Mark 12:10 in Colorado 10 Jesús micarichun ya cuentaca polaritobi, israelita mantaminlabe itsantinue: —¿Diosichi Pilabi itsantinunca natiya quiratuminlayun? Junbi itsanque chuteca joe: Suca ya quiminlari su mancaca seitoe tito quepolaquichunaeque chuteca joe. Juntonan tsanquica josanan, wanbile ya suri fe munaranun sen su jochunaeque chuteca joe tinue.
Other Translations King James Version (KJV) And have ye not read this scripture; The stone which the builders rejected is become the head of the corner:
American Standard Version (ASV) Have ye not read even this scripture: The stone which the builders rejected, The same was made the head of the corner;
Bible in Basic English (BBE) Have you not seen this which is in the Writings: The stone which the builders put on one side, the same was made the chief stone of the building:
Darby English Bible (DBY) Have ye not even read this scripture, The stone which they that builded rejected, this has become the corner-stone:
World English Bible (WEB) Haven't you even read this Scripture: 'The stone which the builders rejected, The same was made the head of the corner.
Young's Literal Translation (YLT) And this Writing did ye not read: A stone that the builders rejected, it did become the head of a corner:
Cross Reference Matthew 12:3 in Colorado 3 Junni Jesuri yalaca meráto itsantie: —Matu to miya Davica pila chutecaca mantenhilaide! tie. Davibe yachi tsachilabe epe tsachila fitunun bibuca finilaquinue tie. Ya bibu Diosichi cuwaca jun bibu jonan, patelelasiri fino jominlanue. Tsan josanan, Davílari ano mochi pasainato, Diosichi yabi wito, ya bibuca cato finilaquinue tie. Tsanquicala josanan, nula yalaca culpa quituminla joe tie.
Matthew 19:4 in Colorado 4 Junni Jesús yalabe beconan pato itsantie: —Diosichi Pilabi itsanque chuteca joe tie: Diosi casale tsachilaca quinato, unila manca, sona manca quinueque chuteca joe tie. Jun tenchi unila tsachi uwaito, yachi apaca, ayanca purato, sona cato, junto unilabe sonabe palunan manca tsachi cuwentari jolajochunaeque chuteca joe tie. Nulanan jun pilaca quiracala jonhoe tie.
Matthew 21:16 in Colorado 16 Jesube itsantilatie: —¿Ya nalala epe pánanunca meranayun? latie. Jesús meranayoe tisi, yalabe itsantie: —¿Nulari niyaito Diosichi Pilaca miitolajoyun? tie. Junbi itsanque chuteca joe: Diosi nalalacanan micarichunaeque chuteca joe yape jera seque se tilatisa.
Matthew 21:42 in Colorado 42 Tsantinunsi Jesús itsantie: —Tsa tilatie. Junni nulari ya seiton cuidaiminla cuwenta jolajoe. Junni Diosi yachi mantaca nulachica manjosoleto, uyan to tsachilachi mancuwachunae. Uyanla yabe cayaito, seque nenalarachunae. Aman man fiquiman meralaquede! Quepoca jun suca Diosichi Pilabi chutecaca quiraminla jonhoda. Itsanque chuteca joe: Suca ya quiminlari su mancaca seitoe tito quepolaquichunaeque chuteca joe. Juntonan tsanquicala josanan, wanbile ya suri fe munaranun sen su jochunaeque chuteca joe. Miya Diosi tsanhisa carichunae tinue. Junca quiraminla tsara sen joe tilatichunaeque chuteca joe.
Matthew 22:31 in Colorado 31 Junsi Jesús itsantie: —Aman puyaca junla mansonhinola jonunca cacuenta quilaquisa! tie. Diosi patsanan nulabe junca paca joe yachi Pilabi. Jun fiquicanan nula quiraminla jonhoe. Puyaca junlaca pato Diosi itsantinue tie:
Mark 2:25 in Colorado 25 Junni Jesús manpato itsantinue: —Matu to miya Davica pila chutecaca mantenhilaide! tinue. Davibe yachi tsachilabe epe tsachila fitunun bibuca finilaquinue tinue. Mantá jominue patelelasiri ya bibuca filaquisa. Tsan josanan, ano mochi pasainato, David Diosichi yabi wito, Diosichi cuwaca jun bibuca cato fito, yabe penenaminlachinan cuwanue tinue. Abiatar tinun tsachi mantá tan patele josa, tsanque finilaquinue. Junni Davila tsanquicala josanan, nula yalaca culpa quituminla joe tinue.
Mark 12:26 in Colorado 26 Aman puyacala mansonhilaichunaeque cuenta quilaquisa! ¿Matu to Moisés chuteca pilaca quiratuminlayun? Junbi tape cuentaca chuteca joe tinue. Tapebi nechi Diosi cuenta quito, itsantinueque chuteca joe: Lari matu to Abrahanchi, Isaachi, Jacóbochi Diosi joyoe tinue.
Mark 13:14 in Colorado 14 Jesús yachi tsachilaca tsanque micarinue. Junsi Jesuri man fiquiman panue. In pilaca quiraminlari in fiquica miichique duque tenfenola joe. Ya fiqui itsanque joe: —Matu to Daniel Diosichi mantate pato, duque seiton suwaminca pato pila chuteca joe. Aman ya seiton suwamin tsachi itono jonunte jochunae tinue. Junni yaca junbi wiruraminca quirasi, Judea tobi chuminla du minu sujinola jochunae tinue.
Luke 6:3 in Colorado 3 Junni Jesuri yala tsantinaminca meráto itsantinue: —Meralaquede! Matu to miya Davica pila chutecaca mantenhilaide! Davibe yachi tsachilabe epe tsachila fitunun bibuca finilaquinue. Mantá jominue patelelasiri ya bibuca filaquisa. Tsan josanan ano mochi pasainato, Daviri Diosichi yabi wito, patele itotonan Diosichi cuwaca jun bibuca cato fito, yachi amicolachinan cuwaniquinue tinue yape filaquisa. Junni Davila tsanquicala josanan, nula yalaca culpa quituminla joe tinue.
Luke 20:17 in Colorado 17 Junni Jesús yalaca beco manquirato, itsantinue: —Nulari yala cuwenta seiton quiminla itonari, ¿ti quichun Diosichi Pilabi itsanque chuteca junhun? tinue. Junbi itsanque nulaca chuteca joe: Suca ya quiminlari su mancaca seitoe tito, quepolaquichunaeque chuteca joe. Juntonan tsanquica josanan, wanbile ya suri fe munaranun sen su jochunaeque chuteca joe tinue. Junni Jesuri jun su cuwenta jono jominue.
Acts 4:11 in Colorado 11 Meralaquede! Diosichi Pilabi itsanque chuteca joe: Suca ya quiminla su mancaca seitoe tito quepolaquichunaeque chuteca joe. Tsan josanan, ya suri uraran fe munaranun su patichunaeque chuteca joe. Junni nulari jun ya quiminla cuwenta jolajoe. Jesucristo jun su cuwenta joe tinue. Nulari yaca seiton joe tito quepocala josanan,
Ephesians 2:20 in Colorado 20 Jesucrístochi tsachila jeralela layaito, suca quica ya cuwenta jolajoichunae. Jesucristo patsa, yari caque chuteca su cuwenta jochunae. Ya quiminlari ya suca quirato miintsan jochunae ya seque quinanunca. Junni Crístochi mantá tanlanan, Diosichi mantate paminlanan, yalari jun ya tenchi simiento quica su cuwenta jolajochunae. Yala micarinanunca meráto seiminla joyoe. Junni nulanan Jesucrístochi joto, jun yabi su cuwenta pejolajoe. Diosichi Tenca nulachibi chusa, nula Diosichi ya cuwenta jolajoe yape Diosi nulachibi chusa. Junni jun yaca quinasanan, quinasanan, Miya Diosichi ya peilainayoe.