Ephesians 1:8 in Colorado

8 Matu male nechi Diosi ticatiya quino tenca canaminue. Cristo ticatiya quino jominue. Junni casale tsachilari junca miitominlanue. Amanari chiquilaca laquirato jera micaricae.

Other Translations

King James Version (KJV)

Wherein he hath abounded toward us in all wisdom and prudence;

American Standard Version (ASV)

which he made to abound toward us in all wisdom and prudence,

Bible in Basic English (BBE)

Which he gave us in full measure in all wisdom and care;

Darby English Bible (DBY)

which he has caused to abound towards us in all wisdom and intelligence,

World English Bible (WEB)

which he made to abound toward us in all wisdom and prudence,

Young's Literal Translation (YLT)

in which He did abound toward us in all wisdom and prudence,

Cross Reference

Matthew 11:19 in Colorado

19 Aman la mantimini tsachi ica jun joto Juan cuwenta nenatiyoe tinue. Lari ano fin, bino cuchin, pequimanyoe tinue. Junni lacanan paito, jilu, junsi winan timinlae. Jutsa quiminlachi amico, tsan quiran inpuesto cala caminlachi amico joe timinlae laca. Diosi mantimini ya seiton curaminlaca natiya tennatue tinue. Yabe tsa miica junla niyaque nenaminlaca quirato miintsan jochunae tinue Diosi sen joeque. Jesús tsantinue.

Romans 5:15 in Colorado

15 Tsan jotonan Jesucristo Adán cuwenta itominue. Itsanque jolajominue. Matu mate tsachi manca Adán tinun, jutsa quito duque tsachilabe seiton jominue. Jutsa quito puyano patarinue. Junni manca tsachi, Jesucristo tinun, yari duque laquiramin joto duque tsachilabe sen jominue. Tsachilaca laquirato, epe cuwanique cuwenta tsachilabe sen jominue. Adán man neri jutsa quinan jerale tsachila yabe culpa tan ilainue. Juntonan tsachila duque jutsa quiminla jotonan, Jesucrístobe culpa iton manpatilaichunae. Epe cuwanique cuwenta yalaca perdonaichunae.

Romans 5:20 in Colorado

20 ¿Junni ti quichun Diosi yachi mantá chutecaca cuwan? Mantá chutecaca cuwanue yape seiton quinun tenchi fécari culpa jolajosa. Junni fécari culpa taminlaca Diosi fécari laquirato perdonaimin joe

Romans 11:33 in Colorado

33 Diosiri ura jera miramin joe. Yari niyaque tenca cananunca, o niyan quinanunca tsachilari miino podeilaituchunae.

1 Corinthians 1:19 in Colorado

19 Diosichi Pilabinan junca itsanque chutesa carica joe: Diosi ticatiya duque miraminlaca pato, miiton jolajoe tiyanae tinue. Duque tenca ocolaca tenca itonla joe tiyanae tinue.

1 Corinthians 2:7 in Colorado

7 Chiquilari uyan quiraque micaya fiquica micariminlayoe. Diosichi sen fiqui joe. Tsachilari tenca mánta numanan miino podeituntsan fiqui joe. Diosi numari mánta ya fiquica miisa carituto, amanari aman micarica joe. To caitosanan Diosiri jun fiquica paca jominue chiquilaca tsara duque sen suwano joyoeque.

Ephesians 1:11 in Colorado

11 Diosiri yachi tenca munate niyantiya quiniquimin joe. Aman chiquila israelítala casale Crístoca quereimin jolajoyoe. Junni Diosi chiquilaca matu male nechi wenteca joto mantanue yape chiquila Crístochi joto yaca duque sen joe tito nenalarasa. Yari duque seque mantamin joe.

Ephesians 3:10 in Colorado

10 Junni mantamin anjelila jeralela, ti jamobi chuminlatiya, Cristo se laricalaca quiralaquichunae. Yalaca quirato tenhilaichunae Diosiri tsaracari tenca tan joeque.

Jude 1:25 in Colorado

25 Yasiri Diosi joe. Yari Miya Jesucrístoca chiquilachi tenchi puyasa ereto, chiquilaca se larinue. Junnan yaca tsara uraran, fe poden, jera mantamin joe tintsan joe. Numarile nechi tsanque sen joto, amananan tsannan cajoto, numatotiya tsannan joto polechunae. Tsanqueri joe.

Revelation 5:12 in Colorado

12 Junni yalari sonba pato itsantilatinae: Totaica jun Opisa Na duque sen joe latinae. Ya sen jonan, yaca mantá tan joe tin, jera tan joe tin, miramin joe tin, sonban joe tin, jelerantsan joe tin, duque sen joe tin, se tinun joe tin, tintsan joe tilatinae.