John 19:11 in Colorado 11 Junni Jesús itsantinue: —Diosi nuchi mantá cuwaca itomanpari, laca natiya mantano itono jomin jonhoe tinue. Junni laca nuchi cuwapominlari fe culpa talarae tinue.
Other Translations King James Version (KJV) Jesus answered, Thou couldest have no power at all against me, except it were given thee from above: therefore he that delivered me unto thee hath the greater sin.
American Standard Version (ASV) Jesus answered him, Thou wouldest have no power against me, except it were given thee from above: therefore he that delivered me unto thee hath greater sin.
Bible in Basic English (BBE) Jesus gave this answer: You would have no power at all over me if it was not given to you by God; so that he who gave me up to you has the greater sin.
Darby English Bible (DBY) Jesus answered, Thou hadst no authority whatever against me if it were not given to thee from above. On this account he that has delivered me up to thee has [the] greater sin.
World English Bible (WEB) Jesus answered, "You would have no power at all against me, unless it were given to you from above. Therefore he who delivered me to you has greater sin."
Young's Literal Translation (YLT) Jesus answered, `Thou wouldst have no authority against me, if it were not having been given thee from above; because of this, he who is delivering me up to thee hath greater sin.'
Cross Reference Matthew 6:13 in Colorado 13 Yucanbe encanaisa caritude! Chiquilaca se laride! yape yucan chiquilaca fe lotusa. Nusiri Miya joe; nusiri tsara poden joe; nusiri tsara sen mantá tae. Amen
Matthew 26:65 in Colorado 65 Jesús tsantinunsiri, fe mantá tan pateleri duque paito, tencachique camisaca chilenue painanunca miilaisa. Junto weyan mantaminlabe itsantinue: —In Jesús Diosica epele pánae tinue. Ya fiquica meráto, uyan testicolaca natiya munaralaratiyoe. Chiquilanan meralaquiyoe tinue Diosica seitonque pánaminca.
Matthew 27:2 in Colorado 2 Junto Jesuca teleto, Poncio Pilato tinun miyachica tanjito cuwapolaquinue.
Mark 14:44 in Colorado 44 Aman Júdari Jesuca cuwapochun pejaminlabe itsantica jominue yape Jesuca miilaisa: —La tsachi mancaca motito saludaiyanae. Yari Jesús jochunae tica jominue. Junni yaca cato, sele tanjilaina! tica jominue yape sujitusa.
Luke 7:41 in Colorado 41 Junnan Jesús ya fariséoca micarichun, itsanque cuenta polarinue: —Paluca tsachilari tsachi máncachi cala neloralarachunae tinue. Manca duque duque nelorachunae. Manca nasi nacári nelorachunae tinue.
Luke 10:11 in Colorado 11 In pueblo seiton pueblo jonun tenchi to poyocatiya munaralaratiyoe latina! Junto nedecanan piquisilaquinayoe latina! to poyo caraica junca manbalechun. Tsan josanan, man fiquica miilaide! tilatina! Diosi nulachitenan ya mantananun tsachi bolon suwanae tilatina! tinue.
Luke 12:47 in Colorado 47 Junni nulari tencabe jolajona! tinue. Tsachi mancaca duque mantá tan suwanari, yari duque ticatiya quintsan jochunae. Aman nasiri mantá tan suwanari, nasiri ticatiya quintsan jochunae tinue. Junni aman Diosichi mantaca miraminla jun tsanquenan jolajochunae. Miratonan, Diosichi mantaca merátuminla duque casticailaichunae. Aman miitoto seiton quiminla mantimini nasiri casticailaichunae tinue.
Luke 22:53 in Colorado 53 Diosichi yabi ma cura nulachite micarito chuminca calaquitue. Tsanni amana nulachi óra joe. Yucan mantano óra joe tinue.
John 3:27 in Colorado 27 Junni Juan yalaca meráto itsantinue: —Diosi yachi tenca munate chiquila palucaca mantamin joe. Junni Diosi Jesuca fe josa tinari, yari fe mantá tachunae tinue.
John 7:30 in Colorado 30 Junni Jesús tsantinun tenchi, yaca cato dochi tinaminlanue. Tsanlatinatonan calaquitunue. Jesús doino óra caitominue.
John 9:41 in Colorado 41 Jesús yalabe itsantie: —Nula quirano podeitonla cuwenta Diosichi minuca quirachique tenfelainamanpari, culpa itono jominla jonhoe. Tsan josanan, nulari Diosichi minuca seque quirano miralarayoe timinla joto, culpa tanla joe tie.
John 11:49 in Colorado 49 Junni israelita mantaminla tsanque tenpalaquinato, Caifaman panue. Jun watate Caifás yala tala fe mantá tan patele jominue. Junto ya itsantinue: —Nulari tenca iton tala tenpalaquinae tinue.
John 15:22 in Colorado 22 Yalaca payibi jacayoe. Payibi jaca itomanpari, culpa itono jominla jonhoe. Tsan josanan yalaca payibi jacayoe. Junni jun tenchi miitoto, culpa itoyoe tino podeilaituchunae tie.
John 18:3 in Colorado 3 Junto jun postoca mirato, Jesuca pa junlaca junchi tanjananue. Mantá tan patelelanan, fariséolanan soldadolaca Júdabe peerelaquinue. Tsa soldadolabe tenientelabe pejalaie. Espada, tseno tanla jalaie. Junni Jesuca cuwapomin tsachi, ya Judas tinun, yari yalabe pejominue. Junni yala jalainasa, Jesús numa miraminue niyanhichinanunca. Junto yalachica tulaichun jito, Jesús itsantie: —¿Moca neyalaquinayun? tie. Yalari itsanlatie: —Jesús Nasarénoca neyalaquinayoe latie. Jesús mantimini la joyoe tie.
John 18:28 in Colorado 28 Junni quepenan israelita mantaminla Jesuca cato Pilátochica tanjilaie. Ya romano tsachi Jerusalenbi chuminlaca mantamin jominue. Junni Jesuca tanjito, Caifáchibi nechi jito Pilátochi mantanun yaca jilaie. Juntonan yala tanjiminlari jun yabi wilaitue. Casa ma fiesta ano fino podeichun, israelita itonlachi yabi wituntsan jominue. Israelita itonlachi yabi fiesta mate wiminla fiesta ano pefituntsan joe timin jominlanue Diosichi cale culpa ilaiichunaeque.
Acts 2:23 in Colorado 23 Tsan josanan, nulari Jesuca totesa carinilaquinue tinue. Nulari Jesuca cato cuwapolaquinue tinue yape seiton tsachila yaca corosibi totelaquisa. Junnasa mantimini Diosiri junca natiya wepanatunue. Matulenan Diosi miraminue Jesuca totenola joeque. Diosi paca jominue tsanhiniino joeque.
Acts 3:13 in Colorado 13 Chiquila tsanlaquitiyoe; Diosichi Nao tsanquee tinue. Diosi yachi Naochi duque mantá cuwanan, yari in jancan jominca manse suwae tinue. Aman Diosi chiquilachi matu to tatalaca, Abrahanbe, Isaabe, Jacóbobeca, aman yalaca Diosi wentenue yape yachi tsachila jolajosa. Junni nulachi tatalaca wentemin Diosi patsa Jesuchi mantá cuwaca joe. Junni tsan josanan nulari Jesuca cuwaponilaquee tinue yape yaca totelaquisa. Pilato miya yaca manlarichi tinasanan, nulari manlarisa carilaquitue tinue.
Acts 4:28 in Colorado 28 Nu mantimini matulenan jera tenca caya jominue latinue Jesús jera niyan intsan jonunca. Nu tede ponue latinue. Junni Jesuca pa junlari jera ticatiya quinilaquee latinue. Nuri numa pato Itsanquichunae tica josa, jun tsannan quinilaquee latinue.
Romans 11:36 in Colorado 36 Diosiri titiya jera quinue. Ya itomanpari, tinantiya itono jomin jonhoe. Titiya jerale yachi tenchisiri joe. Numasitiya yaca duque se tino jochunae. Tsanque joe.
Romans 13:1 in Colorado 1 Cobiernolaca jeralela meránola joyoe. Diosi patsa jun mantaminlachi mantá cuwanue. Diosi mantá tan suwatumanpari, monantiya mantá itono jominla jonhoe.
Hebrews 6:4 in Colorado 4 Weyan tsachila Diosica miica jotonan, yaca mantelaquepolaquichunae. Yalaca se larinunca tenhica jotonan, Diosichi Tencari yalachibi wica josanan, mantelaquepolaquichunae. Diosichi fiquica sen joeque, Diosi ya mantananun mate tsaracari sonba quichunaeque tenhicala jochunae. Junni tsanque tenhiminla jotonan, Diosica mantelaquepolaquinari, yalaca mancayaisa carino podeituntsan jochunae. Yalanan tenca mánta Diosichi Naoca corosibi manan toteminla cuwenta jolajochunae. Jeralelachi cale yaca lucariminla jochunae. Tsanquiminlaca jutsaca mantelaqueposa carino podeituntsan jochunae.
James 1:17 in Colorado 17 Diosisiri jera senca cuwamin joe. Yari yoca, peca, tsaboca quimin joto, yalari canbiyaiminla jonan, yari canbiyaitumin joe. Yasiri jera senca cuwamin joe.
James 4:17 in Colorado 17 Junni seque quino jonunca miratonan seque quitunari, jutsa jochunae.