiqui mera jominue. Itsantinue: —Nuri lachi duque munatinun naoe tinue. Nu tenchi duque son joyoe tinue.
Luke 4:18 in Colorado 18 Tsachi manca Miya Diosichi Tenca labe joe tichunaeque chuteca joe. Ya tsachica Diosi mantá tan suwachunae yape poperelaca sen fiqui micarisa. Diosi yaca erechunae yape tencabi laqui junlaca pansi josa carisa. Doraminlaca manlonola joe tisa erechunae. Quirano podeitonlaca manquiranola joe tisa erechunae. Seitonlabe padeseinaminlaca telasa carisa erechunae.
Luke 9:35 in Colorado 35 Aman poyobi nechi fiqui itsanque meralaquinue: —In lachi laquiranun Nao joe tinue. Junni yaca meralaquina! tinue.
Luke 23:35 in Colorado 35 Aman israelítala junte quiranato, mantaminlari Jesuca lucarito itsanlatinue: —In tsachi uyanlaca se larimin joyoe timinhe latinue. Junni yari Diosi wenteca jun Cristo jotori, tencachiquenan se lontsan joe tilatinue.
John 1:32 in Colorado 32 Junto Juan Jesuca jun cuenta quinato, man fiquinan itsanque pae: —Lanan miitomanyoe tie ya mo jonunca. Junni Diosi lachi micuwae. Laca tsachilaca pibi mumunsa ereto, labe man fiquinan pae tie. La quiranasanan, yachi Tenca patachunae tie tie. Tsachi mancachibi patato jamo chudichunae tie tie. Ya tsachiri pibiri mumuntumin jochunae tie tie. Yari Diosichi Tencachi mumunmin jochunae tie tie. Diosi labe tsanque cuenta quee tie. Junni yachi Tencaca quirayoe tie. Paloma tsan jamochi nechi patato, Jesúchibi jamo chudie tie.
John 3:34 in Colorado 34 Jesuri Diosi ereca jun jato, Diosichi fiquica pamin joe. Junni Apa Diosi yachi Tencaca Jesuchi cuwanato, nasi nacári cuwatunue; jera cuwanue.
Acts 10:38 in Colorado 38 Junsi Diosi Jesús Nasarénoca wenteto, yaca sonba tenca suwanue tinue. Diosichi Tenca Jesube tsaracari seque penenaminue. Junni Jesús seque quito nenaminue. Yucan pasuwaca junlaca Jesús mansemin jominue. Diosibe ura mantaito tsanque seque nenaminue.
Acts 11:18 in Colorado 18 Junni Pedro tsantinaminca meráminla, natiya beco pano podeilaitunue. Junni Diosica duque seque pato itsantilatinue: —Junni Diosi israelita itonlacanan jutsa quinunca telaqueposa carito, casan tala tenca mancasa carinae tinue yape yalanan numatotiya Diosibe sonnato polelaisa.
Acts 13:46 in Colorado 46 Juntonan Páblobe Bernabebe natiya jeleratuto, israelítalabe itsanlatinue: —Nulacari Diosichi fiqui casale micarino jominlayoe latinue. Nula mantimini ya fiquica natiya merátuchi tilatinae latinue. Diosibe numatotiya sonnato poleno munaitumin tsanni jolajoe. Jun tenchi chiquila nulaca telaquepoto, israelita itonlachica jilaichinayoe tilatinue. Yalaca Diosichi fiquica micaribi jilaichinayoe latinue.
Acts 14:27 in Colorado 27 Junni Antioquíaca manjasi, Jesucrístochi tsachilaca layaisa carito, yalabe cuenta quilaquinue. Diosi yalaca ticatiya jera quisa carica jonunca, Diosi niyaque israelita itonlacanan Jesucrístobe cayaisa carica jonuncanan jera cuenta polarilaquinue.
Acts 26:17 in Colorado 17 Junsi laca israelita itonlachica erechinayoe tie. Junsi laca isaichinayoe tie tinue yape israelítalanan, israelita itonlanan totelaquitusa.
Romans 15:9 in Colorado 9 Israelita itonlachi tenchinan janue yape yalanan Diosica duque se tito, yalaca laquiramin joeque miilaisa. Diosichi Pilabi israelita itonlanan Diosichi tsachila inola joeque itsanque chuteca joe: Israelita itonlachite Diosica tsara se tito, yachi tenchi cantaqueyanaeque chuteca joe.
Ephesians 1:6 in Colorado 6 Chiquila Diosichi munatinun Naochi tsachila jonan, Diosi chiquilaca duque laquirato, chiquilaca senla joe timinhe. Junto chiquilaca wentenue yape Diosi duque laquiramin jonan yaca sen joe latisa.
Ephesians 2:11 in Colorado 11 Junni nula israelita itonlabe itsanque cuenta quechinayoe: Israelítala yalachi quidoca poreminla joe. Diosichi tsachilayoe tito tsanque poreminla joe. Junto israelítala nulaca epe joe tito porecaica itonla joe timinla joe. Nulaca Diosichi tsachila itolajoe timinla joe.
Ephesians 3:5 in Colorado 5 Junni ya fiquiri matu male nechiri miratunun jomin jotonan, amanari miranun ica joe. Crístochi mantá tanlanan, Diosichi mantate paminlanan, ya fiquica miralarayoe. Diosichi Tenca chiquilachi tencabi wica joto micarie.
Philippians 2:6 in Colorado 6 Yari Diosi jotonan, Diosibe parejo cajochique tenfetunue.
Colossians 1:1 in Colorado 1 La Pablo nulachi saludo erenayoe Colosa pueblobi chuminlachi. Diosiri laca wentecae yape Crístochi mantá tan nenasa. Junni labe Timoteo acobe nulachi saludo erelaquinayoe. Nulari Diosichi tsachila jolajoe. Crístobe cayaica joto, chiquilachi acola, soquila icala joe. Jun tenchi nulabe saludailainayoe. Chiquilachi Apa Diosibe Miya Jesucrístobe nulaca laquirato pansi chularasa carisa tenjalaquee yape wepanatuto chularasa.
Colossians 1:13 in Colorado 13 Chiquilachi tencabi yucanbe mantainato, nemen cuwenta jominlayoe. Junni tsan jominlaca Apa Diosiri chiquilaca manse larito, yachi laquiranun Nao mantananun tsachi bolonbi penenasa carinue.
1 Peter 2:4 in Colorado 4 Jesucrístobe cayaicala joto, Diosi chunun ya cuwenta jolajochunae. Diosichi Pilabi matu tote Jesucrístoca itsanque pato pila chuteca joe: Quiralaquede! Diosiri israelítalachibi ya quichun su cuwenta tsoreno joyoe tie tinue. Diosi jun suca duque mica sen su jochunae tie tinue. Jun suca tsorechun wentecayoe tie tinue. Junto ya quichun fécari munaranun su cuwenta jochunae tie tinue. Junni Diosi tsanque suca cuenta quinato, Crístoca tsantinaminue. Yari son su cuwenta joe. Jun tenchi Diosichi Pilabi itsanquenan chuteca joe: Yabe cayaiminlari lu tituminla jochunaeque chuteca joe. Nulari yabe cayaicala joto, yasiri duque sen joe timinla jochunae. Uyanla mantimini Jesucrístoca quereituto, yaca telaquepolaquinue. Jun tenchi Diosichi Pilabi Jesucrístoca su tito itsanque chuteca joe: Suca ya quiminlari jun suca quirato, seitoe tito, telaquepolaquichunaeque chuteca joe. Tsan josanan, ya quichun fécari munaranun su cuwenta jochunaeque chuteca joe. Junni suca telaqueponun cuwenta Jesucrístoca quereituto munaratiyoe latie. Tsan josanan Diosiri Jesucrístoca wenteto, tsara sen joe tinue. Diosichi Pilabi chuteca jominue yalari quereituminla jochunaeque. Itsantinue: Jun suri quepoisa carimin su jochunae tinue yape quepoilaisa. Junni Diosichi Pilaca merátuto quepoiminlae. Matute tsanhichunae tica josa, jun tsanquenan patinue. Junni nulanan son su cuwenta jonola joe. Aman jana suca ya quinun joe. Junni nulanan layaito, Diosichi ya cuwenta jolajochunae yape nulachibi chusa. Junni man talaman cuenta quilaquisa! Diosi nulaca yachi sen patelela suwanue. Patelelari Diosica se tito, yachi ticatiya epe cuwaminla joe. Aman nulari jeralela patelela joto, nulachi tencacanan Diosichi cuwalaquichunae. Jesucrístochi mantate tsanque cuwanari, Diosi se joe tichunae.
2 Peter 1:17 in Colorado 17 Apa Diosi yaca se tito, uraran tsen isa carica jominhe. Junni Diosi duque tsaracari mantá tan joto, inni la muna tito sen joe tinun Nao joe tie.